2 Témɔ́tè 1:14 - Wè-dɔ-wè Dɛɛ

¹⁴ Wɔ̃́ yiè yiè lɛ́ à kpɔ́ɔ̀ lɛ i kɔ̀ làa, ì i yɛ́lɛ́ kɛ o mɔ̀ Gɛ̀ɛ̀ Púlú lɛ́ e ko yía, zì yíkɛ̀ gáàa kolo là zàá.

2 Témɔ́tè 1:14 Iomraidhean Croise

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 16:11

Yé mɔṹ ìí kɛ do zò‐dɔ̀à‐mɔ̀ zɛ̀ kpóṹ là zèe dɔ‐pɔ̀ɔ̀ mɔ́ɔ̀ wɔ̃̀ mɔ̀ɔ, zi sùu kpɛɛ̀ lɛ́ ò bɛ̀i à mɔ̀ ó o zò dɔ̀á i mɔ̀ dɔ‐pɔ̀ɔ̀ wánà zɛ̀ mɔ́ɔ̀ wɔ̃̀ ká?

Zɔ̃̀ɔ̃́ 14:17

Kpóṹ là lɛ̀ɛ́ bɛ̀i à sɔ̀lɔ̀ ɓoò. Ƃii kpóṹ là lɛ̀ɛ́ à gɛ̃̀, ɛ̃́ɛ̃́ lɛ̀ɛ́ à dɔɔ mɔ́ɔ̀ wɔ̃̀ mɔ̀. Kɛɛ ka yee, káà à dɔ, ɓii lɛ ka píé, ɛ̃́ɛ̃́ à yàlà kṹũ̀ lɛ ka yí.

Wólómà 3:2

M̀m̀, wɔ̃́ e kília, o yí lɛ o mɔ̀ kpànazɛ̀ zi nɔ́ɔ fé ká. Bèĩzɛ̀ɛ, Wálà e e lé-wè kpɔ́ Zúù-mìà kɔ̀ là.

Wólómà 8:11

É kɛ̀á Wálà lɛ́ e Zízɛ̀ wɛ̀lɛ̀ ga kɛ̀lɛ̀ɛ, là Gɛ̀ɛ̀ Púlú yàlà kṹũ̀ lɛ ka yía, kɛɛ mi lɛ́ e Kɛ́lɛ̀ì wɛ̀lɛ̀ ga kɛ̀lɛ̀ɛ, lɛ́ɛ̀ lo kɛ̀ɓe nɔɔ̀ ka gbĩ-kpàla lɛ́ è lo gaàa lɛ̀ɛ, à zì Gɛ̀ɛ̀ Púlú lɛ́ à yàlà kṹũ̀ lɛ ka yía kolo là zàá.

Wólómà 8:13

Ƃii é kɛ̀á káà wɔ̃́ lɛ́ ka zì kɛ-kɔ̀ à zɔ̃̀ɔ̃̀ ka lɛ̀ɛ kɛ̀, káà lòá ka wũ káa, káà lo gaà. Kɛɛ ká ka gbĩ-kpàlaa zì kɛ-wɔ̃̀ yɔɔ kɛɛ̀ zɛá Gɛ̀ɛ̀ Púlú kolo là zàáa, káà lo kɛ̀ɓe sɔ̀lɔ̀ ɓoò.

Wólómà 8:9

Yé Wálà zì Gɛ̀ɛ̀ yàlà kṹũ̀ aà kɛá kpó-kpó ɓo ka yía, ka zì kɛ-kɔ̀ ɓɛ, lɛ̀ɛ́ ka líé sí gbaa. Gɛ̀ɛ̀ Púlúa lɛ́ è líé si ka káa. Mi lɛ́ Kɛ́lɛ̀ì zì Gɛ̀ɛ̀ wá à yía, ye wá Kɛ́lɛ̀ì là mi ká.

1 Kɔ̀léĩ́tĩ̀ã̀ 3:16

Kàá yí dɔ kélɛ̀ ka Wálà zì ká ká, ɛ̃́ɛ̃́ kélɛ̀ Wálà zì Gɛ̀ɛ̀ yàlà kṹũ̀ lɛ ka yí?

1 Kɔ̀léĩ́tĩ̀ã̀ 6:19

Kàá yí dɔ kélɛ̀ ka gbĩ-kpàla lɛ Gɛ̀ɛ̀ Púlú lɛ́ Wálà a nɔ ka lɛ̀ɛ, lɛ́ à yàlà kṹũ̀ lɛ ka yía, là ká ká? Ka wá ka dìè kà pɛ ká.

1 Kɔ̀léĩ́tĩ̀ã̀ 9:17

Yé maà wɔ̃́ e kília sí m dìè yí ḿ à kɛɛ, m yɛ́lɛ́ lɛ́ɛ̀ lo kɛɛ̀ yi kɛ ḿ m fɔ́nɔ́ gɛ̃̀. Kɛɛ yé wɔ̃́ e kília kɛ-wɔ̃̀ lɛ m wĩĩ́a, kɛɛ Wálà lɛ́ aà wɔ̃́ kpɔ́ m kɔ̀ là ɓɛ.

2 Kɔ̀léĩ́tĩ̀ã̀ 5:16

É kã́ pɛ́nɛɛ mɔ̀ é ló líéa, kòó ko yɛ́lɛ́ táá mi nɔ́ɔ fé dò ká lɛ̀ zí kpóṹ là zèe mìà ò o yɛ́lɛ́ tàá mia káa lɛ́ ɓe. Yé bɛ̃̀ɛ̃ ko ko yɛ́lɛ́ táá Kɛ́lɛ̀ì mɔ́ɔ̀ wɔ̃̀ ká bèĩzɛ̀ lɛ̀ zí kpóṹ là zèe mìà ò o yɛ́lɛ́ tàá à káa lɛ́ ɓea, kòó à kɛ gbɛɛ ɓo gbaa kíli.

Gɛ̀lésìà 2:7

Kɛɛ o à yí dɔ gbaa kélɛ̀ yɛɓo lɛ́ Wálà a nɔ m lɛ̀ɛ, lɛ́ e wɔ̃́ làṹ yièa gèè sɛ́lɛ́ gbɛɛ yí-mìà lɛ̀ɛ káa, zi nɔ́ doóa lɛ́ e yɛɓo lɛ́ e wɔ̃́ làṹ yièa gèè Zúù-mìà lɛ̀ɛ nɔ à ká Pílɛ̀ lɛ̀ɛ.

Ìfísɔ̃̀ 2:22

Kà ye nì ka kɛ̀ doó yí zàáa, kà mia séĩ́ yé o tóa, o ka dɔpìà ka kíe bà, kɛ ká kɛ ká lɛ́ Wálà è bɛ̀i kɛɛ̀ à wì là Gɛ̀ɛ̀ kolo làa ká.

Ìfísɔ̃̀ 5:18

Yékɛ̀ wã́ã́ĩ̀ é ka kɛ. Ƃii wɔ̃́ e kília lɛ́ɛ̀ mi sìè. Kɛɛ é kã́ à yee mɔ̀ɔ, ka paà è kɛá Gɛ̀ɛ̀ Púlú ká.

Kɔ̀lɔ́sĩã̀ 4:11

Zásùà lɛ́ ò si Zátàa, e wéé ka bà nɔ́ kíli. Mia yààka o kéa lɛ́ nɔ́ o Zúù-mìà lɛ́ kò ye nì kò yɛɓo kɛ̀ Wálà là tò-mia-là mɔ́ɔ̀ wɔ̃̀ mɔ̀ɔ káa. Waà gbũ̀-mɔ̀ kpó-kpó nɔ m lɛ̀ɛ.

1 Tɛsàlónìà 5:19

Yékɛ̀ ká Gɛ̀ɛ̀ Púlú tèá wɔ̃́ lɛ́ à nàà á kɛɛ kɛɛ̀ mɔ̀.

1 Témɔ́tè 1:11

Pɛ-zɔ̃̀ɔ̃̀-kɔ̀ wánà zɛ̀ e kília, lɛ wɔ̃́ làṹ yiè lɛ́ Wálà aà dɔ̀ kɛ m kɛ̀lɛ̀ɛ yí. Wɔ̃́ làṹ yiè e kília, lɛ́ɛ̀ go Wálà kpànazɛ̀ lɛ́ kò tɔ́ ɓɔɔ píé.

1 Témɔ́tè 6:20

Témɔ́tè, pɛ lɛ́ waà kpɔ́ i kɔ̀ làa, ì i yɛ́lɛ́ yiè kɛ à píé. Wéé lɛ́ Wálà tɔ́ lɛ̀ɛ́ ɓɔ à ɓoò yíaò, e bɛ̀i, tèé yí gíniìa zɛ̀ dàaà, lɛ́ mia gbṹũ̀ ò à si gíkã́a, lɛ́ ye wá mɔṹ gíkã́ káa, ì o mɛ́ kpɔ́.

2 Témɔ́tè 1:12

Wɔ̃́ nì e kéa mɔ́ɔ̀ wɔ̃̀ lɛ́ m sã̀ è dɔ ɓɛ. Kɛɛ m zò mɛ́ lɛ tĩã́ gágà, ɓii mi lɛ́ m zò dɔɔ̀ lɛ à mɔ̀ɔ, ḿm̀ à dɔ. Ɛ́ɛ̃́ ḿm̀ à yí kpó-kpó dɔ kélɛ̀ pɛ lɛ́ aà kpɔ́ m kɔ̀ làa, bɛ̀i lɛ à mɔ̀ é e yɛ́lɛ́ kɛ à mɔ̀ é tóá kíli Lúó e kília é ɓɔ.

2 Témɔ́tè 2:2

Wɔ̃́ lɛ́ i m gɛ̃̀ máà gèè kélá vɔ̀ búnùzɛ̀ nyìɛ mɔ̀ɔ, ì o sí í o nɔ gɔ̃à lɛ́ ì bɛ̀i à mɔ̀ í i zò dɔ o mɔ̀, lɛ́ bɛ̀i è lo kɛɛ̀ o mɔ̀ kɛ ó pɛ zɔ̃̀ɔ̃̀ mia gbɛɛ bɛ̃̀ɛ̃ lɛ̀ɛ lɛ̀ɛ.

1 Pílɛ̀ 1:22

Kaà wɔ̃́ wánà zɛ̀ɛ wéè kɛ. Wɔ̃́ e kéa kɛɛ̀ kolo làa, kaà ka dìè kɛ púlú, ɛ̃́ɛ̃́ ka lèe-gé vɔ̀ lɔ̀ kpó-kpó kpɔ́ɔ̀ lɛ ka mɔ̀. Lɛ̀ lɛ́ wɔ̃́ nì e kéa lɛ kília, ka kíe nì lɔ̀ è kpɔ́ ka mɔ̀ kpó-kpó ɓo, áà gò ka zò píé.