2 Témɔ́tè 1:9 - Wè-dɔ-wè Dɛɛ

⁹ E ko la, ɛ̃́ɛ̃́ e ko súo kɛ kɛ kó kɛ à dìè là mia nì ká. Wɔ̃́ e kília lɛ̀ɛ́ gbaa kɛ wɔ̃́ kɔaà kɛɛ mɔ́ɔ̀ wɔ̃̀ mɔ̀. Kɛɛ à kɛɛ̀ lɛ e dìè zì wɔ̃́ yà e gé, e bɛ̀i, à zì zò-kɛ̀-sɛ̀ mɔ́ɔ̀ wɔ̃̀ mɔ̀. E zò-kɛ̀-sɛ̀ e kéa nɔ ko lɛ̀ɛ Kɛ́lɛ̀ì Zízɛ̀ yí zàá kɛ bɛ̃̀ɛ̃ pɛ séĩ́ é tĩã́ kɛɛ̀ ɓe.

2 Témɔ́tè 1:9 Iomraidhean Croise

Máfìù 1:21

Lɛ́ɛ̀ lo nɛ́ gɔ̃ zɛ̀ doó yeè. Ì à tɔ́ kpɔ́ Zízɛ̀, ɓii lɛ́ɛ̀ lo là mia nì laà o zì kɛ‐wɔ̃̀ yɔɔ kɛ̀lɛ̀ɛ mɔ́ɔ̀ wɔ̃̀ mɔ̀.”

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 10:21

Lúó e kília káa, Zízɛ̀ paà e kɛá géli lɛ́ Gɛ̀ɛ̀ Púlú a nɔ à lɛ̀ɛ ká. A gèe kélɛ̀, “M Dàa, lɛ́ i lɛ̀í wà tã́ã̀ o Dàa‐mì káa, ḿm̀ i zúo ɓo, ɓii pɛ lɛ́ ɓaà à bĩ̀ĩ̀ mia lɛ́ ò kii dɔ gbùò, ɛ̃́ɛ̃́ o yé o gíkã́ã̀ lɛɛ o mɔ̀ɔ, à zɔ̃̀ɔ̃̀ lɛ́ ɓa ɓo mia yé òó pɛ gbɛɛ dɔɔ lɛ̀ɛ, ḿm̀ i zúo ɓo à mɔ́ɔ̀ wɔ̃̀ mɔ̀. M̀m̀, m Dàa, e kɛ i dìè i zì zò‐wèèà‐mɔ̀ wɔ̃̀ ká lɛ́ i wɔ̃́ e kéa kɛɛ.

Zɔ̃̀ɔ̃́ 17:24

“M Dàa, ɓaà o nɔ m lɛ̀ɛ. Ḿm̀ nàà ó kɛ m píé lɛ̀ lɛ́ m yía mɔ̀, kɛɛ ó m zì kɛ̀-kpànazɛ̀-kɔ̀ lɛ́ ɓa nɔ m lɛ̀ɛ gɛ̃̀. Ƃii m lɔ̀ kpɔ́ɔ̀ e kɛá i mɔ̀ kɛɛ kpóṹ là kɛɛ̀ é tĩã́ kɛɛ̀ à ká.

Zɔ̃̀ɔ̃́ 17:9

“Ḿm̀ sɛ̀nɛ e kéa ɓo o wɛ̃́ĩ̀. Ma wá sɛ̀nɛ ɓopìà kpóṹ là wɛ̃́ĩ̀. Kɛɛ ḿm̀ ɓo mia lɛ́ i o nɔ m lɛ̀ɛ wɛ̃́ĩ̀, ɓii o ɓà mia nì káa mɔ́ɔ̀ wɔ̃̀ mɔ̀.

Zɔ̃̀ɔ̃́ 6:37

Mia séĩ́ lɛ́ m Dàa è o nɔ m lɛ̀ɛ, óò lo nuù m píé. Mi nɔ́ɔ fé lɛ́ è lo nuù m píéa, m̀ḿ ló m wũ ɓoò à wì gbɛɛ ɓo.

Àpɔ́sɔ̀lɔ̀ 15:18

Ko Dàa-mì lɛ́ e wɔ̃́ e kéa kɛ mɔ́ mia yí-dɔ-wɔ̃̀ káa, zí a gèe à káa, lɛ́ ɓɛ.’

Àpɔ́sɔ̀lɔ̀ 2:47

O kɛ Wálà tɔ́ ɓɔpìà, ɛ̃́ɛ̃́ mia séĩ́ zò dàaà e kɛá o píé. Lúó séĩ́ káa, ko Dàa-mì e kɛ o là kpɔ́pìà mia lɛ́ o kɛ la-ɓo sɔ̀lɔ̀ ɓopìàa ká.

Wólómà 11:14

Ḿ ɓɔ́-kpɔ́ yàáa, lɛ́ɛ̀ lo lèĩ fɔ̃̀ɔ̃́-là kɛɛ̀ dàà mia lɛ́ kò ye nì kò go sɛ́lɛ́ doó yía o gé, tó máà o dò là.

Wólómà 11:29

Wálà lɛ̀ɛ́ e zì yɛ́lɛ́-táá mɛ́ vɔ̀ɔ mi lɛ́ aà súo kɛ, ɛ̃́ɛ̃́ lɛ́ aà nɔ̀-lɛ̀ɛ-pɛ̀ nɔ à lɛ̀ɛ ɓɔ̀ɔ wɛ̃́ĩ̀.

Wólómà 16:25

Kɔ̀à Wálà tɔ́ ɓɔ. Lɛ́ɛ̀ bɛ̀i à mɔ̀ é ka kɛ ká dɔ ka dɔ̀lɔ̀ mɔ̀ gágà lɛ̀ zí nɔ́ wɔ̃́ làṹ yiè lɛ́ m̀ gèea, ɛ̃́ɛ̃́ lòũ̀-ɓo-wè lɛ́ à gbɛ̃̀ɛ̃̀ lɛ Zízɛ̀ Kɛ́lɛ̀ì mɔ̀ɔ, à gèe à káa lɛ́ ɓe. Ɛ́ɛ̃́ lɛ nɔ́ zeĩ́ lɛ̀ wɔ̃́ lɛ́ mia òó gbaa kɛ à yí dɔpìà, ɓii à bĩ̀ĩĩ̀ e kɛá kɛ̀ɛ̀ búnù-búnùzɛ̀ lɛ́ aà diea píé, lɛ́ Wálà aà lɛ́ɛ́ ɓo gbaa làa, lɛ́ ɓe.

Wólómà 3:20

Wɔ̃́ lɛ́ Lɔ́ɔ̀ɔ à gèea kɛɛ̀ lɛ̀ɛ́ ló mi nɔ́ɔ fé dò kɛɛ̀ é kɛ kpeĩ Wálà nyìɛ là. Ƃii Lɔ́ɔ̀ɔ láà kɛ̀ tó mi ɓáà yí dɔ̀ kélɛ̀ íì kɛ-wɔ̃̀ yɔɔ kɛ̀.

Wólómà 9:11

Kɛ ó tĩã́ nɔ́ɔ̀ɓé o kília o yeè, ɛ̃́ɛ̃́ kɛ ó tĩã́ wɔ̃́ yɔɔ ɛ̃́ɛ̃́ à yiè kɛɛ̀ɛ, Wálà a gèe Wìlìbɛ́kà lɛ̀ɛ weeá kélɛ̀, “Ƃà nɛ́ líéa lɛ́ɛ̀ lo kɛɛ̀ nɛ́ zízàá là yɛɓo-kɛ-mì ká.” Wálà e à gèe kíli kɛɛ mi sí à ɓoa, é kɛ wɔ̃́ lɛ́ a yà e gé á kɛɛ à yí ká. Sí ɓo lɛ́ à kɛ̀ɛ, ye wá wɔ̃́ nɔ́ɔ fé lɛ́ mi ɓà kɛ̀ɛ mɔ́ɔ̀ wɔ̃̀ wɛ̃́ĩ̀. Mí Wálà à súo kɛ̀ɛ, ye lɛ́ à sia.

Wólómà 9:24

Ƃii ko lɛ́ ko mia lɛ́ e o súo kɛɛ káa. Lɛ̀ɛ́ gbaa ko súo kɛ nɔ́ Zúù-mìà doó bà, kɛɛ e ko súo kɛ sɛ́lɛ́ gbɛɛ yí-mìà bà nɔ́ kíli.

1 Kɔ̀léĩ́tĩ̀ã̀ 1:18

Ƃii wɔ̃́ lɛ́ ò gèe lɛ́ à gbɛ̃̀ɛ̃̀ lɛ Kɛ́lɛ̀ì zì gá a ɓo kɔ́lɔ́sì mɔ̀ɔ mɔ̀ɔ, lɛ wɔ̃́ yí gíniìa zɛ̀ ká mia lɛ́ o gínipìàa lɛ̀ɛ. Kɛɛ mia lɛ́ ko lapìàa, wɔ̃́ e kília lɛ Wálà zì yíkɛ̀ gáàa lɛ̀ ká ko lɛ̀ɛ.

Ìfísɔ̃̀ 1:11

Pɛ séĩ́ kɛɛ̀ lɛ lɛ̀ zí Wálà aà e yɛ́lɛ́ táá à ká, ɛ̃́ɛ̃́ lɛ̀ zí aà yàá e gé ó kɛáa ká. Wálà e ko sí kɛ kó kɛ là mia nì ká kò Kɛ́lɛ̀ì nì ko zì kɛ̀ doó yí, ɓii lɛ́ɛ̀ à nàà á kɛ kília mɔ́ɔ̀ wɔ̃̀ mɔ̀. A naa á kɛ kíli ɓii zía lɛ́ aà wɔ̃́ yàá e gé á kɛá wɔ̃́ gɛ̃̀ gbɛ̃̀pìàa.

Ìfísɔ̃̀ 1:9

Wálà e wɔ̃́ lɛ́ a yà e gé á kɛɛ kɛ. Wɔ̃́ lɛ́ a naa á kɛ, lɛ́ e kɛ tĩã́ bĩ̀ĩ̀pìà, lɛ́ aà yà e gé mɔ́ kɛ á kɛɛ̀ líé nyɛ Kɛ́lɛ̀ì yí zàáa, aà à kɛ, kɔaà à yí dɔ.

Ìfísɔ̃̀ 2:5

a kɛ lɛ̀ bɛ̃̀ɛ̃ ko gaà e kɛá wɔ̃́ lɛ́ ye wá kpeĩa kɛɛ̀ yía, e kò Kɛ́lɛ̀ì nì ko kɛ gbaa ɓéèe. Lɛ Wálà zì zò-kɛ̀-sɛ̀ kolo là ká lɛ́ ka la-ɓo sɔ̀lɔ̀ ɓoa.

Ìfísɔ̃̀ 3:11

Wálà e wɔ̃́ nì e kília kɛ wɔ̃́ lɛ́ aà yà e gé á kɛ, lɛ́ lɛ tòá kíli wɔ̃̀ káa, mɔ́ɔ̀ wɔ̃̀ mɔ̀. Wɔ̃́ lɛ́ a yà e gé kília, aà à kɛ gbaa, aà kɛ wánà zɛ̀ ko Dàa-mì Kɛ́lɛ̀ì Zízɛ̀ kolo là zàá.

Fèlépĩ̀ã̀ 3:14

À mɔ́ɔ̀ wɔ̃̀ mɔ̀ɔ, m bàlà sípìà kpeĩ le máà lò m tèá-pìà, kɛ ḿ pɛ lɛ́ m̀ mɔ́ɔ̀ bàlà sia sɔ̀lɔ̀ ɓo à lɛ̀ mɔ̀. Ye lɛ́ e kélɛ̀, ko súo lɛ́ Wálà à kɛ̀ Kɛ́lɛ̀ì Zízɛ̀ kolo là, kɛ kó ló à píé lɛ̀ía.

1 Tɛsàlónìà 4:7

Wálà lɛ̀ɛ́ gbaa ko súo kɛ wɔ̃́ lilì kṹã̀a zɛ̀ kɛɛ̀ wɛ̃́ĩ̀. Kɛɛ e ko súo kɛ wɔ̃́ púlú kɛɛ̀ mɔ́ɔ̀ wɔ̃̀ mɔ̀.

1 Témɔ́tè 1:1

Óò m si Pɔ́ɔ̀. M Kɛ́lɛ̀ì Zízɛ̀ là àpɔ́sɔ̀lɔ̀ ká, ɓii ko La-mì Wálà, e bɛ̀i Kɛ́lɛ̀ì Zízɛ̀ lɛ́ ko zò lɛ à mɔ̀ɔ, waà gèe ḿ kɛáa mɔ́ɔ̀ wɔ̃̀ mɔ̀.

2 Témɔ́tè 1:1

Óò m si Pɔ́ɔ̀. M Kɛ́lɛ̀ì Zízɛ̀ là àpɔ́sɔ̀lɔ̀ ká, ɓii Wálà a naa ḿ kɛáa mɔ́ɔ̀ wɔ̃̀ mɔ̀. Lɛ kíli kɛ ḿ kɛ̀ɓe lɛ́ aà e wè dɔá mia lɛ́ wà Kɛ́lɛ̀ì Zízɛ̀ nì o doóa lɛ̀ɛ wɔ̃̀ gèe.

Tátɔ̀ 1:2

lɛ́ à gã̀ gbɛ̃̀ɛ̃̀ lɛ kɛ̀ɓe wɔ́lɔ́-wɔ́lɔ́ lɛ́ mia zò lɛ à mɔ̀ɔ wɔ̃̀ zɔ̃̀ɔ̃̀ o lɛ̀ɛ. Wálà lɛ́ lɛ̀ɛ́ nɛ̀ kɛɛ, e e wè dɔ kɛ̀ɓe e kília ká, kɛ bɛ̃̀ɛ̃ pɛ séĩ́ é tĩã́ kɛɛ̀ ɓe.

Hííbúlù 3:1

M lèe-gé vɔ̀ lɛ́ ka ké Kɛ́lɛ̀ì tɔ́ yí zàáa, Wálà aà ka vɔ̀ɔ ka súo kɛ nɔ́ kíli. Kà ka yɛ́lɛ́ táá Zízɛ̀ mɔ́ɔ̀ wɔ̃̀ yí. Wálà e à vɔ kɛ é kɛ sálà-ɓò-Wálà-mɔ̀-mìà wũ-là-mì ká zò-dɔ̀à-mɔ̀ wɔ̃̀ lɛ́ kò wèè à mɔ̀ɔ wɛ̃́ĩ̀.

1 Pílɛ̀ 1:20

Wálà e à sí mɔ́ kɛɛ é tĩã́ kpóṹ là zèe kɛɛ̀. Ɛ́ɛ̃́ lɛ́ɛ́ ɓoò e kɛá à wɔ̃̀ là lúó léĩ́-tó-lùò lɛ́ ko à yía ká ka mɔ́ɔ̀ wɔ̃̀ mɔ̀.

1 Pílɛ̀ 2:9

Kɛɛ ka yee, ka mia-kù lɛ́ Wálà aà o sía ká. Ɛ́ɛ̃́ ka mia Líé-sí-mì là sálà-ɓo-mìà ká. Ka Wálà là sɛ́lɛ́ɛ yí-mìà púlú ká. Ka Wálà dìè là mia nì ká. E ka sí, kɛɛ ká à zì wɔ̃́ kɛ-zì kpàlézɛ̀ ɓɛ wɔ̃̀ gèe. À ye lɛ́ e ka súo kɛ kɛ ká gó bĩ́ tii bà, kɛ ká nu à dìè-tĩ́ là lɛ̀ fɔ̀nɔɔ̀ɔ kpàlézɛ̀ ɓɛ bàa.

Wɛ̀lɛ̀vèlésɔ̃̀ 13:8

Mia séĩ́ lɛ́ o yàlà kṹũ̀ lɛ kpóṹ là zèea, óò lo gbinì à lɛ̀ɛ. Mia lɛ́ ò lo gbinì à lɛ̀ɛ kília, o lɛ́ o kélɛ̀ mia séĩ́ lɛ́ o tɔ́ bɛ̃̀ɛ̃ɛ̃̀ wá nɛ́ kɛ̀ɓe-kiia yí kɛ bɛ̃̀ɛ̃ kpóṹ là zèe é tĩã́ kɛɛ̀ ɓea káa. Kɛ̀ɓe-kii e kília lɛ Ƃáá nyɔ̀nɔ́ lɛ́ o à zɛɛ là pɛ ká.

Wɛ̀lɛ̀vèlésɔ̃̀ 17:8

Luú-wìì lɛ́ ɓa gɛ̃̀ɛ e kɛ ɓéèe. Kɛɛ ye wá ɓe gbaa. Lɛ gbaa kɛpìà kɛ é gó gùlù lɛ́ à tèá-pìà wá ɓea yí, kɛ é ló e yí-sìèpìà. Mia lɛ́ o yàlà kṹũ̀ lɛ kpóṹ là, lɛ́ o tɔ́ bɛ̃̀ɛ̃ɛ̃̀ wá nɛ́ kɛ̀ɓe-kiia yí kɛ bɛ̃̀ɛ̃ kpóṹ là é tĩã́ kɛɛ̀ ɓea káa, o lé paà lɛ́ɛ̀ lo kɛɛ̀ à ká yé waà kɛ luú-wìì e kília gɛ̃̀pìàa ká. E kɛ ɓéèe. Kɛɛ ye wá ɓe gbaa. Kɛɛ lɛ́ɛ̀ lo kɛɛ̀ zeĩ́ ɓe.