2 Témɔ́tè 1:4 - Wè-dɔ-wè Dɛɛ

⁴ M zò lɛ́ɛ̀ vùò zi lɛ́ i nyìɛ-yíí e káá à ká i làa mɔ́ɔ̀ wɔ̃̀ ká. Ɛ́ɛ̃́ i gɛ̃̀-lɔ̀ lɛ́ɛ̀ m kɛ̀ kpó-kpó ɓo kɛ m paà é kɛá géli ká.

2 Témɔ́tè 1:4 Iomraidhean Croise

Zɔ̃̀ɔ̃́ 16:22

Zí e kéa lɛ́ wɔ̃́ kɛɛ̀ lɛ à ká ka káa. Dɛɛ káa, ka yàà lɛ yéĩ̀zɛ̀. Kɛɛ ḿm̀ lo ka gɛ̃̀ɛ̃̀ zeĩ́. Yé aà kɛ kília, ka gé lɛ́ɛ̀ lo liì. Ɛ́ɛ̃́ mi gbɛɛ lɛ̀ɛ́ bɛ̀i géli e kília ɓoò ka là.

Zɔ̃̀ɔ̃́ 16:24

É kã́ lúó aà diea mɔ̀, é ɓɔá pɛ́nɛɛ mɔ̀ɔ, kàá pɛ gbɛɛ pɛ̃́ do m tɔ́ yí. Kà pɛ pɛ̃́. Ká kɛ̀á kília, káà lo à sɔ̀lɔ̀ ɓoò, kɛɛ ka zì géli lé é pa.

Àpɔ́sɔ̀lɔ̀ 20:19

M kɛ yɛɓo kɛpìà ko Dàa-mì lɛ̀ɛ dìè-sì-péĩ́ ká, tó m nyìɛ-yíí áà kàà à kɛɛ̀ yí. M kɛ yɛɓoa kɛpìà zí e kéa ká kíli wàa lɛ́ à kpɔ́ɔ̀ e kɛá m mɔ̀ wàà lɛ́ Zúù-mìà wa ɓo m kílí yía mɔ́ɔ̀ wɔ̃̀ mɔ̀.

Àpɔ́sɔ̀lɔ̀ 20:31

Yé lɛ kília, kà ka yɛ́lɛ́ kɛ ka dìè píé. Ɛ́ɛ̃́ ka zò è vùò kélɛ̀ m lìè-wè dɔ ka séĩ́ ka lɛ̀ɛ kɛ̀ɛ̀ yààka píé bĩ́ã́ ɛ̃́ɛ̃́ nyɛ́nɛ́ĩ́, tó m nyìɛ-yíí áà dìè à kɛɛ̀ yí.

Wólómà 1:11

Ƃii ka gɛ̃̀-lɔ̀ aà m kɛ nyɔ́ɔ̀ɔ. Ḿm̀ nàà ḿ nu nɔ̀-lɛ̀ɛ-pɛ̀ lɛ́ è go Gɛ̀ɛ̀ Púlú kɛ̀lɛ̀ɛ ká ka lɛ̀ɛ, kɛ é ka gã̀ kɛ é tã́ã̀ kṹ.

Fèlépĩ̀ã̀ 1:8

Wálà lɛ́ e m kélá ká à gèe m̀ ɓo ka séĩ́ ka lɔ̀ lɛ́ è m kɛ̀ e nyɔ́ɔ̀ɔ káa, à gã̀-gbɛ̃̀ɛ̃̀ lɛ Kɛ́lɛ̀ì Zízɛ̀ dìè zò píé.

Fèlépĩ̀ã̀ 2:26

Ka séĩ́-séĩ́ ka gɛ̃̀-lɔ̀ lɛ́ɛ̀ à kɛ̀ nyɔ́ɔ̀ɔ. À zò lɛ́ɛ̀ zɛ́zɛ́ kũ à gé à má ka ɓo kélɛ̀ lɛ́ɛ̀ yáá kɛ̀ɛ mɔ́ɔ̀ wɔ̃̀ mɔ̀.

1 Tɛsàlónìà 2:17

Ko lèe-gé vɔ̀, lɛ̀ lɛ́ ko gó ka píé lúó zààle píéa, ka lɔ̀ e kɛ ko kɛpìà, kɔ́áà kɛ-zì kpó-kpó nàà kɛ kó ka gɛ̃̀ zeĩ́. Kɛɛ ko zò yee góò lɛ̀ɛ́ gbaa kɛá ka píé, yé bɛ̃̀ɛ̃ ko gbĩ-kpàlaa lɛ̀ɛ́ gbaa kɛ yía ká.

2 Témɔ́tè 4:21

Ì à kɛ-zì kpó-kpó naa í nɛ́nɛ́ pɛ̃́ tó líé, í nu. Yúɓèlè, Púdɛ̃̀, Lánà e bɛ̀i Kɔ́lɔ́dìà, ɛ̃́ɛ̃́ zeĩ́ ko lèe-gé vɔ̀ séĩ́ lɛ́ o tóa, óò wèè i bà.

2 Témɔ́tè 4:9

Ì à kɛ-zì kpó-kpó naa í ɓɔ m mɔ̀ pɛ́lɛ̀.

1 Zɔ̃̀ɔ̃́ 1:4

Kóò wɔ̃́ e kéa bɛ̃̀ɛ̃ kɛɛ ko zì géli lé é pa.

Wɛ̀lɛ̀vèlésɔ̃̀ 21:4

Lɛ́ɛ̀ lo o nyìɛ-yíí sòlóò o nyìɛ féfé le. Ga nɔ́ɔ fé dò lɛ̀ɛ́ ló gbaa kɛɛ̀ ɓe. Yà yéĩ̀zɛ̀, ɛ̃́ɛ̃́ gbóó-wè, e bɛ̀i wàa gbɛɛ dò nɔ́ɔ fé lɛ̀ɛ́ ló gbaa kɛɛ̀ ɓe. Pɔɔ̀ zii zii lɛ́ e kɛ ɓea séĩ́ aà die gbaa.”

Wɛ̀lɛ̀vèlésɔ̃̀ 7:17

Ƃii Ƃáá nyɔ̀nɔ́ lɛ́ lɛ táŋánáa zèía lɛ́ɛ̀ lo e nyìɛ kɛɛ̀ o mɔ̀, lɛ̀ zí mi è e nyìɛ kɛ̀á ɓáá mɔ̀ɔ lɛ́ ɓe. Lɛ́ɛ̀ lo lóò o ká lɛ̀ lɛ́ kɛ̀ɓe-yìì è go yía mɔ̀. Ɛ́ɛ̃́ Wálà lɛ́ɛ̀ lo o nyìɛ-yíí sòlóò o nyìɛ féfé le.”