2 Témɔ́tè 1:6 - Wè-dɔ-wè Dɛɛ

⁶ À mɔ́ɔ̀ wɔ̃̀ mɔ̀ɔ, ḿm̀ i zò vùò nɔ̀-lɛ̀ɛ-pɛ̀ lɛ́ Wálà a nɔ i lɛ̀ɛ, lɛ̀ lɛ́ m m kɔ̀ kpɔ́ i làa káa, yékɛ̀ ɓá tó à wũ é ga. Kɛɛ ì à kɛ áà lɛ̀ fɔ̀nɔ̀.

2 Témɔ́tè 1:6 Iomraidhean Croise

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 19:13

Kɛ é tĩã́ lóò táá e kília mɔ̀ɔ, e là yɛɓo‐kɛ‐mìà vũ̀ doóa súo kɛ. E pɛlèe lɛ́ à kɛɛ̀ lɛ góò káa, gbá doó doó nɔ o lɛ̀ɛ déĩ́ le. A gèe o lɛ̀ɛ, ‘Kà lɔ́ɔ́ dɔ pɛlèea ká, é tóá kíli ḿ nu.’

Àpɔ́sɔ̀lɔ̀ 19:6

Pɔ́ɔ̀ e e kɔ̀ kpɔ́ o là. Gɛ̀ɛ̀ Púlú e nu gbaa o là. O gbɛ̃̀ gbaa wáà wè gbɛɛ̀ gbɛɛ gèè, ɛ̃́ɛ̃́ wáà wɔ̃́ lɛ́ Wálà aà káá o léa gèè.

Àpɔ́sɔ̀lɔ̀ 6:6

O míá o kéa nɔ gbaa àpɔ́sɔ̀lɔ̀ vɔ̀ lɛ̀ɛ. Àpɔ́sɔ̀lɔ̀ vɔ̀ɔ o o kɔ̀ kpɔ́ o là, lɛ̀ lɛ́ o nyɛ sɛ̀nɛ ɓoò mɔ̀ɔ ká.

1 Tɛsàlónìà 5:19

Yékɛ̀ ká Gɛ̀ɛ̀ Púlú tèá wɔ̃́ lɛ́ à nàà á kɛɛ kɛɛ̀ mɔ̀.

1 Témɔ́tè 4:14

Yékɛ̀ í nɔ̀-lɛ̀ɛ-pɛ̀ lɛ́ e i kɛ̀lɛ̀, lɛ́ à nɔɔ̀ e kɛá i lɛ̀ɛ lɛ̀ lɛ́ mia o wɔ̃́ lɛ́ Wálà a káá o lé o gèea wa gèea ká, ɛ̃́ɛ̃́ mia dìè-dìè vɔ̀ɔ o o kɔ̀ kpɔ́ i làa káa, yékɛ̀ ɓá wɔ̃̀ dà i kɔ̀ mɛ̀ĩ́.

1 Témɔ́tè 4:6

Yé ɓaà wɔ̃́ kɛ-zì lɛ́ m̀ gèe i lɛ̀ɛ e kéa nɔ lèe-gé vɔ̀ yé o tóa lɛ̀ɛ, íì lo kɛɛ̀ yɛɓo-kɛ-mì kpeĩ ká Kɛ́lɛ̀ì Zízɛ̀ lɛ̀ɛ. Íì lo léɓèlè lɛ́ i gɛ̀ɛ̀ è lo à naà káa sɔ̀lɔ̀ ɓoò. Léɓèlè e kília lɛ́ e kélɛ̀, wéé lɛ́ à gbɛ̃̀ɛ̃̀ lɛ zò-dɔ̀à-mɔ̀ wɔ̃̀ mɔ̀, ɛ̃́ɛ̃́ wéé lɛ́ zeĩ́ à gbɛ̃̀ɛ̃̀ lɛ pɛ-zɔ̃̀ɔ̃̀-kɔ̀ wánà zɛ̀ lɛ́ ɓaà tó à píéa mɔ̀ɔ káa.

2 Témɔ́tè 2:14

Ì mia zò vùò wɔ̃́ e kéa ká. Ɛ́ɛ̃́ ì lìè-wè dɔ o lɛ̀ɛ Wálà wɛlɛ mɔ̀ kélɛ̀ yékɛ̀ ó wéé dɔ wéé doò do mɔ́ɔ̀ wɔ̃̀ mɔ̀. Wéé dɔɔ̀ lɛ̀ɛ́ wɔ̃́ yiè gbɛɛ kɛ. Kɛɛ lɛ́ɛ̀ mia lɛ́ ò o tóó dɔɔ wi tã́ã̀.

2 Témɔ́tè 4:2

ì Wálà là wééa gèe lòũ̀ ká. Ì à gèe téé-tèè, yé bɛ̃̀ɛ̃ lúó e kília lɛ sɛ̀ ɛ̃́ɛ̃́ ye wá sɛ̀ɛ ká. Ì à kɛ mia ó wéé i wéè mɔ̀. Ì mia gbɛ̃̀ zuú. Ì à kɛ mia fã̀ã́ é wàà. Ì pɛ zɔ̃̀ɔ̃̀ ɓáà i zò kũ̀ i gé à kɛɛ̀ yí teele.

Hííbúlù 6:2

ɛ̃́ɛ̃́ zeĩ́, pɛ-zɔ̃̀ɔ̃̀-kɔ̀ lɛ́ à gbɛ̃̀ɛ̃̀ lɛ bàtáì kɛɛ̀ séĩ́, ɛ̃́ɛ̃́ kɔ̀ kpɔ̀ mia là, e bɛ̀i, mia lɛ́ waà gaa, o wɛ̀lɛ̀-ga-kɛ̀lɛ̀, ɛ̃́ɛ̃́ tòá kíli mɛ̀ĩ́-sà lɛ́ ò lo à káà mia wĩĩ́a káa.

2 Pílɛ̀ 1:12

Wɔ̃́ e kília mɔ́ɔ̀ wɔ̃̀ mɔ̀ɔ, ḿm̀ lo ka zò vùò wɔ̃́ nì e kéa ká teele, yé bɛ̃̀ɛ̃ káà à dɔ zii, ɛ̃́ɛ̃́ lɛ́ ka gã̀ gbɛ̃̀ɛ̃̀ lɛ wɔ̃́ wánà zɛ̀ lɛ́ kaà à sɔ̀lɔ̀ ɓoa yí kpɛ̃ĩ lea káa ká.

2 Pílɛ̀ 3:1

M̀ lɔ̀-kɛ̀á-mìà, kíí maà bɛ̃̀ɛ̃ ka píéa, pèèlɛ-mì lɛ́ e kéa. Kii pèèlɛ lɛ́ maà bɛ̃̀ɛ̃ yía, maà à kɛ-zì naa kɛ ḿ tíé kpaa ka là, kɛɛ yɛ́lɛ́-táá yiè é kɛ ka mɔ̀ ka zò lɛ́ m̀ vùò kília kolo là.

Zúdè 1:5

Yé bɛ̃̀ɛ̃ ka wɔ̃́ e kéa séĩ́ yí dɔɔ, ḿm̀ nàà ḿ ka zò vùò zi lɛ́ ko Dàa-mì e là mia nì la à ká, lɛ́ o gó Ízè-sɛ̀lɛ̀ yía mɔ́ɔ̀ wɔ̃̀ ká. Kɛɛ lɛ̀ e nyɛ à kɛ̀ kíli mɔ̀ɔ, e mia lɛ́ òó gbaa à wéè gɛ̃̀ wánà káa zɛ.