2 Témɔ́tè 1:13 - Wè-dɔ-wè Dɛɛ

¹³ Ì i kɔ̀ kùnù wéé wánà zɛ̀ lɛ́ ma zɔ̃̀ɔ̃̀ i lɛ̀ɛ kɛ é kɛ wɔ̃́ gɔ̃̀á lɛ́ ì lo tóò à píéa káa mɔ̀. Ì kɛ ɓe zò-dɔ̀à-mɔ̀ wà lɔ̀-kpɔ̀à-mɔ̀ lɛ́ lɛ mia lɛ́ kò Kɛ́lɛ̀ì Zízɛ̀ nì ko doóa ko kɛ̀lɛ̀ɛ yí.

2 Témɔ́tè 1:13 Iomraidhean Croise

Wólómà 2:20

I wɔ̃́ kɛ-zì zɔ̃̀ɔ̃̀-mì ká mia bè zɛ̀ lɛ̀ɛ. I pɛ-zɔ̃̀ɔ̃̀-mì ká nɔ́ɔ̀ɓé lɛ̀ɛ. Ƃáà yí dɔ Lɔ́ɔ̀ e kília yía, wɔ̃́ yí-dɔ-kɔ̀ wà wánà-wɔ̃̀ o lɛ̀ kpànazɛ̀ pìà lɛ yí i lɛ̀ɛ.

Wólómà 6:17

Kɛɛ Wálà zúo nyɔ́ɔ̀ɔ. Ƃii ka kɛ kɛ-wɔ̃̀ yɔɔ là lùò ká. Kɛɛ ka zò e wéé à mɔ̀ ka wɔ̃́ wánà zɛ̀ nì lɛ́ o kɛ pɛ lɛ́ wa zɔ̃̀ɔ̃̀ ka lɛ̀ɛ bàa kṹ ka zɔ̃̀ɔ̃̀ ká.

Fèlépĩ̀ã̀ 1:27

Ɛ̀ɛ̀, wɔ̃́ nɔ́ lɛ à mɔ̀ ká kɛɛ lɛ́ e kélɛ̀, lɛ sɛ̀ ka yìì-kɔ̀ é kɛ kpeĩ, lɛ̀ zí Kɛ́lɛ̀ì wɔ̃̀ làṹ yièa à nàà é kɛáa lɛ́ ɓe, kɛɛ yé bɛ̀i lɛ m mɔ̀, ɛ̃́ɛ̃́ yé bɛ̀i wá bɛ̃̀ɛ̃ m mɔ̀ kɛ ḿ nu ɓɔ ka píéa, kɛɛ ḿ à ma yee ɓo kélɛ̀ ka dɔ̀á ka dɔ̀lɔ̀ mɔ̀ zò doó ká, tó ka yɛ́lɛ́-tàà-yí-wɔ̃̀ lɛ doó, kɛɛ ká gèlè gɔ̃ pɛ doó ká e kíe là. Pɛ doó e kília lɛ́ e zò-dɔ̀à-mɔ̀ wɔ̃̀ lɛ́ wɔ̃́ làṹ yièa è à wɔ̃̀ gèea káa.

Fèlépĩ̀ã̀ 4:9

Pɛ lɛ́ ka dã́, ɛ̃́ɛ̃́ lɛ́ ka sɔ̀lɔ̀ ɓo, lɛ́ kaà ma m lé, tó káà m gɛ̃̀ máà kɛ̀ɛ, kà yɛɓo kɛ o ká. Ɛ́ɛ̃́ Wálà lɛ́ è zò-yà-gé nɔ ko lɛ̀ɛ, lɛ́ɛ̀ lo kɛɛ̀ ka píé.

Kɔ̀lɔ́sĩã̀ 1:4

Ƃii kɔaà zi lɛ́ ka zò dɔɔ̀ lɛ à ká Kɛ́lɛ̀ì Zízɛ̀ mɔ̀, ɛ̃́ɛ̃́ zi lɛ́ Wálà-mìà séĩ́ lɔ̀ kpɔ́ɔ̀ lɛ à ká ka mɔ̀ɔ wɔ̃̀ ma.

1 Tɛsàlónìà 5:21

Kà pɛ séĩ́ yí dã́. Kà kùnù pɛ lɛ́ lɛ sɛ̀ɛ mɔ̀.

1 Témɔ́tè 1:10

ɛ̃́ɛ̃́ zeĩ́ sɔ̃̀ɔ̃ yɔɔ kɛ-mìàò, e bɛ̀i, mia lɛ́ ò o ɓɛ́ĩ̀ nì kɛ̀ o na káaò, ɛ̃́ɛ̃́ mia lɛ́ ò mia kã̀ã ɓoaò, e bɛ̀i, nɛ̀-kɛ-mìà, ɛ̃́ɛ̃́ zeĩ́ fùlu kélá-wè ɓo-mìà, ɛ̃́ɛ̃́ é dàá mia lɛ́ ò wɔ̃́ nɔ́ɔ fé kɛ̀ lɛ́ wà pɛ-zɔ̃̀ɔ̃̀-kɔ̀ wánà zɛ̀ɛ òó wéé o kíe nì wéè mɔ̀ɔ káa.

1 Témɔ́tè 1:14

Ko Dàa-mì e e zì zò-kɛ̀-sɛ̀ káá m là yí gbùò zɛ̀, ɛ̃́ɛ̃́ e zò-dɔ̀à-mɔ̀ wà lɔ̀-kɛ̀à-mɔ̀ lɛ́ e kò pɛ ká kò Kɛ́lɛ̀ì Zízɛ̀ nì ko kɛ̀ doó yía kolo là zàáa, a nɔ m lɛ̀ɛ.

1 Témɔ́tè 6:3

Mi lɛ́ è pɛ gbɛɛ zɔ̃̀ɔ̃̀ lɛ́ lɛ̀ɛ́ wéé ko Dàa-mì Zízɛ̀ Kɛ́lɛ̀ì zì wéé wánà zɛ̀ɛò, ɛ̃́ɛ̃́ lɛ́ lɛ̀ɛ́ wéé pɛ-zɔ̃̀ɔ̃̀-kɔ̀ lɛ́ à gbɛ̃̀ɛ̃̀ lɛ gbìnì-Wálà-lɛ̀ɛ kɔ̀ mɔ̀ɔ mɔ̀ɔ,

2 Témɔ́tè 1:1

Óò m si Pɔ́ɔ̀. M Kɛ́lɛ̀ì Zízɛ̀ là àpɔ́sɔ̀lɔ̀ ká, ɓii Wálà a naa ḿ kɛáa mɔ́ɔ̀ wɔ̃̀ mɔ̀. Lɛ kíli kɛ ḿ kɛ̀ɓe lɛ́ aà e wè dɔá mia lɛ́ wà Kɛ́lɛ̀ì Zízɛ̀ nì o doóa lɛ̀ɛ wɔ̃̀ gèe.

2 Témɔ́tè 1:14

Wɔ̃́ yiè yiè lɛ́ à kpɔ́ɔ̀ lɛ i kɔ̀ làa, ì i yɛ́lɛ́ kɛ o mɔ̀ Gɛ̀ɛ̀ Púlú lɛ́ e ko yía, zì yíkɛ̀ gáàa kolo là zàá.

2 Témɔ́tè 2:2

Wɔ̃́ lɛ́ i m gɛ̃̀ máà gèè kélá vɔ̀ búnùzɛ̀ nyìɛ mɔ̀ɔ, ì o sí í o nɔ gɔ̃à lɛ́ ì bɛ̀i à mɔ̀ í i zò dɔ o mɔ̀, lɛ́ bɛ̀i è lo kɛɛ̀ o mɔ̀ kɛ ó pɛ zɔ̃̀ɔ̃̀ mia gbɛɛ bɛ̃̀ɛ̃ lɛ̀ɛ lɛ̀ɛ.

2 Témɔ́tè 3:14

Kɛɛ ɓi yee, ì kùnù wánà-wɔ̃̀ lɛ́ wa zɔ̃̀ɔ̃̀ i lɛ̀ɛ, lɛ́ ɓa gɛ̃̀ wánà ká kpó-kpó ɓoa mɔ̀, ɓáà lòá i líé. Mia lɛ́ ɓa dã́ o wìa, íì o dɔ.

2 Témɔ́tè 4:3

Lúó lɛ́ mia òó ló o tóó dɔɔ̀ à ká pɛ wánà zɛ̀ lɛ́ ò zɔ̃̀ɔ̃̀ɔ mɔ̀ɔ, lɛ́ɛ̀ lo ɓɔɔ̀. Míá o kília óò lo tóò o dìè zì nàà-ká-wɔ̃̀ píé. Óò lo pɛ-zɔ̃̀ɔ̃̀-mìà búnù-búnùzɛ̀ lɛ́ ò lo wɔ̃́ lɛ́ o tóó à nàà á maa gèeè o lɛ̀ɛ, páà e kíe mɔ̀ o dìè lɛ̀ɛ.

Tátɔ̀ 1:9

Lɛ à mɔ̀ ó kùnù wéé lɛ́ ò bɛ̀i à mɔ̀ ó o zò dɔ à mɔ̀, lɛ́ è wèè pɛ-zɔ̃̀ɔ̃̀-kɔ̀ɔ wéè mɔ̀ɔ mɔ̀. Zí e kéa káa, bɛ̀i lɛ́ɛ̀ lo kɛɛ̀ o mɔ̀ kɛ ó mia fã̀ã́ wàà pɛ-zɔ̃̀ɔ̃̀-kɔ̀ wánà zɛ̀ɛ ká, ɛ̃́ɛ̃́ tó wáà mia lɛ́ ò gèlè gɔ̃ o káa zì wɔ̃́ niàa zɔ̃̀ɔ̃̀á o lɛ̀ɛ.

Tátɔ̀ 2:1

Kɛɛ ɓi yee, ì pɛ lɛ́ lɛ mi lɛ́ è wánà-wɔ̃̀ɔ zɔ̃̀ɔ̃̀ɔ mɔ̀ á zɔ̃̀ɔ̃̀ɔ zɔ̃̀ɔ̃̀.

Tátɔ̀ 2:8

Ì wéé wũ zɛ̀ lɛ́ mia òó bɛ̀i à ɓoòo mɛ̀ĩ́a sí ɓáà pɛ zɔ̃̀ɔ̃̀á. Ì à kɛ kíli kɛɛ yɛ́lɛ̀ é kpɔ́ i dàa-gbe vɔ̀ là, yékɛ̀ wɔ̃́ gbɛɛ é kɛ o kɛ̀lɛ̀ ó gèe ko gbĩ mɔ̀.

Hííbúlù 10:23

Kɔ̀à kùnù pɛ lɛ́ kɔa zò lɛ à mɔ̀, lɛ́ kɔaà wéé à mɔ́ɔ̀ wɔ̃̀ mɔ̀ɔ mɔ̀ kpɛ̃ĩ le, ɓii Wálà lɛ́ e e wè dɔ ko lɛ̀ɛ lɛ zò-dɔ̀à-mɔ̀ zɛ̀.

Hííbúlù 3:6

Kɛɛ Kɛ́lɛ̀ì lɛ zò-dɔ̀à-mɔ̀ zɛ̀, ɛ̃́ɛ̃́ à ye lɛ́ e Wálà Gbe lɛ́ e Wálà là káa wũ làa káa. Ko lɛ́ ko là ká ká, yé ko fã̀ã́ aà wàà, ɛ̃́ɛ̃́ lɛ́ kɔaà ko zò dɔ pɛ lɛ́ ko zò lɛ à mɔ̀ɔ mɔ̀ teelea káa.

Hííbúlù 4:14

À mɔ́ɔ̀ wɔ̃̀ mɔ̀ɔ, kɔ̀à kùnù zò-dɔ̀à-mɔ̀ wɔ̃̀ lɛ́ kɔaà wéé à mɔ̀ɔ wɔ̃̀ mɔ̀ kpɛ̃ĩ le. Ƃii sálà-ɓò-Wálà-mɔ̀-mìà wũ-là-mì kpànazɛ̀ dò lɛ ɓe ko lɛ̀ɛ. Aà ló Wálà wɛlɛ kpó-kpó mɔ̀. Mí e kília lɛ́ e Zízɛ̀ lɛ́ e Wálà Gbe káa káa.

Zúdè 1:3

M̀ lɔ̀-kɛ̀á-mìà, m kɛ m yí dɔpìà gágà kɛ ḿ la-ɓo lɛ́ kɔ̀à ɓi nì kɔ̀à dɔ à yía wɔ̃̀ bɛ̃̀ɛ̃ ka píé, kɛɛ ma gɛ̃̀ gbaa sɛ̀ kɛɛ ḿ kii bɛ̃̀ɛ̃ ka píé dɛɛ ká, kɛɛ ka fã̀ã́ é wàà. Ḿm̀ nàà ka fã̀ã́ é wàà kɛɛ ká ló ka líé gèlè ká zò-dɔ̀à-mɔ̀ wɔ̃̀ lɛ́ Wálà aà nɔ nɔ́ doó là mia nì lɛ̀ɛ mɔ́ɔ̀ wɔ̃̀ mɔ̀.

Wɛ̀lɛ̀vèlésɔ̃̀ 2:25

Kɛɛ kà ka kɔ̀ kɛ pɛ́ yé lɛ ka kɛ̀lɛ̀ɛ mɔ̀ gágà, é tóá kíli m nu-lùò é ɓɔ.

Wɛ̀lɛ̀vèlésɔ̃̀ 3:11

Ḿm̀ lo kɛɛ̀ nupìà dɛɛ ká. Ì i kɔ̀ kùnù pɛ lɛ́ lɛ i kɛ̀lɛ̀ɛ mɔ̀, yékɛ̀ mi gbɛɛ é i fɔ́nɔ́ lɛ́ ì lo à gɛ̃̀ɛ̃̀, lɛ́ e zòlò káa, yékɛ̀ é à kṹ i kɛ̀lɛ̀.

Wɛ̀lɛ̀vèlésɔ̃̀ 3:3

À mɔ́ɔ̀ wɔ̃̀ mɔ̀ɔ, i zò è vùò pɛ lɛ́ wa zɔ̃̀ɔ̃̀ i lɛ̀ɛ, ɛ̃́ɛ̃́ zi lɛ́ i à ma à káa ká. Ì à kɛ, ɛ̃́ɛ̃́ í i sɔ̃̀ɔ̃ mɛ́ vɔ̀ɔ. Í gɔ̃̀á vùòa, ḿm̀ lo nuù i là lɛ̀ kã̀ã-mì lɛ́ ɓe. Ɛ́ɛ̃́ ìí ló bɛ̃̀ɛ̃ lúó lɛ́ m̀ lo nuù à káa dɔɔ̀.