2 Témɔ́tè 1:7 - Wè-dɔ-wè Dɛɛ

⁷ Ƃii Gɛ̀ɛ̀ lɛ́ Wálà aà nɔ ko lɛ̀ɛ, lɛ̀ɛ́ à kɛ kɛɛ yɛ́lɛ̀ é ko kɛ wɔ̃́ kɛɛ̀ yí. Kɛɛ à zì Gɛ̀ɛ̀ lɛ́ɛ̀ yíkɛ̀ gáàa, lɔ̀-kpɔ̀à-mɔ̀, e bɛ̀i dìè-kũ̀-tã́ã̀ nɔ ko lɛ̀ɛ.

2 Témɔ́tè 1:7 Iomraidhean Croise

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 10:19

Kà ka tóó dɔ. Maà yíkɛ̀ gáàa nɔ ka lɛ̀ɛ, kɛ ká táá mɛ̀nɛ wà zɛ̃̀ĩ̀yɛ̀lɛ̀ o là, ɛ̃́ɛ̃́ kɛ ká kɛ ka Dàa‐gbe zì yíkɛ̀ gáàa séĩ́ là. Pɛ gbɛɛ lɛ̀ɛ́ ló ka gĩ̀ĩĩ̀.

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 15:17

Lɛ̀ e kɛ gbaa kília, e nu gbaa e dìè píé, áà gèè kélɛ̀, ‘M dàa là yɛɓo‐kɛ‐mìà séĩ́, óò léɓèlè sɔ̀lɔ̀ ɓo gbùò, wáà ɓèlè, tó wáà kɔ̃́ nì ɓò à mɔ̀. Ye gɛ̃̀, m lɛ̀ e kéa mɔ̀, tó lɔ̀ɔ áà ɓùò m zɛɛ̀ɛ ké.

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 24:49

Tó m dìè bɛ̃̀ɛ̃, máà pɛ lɛ́ m Dàa aà e wè dɔ à káa, vɔ̀ ka là. Kɛɛ lɛ ka mɔ̀ ká tó pɛ́lɛ e kéa yí, é tóá kíli yíkɛ̀ gáàa lɛ́ è go lɛ̀ía, é nu ka là.”

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 8:35

Mia o ló kɛ ó wɔ̃́ lɛ́ aà kɛɛ gɛ̃̀. O nu Zízɛ̀ píé. O gɔ̃ lɛ́ pɛ yɔɔ aà gó à píéa gɛ̃̀ yàá Zízɛ̀ gã̀ dṹɔ̃̀. Sɔ e kɛ à mɔ̀, ɛ̃́ɛ̃́ à wũ‐kèlè yí e kɛ gbaa sɛ̀. Míáa o kɛ gbaa túópìà.

Zɔ̃̀ɔ̃́ 14:27

“Zò-yà-gé tóò lɛ ka píé zèe. Maà m dìè zì zò-yà-gé nɔ ka lɛ̀ɛ. M̀ḿ gbaa nɔ ka lɛ̀ɛ kpóṹ là zì pɛ-nɔ̀-mia-lɛ̀ɛ zì ká. Yékɛ̀ ká tó ka zò é ka fɔ̃̀ã̀-fɔ̃́ã́ kɛ. Yékɛ̀ ká túó.

Àpɔ́sɔ̀lɔ̀ 1:8

Yíkɛ̀ gáàa nɔɔ̀ lɛ́ɛ̀ lo kɛɛ̀ à ká ka lɛ̀ɛ yé Gɛ̀ɛ̀ Púlú aà nu ka làa ká. Káà lo kɛɛ̀ m̀ kélá ká Zùlúsàlɛ̀, ɛ̃́ɛ̃́ Zùdíà wà Sɛ̀mɛ́lìà-sɛ̀lɛ̀ lɛ̀ séĩ́ mɔ̀, ɛ̃́ɛ̃́ sɛ́lɛ́ léĩ́ tèá-pìà.”

Àpɔ́sɔ̀lɔ̀ 10:38

Káà wɔ̃́ lɛ́ à gbɛ̃̀ɛ̃̀ lɛ Zízɛ̀ lɛ́ è go Názàlɛ̀ɛ mɔ̀ɔ dɔ. Zi lɛ́ Wálà e Gɛ̀ɛ̀ Púlú wà yíkɛ̀ gáàa káá à ká à làa, káà dɔ. E ló lɛ̀ séĩ́ mɔ̀ wɔ̃́ yiè kɛɛ̀ ká. E kɛ mia séĩ́ lɛ́ o kɛ Dɛ́ɓò là yíkɛ̀ gáàa wìa lapìà, ɓii Wálà e kɛ à píéa mɔ́ɔ̀ wɔ̃̀ mɔ̀.

Àpɔ́sɔ̀lɔ̀ 20:24

Kɛɛ m̀ḿ m zì kɛ̀ ɓéèe gɛ̃̀ wɔ̃́ kpànazɛ̀ ká m dìè lɛ̀ɛ, kɛ ḿ nyɛ m zì bàlà síì mɔ̀ téé-tèè, ɛ̃́ɛ̃́ kɛ ḿ nyɛ yɛɓo lɛ́ ko Dàa-mì Zízɛ̀ aà nɔ m lɛ̀ɛ ḿ à kɛɛ, kɛɛ̀ mɔ̀. Yɛɓo e kília lɛ́ e wɔ̃́ làṹ yiè lɛ́ à gbɛ̃̀ɛ̃̀ lɛ Wálà zì zò-kɛ̀-sɛ̀ mɔ̀ɔ gèeè lòũ̀ ká káa.

Àpɔ́sɔ̀lɔ̀ 21:13

Pɔ́ɔ̀ e à là nìɛ̀ weeá kélɛ̀, “Mɛ́ kà mɔ́ɔ̀ gbóó ɓo ké, lɛ́ kà kɛ̀ lɛ́ m zò è sìè m gé ké? M pɛ̀ kɛɛ̀ wá m yèlè ò lo à ɓoò Zùlúsàlɛ̀ɛ doó mɔ́ɔ̀ wɔ̃̀ mɔ̀. Kɛɛ à kɛɛ̀ lɛ, é kɛ̀á ḿm̀ lo gaà bɛ̃̀ɛ̃ yí ko Dàa-mì Zízɛ̀ mɔ́ɔ̀ wɔ̃̀ mɔ̀ɔ wɛ̃́ĩ̀ nɔ́ kíli.”

Àpɔ́sɔ̀lɔ̀ 26:11

M wɔ̃́ nyɔ́ɔ̀ɔ kɛ o ká Zúù-mìà zì Wálà-kà wì píé lúó búnùzɛ̀ ká. M o kɛ-zì naa kɛ ó wɔ̃́ yɔɔ gèe Zízɛ̀ gbĩ mɔ̀. Wɔ̃́ e m wàa o píé, a kɛ tó máà lò o sã̀ dɔ̀á sí sɛ́lɛ́ doò do yí píé.

Àpɔ́sɔ̀lɔ̀ 26:25

Kɛɛ Pɔ́ɔ̀ a yí zṹ weeá kélɛ̀, “M dàa-mì Fɛ́sɔ̀, m wũ-kèlè yí nìɛɛ̀ wá à ká. Wɔ̃́ m̀ gèea, lɛ wánà zɛ̀ ɛ̃́ɛ̃́ lɛ kpeĩ.

Àpɔ́sɔ̀lɔ̀ 6:8

Tíímì paà e kɛá yíkɛ̀ gáàa wà Wálà zì zò-kɛ̀-sɛ̀ ká kpó-kpó ɓo. E kɛ wɔ̃́ kpàlé-kpàlézɛ̀, wà wɔ̃́ lé-pa zɛ̀ nì kɛpìà míáa bà.

Àpɔ́sɔ̀lɔ̀ 9:22

Kɛɛ Sɔ́ɔ̀ zì wɔ̃́ làṹ yièa gèeè mɛ́ e kɛ kɛpìà gágà teele. E kɛ à zɔ̃̀ɔ̃̀pìà kélɛ̀ Zízɛ̀ lɛ́ e Kɛ́lɛ̀ì káa. À kɛ̀ kíli yía, e kpɔu yà à ká Zúù-mìà lɛ́ o kɛ Dùmásàa lé.

Wólómà 5:5

Zò-kɛ̀-pɛ-mɔ̀ e kéa, lɛ̀ɛ́ ko zò dà do zízàá. Ƃii Wálà aà ko zò píé pa e zì lɔ̀-kɛ̀á ká. Wálà lɛ́ɛ̀ wɔ̃́ e kéa kɛ̀ kíli là Gɛ̀ɛ̀ Púlú lɛ́ a nɔ ko lɛ̀ɛ ká.

Wólómà 8:15

Ƃii Gɛ̀ɛ̀ lɛ́ Wálà a nɔ ka lɛ̀ɛ, lɛ̀ɛ́ ka lùò là kɛ̀ ɓo kɛ bɛ̃̀ɛ̃ á kɛ ká túó. Kɛɛ Gɛ̀ɛ̀ e kília lɛ́ɛ̀ ka kɛ̀ Wálà là nɔ́ɔ̀ ká, tó áà kɛ̀ tó kɔ́áà gbóó ɓò Wálà mɔ̀ weeá kélɛ̀, “M Dàa.”

1 Kɔ̀léĩ́tĩ̀ã̀ 2:4

Lɛ̀ m kɛ pɛ zɔ̃̀ɔ̃̀pìà, ɛ̃́ɛ̃́ máà wɔ̃́ gèè lòũ̀ ká ka lɛ̀ɛ, m̀ḿ gbaa à gèe wéé nɛ́ĩ́-nɛ̀ĩ̀ lɛ́ mia ɓéèe zì gíkã́ à zɔ̃̀ɔ̃̀ o lɛ̀ɛ ká. Kɛɛ Gɛ̀ɛ̀ Púlú zì yíkɛ̀ gáàa lɛ́ e wɔ̃́ lɛ́ m kɛ à gèepìàa, zɔ̃̀ɔ̃̀ kélɛ̀ lɛ wánà káa.

Gɛ̀lésìà 5:22

Kɛɛ pɛ lɛ́ Gɛ̀ɛ̀ Púlú è ɓa à káa, lɛ́ e kélɛ̀, lɔ̀-kɛ̀à-mɔ̀, géli, e bɛ̀i, zò-yà-gé, ɛ̃́ɛ̃́ zò-kũ̀-tã́ã̀, e bɛ̀i, wɔ̃́ kɛ̀ mi lɛ̀ɛ zì yiè, sɔ̃̀ɔ̃-kɛ̀-sɛ̀, e bɛ̀i, mia zò-dɔ̀-i-mɔ̀,

Kɔ̀lɔ́sĩã̀ 1:8

E mi lɔ̀-kpɔ̀-mi-mɔ̀ lɛ́ Gɛ̀ɛ̀ Púlú aà nɔ ka lɛ̀ɛ, wɔ̃̀ gèe ko lɛ̀ɛ.

Hííbúlù 2:15

kɛ bɛ̀i é kɛ à mɔ̀ kɛ é mia lɛ́ o zì tùò-ga-lɛ̀ɛ aà o kɛ wáà kɛ̀ lùò ká o zì kɛ̀ɓe yía, kɛ é o la.

1 Pílɛ̀ 1:22

Kaà wɔ̃́ wánà zɛ̀ɛ wéè kɛ. Wɔ̃́ e kéa kɛɛ̀ kolo làa, kaà ka dìè kɛ púlú, ɛ̃́ɛ̃́ ka lèe-gé vɔ̀ lɔ̀ kpó-kpó kpɔ́ɔ̀ lɛ ka mɔ̀. Lɛ̀ lɛ́ wɔ̃́ nì e kéa lɛ kília, ka kíe nì lɔ̀ è kpɔ́ ka mɔ̀ kpó-kpó ɓo, áà gò ka zò píé.

1 Zɔ̃̀ɔ̃́ 4:18

Mi lɛ́ mi lɔ̀ kpɔ́ɔ̀ lɛ à mɔ̀ɔ, lɛ̀ɛ́ túó. Lɔ̀-kɛ̀à-mɔ̀ kpó-kpó lɛ́ɛ̀ túó yí lùò. Yé lɛ kília, mi lɛ́ è tùòa, kɛɛ à zì lɔ̀-kɛ̀à-mɔ̀ kɛɛ̀ wá kpeĩ fɛ́fɛ́ le. Ƃii wɔ̃́ nyɔ́ɔ̀ɔ gɛ̃̀ɛ̃ɛ̃̀ lɛ túó là pɛ ká.