2 Témɔ́tè 2:12 - Wè-dɔ-wè Dɛɛ

¹² Kóò ko zò kũ̀á tã́ã̀ kɔ́áà lò ko líé wɔ̃́ kɛɛ̀ káa, kò ye nì kóò lo mia líé síì nɔ́ kíli. Kóò à mɔ́ɔ̀ wɔ̃̀ tèé ɓòáa, lɛ́ɛ̀ lo ko bɛ̃̀ɛ̃ ko mɔ́ɔ̀ wɔ̃̀ tèé ɓoò nɔ́ kíli.

2 Témɔ́tè 2:12 Iomraidhean Croise

Máfìù 10:33

Kɛɛ mi lɛ́ è lo m mɔ́ɔ̀ wɔ̃̀ tèé ɓoò mia séĩ́ nyìɛ mɔ̀ɔ, ḿm̀ lo à bɛ̃̀ɛ̃ mɔ́ɔ̀ wɔ̃̀ tèé ɓoò m Dàa lɛ́ e lɛ̀ía wɛlɛ mɔ̀.

Máfìù 26:35

Pílɛ̀ a gèe à lɛ̀ɛ, “Ó kɛ̀á ó kò ɓi ko zɛ bɛ̃̀ɛ̃, m̀ḿ ló à gèeè m̀ḿ i dɔ.” Tòà‐píé‐mìàa séĩ́ o wɔ̃́ nɔ́ doó e kília gèe.

Máfìù 26:75

Ɛ́ɛ̃́ Pílɛ̀ zò e vùò wɔ̃́ lɛ́ Zízɛ̀ aà gèe à lɛ̀ɛ ká gbaa. Wɔ̃́ɔ lɛ́ e kélɛ̀, “Kɛ tɔ̀ɔ̀ é tĩã́ wéèa, ɓi kpó‐kpó íì lo à gèeè e kíe yí yààka kélɛ̀ ìí m dɔ.” Lɛ̀ e kɛ kília, Pílɛ̀ e gó gbaa yí, áà gbóó ɓò gbaa wɛlɛ yɔɔ zɛ̀.

WƆ̃́ LÀṸ YIÈ ZÍ MÁÀ E À BƐ̃̀Ɛ̃ À KÁA 10:33

Áà gèè weeá kélɛ̀, “Ɛ̀ɛ̀, kɔa lópìà gbaa Zùlúsàlɛ̀. Óò lo Mi Gbe nɔɔ̀ sálà-ɓò-Wálà-mɔ̀-mìà kpànazɛ̀, ɛ̃́ɛ̃́ Wálà kii-dɔ-mìà lɛ̀ɛ. Óò lo mɛ̀ĩ́-sà káà à wĩĩ́, tó wáà gèè ó à zɛ. Tó o à nɔ gbaa sɛ́lɛ́ gbɛɛ yí-mìà lɛ̀ɛ.

WƆ̃́ LÀṸ YIÈ ZÍ MÁÀ E À BƐ̃̀Ɛ̃ À KÁA 8:38

Lúó lɛ́ gbaa e kéa, mia waà Wálà tó, wáà lò wà sɔ̃̀ɔ̃ yɔɔ kɛ̀á sí. Mi lɛ́ yɛ́lɛ̀ è lo à kɛɛ̀ m lɛ̀ɛ, ɛ̃́ɛ̃́ m lé-wè lɛ̀ɛ lúó e kéa káa, kɛɛ yɛ́lɛ̀ lɛ́ɛ̀ lo Mi Gbe kɛɛ̀ à lɛ̀ɛ, yé wà Wálà zì vɔ-mìà waà kɛ nupìà à Dàa zì lɛ̀ fɔ̀nɔɔ̀ɔ yía ká.”

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 12:9

Kɛɛ mi lɛ́ è lo m mɔ́ɔ̀ wɔ̃̀ tèé ɓoò mia séĩ́ nyìɛ mɔ̀ɔ, Mi Gbe lɛ́ɛ̀ lo à bɛ̃̀ɛ̃ mɔ́ɔ̀ wɔ̃̀ tèé ɓoò Wálà là vɔ‐mìà wɛlɛ mɔ̀.

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 22:29

Zi lɛ́ m Dàa aà yíkɛ̀ gáàa nɔá m lɛ̀ɛ kɛ ḿ kɛá mia làa, zi nɔ́ doóa ḿm̀ lo à kɛɛ̀á ka ká.

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 22:30

Káà lo pɛ ɓèlè, káà pɛ mì m̀ téɓò mɔ̀ lɛ̀ lɛ́ m tóò lɛ mia là yia mɔ̀. Ɛ́ɛ̃́ káà lo yàà dɔ‐táŋáná là, káà mɛ̀ĩ́‐sà dɔ̀ mia sùu doò do vũ̀ doó wɛ́lɛ́ pèèlɛ lɛ́ o Éézɛ̀lɛ̀‐mìà káa mɔ̀.

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 9:26

Mi lɛ́ yɛ́lɛ̀ è lo à kɛɛ̀ m lɛ̀ɛ, ɛ̃́ɛ̃́ m lé‐wè lɛ̀ɛ, kɛɛ yɛ́lɛ̀ lɛ́ɛ̀ lo Mi Gbe kɛɛ̀ à lɛ̀ɛ, yé aà nu à zì lɛ̀‐fɔ̀nɔɔ̀ɔ, wà à Dàa wà là vɔ‐mìà zì lɛ̀‐fɔ̀nɔɔ̀ɔ yía ká.

Àpɔ́sɔ̀lɔ̀ 14:22

O tò-Zízɛ̀-píé-mìà lɛ́ o kɛ sɛ́lɛ́ e píé kília yía mɛ́ kɛ e kɛ gágà. O o fã̀ã́-wàà-wè gèe, kɛ ó kùnù zò-dɔ̀à-mɔ̀ ɓɛ mɔ̀ wáà lòá líé. O wɔ̃́ lɛ́ e kéa zɔ̃̀ɔ̃̀ o lɛ̀ɛ. Ye lɛ́ e kélɛ̀, lɛ à mɔ̀ wɔ̃́ nyɔ́ɔ̀ɔ nyɔ́ɔ̀ɔ é kɛ ko ká, kɛ kó tĩã́ ɓɔɔ̀ lɛ̀ lɛ́ Wálà tóò lɛ mia là yia mɔ̀.

Wólómà 5:17

Gɔ̃ doó zì kɛ-wɔ̃̀ yɔɔ kɛɛ̀ kolo là zàáa, ga a mɔ́ɔ̀ yà ɓo mia là gɔ̃ doó e kília mɔ́ɔ̀ wɔ̃̀ mɔ̀. Kɛɛ wɔ̃́ lɛ́ e kɛ gɔ̃ doó lɛ́ e Zízɛ̀ Kɛ́lɛ̀ì káa kolo là zàáa, lɛ dóo kpànazɛ̀. Wɔ̃́ e kília lɛ́ e kélɛ̀ mia séĩ́ lɛ́ ò wɔ̃́ búnùzɛ̀ sɔ̀lɔ̀ ɓo Wálà zì zò-kɛ̀-sɛ̀ yí zàá, ɛ̃́ɛ̃́ ò pɛ lɛ́ Wálà à nɔ mia lɛ̀ɛ ɓɔ̀ɔ, lɛ́ e kélɛ̀ à zì kɛ̀-kpeĩ-kɔ̀ɔ, ò à sɔ̀lɔ̀ ɓoa, óò lo kɛɛ̀ ɓe, ɛ̃́ɛ̃́ óò lo kɛɛ̀ pɔɔ̀ wũ-là-mìà ká.

Wólómà 8:17

Lɛ̀ ko mɔṹ là nɔ́ɔ̀ káa, pɔɔ̀ lɛ́ Wálà a yàlà bɛ̀ia, lɛ́ɛ̀ lo tóò ko kɛ̀lɛ̀. Ɛ́ɛ̃́ pɔɔ̀ lɛ́ Wálà a yàlà bɛ̀i Kɛ́lɛ̀ì lɛ̀ɛ, lɛ́ɛ̀ lo tóò kò Kɛ́lɛ̀ì nì kò pɛ ká. Ƃii yé kò Kɛ́lɛ̀ì nì kɔaà kɛ doó wɔ̃́ nyɔ́ɔ̀ɔ a sɔ̀lɔ̀ ɓoa yía, kò à ye nì kóò lo kɛɛ̀ nɔ́ doó à zì lɛ̀-fɔ̀nɔ-kɔ̀ɔ yí nɔ́ kíli.

Fèlépĩ̀ã̀ 1:28

Yékɛ̀ ká túó mia lɛ́ ò gèlè gɔ̃ ka káa lɛ̀ɛ zi nɔ́ɔ fé dò ká. Wɔ̃́ e kéa lɛ́ɛ̀ lo à zɔ̃̀ɔ̃̀ o lɛ̀ɛ kélɛ̀ o yí lɛ́ɛ̀ lo sìè, tó ka yee ka la. Wálà lɛ́ è lo à kɛɛ̀ kília.

1 Témɔ́tè 5:8

Kɛɛ yé mi lɛ̀ɛ́ e yɛ́lɛ́ kɛ e kɔ̀-píé-mìà píé, kɛɛ kpó-kpó ɓoa e mìà nì píéa, á kɛ̀á kília, kɛɛ aà zò-dɔ̀à-mɔ̀ wɔ̃̀ɔ tèé ɓo. Ɛ́ɛ̃́ kɛɛ à diè lɛ vɔ̀ mí lɛ̀ɛ́ Wálà dɔɔ là.

Zúdè 1:4

Ƃii mia lɛ́ òó Wálà sɔ̃̀ɔ̃ kɛɛ dò waà dà ko bà kpɔ̀lɔ̀ũ̀ le ko tií. Míá o kília óò wéé lɛ́ à gbɛ̃̀ɛ̃̀ lɛ Wálà zì zò-kɛ̀-sɛ̀ɛ mɔ̀ɔ là nìɛ̀, kɛɛ o wè-ɓò-yí-bà zì é kɛ ɓe o zì sɔ̃̀ɔ̃ yɔɔ mɔ́ɔ̀ wɔ̃̀ mɔ̀. Óò o wũ ɓo Zízɛ̀ Kɛ́lɛ̀ì lɛ́ e ko Wũ-là-mì wà ko Dàa-mì doóa káa mɔ́ɔ̀ wɔ̃̀ wì. Wálà kiia e mɛ̀ĩ́-sà lɛ́ à káà lɛ o wĩĩ́ gbaa wɔ̃̀ gèe mɔ́.

Wɛ̀lɛ̀vèlésɔ̃̀ 1:6

Aà ko kɛ mia lɛ́ à tóò lɛ o làa o dò ká, áà ko kɛ̀ sálà-ɓò-Wálà-mɔ̀-mìà ká, kɛ kó yɛɓo kɛ là Wálà lɛ́ zeĩ́ lɛ à Dàa káa mɔ̀. Tɔ́-ɓɔ wà yíkɛ̀ gáàa è kɛ Zízɛ̀ Kɛ́lɛ̀ì kɛ̀lɛ̀ tòá kíli wɔ́lɔ́-wɔ́lɔ́ ká. É kɛ kíli.

Wɛ̀lɛ̀vèlésɔ̃̀ 1:9

Ma Zɔ̃̀ɔ̃́ lɛ́ m ka lèe-gé káa. Kò Zízɛ̀ ko kɛ̀ à yí doóa kolo là zàáa, kɔa nɔ́ à yí doó wɔ̃́ nyɔ́ɔ̀ɔ gɛ̃̀ɛ̃ɛ̃̀, e bɛ̀i, à zì tò-mia-là, ɛ̃́ɛ̃́ zeĩ́ zò-kũ̀-tã́ã̀ yí zàá. M kɛ sɛ́lɛ́ lɛ́ yíí nìɛ̀ lɛ à mɔ̀, lɛ́ ò si Pámɔ̀ɔ à lɛ̀ mɔ̀. O m yà yi, ɓii m Wálà lé-wè ɛ̃́ɛ̃́ kélá-wè lɛ́ Zízɛ̀ a ɓoa wɔ̃̀ gèea mɔ́ɔ̀ wɔ̃̀ mɔ̀.

Wɛ̀lɛ̀vèlésɔ̃̀ 2:13

Ḿm̀ i kɛpìà lɛ́ Sétɔ̃̀ zì dɔ-táŋáná gbɛ̃̀ɛ̃̀ lɛ yía dɔ. Íì m wɔ̃̀ kũ gágà. I zì zò-dɔ̀à-mɔ̀ lɛ́ lɛ i yí m mɔ́ɔ̀ wɔ̃̀ mɔ̀ɔ, ìí gbaa kã́ à mɔ̀, lúó lɛ́ bɛ̃̀ɛ̃ o Ã́típà zɛ à káa ká. O Ã́típà lɛ́ e kɛ m zì kélá zò-dɔ̀à-mɔ̀ zɛ̀ káa zɛ ka fĩ̀ã̀ yi, lɛ̀ lɛ́ Sétɔ̃̀ lɛ yía mɔ̀.

Wɛ̀lɛ̀vèlésɔ̃̀ 20:4

Yé e kɛ kília, m dɔ-táŋáná wà mia lɛ́ o kɛ yàá o làa gɛ̃̀. O yíkɛ̀ gáàa nɔ o lɛ̀ɛ kɛ ó mɛ̀ĩ́-sà ɓo à ká. Zéniía, m mia lɛ́ waà o wũ-kèlè kã́ o là o zì kélá-wè ɓoò Zízɛ̀ lɛ̀ɛ, ɛ̃́ɛ̃́ Wálà lé-wè mɔ́ɔ̀ wɔ̃̀ mɔ̀ɔ o gɛ̀ɛ̀ gɛ̃̀. Òó gbini do luú-wììa wà e bĩ́ o lɛ̀ɛ. Ɛ́ɛ̃́ òó luú-wììa là pɛ píéa sɔ̀lɔ̀ ɓo do o pelà, ɛ̃́ɛ̃́ o kɛ̀lɛ̀ɛ. O kɛ ɓe zeĩ́, wà Kɛ́lɛ̀ì nì wáà líé sì mia ká kɛ̀ɛ̀ wáá doó píé.

Wɛ̀lɛ̀vèlésɔ̃̀ 20:6

Mia lɛ́ o mia lɛ́ o wɛ̀lɛ̀ ga kɛ̀lɛ̀ e kéa bàa, zò géli lɛ o kɛ̀lɛ̀, ɛ̃́ɛ̃́ o Wálà là mia nì ká. Ga tò-ko-mɔ̀ zɛ̀ɛ là yíkɛ̀ gáàa wá o là. Óò lo kɛɛ̀ sálà-ɓò-Wálà-mɔ̀-mìà ká. Ɛ́ɛ̃́ óò lo kɛɛ̀ Wálà wà Kɛ́lɛ̀ì wà mia nì ká. Wà Kɛ́lɛ̀ì nì óò lo mia líé síì kɛ̀ɛ̀ wáá doó píé.

Wɛ̀lɛ̀vèlésɔ̃̀ 3:10

Yé ma gèe i lɛ̀ɛ í i zò kṹ tã́ã̀a, lɛ́ ɓa kɛ kília, ḿm̀ lo i laà wɔ̃́ nyɔ́ɔ̀ɔ gɛ̃̀-lùò lɛ́ lɛ nupìà kpóṹ là zèe lɛ̀ séĩ́ mɔ̀, kɛ é kpóṹ là zèe mìà yí dã́a kɛ̀lɛ̀.

Wɛ̀lɛ̀vèlésɔ̃̀ 3:21

Mi lɛ́ à kɔ̀ diè lɛ gèlè gɔ̃ɔ̀ yía, ḿm̀ lo yíkɛ̀ gáàa nɔɔ̀ à lɛ̀ɛ kɛ kò ye kó yà ko kíe sɔ́nɔ́ m̀ dɔ-táŋáná là, lɛ̀ zí m kɔ̀ aà die à ká gèlè gɔ̃ɔ̀ yí, lɛ́ kò m Dàa ko yàá ko kíe sɔ́nɔ́ à zì dɔ-táŋáná làa lɛ́ ɓe.

Wɛ̀lɛ̀vèlésɔ̃̀ 3:8

Ḿm̀ i kɛ-wɔ̃̀ dɔ. Ì i tóó dɔ. Maà ká lé ɓo i wɛlɛ mɔ̀. Ɛ́ɛ̃́ mi gbɛɛ lɛ̀ɛ́ bɛ̀i ká e kília lé taà. Ḿm̀ à yí dɔ kélɛ̀ yíkɛ̀ gáàa ɓéĩ́ lɛ i kɛ̀lɛ̀. Ƃaà m wéè kɛ, ɛ̃́ɛ̃́ ìí m tɔ́ tèé ɓo do.

Wɛ̀lɛ̀vèlésɔ̃̀ 5:10

Ƃaà o kɛ mia lɛ́ i tóò lɛ o làa dò ká, ɓáà o kɛ̀ sálà-ɓò-Wálà-mɔ̀-mìà ká, kɛ ó yɛɓo kɛ kò Wálà lɛ̀ɛ. Ɛ́ɛ̃́ óò lo tóò mia là kpóṹ là.”