2 Témɔ́tè 1:12 - Wè-dɔ-wè Dɛɛ

¹² Wɔ̃́ nì e kéa mɔ́ɔ̀ wɔ̃̀ lɛ́ m sã̀ è dɔ ɓɛ. Kɛɛ m zò mɛ́ lɛ tĩã́ gágà, ɓii mi lɛ́ m zò dɔɔ̀ lɛ à mɔ̀ɔ, ḿm̀ à dɔ. Ɛ́ɛ̃́ ḿm̀ à yí kpó-kpó dɔ kélɛ̀ pɛ lɛ́ aà kpɔ́ m kɔ̀ làa, bɛ̀i lɛ à mɔ̀ é e yɛ́lɛ́ kɛ à mɔ̀ é tóá kíli Lúó e kília é ɓɔ.

2 Témɔ́tè 1:12 Iomraidhean Croise

Máfìù 12:21

Ɛ́ɛ̃́ sɛ́lɛ́ gbɛɛ̀ gbɛɛ yí‐mìà séĩ́ zò lɛ́ɛ̀ lo kɛɛ̀ à mɔ̀.”

Máfìù 24:36

“Kɛɛ mi nɔ́ɔ fé lɛ̀ɛ́ lúó ɛ̃́ɛ̃́ lɛ̀‐kpɛ̀iì è lo nuù kília dɔ. Wálà là vɔ‐mìà lɛ́ o lɛ̀ía, ɛ̃́ɛ̃́ ma à Gbe, é kɛ bɛ̃̀ɛ̃ ko káa, kòó à dɔ. M Dàa doó lɛ́ nɔ́ è à dɔɔ.

Máfìù 7:22

Yé Lúó e kília aà ɓɔɔ, mia búnùzɛ̀ óò lo à gèeè m lɛ̀ɛ, ‘Ko Dàa‐mì, ko Dàa‐mi, ḿ gɔ̃̀, ko Wálà lé‐wè gèe i tɔ́ yí, kɔ́áà pɛ yɔɔ búnùzɛ̀ ɓò mia píé i tɔ́ yí, ɛ̃́ɛ̃́ kɔ́áà wɔ̃́ kpàlézɛ̀ búnùzɛ̀ kɛ̀ i tɔ́ yí nɔ́ kíli.’

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 10:12

Ḿm̀ gèe ka lɛ̀ɛ kélɛ̀, lúó lɛ́ ò lo mɛ̀ĩ́‐sà dɔɔ̀á mia mɔ̀ɔ, Sɔ́dɔ̃̀ zì wɔ̃́ lɛ́ è lo ɓɔɔ̀ à làa, lɛ́ɛ̀ lo kɛɛ̀ fìa, é dieá sɛ́lɛ́ e kília zì là.

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 23:46

Zízɛ̀ e gbɛ́ɛ́ dóo gágà weeá kélɛ̀, “M Dàa, maà m zì gɛ̀ɛ̀ kpɔ́ gbaa i kɔ̀ là.” E wɔ̃́ e kéa gèe nɔ́ɔ, e e wúú líé‐nyɛ‐mɔ̀ káá gbaa, áà gà.

Zɔ̃̀ɔ̃́ 17:15

Ma wá sɛ̀nɛ ɓopìà i lɛ̀ɛ kɛ í o sí kpóṹ là, kɛɛ ḿm̀ ɓo kɛ í i yɛ́lɛ́ kɛ o mɔ̀ Kɛ-pɛ̀ Yɔɔ Kɛ-mì ɓɛ mɔ́ɔ̀ wɔ̃̀ mɔ̀.

Zɔ̃̀ɔ̃́ 6:44

Mi gbɛɛ lɛ̀ɛ́ bɛ̀i nuù m píé, yé mia Dàa lɛ́ e m vɔɔ, lɛ̀ɛ́ à gã́ã́ m ká kɔ̀ɛ́ɛ ká. Ɛ́ɛ̃́ ḿm̀ lo à wɛ̀lɛ̀ ga kɛ̀lɛ̀ lúó léĩ́-tó-lùò ká.

Àpɔ́sɔ̀lɔ̀ 13:46

Kɛɛ Pɔ́ɔ̀ wà Bánábà o kɛ nɔ́ tĩã́ mɛ́ĩ́ ɓopìà nyìɛ-gágà-là ká weeá kélɛ̀, “E kɛ ko mɔ̀ kɛ kó Wálà là wééa gèe ka lɛ̀ɛ bèĩzɛ̀. Kɛɛ yé ka ka wũ ɓo à wìa, lɛ́ kàá gbaa ka dìè sí kpànazɛ̀ kɛɛ ká kɛ̀ɓe wɔ́lɔ́-wɔ́lɔ́ sɔ̀lɔ̀ ɓoa, kóò lo góò ka lɛ̀ɛ, tó ko kò ló ɓo sɛ́lɛ́ gbɛɛ yí-mìà píé.

Àpɔ́sɔ̀lɔ̀ 13:50

Kɛɛ Zúù-mìàa o ló sɛ́lɛ́ɛ líé-sí-mìà, wà loà kpàna-kpànazɛ̀ lɛ́ ò gbìnì Wálà lɛ̀ɛ píé. O à kɛ o zò e dɔ e gã̀ mɔ̀. O gbɛ̃̀ gbaa Pɔ́ɔ̀ wà Bánábà o sã̀ dɔɔ̀ mɔ̀, o o lúó, o gó sɛ́lɛ́ e kília yí gbaa.

Àpɔ́sɔ̀lɔ̀ 21:13

Pɔ́ɔ̀ e à là nìɛ̀ weeá kélɛ̀, “Mɛ́ kà mɔ́ɔ̀ gbóó ɓo ké, lɛ́ kà kɛ̀ lɛ́ m zò è sìè m gé ké? M pɛ̀ kɛɛ̀ wá m yèlè ò lo à ɓoò Zùlúsàlɛ̀ɛ doó mɔ́ɔ̀ wɔ̃̀ mɔ̀. Kɛɛ à kɛɛ̀ lɛ, é kɛ̀á ḿm̀ lo gaà bɛ̃̀ɛ̃ yí ko Dàa-mì Zízɛ̀ mɔ́ɔ̀ wɔ̃̀ mɔ̀ɔ wɛ̃́ĩ̀ nɔ́ kíli.”

Àpɔ́sɔ̀lɔ̀ 7:59

O kɛ nɔ́ Tíímì pápìà gɛ̀lɛ̀ ká, lɛ̀ lɛ́ bɛ̃̀ɛ̃ e kɛ wéépìà ko Dàa-mì píéa ká. Áà gèè kélɛ̀, “Ko Dàa-mì Zízɛ̀, ì m gɛ̀ɛ̀ sí ɓà pɛ ká.”

Àpɔ́sɔ̀lɔ̀ 9:16

M dìè-tĩ́ ḿm̀ lo wàa séĩ́ lɛ́ lɛ à mɔ̀ á ɓèlè m mɔ́ɔ̀ wɔ̃̀ mɔ̀ɔ, zɔ̃̀ɔ̃̀ à lɛ̀ɛ.”

Wólómà 1:16

Ƃii yɛ́lɛ̀ lɛ̀ɛ́ m kɛ wɔ̃́ làṹ yièa wɛ̃́ĩ̀. Ƃii wɔ̃́ làṹ yièa lɛ Wálà zì yíkɛ̀ gágà ká, kɛɛ mia séĩ́-séĩ́ lɛ́ zò-dɔ̀à-mɔ̀ lɛ o yía, kɛ é o la. Zúù-mìà bèĩzɛ̀ lɛ́ è lo o píéa. Tó áà lò gbaa sɛ́lɛ́ gbɛɛ yí-mìà bɛ̃̀ɛ̃ píé.

Wólómà 9:33

Zí Wálà kii e wɔ̃́ gèe à ká, áà gbɛ̃̀ à mɔ̀ɔ, gɛ̃̀ e ké. “Lɛ̀ gɛ̃̀, ḿm̀ gɛ̀lɛ̀ kpɔ Záyɔ̃̀-pɛlɛí, ɛ̃́ɛ̃́ lɛ́ɛ̀ lo à kɛɛ̀ mia wáà sã̀ à ká. Lɛ gɛ̀lɛ̀-kpùlù lɛ́ è lo à kɛɛ̀ ó pèlèa ká. Kɛɛ mi lɛ́ è lo e zò dɔɔ̀ à mɔ̀ɔ, à zò lɛ̀ɛ́ ló tóò lɛ̀í.”

1 Kɔ̀léĩ́tĩ̀ã̀ 1:8

Ɛ́ɛ̃́ zeĩ́a, Kɛ́lɛ̀ì lɛ́ɛ̀ lo ka mɛ́ kɛɛ̀ gágà é tóá kíli é ɓɔá lúó léĩ́-tó-lùò mɔ̀, kɛɛ yékɛ̀ wɔ̃́ gbɛɛ é kɛ ka mɔ̀ ko Dàa-mì Zízɛ̀ Kɛ́lɛ̀ì zì Lúó ká.

1 Kɔ̀léĩ́tĩ̀ã̀ 3:13

Zi lɛ́ mia kɛ-yɛ̀ɓo lɛ à ká doò doa, à zɔ̃̀ɔ̃̀ lɛ́ɛ̀ lo kɛɛ̀ à ká yé Lúó lɛ́ lɛ nupìàa aà kɛ waà dà wáà-làa ká. Tíé lɛ́ è lo kɛɛ̀ ɓe Lúó e kília káa, lɛ́ɛ̀ lo lɛ́ɛ́ ɓoò mia séĩ́ kɛ-yɛ̀ɓo là. Tíé e kília lɛ́ɛ̀ lo à yí dã́ã̀, áà zi lɛ́ o à káa zɔ̃̀ɔ̃̀.

Fèlépĩ̀ã̀ 1:20

Wɔ̃́ lɛ́ à wɔ̃̀ diè lɛ m zò ká, ɛ̃́ɛ̃́ lɛ́ maà yà m zò mɔ̀ kɛ-wɔ̃̀ káa, lɛ́ e kélɛ̀, yékɛ̀ ḿ kɔ̃́ wɔ̃́ lɛ́ lɛ m mɔ̀ ḿ kɛɛ mɔ̀, kɛɛ lúó séĩ́ káa, ɛ̃́ɛ̃́ kpó-kpó ɓo pɛ́nɛɛ̀ɛ, m paà lɛ́ɛ̀ lo kɛɛ̀ à ká zò kɛ̀-gágà-lɛ̀ ká, kɛɛ Kɛ́lɛ̀ì tɔ́ é kɛ gbùò m dìè mɔ́ɔ̀ wɔ̃̀ mɔ̀, yé bɛ̃̀ɛ̃ ḿ ga, ɛ̃́ɛ̃́ ḿ tó ɓéèea ká.

Fèlépĩ̀ã̀ 3:10

Wɔ̃́ nɔ́ m̀ nàà káa, lɛ́ e kélɛ̀, ḿ Kɛ́lɛ̀ì dɔ, ɛ̃́ɛ̃́ kɛ ḿ yíkɛ̀ gáàa lɛ́ e kɛ à kɛ̀lɛ̀, lɛ́ e wɛ̀lɛ̀á ga kɛ̀lɛ̀ɛ, ḿ à dɔ. Ḿm̀ nàà kò ye kó dɔ à zì wɔ̃́ nyɔ́ɔ̀ɔ gɛ̃̀ɛ̃ɛ̃̀ yí, ɛ̃́ɛ̃́ kɛ ḿ kɛ lɛ̀ à ye lɛ́ ɓe à zì gá a ɓoa yí,

Fèlépĩ̀ã̀ 3:21

Lɛ́ɛ̀ lo ko gbĩ-kpàla lɛ́ e pɛ yí sìeèe zɛ̀ ká e kéa mɛ́ vɔ̀ɔɔ̀. Ɛ́ɛ̃́ lɛ́ɛ̀ lo o kɛɛ̀ lɛ̀ e dìè-tĩ́ gbĩ-kpàla mɛ́ ɓɔɔ̀ɔ zɛ̀ɛ lɛ́ ɓe. Lɛ́ɛ̀ lo wɔ̃́ e kéa kɛɛ̀ yíkɛ̀ gáàa lɛ́ è bɛ̀i à mɔ̀ é pɛ séĩ́ kɛá e wìa ká.

Fèlépĩ̀ã̀ 3:8

Ye wá nɔ́ ɓɔ̀ɔ pɔɔ̀ nì o kília doó ká. Kɛɛ ḿm̀ pɛ séĩ́ si pɛ tò dàá zɛ̀ pɛ lɛ́ à sɔ̃̀ɔ̃́ lɛ à mɔ̀ dóo kpànazɛ̀ɛ mɔ́ɔ̀ wɔ̃̀ mɔ̀. Ye lɛ́ e m Dàa-mi Kɛ́lɛ̀ì Zízɛ̀ zì dɔ́ m̀ ɓoa káa. Ƃii à mɔ́ɔ̀ wɔ̃̀ mɔ̀ɔ, maà mɔ́ɔ̀ pɔɔ̀ séĩ́ tó ɓo kàá m píé yí. Ḿm̀ o séĩ́ o gɛ̃̀ nɔ́ lɛ̀ gbòo lɛ́ ɓe. Ḿm̀ kɛ̀ kíli kɛɛ ḿ Kɛ́lɛ̀ì sɔ̀lɔ̀ ɓo,

1 Tɛsàlónìà 2:16

O à kɛ-zì naa vɔ̀ ó ko tèá wɔ̃́ lɛ́ è lo nuù la-ɓo káa, gèè sɛ́lɛ́ gbɛɛ yí-mìà lɛ̀ɛ mɔ̀. Waà à kɛ gbaa pɛ lɛ́ ò o zì kɛ-wɔ̃̀ yɔɔ lɛ́ ò kɛ̀ teelea gɔ̃ à yía, aà pa gbaa súlúú le. Ɛ́ɛ̃́ dɛɛ ká gbaa, Wálà zì wɔ̃́à-wàa-kɔ̀ aà nu gbaa o là.

1 Tɛsàlónìà 5:4

Kɛɛ m lèe-gé vɔ̀, ka yee ka wá bĩ́ tii bà. Ye wá à mɔ̀ kɛɛ Lúó e kília é à kɛ ka lé é pa, lɛ̀ zí kã̀ã-mì à kɛ̀á tó ka lé áà pàa lɛ́ ɓe.

1 Témɔ́tè 6:20

Témɔ́tè, pɛ lɛ́ waà kpɔ́ i kɔ̀ làa, ì i yɛ́lɛ́ yiè kɛ à píé. Wéé lɛ́ Wálà tɔ́ lɛ̀ɛ́ ɓɔ à ɓoò yíaò, e bɛ̀i, tèé yí gíniìa zɛ̀ dàaà, lɛ́ mia gbṹũ̀ ò à si gíkã́a, lɛ́ ye wá mɔṹ gíkã́ káa, ì o mɛ́ kpɔ́.

2 Témɔ́tè 1:14

Wɔ̃́ yiè yiè lɛ́ à kpɔ́ɔ̀ lɛ i kɔ̀ làa, ì i yɛ́lɛ́ kɛ o mɔ̀ Gɛ̀ɛ̀ Púlú lɛ́ e ko yía, zì yíkɛ̀ gáàa kolo là zàá.

2 Témɔ́tè 1:16

Ko Dàa-mì è Ònɛ́séfɔ̀lɔ̀ píé-kɛ́ì-mìà yéĩ̀ kṹ, ɓii e à kɛ m fã̀ã́ e wàà lúó búnùzɛ̀ píé. Yɛ́lɛ̀ lɛ̀ɛ́ gbaa à kɛ m kɛ̀ bĩ́-kɛ̀ì mɔ́ɔ̀ wɔ̃̀ mɔ̀.

2 Témɔ́tè 1:18

Ko Dàa-mì è à kɛ kɛ ko Dàa-mì é à yéĩ̀ kṹ Lúó e kília ká. Ɛ́ɛ̃́ zi lɛ́ e wɔ̃́ búnùzɛ̀ kɛá m lɛ̀ɛ Ɛ́fɔ́sɔ̀ɔ, íì à dɔ sɛ̀.

2 Témɔ́tè 1:8

À mɔ́ɔ̀ wɔ̃̀ mɔ̀ɔ, yékɛ̀ yɛ́lɛ̀ é i kɛ ko Dàa-mì là kélá-wè ɓoò mɔ́ɔ̀ wɔ̃̀ mɔ̀. Ɛ́ɛ̃́ yékɛ̀ yɛ́lɛ̀ é i kɛ má m là bĩ́-kɛ̀ì-mì káa lɛ̀ɛ. Kɛɛ ì wàa lɛ́ mia kò ɓèlè wɔ̃́ làṹ yièa mɔ́ɔ̀ wɔ̃̀ mɔ̀ɔ, ì i zì ɓèlè yíkɛ̀ gáàa lɛ́ Wálà à nɔ i lɛ̀ɛ ká.

2 Témɔ́tè 2:9

Ḿm̀ wɔ̃́ nyɔ́ɔ̀ɔ gɛ̃̀ wɔ̃́ làṹ yiè e kília mɔ́ɔ̀ wɔ̃̀ mɔ̀. Ɛ́ɛ̃́ óò ɓɛ̀lɛ̀ dà m gã̀ mɔ̀ lɛ̀ pɛ lɛ́ m wɔ̃́ sìè. Kɛɛ Wálà là wééa wá ɓɛ̀lɛ̀ yí.

2 Témɔ́tè 4:8

Dɛɛ ká gbaa, pɛ́ m kɛ à mɔ́ɔ̀ bàlà sípìàa, lɛ yàá m gɛ̀nɛ̀. Ye lɛ́ e zòlò lɛ́ lɛ wɔ̃́ kpeĩ kɛɛ̀ mɔ́ɔ̀ zòlò ká, lɛ́ ko Dàa-mì lɛ́ e Mɛ̀ĩ́-sà ɓo-mì kpeĩ káa, è lo à nɔɔ̀ m lɛ̀ɛ Lúó e kília káa káa. Lɛ̀ɛ́ ló à nɔɔ̀ m doó m lɛ̀ɛ. Kɛɛ lɛ́ɛ̀ lo à nɔɔ̀ mia séĩ́ lɛ́ ko Dàa-mì zì ɓɔ̀-mia-là è o zò kũa lɛ̀ɛ.

Tátɔ̀ 3:8

Wɔ̃́ nì e kília lɛ wɔ̃́ wánà zɛ̀ lɛ́ à gèeè lɛɛ ká. Ḿm̀ nàà í wɔ̃́ nì o kília gèe kpó-kpó ɓo, kɛɛ é à kɛ mia lɛ́ o zò dɔɔ̀ lɛ Wálà mɔ̀ɔ zò é kɛ yɛɓo yiè kɛɛ̀ mɔ̀. Wɔ̃́ e kília lɛ sɛ̀, ɛ̃́ɛ̃́ lɛ́ɛ̀ gbũ mia mɔ̀.

Hííbúlù 12:2

Kɔ̀à kɔa nyìɛ sí, kɔ́á dɔ Zízɛ̀ lɛ́ ko zì zò-dɔ̀à-mɔ̀ zi è gbɛ̃̀ à là, tó à líé áà nyɛ̀ à làa mɔ̀. Lɛ̀ɛ́ gbaa kɔ̃́ wɔ̃́ mɔ̀ kɔ́lɔ́sìa mɔ́ɔ̀ wɔ̃̀ mɔ̀. Kɛɛ géli lɛ́ e kɛ yàá à gɛ̀nɛ̀ɛ mɔ́ɔ̀ wɔ̃̀ mɔ̀ɔ, à nyìɛ a mɔ́ɔ̀ fɔ̃́ ɓo yɛ́lɛ̀ lɛ́ e kɛ ga lɛ́ e kɛ à mɔ̀ á ɓo kɔ́lɔ́sì mɔ̀ɔ káa yí. Ɛ́ɛ̃́ à yàà lɛ gbaa Wálà kɔ̀ yiè yí là dɔ-táŋáná sɔ́nɔ́.

Hííbúlù 2:18

Ɛ́ɛ̃́ lɛ́ɛ̀ bɛ̀i gbaa à mɔ̀ é gbũ mia lɛ́ yí-dã́-wɔ̃̀ aà ɓɔ o làa mɔ̀, ɓii yí-dã́-wɔ̃̀ aà ɓɔ à bɛ̃̀ɛ̃ là, ɛ̃́ɛ̃́ à sã̀ aà dɔ doa mɔ́ɔ̀ wɔ̃̀ mɔ̀.

Hííbúlù 7:25

À mɔ́ɔ̀ wɔ̃̀ mɔ̀ɔ, bɛ̀i lɛ à mɔ̀ gbaa, ɛ̃́ɛ̃́ lɛ́ɛ̀ lo kɛɛ̀ à mɔ̀ teele, tó áà mia lɛ́ ò nu Wálà píé à kolo làa là, ɓii lɛ ɓe tòá kíli ká, tó áà mɛ́ĩ́ ɓò Wálà lɛ̀ɛ o mɔ́ɔ̀ wɔ̃̀ mɔ̀.

1 Pílɛ̀ 1:5

O mia lɛ́ Wálà là yíkɛ̀ gáàa è e yɛ́lɛ́ yiè kɛ̀ ka píé zò-dɔ̀à-mɔ̀ kolo làa, kà pɛ ká. Wálà lɛ́ɛ̀ e yɛ́lɛ́ e kéa kɛ̀ ka mɔ̀ la-ɓo lɛ́ à pɛ̀ kɛɛ̀ lɛ, kɛɛ lɛ́ɛ́ é ɓo à là lúó léĩ́-tó-lùò káa mɔ́ɔ̀ wɔ̃̀ mɔ̀.

1 Pílɛ̀ 4:16

Kɛɛ ká wàa ɓèlèá ka kɛ̀ Kɛ́lɛ̀ì là mia nì káa wɛ̃́ĩ̀a, yékɛ̀ yɛ́lɛ̀ é ka kɛ. Kɛɛ kà Wálà zúo ɓo Kɛ́lɛ̀ì tɔ́ kɛ̀ ka mɔ̀ wɛ̃́ĩ̀.

1 Pílɛ̀ 4:19

À mɔ́ɔ̀ wɔ̃̀ mɔ̀ɔ, mia lɛ́ ò wàa ɓèlè ɓii wɔ̃́ lɛ́ Wálà à nàà é kɛ o káa lɛɛ, lɛ à mɔ̀ ó o dìè nɔ féfé le o zì Kɛ-mì lɛ́ lɛ zò-dɔ̀à-mɔ̀ zɛ̀ɛ lɛ̀ɛ, wáà wɔ̃́ kpeĩ kɛ̀.

Zúdè 1:24

Mi lɛ́ yíkɛ̀ gáàa lɛ à kɛ̀lɛ̀ kɛ é ka tèá pèleè mɔ̀, ɛ̃́ɛ̃́ lɛ́ è bɛ̀i à kɛɛ̀ kɛ kɛɛ áà nyɛ̀ ka mɔ̀, tó áà nù ka ká e wɛlɛ mɔ̀, kɛɛ géli é kɛ ka là à zì lɛ̀-fɔ̀nɔ-kɔ̀ wɛlɛ mɔ̀ɔ, è tɔ́-ɓɔ sɔ̀lɔ̀ ɓo.