2 Témɔ́tè 2:11 - Wè-dɔ-wè Dɛɛ

¹¹ Wɔ̃́ mia ò gèe lɛ́ e kéa lɛ wánà zɛ̀. Óò gèe kélɛ̀, “É kɛ̀á kò ye nì ko gaa, kò ye nì kóò lo kɛɛ̀ ɓe nɔ́ kíli.

2 Témɔ́tè 2:11 Iomraidhean Croise

Zɔ̃̀ɔ̃́ 14:19

Yé lúó aà die zààlea, kpóṹ là lɛ̀ɛ́ ló m gɛ̃̀ɛ̃̀ gbaa. Kɛɛ ka yee káà lo m gɛ̃̀ɛ̃̀. Yé mɔṹ m ɓea, ka bɛ̃̀ɛ̃ káà lo kɛɛ̀ ɓe nɔ́ kíli.

Wólómà 6:5

Ƃii yé kò ye nì kɔaà kɛ doó kɔ́áà gà lɛ̀ zí e ga à káa lɛ́ ɓea, zí nɔ́ doóa káa kò ye nì kóò lo kɛɛ̀ doó, kɔ́áà wɛ̀lɛ̀ ga kɛ̀lɛ̀ lɛ̀ zí lɛ́ e wɛ̀lɛ̀á ga kɛ̀lɛ̀ɛ lɛ́ ɓe.

Wólómà 6:8

É kɛ̀á kò Kɛ́lɛ̀ì nì kɔaà gaa, kɔ́áà gɛ̃̀ wánà ká kélɛ̀ kò à ye nì kóò lo kɛɛ̀ ɓe nɔ́ kíli.

2 Kɔ̀léĩ́tĩ̀ã̀ 13:4

Yé bɛ̃̀ɛ̃ à mɛ́ e kɛ yɔ̃́ṹ-yɔ̃̀ũ̀ wáà pà nélè ká kɔ́lɔ́sì mɔ̀ɔ, lɛ ɓe Wálà zì yíkɛ̀ gáàa kolo là zàá. Kò ye nì ko kɛ̀ doó yí zàáa, kò ye nì kóò dɔ à zì kɛ̀ yɔ̃́ṹ-yɔ̃̀ũ̀ kɔ̀ɔ yí. Kɛɛ ko zì kɔ̀ sì ka píéa, kò ye nì kóò lo kɛɛ̀ ɓe Wálà zì yíkɛ̀ gáàa kolo là zàá.

2 Kɔ̀léĩ́tĩ̀ã̀ 4:10

Lɛ kélɛ̀ Zízɛ̀ zì gá a ɓoa lɛ ko gbĩ-kpàla yí, kɔ́áà lò à ká teele. À kɛɛ̀ lɛ kíli kɛɛ mia ó Zízɛ̀ zì kɛ̀ɓe gɛ̃̀ ko gbĩ-kpàla yí nɔ́ kíli.

1 Tɛsàlónìà 4:17

Yé aà kɛ kília, mia lɛ́ kò lo kɛɛ̀ tĩã́ ɓéèe lúó e kília káa, kò ye nì ko síì lɛ́ɛ̀ lo kɛɛ̀á lɛ̀í lɛ̀í-kii yí, kɛɛ kò ko Dàa-mì nì kó ko kíe gɛ̃̀ lɛ̀í. Zí e kéa káa, kò ko Dàa-mì nì kóò lo kɛɛ̀á lɛ̀ doó mɔ̀ teele.

1 Tɛsàlónìà 5:10

E ga ko mɔ́ɔ̀ wɔ̃̀ mɔ̀, kɛɛ zi é kɛ ɓe kɛ kò ye nì kó kɛ ko kíe là, yé bɛ̃̀ɛ̃ ko gaà é kɛá, ɛ̃́ɛ̃́ kó kɛ bɛ̃̀ɛ̃ ɓéèea ká.

1 Témɔ́tè 1:15

Wɔ̃́ mia ò gèea lɛ wɔ̃́ wánà zɛ̀ lɛ́ mi ì bɛ̀i à mɔ̀ í i kɔ̀ yà à wì zi séĩ́ ká, ɛ̃́ɛ̃́ ɓá gɛ̃̀ wánà káa ká. Ye lɛ́ e kélɛ̀, Kɛ́lɛ̀ì Zízɛ̀ e nu tã́ã̀ zèe kɛ é kɛ-wɔ̃̀ yɔɔ kɛ-mìà la. M kɛ-wɔ̃̀ yɔɔ kɛ-mìà beĩ ká.

1 Témɔ́tè 3:1

Wɔ̃́ mia ò gèe e kéa lɛ wánà zɛ̀. Óò gèe kélɛ̀, é kɛ̀á mi dò láà nàà é Wálà-mìà líé-sí-yɛ̀ɓo kɛɛ, yɛɓo lɛ́ à nàà kília lɛ dóo yɛɓo yiè kpó-kpó ká.

Tátɔ̀ 3:8

Wɔ̃́ nì e kília lɛ wɔ̃́ wánà zɛ̀ lɛ́ à gèeè lɛɛ ká. Ḿm̀ nàà í wɔ̃́ nì o kília gèe kpó-kpó ɓo, kɛɛ é à kɛ mia lɛ́ o zò dɔɔ̀ lɛ Wálà mɔ̀ɔ zò é kɛ yɛɓo yiè kɛɛ̀ mɔ̀. Wɔ̃́ e kília lɛ sɛ̀, ɛ̃́ɛ̃́ lɛ́ɛ̀ gbũ mia mɔ̀.