2 Témɔ́tè 2:14 - Wè-dɔ-wè Dɛɛ

¹⁴ Ì mia zò vùò wɔ̃́ e kéa ká. Ɛ́ɛ̃́ ì lìè-wè dɔ o lɛ̀ɛ Wálà wɛlɛ mɔ̀ kélɛ̀ yékɛ̀ ó wéé dɔ wéé doò do mɔ́ɔ̀ wɔ̃̀ mɔ̀. Wéé dɔɔ̀ lɛ̀ɛ́ wɔ̃́ yiè gbɛɛ kɛ. Kɛɛ lɛ́ɛ̀ mia lɛ́ ò o tóó dɔɔ wi tã́ã̀.

2 Témɔ́tè 2:14 Iomraidhean Croise

Máfìù 16:26

Yé kpóṹ là zèe séĩ́ aà kɛ mi doó là pɛ ká, ɛ̃́ɛ̃́ aà e kɛ̀ɓe gíni à mɔ́ɔ̀ wɔ̃̀ mɔ̀ɔ, mɛ́ è lo à sɔ̀lɔ̀ ɓoò à kolo là? Mɛ́ e ɓe kɛ mi á nɔ, kɛɛ é là kɛ̀ɓe sɔ̀lɔ̀ ɓo e mɛ̀ĩ́?

Àpɔ́sɔ̀lɔ̀ 13:10

áà gèè kélɛ̀, “Ƃí i ké lɛ́ i Dɛ́ɓò gbe ká ɓɛ. Ƃí i kéa, i pɛ séĩ́ lɛ́ lɛ kpeĩa dàa-gbe ká. I paà lɛ yɛ̀ì-yɛ́í wà kɛ-wɔ̃̀ yɔɔ kɛɛ̀ ká. Ìí ló tèáà ko Dàa-mì là zi kpeĩ ɓɛ kpɛ́nɛ̀ mɔ̀?

Àpɔ́sɔ̀lɔ̀ 15:24

Kɔaà à ma kélɛ̀ ko dò o gó ko bà o nu ka píé, o ka zò ɓò ka gé wɔ̃̀, e bɛ̀i, o ka lè píé lò gbèĩ wɔ̃̀ gèe. Ó kɛ bɛ̃̀ɛ̃ kília, ko wáá ká kɛ kó gèe o lɛ̀ɛ ó kɛ.

Wólómà 14:1

Mi lɛ́ à mɛ́ wá gágà zò-dɔ̀à-mɔ̀ yía, kà à kɛ ka doó-mì ká. Kɛɛ yékɛ̀ kà ye nì ká wɔ̃́ lɛ́ laa zì yɛ́lɛ́-táá yía tèé dà.

Gɛ̀lésìà 1:7

Kɛɛ wánà kpó-kpó káa, wɔ̃́ làṹ yiè wá ɓe zeĩ́ é kã́ à yé kɔ̀à dɔɔ mɔ̀ɔ ká. Kɛɛ mia lɛ́ ò ka yí gíni, lɛ́ ò à kɛ-zì nàà ó wɔ̃́ làṹ yiè lɛ́ à gbɛ̃̀ɛ̃̀ lɛ Kɛ́lɛ̀ì mɔ̀ɔ là nìàa, o ɓe.

Ìfísɔ̃̀ 4:17

Ko Dàa-mì tɔ́ yía, ḿm̀ wɔ̃́ e kéa gèe, tó máà lìè-wè dɔ̀á ka lɛ̀ɛ. Yékɛ̀ ka yìì-kɔ̀ é kɛ gbaa lɛ̀ mia lɛ́ òó Wálà dɔɔ yìì-kɔ̀ lɛ́ ɓe. O zì yɛ́lɛ́-tàà-yí-wɔ̃̀ lɛ wɔ̃́ dà tã́ã̀ zɛ̀ ká.

1 Tɛsàlónìà 4:1

Ko lèe-gé vɔ̀, m tèáà-là lɛ́ e kélɛ̀, ka zi lɛ́ lɛ ka mɔ̀ ká yìì à ká kɛ é Wálà zò dàa, dã́ ko kɛ̀lɛ̀. Zi lɛ́ ka à kɛpìà káa, ye lɛ́ ɓɛ. Ɛ́ɛ̃́ dɛɛ ká bɛ̃̀ɛ̃, kóò kpé kã ka lɛ̀ɛ, kɔ́áà lìè-wè dɔ̀ ka lɛ̀ɛ ko Dàa-mì Zízɛ̀ tɔ́ yí, kɛɛ ká à kɛ bɛ̃̀ɛ̃ gbùò é diá yi.

2 Tɛsàlónìà 3:6

Ko lèe-gé vɔ̀, kóò wɔ̃́ e kéa gèe ka lɛ̀ɛ ko Dàa-mì Zízɛ̀ Kɛ́lɛ̀ì tɔ́ yí. Ye lɛ́ e kélɛ̀, kà ka yí ɓo ka lèe-gé vɔ̀ yé ò tùò yɛɓo kɛɛ̀ lɛ̀ɛ, lɛ́ òó tó wɔ̃́ kɛ-zì lɛ́ kɔa nɔ o lɛ̀ɛ píéa mɔ̀.

1 Témɔ́tè 1:4

À gèe o lɛ̀ɛ ó kã́ pĩ̀ã̀ nì, ɛ̃́ɛ̃́ mia ye-gã̀ gbèkèni lɛ́ ò pɛ̀ɛ̀ yia lɛ̀ɛ. Ƃii wɔ̃́ nì e kéa kɛɛ̀ lɛ́ɛ̀ nu tèé dàaà ká. Wɔ̃́ nì e kéa ye wá sɛ̀ Wálà là wɔ̃́ lɛ́ aà yà e géa mɔ́ɔ̀ wɔ̃̀ mɔ̀. Ƃii Wálà zì wɔ̃́ e kília, mia óò à dɔ zò-dɔ̀à-mɔ̀ kolo là zàá.

1 Témɔ́tè 1:6

Gɔ̃ã̀ dò waà o ko gbɛ̃̀ wɔ̃́ nì sùua mɔ̀, ɛ̃́ɛ̃́ waà gó zi lèe mɔ̀ o zì wɔ̃́ yí gíniìa zɛ̀ gèeè o kíe nì lɛ̀ɛ kolo là zàá.

1 Témɔ́tè 4:8

Yé ɓaà i dìè mɛ́ kɛ gágà wɔ̃́ dò kɛɛ̀ mɔ́ɔ̀ wɔ̃̀ mɔ̀ɔ, lɛ́ɛ̀ gbũ i mɔ̀ e ɓéĩ́ ká. Kɛɛ yé ɓaà kɛ ɓe zi lɛ́ Wálà à nàà í kɛá ɓea káa, lɛ́ɛ̀ gbũ i mɔ̀ kɔ̀ nɔ́ɔ tɛ̃̀ɛ̃́ɛ là. Ƃii íì lo wè-dɔ-wè lɛ́ à gbɛ̃̀ɛ̃̀ lɛ kɛ̀ɓe lɛ́ e dɛɛ ká ɓe, ɛ̃́ɛ̃́ lɛ́ e ɓe líé zàáa mɔ̀ɔ gɛ̃̀ɛ̃̀ à kɛɛ̀ yí.

1 Témɔ́tè 5:21

Wálà wà Kɛ́lɛ̀ì Zízɛ̀, e bɛ̀i, Wálà là vɔ-mìà lɛ́ aà o sía wɛlɛ mɔ̀ɔ, maà wɔ̃́ e kéa kpɔ́ i wĩĩ́ kɛ í o kɛ, yékɛ̀ í dɔ mi dò fé píé, ɛ̃́ɛ̃́ yékɛ̀ í mia bà ɓo wɔ̃́ nɔ́ɔ fé lɛ́ ì lo à kɛɛ̀ɛ kɛɛ̀ yí.

1 Témɔ́tè 6:13

Wálà lɛ́ è kɛ̀ɓe nɔ pɛ séĩ́ lɛ̀ɛ, ɛ̃́ɛ̃́ Kɛ́lɛ̀ì Zízɛ̀ lɛ́ e wéé wɔ̃́ wánà zɛ̀ mɔ̀ e yiè ká Pɔ̃́sɔ̀ Pálɛ̀ wɛlɛ mɔ̀ɔ, maà wɔ̃́ e kéa kpɔ́ i kɔ̀ là o wɛlɛ mɔ̀.

2 Témɔ́tè 1:6

À mɔ́ɔ̀ wɔ̃̀ mɔ̀ɔ, ḿm̀ i zò vùò nɔ̀-lɛ̀ɛ-pɛ̀ lɛ́ Wálà a nɔ i lɛ̀ɛ, lɛ̀ lɛ́ m m kɔ̀ kpɔ́ i làa káa, yékɛ̀ ɓá tó à wũ é ga. Kɛɛ ì à kɛ áà lɛ̀ fɔ̀nɔ̀.

2 Témɔ́tè 2:16

Ì i dìè ɓo wéé lɛ́ Wálà tɔ́ lɛ̀ɛ́ ɓɔ à ɓoò yía bà. Wéé nì e kília, lɛ́ɛ̀ mia yí ɓo Wálà mɔ̀ bá le.

2 Témɔ́tè 2:23

Ì i dìè ɓo tèé yí gíniìa zɛ̀ lɛ́ ò dà wɔ̃́ mi ɓàá yí dɔɔ mɔ́ɔ̀ wɔ̃̀ mɔ̀ɔ bà. Íì à yí dɔ tèé e kília dàaà líé-nyɛ-pìà lɛ́ e wéé dɔɔ̀ káa.

2 Témɔ́tè 4:1

Wɔ̃́ e kéa ma kpɔ́ i kɔ̀ là Wálà wà Kɛ́lɛ̀ì Zízɛ̀ lɛ́ è lo mia lɛ́ waà gaa, wà o yé o tĩã́ ɓea, è lo mɛ̀ĩ́-sà dɔɔ̀ o mɔ̀ɔ, o wɛlɛ mɔ̀. À zì nú è lo à ɓoò, ɛ̃́ɛ̃́ à zì tò-mia-là mɔ́ɔ̀ wɔ̃̀ mɔ̀ɔ, ḿm̀ gèe i lɛ̀ɛ,

Tátɔ̀ 3:1

Ì ɓà mia nì zò vùò ó kɛ mia líé-sí-mìà ɛ̃́ɛ̃́ yíkɛ̀ gáàa séĩ́ wì, wáà o wéè kɛ̀. À gèe o lɛ̀ɛ o pɛ̀ kɛɛ̀ é kɛá wɔ̃́ yiè séĩ́ kɛɛ̀ wɛ̃́ĩ̀.

Hííbúlù 13:9

Yékɛ̀ ká tó pɛ-zɔ̃̀ɔ̃̀-kɔ̀ dɛɛ dɛɛ é ka ɓo zi yiè ɓɛ píé. Lɛ sɛ̀ Wálà zì zò-kɛ̀-sɛ̀ é ko zò mɛ́ kɛ gágà, kɛɛ ye wá mi tɔ̃́ɛ̃́ tóò ká. Míá ò o tɔ̃́ɛ̃́ toa, òó pɛ gbɛɛ gɛ̃̀ à tóò kolo là.

2 Pílɛ̀ 1:13

Ḿm̀ yí dɔ lɛ kpeĩ kɛ ḿ tíé kpaa ka là lɛ̀ m tĩã́ ɓea ká, kɛɛ ka zò é vùò wɔ̃́ nì e kéa mɔ́ɔ̀ wɔ̃̀ ká.