2 Témɔ́tè 2:15 - Wè-dɔ-wè Dɛɛ

¹⁵ Ì i yí dɔ gágà kɛɛ Wálà zò é dà i píé. Ì kɛ yɛɓo-kɛ-mì lɛ́ yɛ́lɛ̀ làá kɛ yɛɓo lɛ́ à kɛ̀ɛ mɔ́ɔ̀ wɔ̃̀ mɔ̀, lɛ́ è wéé lɛ́ à gbɛ̃̀ɛ̃̀ lɛ Wálà là wánà-wɔ̃̀ɔ mɔ̀ɔ zɔ̃̀ɔ̃̀ kpeĩ lea ká.

2 Témɔ́tè 2:15 Iomraidhean Croise

Máfìù 13:52

Zízɛ̀ a gèe o lɛ̀ɛ, “À mɔ́ɔ̀ wɔ̃̀ mɔ̀ɔ, Wálà kii‐dɔ‐mì nɔ́ɔ fé lɛ́ aà kɛ gbaa tòà‐píé‐mì ká, lɛ́ Wálà lɛ́ e lɛ̀ía tóò lɛ gbaa à làa, lɛ kélɛ̀ ká dàa‐mì lɛ́ è pɛ dɛɛ wà pɛ zii o ɓo là pɔɔ̀ káápìàa lɛ́ ɓe.”

WƆ̃́ LÀṸ YIÈ ZÍ MÁÀ E À BƐ̃̀Ɛ̃ À KÁA 4:33

Zízɛ̀ e Wálà lé-wè gèe o lɛ̀ɛ pĩ̀ã̀ sùu o kéa vɔɔ̀ ká búnùzɛ̀. A gèe o lɛ̀ɛ zí ò bɛ̀i à mɔ̀ ó yí maa káa ká.

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 12:42

Ko Dàa‐mì a gèe kélɛ̀, “Yé lɛ kília, dé e mɔṹ yɛɓo‐kɛ‐mì gíkã́ã̀a zɛ̀, lɛ́ ò bɛ̀i à mɔ̀ ó o zò dɔ à mɔ̀ɔ ká? À ye lɛ́ à dàa‐mì è lo yɛɓo‐kɛ‐mìà séĩ́ lɛ́ o à píé kɛ́ìa, kpɔ́ɔ̀ à kɔ̀ là, tó áà wà léɓèlè nɔ̀ o lɛ̀ɛ à nɔ̀‐o‐lɛ̀ɛ lùò káa.

Àpɔ́sɔ̀lɔ̀ 2:22

“M ɓɛ́ĩ̀ Éézɛ̀lɛ̀-mìà, kà ka tóó dɔ wéé e kéa mɔ̀. Wɔ̃́ lɛ́ à gbɛ̃̀ɛ̃̀ lɛ Zízɛ̀ lɛ́ è go Názàlɛ̀ɛ mɔ̀ɔ, lɛ́ m̀ gèe ɓɛ. Wɔ̃́ kpàlézɛ̀, ɛ̃́ɛ̃́ à lé-pa zɛ̀ nì, e bɛ̀i wɔ̃́ gɔ̃̀ã́ nì lɛ́ Wálà e dɔ à yí, lɛ́ a kɛɛ, à kɛɛ̀ e kɛá kíli, kɛ á zɔ̃̀ɔ̃̀ ka lɛ̀ɛ kélɛ̀ Wálà e kɛ à píé. Káà wɔ̃́ nì e kéa kɛ-wɔ̃̀ yí dɔ. Ƃii à kɛɛ̀ e kɛá ka nyìɛ́ zèe.

Àpɔ́sɔ̀lɔ̀ 20:27

Ƃii m̀ḿ gbaa m dìè tèá wɔ̃́ séĩ́ lɛ́ Wálà aà yà e gé á kɛɛ, gèeè mɔ̀ ka lɛ̀ɛ.

Wólómà 14:18

Mi lɛ́ è lo yɛɓo kɛɛ̀ Kɛ́lɛ̀ì lɛ̀ɛ zi yé e kéa káa, Wálà zò lɛ́ɛ̀ dà à píé, tó mia ɓɔ̀ɔ wáà wèè à kɛ̀-kpeĩ-wɔ̃̀ mɔ̀.

Wólómà 16:10

Ḿm̀ wèè Àpɛ́lè bà. Aà à zɔ̃̀ɔ̃̀ kélɛ̀ lɛ dóo Kɛ́lɛ̀ì là mi ká kpó-kpó ɓo. Ḿm̀ wèè Àlèsɔ́lɔ́bìà píé-kɛ́ì-mìà séĩ́ bà.

Wólómà 6:13

Yékɛ̀ ká ka gbĩ-kpàla lɛ̀ nɔ́ɔ fé dò nɔ kɛ-wɔ̃̀ yɔɔ kɛɛ̀ lɛ̀ɛ, yékɛ̀ é kɛ wɔ̃́ yɔɔ kɛ̀á-pɛ̀ ká. Kɛɛ kà ka dìè nɔ Wálà lɛ̀ɛ, lɛ̀ mia lɛ́ waà gó o ká ga kɛ̀lɛ̀, lɛ́ waà kɛ̀ɓe sɔ̀lɔ̀ ɓoa, lɛ́ ɓe. Ɛ́ɛ̃́ kà ka gbĩ-kpàla lɛ̀ séĩ́ nɔ Wálà lɛ̀ɛ, kɛ é kɛ wɔ̃́ kpeĩ kɛ̀á-pɛ̀ ká.

1 Kɔ̀léĩ́tĩ̀ã̀ 2:6

Kɛɛ kóò gíkã́ wɔ̃̀ gèe mia lɛ́ o mɛ́ kpálà lɛ Wálà mɔ́ɔ̀ wɔ̃̀ yía lɛ̀ɛ. Kɛɛ ye wá gíkã́ lɛ́ e kpóṹ là zèea ká. Ɛ́ɛ̃́ ye wá mia wũ-là-mìà o kpóṹ là zèea, o zì gíkã́ ká. Míá o kília o wɔ̃̀ vɛ̀ì lɛ zɛpìà.

2 Kɔ̀léĩ́tĩ̀ã̀ 10:18

Ƃii mi lɛ́ ko Dàa-mì zò è dà à píéa, ye lɛ́ è e kɔ̀ yà à wìa. Ye wá mí à zò è dà e dìè píéa ká.

2 Kɔ̀léĩ́tĩ̀ã̀ 3:6

À ye lɛ́ e ko kɛ lɛ́ kò bɛ̀i à mɔ̀ kɛ kó yɛɓo kɛ wè-dɔ-wè dɛɛ mɔ́ɔ̀ wɔ̃̀ mɔ̀ɔ. Wè-dɔ-wè dɛɛ e kília, ye wá lɔ́ɔ̀ yé à bɛ̃̀ɛ̃ɛ̃̀ lɛɛ ká. Kɛɛ Gɛ̀ɛ̀ Púlú lɛ́ e wè-dɔ-wè e kília káa. Lɔ́ɔ̀ yé à bɛ̃̀ɛ̃ɛ̃̀ lɛɛ, lɛ́ɛ̀ nu ga ká. Kɛɛ Gɛ̀ɛ̀ Púlú lɛ́ɛ̀ kɛ̀ɓe nɔ mia lɛ̀ɛ.

2 Kɔ̀léĩ́tĩ̀ã̀ 4:2

Ko kã́ã̀ lɛ wɔ̃́ yɛ́lɛ̀ yɛ́lɛ̀ zɛ̀ lɛ́ mia ò kɛ̀ bĩ̀ĩ̀ ká píéa mɔ̀. Ko wá yɛ̀ì-yɛ́í kɛ-mìà ká. Ɛ́ɛ̃́ zeĩ́, kòó Wálà lé-wè gèe nɛ̀ ká. Kóò wánà-wɔ̃̀ gèe e yí púlú zɛ̀, ɛ̃́ɛ̃́ ko ɓe Wálà nyìɛ mɔ̀. Zi nɔ́ e kéa káa, kóò à kɛ-zì nàà kɛɛ mia séĩ́ zì zò gíkã́ zò é dà ko píé.

2 Kɔ̀léĩ́tĩ̀ã̀ 5:9

Kɛɛ kó kɛ bɛ̃̀ɛ̃ ko pà zèea, ɛ̃́ɛ̃́ kó kɛ bɛ̃̀ɛ̃ à píé lɛ̀ía, à zì zò-dà-wɔ̃̀ lɛ́ nɔ́ à kɛɛ̀ è ko zò kũ kpó-kpó ɓoa.

Gɛ̀lésìà 1:10

À kɛ-zì lɛ́ m̀ nàà zeĩ́ kɛ mia zò é dà m píé ɓɛ? Ḿ gɔ̃̀, Wálà lɛ́ yee m̀ nàà à zò é dà m píéa? À kɛ-zì lɛ́ m̀ nàà kɛ ḿ mia zò-dà-wɔ̃̀ kɛ ɓɛ? È kɛ̀á m tó à kɛpìà kília, m̀ḿ gɔ̃̀ kɛɛ̀ Kɛ́lɛ̀ì là yɛɓo-kɛ-mì ká.

Ìfísɔ̃̀ 1:13

Zía lɛ́ nɔ́ e kɛá ka bɛ̃̀ɛ̃ ka káa. Lɛ̀ ka wéé wánà zɛ̀, lɛ́ e wɔ̃́ làṹ yiè lɛ́ e nu la-ɓo ká ka lɛ̀ɛ maa, ka ka zò dɔ Kɛ́lɛ̀ì mɔ̀. Ɛ́ɛ̃́ Wálà e e dɔ̀á kɛ ka mɔ̀, Gɛ̀ɛ̀ Púlú lɛ́ aà e wè dɔ à káa nɔ̀ ka lɛ̀ɛ kolo là.

1 Tɛsàlónìà 2:4

Kɛɛ kóò wɔ̃́ gèe lɛ̀ zí Wálà à nàà kó gèe à káa lɛ́ ɓe, ɓii e wéé ko mɔ́ɔ̀ wɔ̃̀ mɔ̀, ɛ̃́ɛ̃́ e wɔ̃́ làṹ yièa kpɔ́ ko kɔ̀ là. Kòó à kɛ-zì naa kɛ mia zò é dà ko píé. Kɛɛ kóò à kɛ-zì nàà kɛ Wálà lɛ́ è ko zò píé mɛ́ nyɛɛ, kó zò-dà-wɔ̃̀ kɛ.

1 Tɛsàlónìà 5:14

Ko lèe-gé vɔ̀, wɔ̃́ lɛ́ kò nàà ká kɛɛ, gɛ̃̀ e ké. Kà lìè-wè dɔ mia fíàa zɛ̀ lɛ̀ɛ. Kà mia lɛ́ yɛ́lɛ̀ è o kɛ̀ wɔ̃́ kɛɛ̀ yía, o kɛ o fã̀ã́ é wàà. Kà gbũ mia lɛ́ o mɛ́ wá gágàa mɔ̀. Kà ka zò kṹ ka gé mia séĩ́ kɛ-wɔ̃̀ ká.

1 Témɔ́tè 4:6

Yé ɓaà wɔ̃́ kɛ-zì lɛ́ m̀ gèe i lɛ̀ɛ e kéa nɔ lèe-gé vɔ̀ yé o tóa lɛ̀ɛ, íì lo kɛɛ̀ yɛɓo-kɛ-mì kpeĩ ká Kɛ́lɛ̀ì Zízɛ̀ lɛ̀ɛ. Íì lo léɓèlè lɛ́ i gɛ̀ɛ̀ è lo à naà káa sɔ̀lɔ̀ ɓoò. Léɓèlè e kília lɛ́ e kélɛ̀, wéé lɛ́ à gbɛ̃̀ɛ̃̀ lɛ zò-dɔ̀à-mɔ̀ wɔ̃̀ mɔ̀, ɛ̃́ɛ̃́ wéé lɛ́ zeĩ́ à gbɛ̃̀ɛ̃̀ lɛ pɛ-zɔ̃̀ɔ̃̀-kɔ̀ wánà zɛ̀ lɛ́ ɓaà tó à píéa mɔ̀ɔ káa.

Hííbúlù 4:11

À mɔ́ɔ̀ wɔ̃̀ mɔ̀ɔ, kɔ̀à à kɛ-zì kpó-kpó naa kɛ kɔ́á ɓɔ fĩ́ĩ́-dɔpìà e kília mɔ̀, yékɛ̀ kɔa dò nɔ́ɔ fé é Wálà wéè tó lɛ̀ zí wa kɛá, lɛ́ a kɛ lɛ́ o kɔ̃́ lò yi mɔ̀ɔ lɛ́ ɓe.

Zĩ́ĩ̀ 1:12

Mi lɛ́ è to dɔ̀á e dɔ̀lɔ̀ mɔ̀ yé yí-dã́-wɔ̃̀ aà ɓɔ à làa káa, zò géli lɛ à kɛ̀lɛ̀. Ƃii yé aà die yí-dã́-wɔ̃̀ e kília yía, lɛ́ɛ̀ lo e fɔ́nɔ́ lɛ́ e kɛ̀ɓe-zòlò ká, lɛ́ Wálà aà e wè dɔ à ká mia lɛ́ à lɔ̀ kpɔ́ɔ̀ lɛ o mɔ̀ɔ lɛ̀ɛ sɔ̀lɔ̀ ɓoò.

Zĩ́ĩ̀ 1:18

À zì nàà-ká-wɔ̃̀ kolo làa, e à kɛ ko kɛ ɓe wéé wánà zɛ̀ɛ kolo là. A kɛ kíli kɛɛ kó kɛ bèĩzɛ̀ pɛ séĩ́ lɛ́ a kɛɛ bà.

2 Pílɛ̀ 1:10

À mɔ́ɔ̀ wɔ̃̀ mɔ̀ɔ, m lèe-gé vɔ̀, kà à kɛ-zì kpó-kpó naa kɛɛ ká à kɛ ka súo lɛ́ Wálà a kɛɛ, wà ka sí lɛ́ a ɓoa, é kɛ wánà zɛ̀ teele. Ká kɛ̀á kília, kàá ló pèlè gbɛɛ ɓoò gbaa.

2 Pílɛ̀ 1:15

À mɔ́ɔ̀ wɔ̃̀ mɔ̀ɔ, ḿm̀ lo à kɛ-zì naà kɛɛ ḿ zi kɛ ɓe kɛ ka zò é vùò lúó séĩ́ ká wɔ̃́ nì e kéa mɔ́ɔ̀ wɔ̃̀ yí yé maà gaa ká.

2 Pílɛ̀ 3:14

À mɔ́ɔ̀ wɔ̃̀ mɔ̀ɔ, m̀ lɔ̀-kɛ̀á-mìà, lɛ̀ lɛ́ ka tĩã́ yàá Lúó e kília gɛ̀nɛ̀ɛ, kà à kɛ-zì kpó-kpó naa yékɛ̀ pɛ píé ɛ̃́ɛ̃́ kɛɛ nɔ́ɔ fé dò é kɛ ka mɔ̀ Wálà wɛlɛ mɔ̀, ɛ̃́ɛ̃́ kɛɛ zò-yà-gé é kɛ kà ye nì ka fĩ̀ã̀.