2 Témɔ́tè 1:3 - Wè-dɔ-wè Dɛɛ

³ Ḿm̀ Wálà lɛ́ m̀ yɛɓo kɛ̀ à lɛ̀ɛ zò yiè ká, lɛ̀ zí m dàa ye dàà nì wa kɛáa lɛ́ ɓea zúo ɓo. Yé maà kɛ sɛ̀nɛ ɓopìàa, m zò lɛ́ɛ̀ vùò i mɔ́ɔ̀ wɔ̃̀ ká teele bĩ́ã́ ɛ̃́ɛ̃́ nyɛ́nɛ́ĩ́. À mɔ́ɔ̀ wɔ̃̀ mɔ̀ɔ, ḿm̀ Wálà zúo ɓo.

2 Témɔ́tè 1:3 Iomraidhean Croise

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 2:37

Lɛ̀ e kɛ kília, e kɛ gã̀ã ká kɛ̀ɛ̀ vũ̀ sálàka wɛ́lɛ́ yììsɛ píé. Lɛ̀ɛ́ gbaa kɛ gópìà sálà‐ɓò‐Wálà‐lɛ̀ɛ‐kàa wì. E gbini Wálà lɛ̀ɛ bĩ́ã́ ɛ̃́ɛ̃́ nyɛ́nɛ́ĩ́, áà lò e sṹũ yí, áà sɛ̀nɛ ɓò.

Àpɔ́sɔ̀lɔ̀ 22:3

“Zúù mi lɛ́ e m ká. O m ye Táásà lɛ́ e Sìlísìàa mɔ̀. Kɛɛ o m tòlò Zùlúsàlɛ̀ zèe. Gɔ̀mélìà e kɛ pɛ zɔ̃̀ɔ̃̀ m lɛ̀ɛ mì ká. E ko kpɔ́ ko dàa ye dàà nì wà Lɔ́ɔ̀ɔ kɛɛ̀ ká kpeĩ le. M fã̀ã́-wàà e kɛá Wálà mɔ́ɔ̀ wɔ̃̀ mɔ̀ lɛ̀ zí nɔ́ ka séĩ́ ka à ká pɛ́nɛɛ lɛ́ ɓe.

Àpɔ́sɔ̀lɔ̀ 23:1

Pɔ́ɔ̀ e lɛ̀ gɛ̃̀ mɛ̀ĩ́-sà ɓo-mìàa wɛlɛ yí áà gèè, “M ɓɛ́ĩ̀ ye-mìà, m zò lɛ̀ɛ́ mɛ̀ m mɔ̀ Wálà wɛlɛ mɔ̀ m zì kɛ̀ɓe séĩ́ là, é ɓɔá pɛ́nɛɛ mɔ̀.”

Àpɔ́sɔ̀lɔ̀ 24:14

Wɔ̃́ yé e kéa ḿm̀ lo wéè à mɔ̀. Ye lɛ́ e kélɛ̀, ḿm̀ gbìnì Wálà lɛ́ e ko dàa ye dàà nì wà Wálà káa lɛ̀ɛ Zí lɛ́ ò gèe ye wá kpeĩa ká. Kɛɛ ḿm̀ wɔ̃́ séĩ́ lɛ́ à bɛ̃̀ɛ̃ɛ̃̀ lɛ Móózè là Lɔ́ɔ̀ɔ yía, ɛ̃́ɛ̃́ pɛ séĩ́ lɛ́ à bɛ̃̀ɛ̃ɛ̃̀ lɛ dɔ̀-Wálà-lé-là-mìà wà kíía yía gɛ̃̀ wánà ká.

Àpɔ́sɔ̀lɔ̀ 24:16

À mɔ́ɔ̀ wɔ̃̀ mɔ̀ɔ, ḿm̀ m yí dɔ gágà yékɛ̀ m zò é mɛ̀ m mɔ̀ Wálà wà mia ɓéèe o wɛlɛ mɔ̀ teele.

Àpɔ́sɔ̀lɔ̀ 26:4

“Zúù-mìà séĩ́ óò zi lɛ́ m wɛ̀lɛ̀á tã́ã̀ é kã́ lúó lɛ́ m kɛá nyɔ̀nɔ́ɔ mɔ̀ɔ, óò à dɔ. M kɛ ko pà-sɛ̀lɛ̀ yí bèĩzɛ̀. Yé e kɛ kília, m ló Zùlúsàlɛ̀ bɛ̃̀ɛ̃ mɔ̀.

Àpɔ́sɔ̀lɔ̀ 27:23

Ƃii Wálà lɛ́ m là mi ká, ɛ̃́ɛ̃́ lɛ́ m̀ gbìnì à lɛ̀ɛ, à zì vɔ-mì e nu pɛ̃́ m píé,

Wólómà 9:1

Wánà-wɔ̃̀ lɛ́ m̀ gèe ɓɛ. M Kɛ́lɛ̀ì là mi ká. M̀ḿ nɛ̀ kɛ. Gíkã́ lɛ́ Wálà zì Gɛ̀ɛ̀ Púlú à dà m zò píéa, lɛ́ɛ̀ m̀ kélá-wè ɓo áà zɔ̃̀ɔ̃̀ m lɛ̀ɛ kélɛ̀ wánà-wɔ̃̀ lɛ́ m̀ gèea.

2 Kɔ̀léĩ́tĩ̀ã̀ 1:12

Wɔ̃́ lɛ́ kɔ̀à lé-gbùò-là kɛ̀ à làa, gɛ̃̀ e ké. Ye lɛ́ e kélɛ̀, ko zì gíkã́ láà zɔ̃̀ɔ̃̀ ko lɛ̀ɛ kélɛ̀ ko zì wɔ̃́ kɛ-kɔ̀ lɛ́ kò wɔ̃́ kɛ̀ à ká kpóṹ là zèe, ɛ̃́ɛ̃́ à yé kò wɔ̃́ kɛ̀ à ká ka lɛ̀ɛ, Wálà láà kɛ̀ tó áà kɛ̀ kpeĩ le, ɛ̃́ɛ̃́ tó áà gò ko zò píé. Wálà zì zò-kɛ̀-sɛ̀ɛ lɛ́ a kɛ lɛ́ e kɛ kília. Kpóṹ là zèe mìà zì gíkã́ wá kɛ á kɛ kíli.

Gɛ̀lésìà 1:14

Zi lɛ́ m kɔ̀ yàaà e kɛá Zúù-mìà zì gbìnì Wálà lɛ̀ɛ kɔ̀ wìa, m diè e kɛá m ɓɛ́ĩ̀ Zúù-mìà búnùzɛ̀ lɛ́ o kò ye nì ko ye nyɛ́nɛ́ doó káa là à kɛɛ̀ yí. M kɔ̀ kùnuù e kɛá kpó-kpó ɓo ko dàa ye dàà nì zì kɛ-wɔ̃̀ lɛ́ ò kɛ̀ mɔ́ɔ mɔ̀, tó máà o kɛ̀ máà dìèá m ɓɛ́ĩ̀ nì o kília là.

Ìfísɔ̃̀ 1:16

m̀ḿ mɔ́ɔ̀ tèá ɓo do Wálà zúo ɓoò ká ka mɔ́ɔ̀ wɔ̃̀ mɔ̀. M zò lɛ́ɛ̀ vùò ka ká yé maà kɛ sɛ̀nɛ ɓopìàa ká.

1 Tɛsàlónìà 3:10

Kóò sɛ̀nɛ ɓo à lɛ̀ɛ fã̀ã́-wàà ká bĩ́ã́ ɛ̃́ɛ̃́ nyɛ́nɛ́ĩ́, kɛɛ é zi kɛ ɓe kɛɛ kó ko nyìɛ yà ka gbĩ-kpàla mɔ̀, ɛ̃́ɛ̃́ kɛ kó pɛ lɛ́ lɛ ka zì zò-dɔ̀à-mɔ̀ mɔ̀ á sɔ̀lɔ̀ ɓoa nɔ ka lɛ̀ɛ.

1 Témɔ́tè 1:19

I zò dɔɔ̀ è kɛá Wálà mɔ̀ teele. Ɛ́ɛ̃́ yékɛ̀ í i zò-mɛ̀-i-mɔ̀ wɔ̃̀ kɛ. Mia dò waà o wũ ɓo wɔ̃́ lɛ́ o zò gíkã́ à gèe ó kɛɛ wì, ɛ̃́ɛ̃́ o zì zò-dɔ̀à-mɔ̀ aà kã́ gbaa e kíe lé.

1 Témɔ́tè 1:5

Pɛ́ è kɛ̀ lɛ́ m̀ mɔ́ɔ̀ wɔ̃̀ nì e kéa gèe ɓo ɓá kɛɛ, gɛ̃̀ e ké. Ye lɛ́ e kélɛ̀, lɔ̀-kɛ̀à-mɔ̀ lɛ́ è go mi zò píé púlú zɛ̀ lɛ́ à zò lɛ̀ɛ́ mɛ̀ à mɔ̀ɔ gé, lɛ́ zò-dɔ̀à-mɔ̀ wánà zɛ̀ lɛ à yía, é kɛ ɓe.

1 Témɔ́tè 5:5

Lee lɛ́ lɛ gã̀ã kpó-kpó ká, lɛ́ mi gbɛɛ wá ɓe kɛ é dɔ à làa, aà e zò dɔ Wálà mɔ̀, ɛ̃́ɛ̃́ lɛ́ɛ̀ lo e líé sɛ̀nɛ ɓoò ká bĩ́ã́ ɛ̃́ɛ̃́ nyɛ́nɛ́ĩ́ kɛɛ Wálà é gbũ à mɔ̀.

2 Témɔ́tè 1:5

M zò vùò lɛ i zì zò-dɔ̀à-mɔ̀ wánà zɛ̀ ɓɛ ká. Zò-dɔ̀à-mɔ̀ doó e kília lɛ́ e kɛ i lòóò lɛ́ ò si Yúnè, e bɛ̀i à zì lòóò lɛ́ ò si Lóɛ̀ɛ yía. Ḿm̀ à yí dɔ kélɛ̀ lɛ ɓi bɛ̃̀ɛ̃ i yí nɔ́ kíli.

2 Témɔ́tè 3:15

Ɛ́ɛ̃́ é kã́ lúó lɛ́ i kɛá nɛ́fú káa mɔ̀, é ɓɔá pɛ́nɛɛ mɔ̀ɔ, íì à yí dɔ kélɛ̀ ɓaà Wálà là kiia dɔ. Ƃɛ̀i lɛ Wálà là kii e kília mɔ̀ kɛ é gíkã́ lɛ́ è lo i ká la-zì píéa nɔ i lɛ̀ɛ. La-ɓo e kília ɓáà sɔ̀lɔ̀ ɓo zò-dɔ̀ Kɛ́lɛ̀ì Zízɛ̀ mɔ̀ kolo là zàá.

Hííbúlù 13:8

Zi lɛ́ Zízɛ̀ Kɛ́lɛ̀ì e kɛá yaláa, lɛ à ká pɛ́nɛɛ, ɛ̃́ɛ̃́ lɛ́ɛ̀ lo tóò kíli tòá kíli ká.