2 Témɔ́tè 2:10 - Wè-dɔ-wè Dɛɛ

¹⁰ Wɔ̃́ e kéa mɔ́ɔ̀ wɔ̃̀ mɔ̀ɔ, ḿm̀ m zò kũ tã́ã̀ wɔ̃́ séĩ́ kɛ̀ m ká yí, Wálà là míá aà o sía mɔ́ɔ̀ wɔ̃̀ mɔ̀, kɛ o bɛ̃̀ɛ̃ ó la-ɓo lɛ́ lɛ Kɛ́lɛ̀ì Zízɛ̀ yí, ɛ̃́ɛ̃́ tòá kíli lɛ̀-fɔ̀nɔ-kɔ̀ɔ sɔ̀lɔ̀ ɓo.

2 Témɔ́tè 2:10 Iomraidhean Croise

Máfìù 24:22

Kɛɛ Wálà aà lúóa là ɓo gbaa. È kɛ̀á lɛ̀ɛ́ gbaa kɛ kília, mi dò nɔ́ɔ fé lɛ̀ɛ́ gɔ̃̀ laà. Kɛɛ mia lɛ́ e o sía mɔ́ɔ̀ wɔ̃̀ mɔ̀ɔ, Wálà lɛ́ɛ̀ lo à mɔ́ɔ̀ lúó e kília là ɓoò.

Máfìù 24:24

Ƃii mia lɛ́ ò o dìè si Kɛ́lɛ̀ì, ɛ̃́ɛ̃́ o yé ò o dìè si Wálà là dɔ̀‐lé‐là‐mìà, lɛ́ o wá mɔṹ à káa, óò lo kɛɛ̀ ɓe. Óò lo lé‐pa‐wɔ̃̀ kpó‐kpó, ɛ̃́ɛ̃́ à kpàlézɛ̀ nì kɛɛ̀, kɛ ó mia lɛ́ Wálà aà o sía, bèkɛ̀ ɓo, yé bɛ̀i lɛ o mɔ̀ɔ ká.

Máfìù 24:31

Túlú gbùò wéè lɛ́ɛ̀ lo dɔɔ̀, ɛ̃́ɛ̃́ lɛ́ɛ̀ lo Wálà là vɔ‐mìà vɔɔ̀ kpóũ là kɔ̀ pɔ̃́ũ̀ yììsɛ là, kɛɛ ó Wálà là míá aà o sía pá o kíe mɔ̀. É kã́ nyɛ́nɛ́ wɛ̀lɛ̀‐pìè wà à dà‐pìè mɔ̀ɔ, míáa óò lo góò o fĩ̀ã̀ lɛ̀ séĩ́ mɔ̀.

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 18:7

Yé mɔṹ lɛ́ kília, káà yí dɔ Wálà lɛ̀ɛ́ ló wɔ̃́ lɛ́ lɛ à mɔ̀ á kɛ là mia lɛ́ aà o sí, lɛ́ ò gbóó ɓo à píé bĩ́ã́ ɛ̃́ɛ̃́ nyɛ́nɛ́ĩ́a lɛ̀ɛ kɛɛ̀ o lɛ̀ɛ? Káà yí dɔ à yí lɛ́ɛ̀ lo kɛɛ̀ dɔ́lɔ́ dɔ́lɔ́ gbũ̀‐o‐mɔ̀ yí?

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 22:57

Kɛɛ Pílɛ̀ a tèé ɓo, áà gèè, “Lee, m̀ḿ à dɔ fèle ɓo.”

Zɔ̃̀ɔ̃́ 11:52

Ɛ́ɛ̃́ ye wá bɛ̃̀ɛ̃ o doó o wɛ̃́ĩ̀. Kɛɛ à kɛɛ̀ lɛ́ɛ̀ lo kɛɛ̀á kíli, kɛɛ Wálà là nɔ́ɔ̀ séĩ́ lɛ́ o wɛ̃̀ĩĩ̀ lɛɛ, é o pá o kíe mɔ̀ kɛɛ ó kɛ mia doó ká.

Zɔ̃̀ɔ̃́ 17:24

“M Dàa, ɓaà o nɔ m lɛ̀ɛ. Ḿm̀ nàà ó kɛ m píé lɛ̀ lɛ́ m yía mɔ̀, kɛɛ ó m zì kɛ̀-kpànazɛ̀-kɔ̀ lɛ́ ɓa nɔ m lɛ̀ɛ gɛ̃̀. Ƃii m lɔ̀ kpɔ́ɔ̀ e kɛá i mɔ̀ kɛɛ kpóṹ là kɛɛ̀ é tĩã́ kɛɛ̀ à ká.

Zɔ̃̀ɔ̃́ 17:9

“Ḿm̀ sɛ̀nɛ e kéa ɓo o wɛ̃́ĩ̀. Ma wá sɛ̀nɛ ɓopìà kpóṹ là wɛ̃́ĩ̀. Kɛɛ ḿm̀ ɓo mia lɛ́ i o nɔ m lɛ̀ɛ wɛ̃́ĩ̀, ɓii o ɓà mia nì káa mɔ́ɔ̀ wɔ̃̀ mɔ̀.

Wólómà 2:7

Mia dò óò wɔ̃́ yiè kɛ̀ teele. Tó wáà nàà wɔ̃́ kpàlézɛ̀ wà Wálà zì ɓɛ̀lɛyà ká. Zéniía, óò nàà ó kɛ ɓe kpɔ̃́ṹ-kpɔ̃́ṹ ká. Míá o kília, Wálà lɛ́ɛ̀ lo kɛ̀ɓe wɔ́lɔ́-wɔ́lɔ́ nɔɔ̀ o lɛ̀ɛ.

Wólómà 9:23

A naa zeĩ́ é e zì lɛ̀-fɔ̀nɔ-kɔ̀ kpàna-kpànazɛ̀ɛ kɛ kɛɛ mia ó dɔ. Lɛ̀-fɔ̀nɔ-kɔ̀ e kília, à ɓɔɔ̀ lɛ mia lɛ́ là mia yéĩ̀ kṹũ̀ ɓɔɔ̀ lɛ ko mɔ̀ɔ mɔ̀. Míá ko kília, ko lɛ́ aà ko pɛ̀ kɛ, kɛ kó là lɛ̀-fɔ̀nɔ-kɔ̀ɔ sɔ̀lɔ̀ ɓoa.

1 Kɔ̀léĩ́tĩ̀ã̀ 1:21

Ƃii Wálà zì gíkã́ a kɛ, bɛ̀i wá kpóṹ là zèe mìà mɔ̀ ó à dɔ o zì gíkã́ kolo là zàá. Kɛɛ Wálà yee gé lɛ́ɛ̀ li é mia lɛ́ zò-dɔ̀à-mɔ̀ lɛ o yía la, wɔ̃́ yí gíniìa zɛ̀ lɛ́ kò gèe o lɛ̀ɛ lòũ̀ káa kolo là.

1 Kɔ̀léĩ́tĩ̀ã̀ 9:22

Yé maà kɛ mia lɛ́ o yí wá gágàa bàa, ḿm̀ m dìè kɛ̀ lɛ̀ zí o à káa lɛ́ ɓe, kɛɛ ḿ Kɛ́lɛ̀ì píé-zì ɓo o ká. Ḿm̀ m dìè kɛ̀ pɛ séĩ́ ká mia séĩ́ lɛ̀ɛ, kɛɛ ḿ o dò la zi nɔ́ɔ fé lɛ́ m̀ bɛ̀i à mɔ̀ ḿ kɛáa ká.

2 Kɔ̀léĩ́tĩ̀ã̀ 1:6

Yé kɔaà wàa ɓèlèa, kóò ɓèlè kɛɛ ká zò-yà-gé ɛ̃́ɛ̃́ la-ɓo sɔ̀lɔ̀ ɓo. Yé kɔaà zò-yà-gé sɔ̀lɔ̀ ɓoa, kóò à sɔ̀lɔ̀ ɓo kɛɛ ka bɛ̃̀ɛ̃ ka zò é yà ka gé. Láà kɛ̀ tó ka yí áà kɛ̀ gágà, kɛɛ zò-kũ̀-tã́ã̀ é kɛ ka kɛ̀lɛ̀, yé wàa nɔ́ doó kò ɓèlèa aà ɓɔ ka làa ká.

2 Kɔ̀léĩ́tĩ̀ã̀ 12:15

M gé lɛ́ɛ̀ lo liì kɛɛ ḿ m dìè ɛ̃́ɛ̃́ pɛ séĩ́ lɛ́ lɛ m kɛ̀lɛ̀ɛ gó ka mɔ́ɔ̀ wɔ̃̀ mɔ̀. Yé ka lɔ̀ aà kpɔ́ m mɔ̀ nyɔ́ɔ̀ɔ, ye lɛ́ è lo à kɛɛ̀ m lɔ̀ é nyɛ ka mɔ̀ɔ?

2 Kɔ̀léĩ́tĩ̀ã̀ 4:15

Wɔ̃́ e kéa séĩ́ lɛ ka mɔ́ɔ̀ wɔ̃̀ mɔ̀. Ɛ́ɛ̃́ yé Wálà là zò-kɛ̀-sɛ̀ aà kɛ ɓɔpìà mia búnù-búnùzɛ̀ làa, o zì Wálà zúo-ɓo-kɔ̀ɔ là lɛ́ɛ̀ lo kɛɛ̀ kpɔ́pìà yí gbùò zɛ̀, kɛɛ Wálà é tɔ́-ɓɔ sɔ̀lɔ̀ ɓo.

2 Kɔ̀léĩ́tĩ̀ã̀ 4:17

Wɔ̃́ nyɔ́ɔ̀ɔ lɛ́ ko à gɛ̃̀pìàa, lɛ wɔ̃́ ɓéĩ́ lɛ́ lɛ̀ɛ́ ló túò nyɛpìàa ká. Kɛɛ lɛ́ɛ̀ lo nuù lɛ̀-fɔ̀nɔ-kɔ̀ kpànazɛ̀ lɛ́ è lo kɛɛ̀ ɓe tòá kíli káa ká. Ɛ́ɛ̃́ lɛ̀-fɔ̀nɔ-kɔ̀ e kília, lɛ dóo kpànazɛ̀ é diá wɔ̃́ nyɔ́ɔ̀ɔ kɔ̀à gɛ̃̀ɛ là kpó-kpó ɓo.

Ìfísɔ̃̀ 3:13

À mɔ́ɔ̀ wɔ̃̀ mɔ̀ɔ, kà kpé lɛ sɛ̀, yékɛ̀ ka zò é dà zízàá, ɓii m wàa ɓèlèpìà ka mɔ́ɔ̀ wɔ̃̀ mɔ̀ɔ wɛ̃́ĩ̀. À séĩ́ lɛ lɛ̀ fɔ̀nɔ̀ ka bà mɔ́ɔ̀ wɔ̃̀ mɔ̀.

Kɔ̀lɔ́sĩã̀ 1:24

Dɛɛ káa, m gé lɛ́ɛ̀ li wàa lɛ́ m̀ ɓèlè ka wɛ̃́ĩ̀a mɔ́ɔ̀ wɔ̃̀ mɔ̀. Ƃii m zì wàa lɛ́ m̀ ɓèlè m gbĩ-kpàla yía, lɛ́ɛ̀ à kɛ̀ tó wàa lɛ́ Kɛ́lɛ̀ì a ɓèlè e gbĩ-kpàla lɛ́ e là mia nì káa mɔ́ɔ̀ wɔ̃̀ mɔ̀ɔ, lé áà pà.

Kɔ̀lɔ́sĩã̀ 1:27

Wɔ̃́ lɛ́ Wálà à nàà à káa, gɛ̃̀ e ké. Láà nàà é là wɔ̃́ lɛ́ à bĩ̀ĩĩ̀ e kɛáa, kɛ là mia nì ó dɔ. Wɔ̃́ kpànazɛ̀, e bɛ̀i là yiè zɛ̀ lɛ́ à bĩ̀ĩĩ̀ e kɛáa, lɛ sɛ́lɛ́ séĩ́ yí-mìà lɛ̀ɛ. Là wɔ̃́ lɛ́ à bĩ̀ĩĩ̀ e kɛá kília, lɛ́ e kélɛ̀, Kɛ́lɛ̀ì lɛ ka yí. Wɔ̃́ lɛ́ mi zò lɛ à mɔ̀ kɛ á kɛ é lɛ̀-fɔ̀nɔ-kɔ̀ sɔ̀lɔ̀ ɓoa, lɛ́ ɓɛ.

1 Tɛsàlónìà 5:9

Wálà lɛ̀ɛ́ gbaa ko sí kɛ à zì wɔ̃́à-wàa-kɔ̀ é nu ko là. Kɛɛ a kɛ kíli kɛɛ kó la-ɓo sɔ̀lɔ̀ ɓo ko Dàa-mì Zízɛ̀ Kɛ́lɛ̀ì kolo là.

2 Tɛsàlónìà 2:14

Wálà e ka súo kɛ wɔ̃́ nì e kéa mɔ́ɔ̀ wɔ̃̀ mɔ̀ wɔ̃́ làṹ yiè lɛ́ kɔa gèe ka lɛ̀ɛ kolo là zàá. E ka súo kɛ kɛ ká nu kɛɛ kà ko Dàa-mì Zízɛ̀ Kɛ́lɛ̀ì nì ká dɔ à zì lɛ̀-fɔ̀nɔ-kɔ̀ɔ yí.

2 Témɔ́tè 1:1

Óò m si Pɔ́ɔ̀. M Kɛ́lɛ̀ì Zízɛ̀ là àpɔ́sɔ̀lɔ̀ ká, ɓii Wálà a naa ḿ kɛáa mɔ́ɔ̀ wɔ̃̀ mɔ̀. Lɛ kíli kɛ ḿ kɛ̀ɓe lɛ́ aà e wè dɔá mia lɛ́ wà Kɛ́lɛ̀ì Zízɛ̀ nì o doóa lɛ̀ɛ wɔ̃̀ gèe.

2 Témɔ́tè 2:1

M̀ nɛ́ kɛɛ ɓi yee, i mɛ́ è kɛ gágà zò-kɛ̀-sɛ̀ lɛ́ e mia lɛ́ kò Kɛ́lɛ̀ì Zízɛ̀ nì ko doóa kɛ̀lɛ̀ɛ yí zàá.

2 Témɔ́tè 2:3

Wàa lɛ́ mi lɛ́ lɛ Kɛ́lɛ̀ì Zízɛ̀ là sóyà yiè káa è à ɓèlèa, ì i zì ɓèlè.

Tátɔ̀ 1:1

Óò m si Pɔ́ɔ̀. M Wálà là yɛɓo-kɛ-mì, wà Zízɛ̀ Kɛ́lɛ̀ì là àpɔ́sɔ̀lɔ̀ ká. À kɛɛ̀ lɛ kíli kɛɛ ḿ gbũ mia lɛ́ Wálà aà o sía zì zò-dɔ̀à-mɔ̀ mɔ̀, ɛ̃́ɛ̃́ zeĩ́ kɛ ḿ zi wánà zɛ̀ lɛ́ mia wáá gbiniìá Wálà lɛ̀ɛ,

1 Pílɛ̀ 2:10

Lúó lɛ́ aà diea píéa, kàá gbaa kɛ Wálà là mia nì ká. Kɛɛ ka là mia nì ká gbaa. Lúó e kília káa, kàá gbaa Wálà là mia yéĩ̀ kṹũ̀ sɔ̀lɔ̀ ɓo. Kɛɛ kaà là mia yéĩ̀ kṹũ̀ sɔ̀lɔ̀ ɓo gbaa.

1 Pílɛ̀ 5:10

Kɛɛ yé kaà wàa ɓèlè ké zì-làà lea, Wálà lɛ́ zò-kɛ̀-sɛ̀ séĩ́ lɛ à kɛ̀lɛ̀, lɛ́ è ka súo kɛ̀ kɛ kà ye nì ká dɔ à zì lɛ̀-fɔ̀nɔɔ̀ɔ tòá kíli zɛ̀ ɓɛ yí Kɛ́lɛ̀ì yí zàáa, à dìè lɛ́ɛ̀ lo à kɛɛ̀ tó ka mɛ́ e kpálà fɛ́fɛ́ le. Ɛ́ɛ̃́ lɛ́ɛ̀ lo ka wɛ́lɛ́ dàà ka yí áà yíkɛ̀ gágà nɔ̀ ka lɛ̀ɛ, tó áà kɛ̀ ka gã̀ áà tã́ã̀ kũ̀.