2 Témɔ́tè 1:10 - Wè-dɔ-wè Dɛɛ

¹⁰ Kɛɛ à zɔ̃̀ɔ̃ɔ̃̀ lɛ gbaa ko lɛ̀ɛ ko La-mì Kɛ́lɛ̀ì Zízɛ̀ nuù yí zàá. Aà à kɛ gbaa yíkɛ̀ gáàa wá gbaa ga kɛ̀lɛ̀. Ɛ́ɛ̃́ aà nu kɛ̀ɓe ɛ̃́ɛ̃́ kɛ̀ ɓéèe lɛ́ lɛ̀ɛ́ nyɛɛ ká gbaa lɛ̀ púlú mɔ̀ wɔ̃́ làṹ yièa kolo là zàá.

2 Témɔ́tè 1:10 Iomraidhean Croise

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 11:36

Yé lɛ̀ aà fɔ̀nɔ i gbĩ‐kpàla lɛ̀ séĩ́ bà, tó à lɛ̀ gbɛɛ wá e bĩ́ bàa, à lɛ̀ séĩ́ lɛ́ɛ̀ lo kɛɛ̀ e fɔ̀nɔɔ̀ɔ zɛ̀ ká, lɛ̀ zí nábò è lɛ̀ fɔ̀nɔ à ká mi bàa lɛ́ ɓe.”

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 13:7

Lɛ̀ e kɛ kília, a gèe mi lɛ́ è e nyìɛ kɛ̀ pɔɔ̀ nyɛ́nɛ̀ĩ̀ e kília mɔ̀ɔ lɛ̀ɛ, ‘Lɛ̀ gɛ̃̀. Aà kɛ kɛ̀ɛ̀ yààka ká, máà nù nɔ̀ɔɔ̀, tó máà féè nàà féè‐yìlì e kéa wĩĩ́. Kɛɛ m̀ḿ à dò gɛ̃̀ do. Ì à kã́. Mɛ́ a mɔ́ɔ̀ dɔ ɓo nɔ̀ɔɔ̀, tó áà sɛ́lɛ́ɛ lɛ̀ yiè pìà ɓèlè ɓe?’

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 2:11

Lúó e kéa káa, waà ka La‐mì ye Dèɓé pà. Ye lɛ́ e Kɛ́lɛ̀ì mia Dàa‐mì káa.

Zɔ̃̀ɔ̃́ 1:9

Lɛ̀ fɔ̀nɔɔ̀ɔ e kília lɛ́ e lɛ̀ fɔ̀nɔɔ̀ɔ kpó-kpóa káa. Lɛ̀-fɔ̀nɔ-kɔ̀ lɛ́ è lɛ̀ fɔ̀nɔ mia séĩ́ bà, lɛ́ e kɛ nupìà kpóṹ là zèea, lɛ́ ɓɛ.

Zɔ̃̀ɔ̃́ 14:6

Zízɛ̀ a gèe à lɛ̀ɛ kélɛ̀, “Ma lɛ́ m zía, e bɛ̀i, wánà-wɔ̃̀ ɛ̃́ɛ̃́ kɛ̀ɓe káa. Mi gbɛɛ lɛ̀ɛ́ bɛ̀i ɓɔɔ̀ mia Dàa mɔ̀, yé lɛ̀ɛ́ kpɔ́ nɛ́ m làa ká.

Zɔ̃̀ɔ̃́ 20:31

Wɔ̃́ nì e kéa bɛ̃̀ɛ̃ɛ̃̀ lɛ, kɛɛ ká gɛ̃̀ wánà ká kélɛ̀ Zízɛ̀ lɛ Kɛ́lɛ̀ì lɛ́ e Wálà Gbe káa ká, ɛ̃́ɛ̃́ kɛ zò-dɔ̀à-mɔ̀ sùua kolo làa, ká kɛ̀ɓe sɔ̀lɔ̀ ɓo à tɔ́ yí.

Zɔ̃̀ɔ̃́ 4:42

Wa gèe lééa lɛ̀ɛ kélɛ̀, “Kòó ko zò dɔ à mɔ̀ gbaa, wɔ̃́ lɛ́ ɓa gèea mɔ́ɔ̀ wɔ̃̀ mɔ̀. Kɛɛ ko zò dɔɔ̀ lɛ à mɔ̀, ɓii ko dìè kɔaà à wéè maa mɔ́ɔ̀ wɔ̃̀ mɔ̀. Ɛ́ɛ̃́ kóò à yí dɔ lɛ kpó-kpó ɓo kpóṹ là zèe La-mì ká gbaa.”

Zɔ̃̀ɔ̃́ 5:40

É kɛ bɛ̃̀ɛ̃ kília, ka wá wéépìà à mɔ̀ kɛ ká nu m píé kɛ ká kɛ̀ɓe sɔ̀lɔ̀ ɓo.

Àpɔ́sɔ̀lɔ̀ 13:23

E kɛ Dèɓé e kéa sùu-là-mìà doó-mì lɛ́ ò si Zízɛ̀ɛ ká, lɛ́ Wálà a kɛ Éézɛ̀lɛ̀-mìà La-mì ká, lɛ̀ zí aà e wè dɔ à káa lɛ́ ɓea.

Àpɔ́sɔ̀lɔ̀ 5:31

Wálà e à sí, e lóá lɛ̀í, kɛ é kɛ à kɔ̀ yiè yí, ɛ̃́ɛ̃́ kɛ é kɛ mia wũ-là-mì wà mia La-mì ká. A kɛ kíli, kɛɛ é zi kɛ ɓe Éézɛ̀lɛ̀-mìà lɛ̀ɛ, kɛ ó o sɔ̃̀ɔ̃ yɔɔ mɛ́ vɔ̀ɔ, ɛ̃́ɛ̃́ kɛ o zì kɛ-wɔ̃̀ yɔɔ é ɓo o wũ mɔ̀.

Wólómà 16:26

Kɛɛ wɔ̃́ e kília aà dà gbaa wáà-là kii lɛ́ dɔ̀-Wálà-lé-là-mìà wa bɛ̃̀ɛ̃ kolo là zàá. Ɛ́ɛ̃́ tòá-kíli Wálà zì wɔ̃́ gèè mia lɛ̀ɛ wáà kɛ̀ kolo là zàáa, sɛ́lɛ́ séĩ́-séĩ́ yí-mìà óò à wɔ̃̀ yí dɔ, kɛɛ zò-dɔ̀à-mɔ̀ é kɛ mia séĩ́-séĩ́ yí wáà Wálà wéè kɛ̀.

Wólómà 2:7

Mia dò óò wɔ̃́ yiè kɛ̀ teele. Tó wáà nàà wɔ̃́ kpàlézɛ̀ wà Wálà zì ɓɛ̀lɛyà ká. Zéniía, óò nàà ó kɛ ɓe kpɔ̃́ṹ-kpɔ̃́ṹ ká. Míá o kília, Wálà lɛ́ɛ̀ lo kɛ̀ɓe wɔ́lɔ́-wɔ́lɔ́ nɔɔ̀ o lɛ̀ɛ.

Wólómà 3:31

À yí lɛ́ e kélɛ̀ kɔ́áà zò-dɔ̀à-mɔ̀ si, kɔ́áà Lɔ́ɔ̀ɔ kɛá fĩ́ĩ́-nyɛ-zɛ̀? Gbàaò, ye wá gbɛɛ ɓo kíli. Wɔ̃́ kò kɛ̀ɛ lɛ́ e kélɛ̀, kóò Lɔ́ɔ̀ɔ wɛ́lɛ́ kɛ̀ à yí.

Wólómà 6:6

Kóò yí dɔ kélɛ̀ mí ko kɛ à ká bèĩzɛ̀ɛ, o wà Kɛ́lɛ̀ì o zɛ kɔ́lɔ́sì mɔ̀ e kíe ká. À kɛɛ̀ lɛ kíli, kɛɛ kɛ-wɔ̃̀ yɔɔ kɛ gbĩ-kpàlaa zì yíkɛ̀ gáàa à yí é sìè, ɛ̃́ɛ̃́ kɛɛ yékɛ̀ kó kɛ gbɛɛ ɓo gbaa kɛ-wɔ̃̀ yɔɔ là lùò ká.

1 Kɔ̀léĩ́tĩ̀ã̀ 15:26

Dàa-gbe yé à tóò lɛ zízàá kpó-kpó mɔ̀ lɛ́ à kɔ̀ è lo diè à làa, lɛ́ e ga káa.

1 Kɔ̀léĩ́tĩ̀ã̀ 4:5

À mɔ́ɔ̀ wɔ̃̀ mɔ̀ɔ, yékɛ̀ ká mɛ̀ĩ́-sà dɔ mi nɔ́ɔ fé mɔ̀ yé lúóa kpó-kpó lɛ̀ɛ́ ɓɔ nɛ́ɛ ká. Lɛ à mɔ̀ mɛ̀ĩ́-sà dɔ̀-mia-mɔ̀ é tèá kíli ko Dàa-mì é nu nɛ́. À ye lɛ́ è lo pɛ lɛ́ à bĩ̀ĩĩ̀ lɛ bĩ́ bàa ɓɔɔ̀ lɛ̀ púlú mɔ̀ɔ. Ɛ́ɛ̃́ lɛ́ɛ̀ lo wɔ̃́ lɛ́ mia ò yà o gé ó kɛɛ dàà wáà-là. Yé aà kɛ kília, mia séĩ́ óò lo tɔ́-ɓɔ lɛ́ wáá à sɔ̀lɔ̀ ɓoò, lɛ́ è go Wálà píéa sɔ̀lɔ̀ ɓoò.

2 Kɔ̀léĩ́tĩ̀ã̀ 5:4

Lɛ̀ ko tĩã́ sɔ-ká e kéa wìa, lɛ kélɛ̀ ko lópìà pɔɔ̀ gbííni dò ká, tó kɔ́áà gɔ̃̀nɔ̀ ko yí à wì. Ye wá kélɛ̀ kóò nàà kó ko kpóṹ là zèe gbĩ-kpàla e kéa ɓo ko mɔ̀. Kɛɛ kóò nàà kɛɛ à lɛ̀í-sɛ̀lɛ̀ yí zìa kó à dà à là ko mɔ̀, kɛɛ kɛ̀ɓe é pɛ yé è lo gaàa mání.

Gɛ̀lésìà 5:4

Mia lɛ́ kà à kɛ-zì nàà kɛ ká kɛ kpeĩ Wálà lɛ̀ɛ Lɔ́ɔ̀ɔ kɛɛ̀ káa, kaà ka dìè kã́ gbaa Kɛ́lɛ̀ì mɔ̀. Ka ɓoò lɛ gbaa Wálà zì zò-kɛ̀-sɛ̀ wì.

Ìfísɔ̃̀ 1:18

Ḿm̀ à pɛ̃ à mɔ̀ kélɛ̀ kɛɛ é ka zò píé lé ɓo, kɛɛ ká à zì lɛ̀-fɔ̀nɔ-kɔ̀ gɛ̃̀, kɛɛ ká zò-kɛ̀à-mɔ̀ pɛ̀ lɛ́ a mɔ́ɔ̀ ka súo kɛ ɓoa dɔ, ɛ̃́ɛ̃́ kɛ zi lɛ́ lúà kpàlézɛ̀ lɛ́ aà e wè dɔ à ká là mia nì lɛ̀ɛ, zi lɛ́ lɛ à ká kpànazɛ̀ɛ, kɛ ká dɔ,

Ìfísɔ̃̀ 1:9

Wálà e wɔ̃́ lɛ́ a yà e gé á kɛɛ kɛ. Wɔ̃́ lɛ́ a naa á kɛ, lɛ́ e kɛ tĩã́ bĩ̀ĩ̀pìà, lɛ́ aà yà e gé mɔ́ kɛ á kɛɛ̀ líé nyɛ Kɛ́lɛ̀ì yí zàáa, aà à kɛ, kɔaà à yí dɔ.

2 Tɛsàlónìà 2:8

Yé aà kɛ kília, Mi Kɛ-pɛ̀ Yɔɔ Zɛ̀ e kília lɛ́ɛ̀ lo e dìè zɔ̃̀ɔ̃̀ mia lɛ̀ɛ gbaa. Yé aà kɛ kília, ko Dàa-mì Zízɛ̀ lɛ́ɛ̀ lo à zɛɛ̀ e wúú lɛ́ è go à léa ká. Ɛ́ɛ̃́ à zì nù-mia-là-kɔ̀ kpànazɛ̀ ɓɛ, lɛ́ɛ̀ lo à yí sìè à ká yé aà nua ká.

2 Témɔ́tè 1:1

Óò m si Pɔ́ɔ̀. M Kɛ́lɛ̀ì Zízɛ̀ là àpɔ́sɔ̀lɔ̀ ká, ɓii Wálà a naa ḿ kɛáa mɔ́ɔ̀ wɔ̃̀ mɔ̀. Lɛ kíli kɛ ḿ kɛ̀ɓe lɛ́ aà e wè dɔá mia lɛ́ wà Kɛ́lɛ̀ì Zízɛ̀ nì o doóa lɛ̀ɛ wɔ̃̀ gèe.

2 Témɔ́tè 1:8

À mɔ́ɔ̀ wɔ̃̀ mɔ̀ɔ, yékɛ̀ yɛ́lɛ̀ é i kɛ ko Dàa-mì là kélá-wè ɓoò mɔ́ɔ̀ wɔ̃̀ mɔ̀. Ɛ́ɛ̃́ yékɛ̀ yɛ́lɛ̀ é i kɛ má m là bĩ́-kɛ̀ì-mì káa lɛ̀ɛ. Kɛɛ ì wàa lɛ́ mia kò ɓèlè wɔ̃́ làṹ yièa mɔ́ɔ̀ wɔ̃̀ mɔ̀ɔ, ì i zì ɓèlè yíkɛ̀ gáàa lɛ́ Wálà à nɔ i lɛ̀ɛ ká.

2 Témɔ́tè 4:1

Wɔ̃́ e kéa ma kpɔ́ i kɔ̀ là Wálà wà Kɛ́lɛ̀ì Zízɛ̀ lɛ́ è lo mia lɛ́ waà gaa, wà o yé o tĩã́ ɓea, è lo mɛ̀ĩ́-sà dɔɔ̀ o mɔ̀ɔ, o wɛlɛ mɔ̀. À zì nú è lo à ɓoò, ɛ̃́ɛ̃́ à zì tò-mia-là mɔ́ɔ̀ wɔ̃̀ mɔ̀ɔ, ḿm̀ gèe i lɛ̀ɛ,

2 Témɔ́tè 4:8

Dɛɛ ká gbaa, pɛ́ m kɛ à mɔ́ɔ̀ bàlà sípìàa, lɛ yàá m gɛ̀nɛ̀. Ye lɛ́ e zòlò lɛ́ lɛ wɔ̃́ kpeĩ kɛɛ̀ mɔ́ɔ̀ zòlò ká, lɛ́ ko Dàa-mì lɛ́ e Mɛ̀ĩ́-sà ɓo-mì kpeĩ káa, è lo à nɔɔ̀ m lɛ̀ɛ Lúó e kília káa káa. Lɛ̀ɛ́ ló à nɔɔ̀ m doó m lɛ̀ɛ. Kɛɛ lɛ́ɛ̀ lo à nɔɔ̀ mia séĩ́ lɛ́ ko Dàa-mì zì ɓɔ̀-mia-là è o zò kũa lɛ̀ɛ.

Tátɔ̀ 2:11

Ƃii Wálà aà e zì zò-kɛ̀-sɛ̀ yí zɔ̃̀ɔ̃̀ mia lɛ̀ɛ o séĩ́ o zì la-ɓo mɔ́ɔ̀ wɔ̃̀ mɔ̀.

Tátɔ̀ 2:13

lɛ̀ lɛ́ ko tĩã́ yàá lúó géli zɛ̀ lɛ́ ko zò lɛ à mɔ̀ é nua gɛ̀nɛ̀ɛ káa ká. Lúó e kília lɛ́ Zízɛ̀ Kɛ́lɛ̀ì, lɛ́ e kò Wálà kpànazɛ̀ e bɛ̀i ko La-mì káa, à zì lɛ̀-fɔ̀nɔ-kɔ̀ è lo ɓíèá mia làa.

Tátɔ̀ 3:4

Kɛɛ lɛ̀ lɛ́ ko La-mì Wálà zì sɔ̃̀ɔ̃-kɛ̀-sɛ̀ wà à zì mia lɔ̀-kpɔ̀à-mɔ̀ɔ ɓɔ̀-mia-là lùò e ɓɔɔ,

Hííbúlù 10:32

Zi lɛ́ ka wɔ̃̀ e kɛá lúó lɛ́ aà diea píéa, ka zò è vùòá. Lúó e kília ká kɛɛ Wálà là lɛ̀-fɔ̀nɔ-kɔ̀ aà lɛ̀ fɔ̀nɔ ka bàa, ka wàa búnùzɛ̀ ɓèlè. Kɛɛ é kɛ bɛ̃̀ɛ̃ kília, kàá gbaa tó à gbɛ̀ɛ́ɛ̀ wì.

2 Pílɛ̀ 1:1

Óò m si Sáímɔ̀ Pílɛ̀. M Zízɛ̀ Kɛ́lɛ̀ì là yɛɓo-kɛ-mì ɛ̃́ɛ̃́ là àpɔ́sɔ̀lɔ̀ ká. Ḿm̀ wèè mia lɛ́ kaà zò-dɔ̀à-mɔ̀ lɛ́ e kpànazɛ̀ lɛ̀ ko zìa lɛ́ ɓea, sɔ̀lɔ̀ ɓo kò Wálà lɛ́ e ko La-mì Zízɛ̀ Kɛ́lɛ̀ì káa, zì kɛ̀-kpeĩ-kɔ̀ kolo là zàáa bà.

2 Pílɛ̀ 1:11

Zí e kéa káa, yíkɛ̀ gáàa kpó-kpó nɔɔ̀ lɛ́ɛ̀ lo kɛɛ̀á ka lɛ̀ɛ kɛɛ ká ɓɔ lɛ̀ lɛ́ ko Dàa-mì lɛ́ e ko La-mì Zízɛ̀ Kɛ́lɛ̀ì káa, tóò lɛ mia là yi tòá-kíli káa mɔ̀.

2 Pílɛ̀ 1:3

Là yíkɛ̀ gáàa lɛ́ è go Wálà kɛ̀lɛ̀ɛ aà pɛ séĩ́ lɛ́ lɛ ko mɔ̀ kó sɔ̀lɔ̀ ɓo kɛ kó kɛ ɓe Wálà lɛ̀ɛ nɔ ko lɛ̀ɛ. E à nɔ ko lɛ̀ɛ à dɔ́ kò ɓo mi lɛ́ e ko súo kɛ kɛɛ kò ye nì kó dɔ à zì lɛ̀-fɔ̀nɔ-kɔ̀, ɛ̃́ɛ̃́ à zì sɔ̃̀ɔ̃-kɛ̀-sɛ̀ yía kolo là zàá.

2 Pílɛ̀ 2:20

Ƃii yé mia waà la pɛ yí-sìè-pɛ̀ lɛ́ e kpóṹ là zèea kɛ̀lɛ̀ o zì ko Dàa-mì lɛ́ e ko La-mì Zízɛ̀ Kɛ́lɛ̀ì káa dɔ́ o ɓoa kolo làa, lɛ́ zeĩ́ pɛ yí-sìè-pɛ̀ nì o kília waà o kṹ zeĩ́ o kɔ̀ aà die o làa, míá o kília kɛ-kɔ̀ lɛ gbaa yɔɔ é diá zí o kɛá bèĩzɛ̀ɛ là.

2 Pílɛ̀ 3:18

Kɛɛ kà lo líé, káà fàà ko Dàa-mì lɛ́ e ko La-mì Zízɛ̀ Kɛ́lɛ̀ì káa, zì zò-kɛ̀-sɛ̀, ɛ̃́ɛ̃́ à zì dɔ́ kà ɓoa yí zàá. Tɔ́-ɓɔ è kɛ à kɛ̀lɛ̀ dɛɛ ká, ɛ̃́ɛ̃́ tòá kíli ká. É kɛ kíli.

2 Pílɛ̀ 3:2

Ḿm̀ nàà ka zò é vùò wéé lɛ́ dɔ̀-Wálà-lé-là-mìà púlúa waà gèe mɔ́ e pɛ́lɛ̀ ká, ɛ̃́ɛ̃́ wɔ̃́ lɛ́ ko Dàa-mì lɛ́ e mia La-mì káa, a gèe ka lɛ̀ɛ àpɔ́sɔ̀lɔ̀ vɔ̀ lɛ́ o kɛ ka bàa yía ká.

1 Zɔ̃̀ɔ̃́ 1:2

Lɛ̀ lɛ́ kɛ̀ɓe e kéa e kɛ pɛ́ ò gɛ̃̀ɛ káa, kɔa gɛ̃̀. À mɔ́ɔ̀ wɔ̃̀ mɔ̀ɔ, kóò là kélá-wè ɓo, ɛ̃́ɛ̃́ tó kɔ́áà wɔ̃́ gèè ka lɛ̀ɛ áà gbɛ̃̀á kɛ̀ɓe wɔ́lɔ́-wɔ́lɔ́ lɛ́ e kɛ lɛ̀ lɛ́ ko Dàa lɛ yía mɔ̀, ɛ̃́ɛ̃́ lɛ́ à wɔ̃̀ kɛɛ̀ e kɛá e yí púlú zɛ̀ ká ko lɛ̀ɛ mɔ̀.

1 Zɔ̃̀ɔ̃́ 4:14

Ɛ́ɛ̃́ ko bɛ̃̀ɛ̃ kɔaà gɛ̃̀, tó kɔ́áà kélá-wè ɓò kélɛ̀ mia Dàa e e Gbe vɔ kɛ é kɛ kpóṹ là zèe mìà La-mì ká.

Wɛ̀lɛ̀vèlésɔ̃̀ 18:1

Lɛ̀ e kɛ kília, m Wálà là vɔ-mì doó gɛ̃̀ áà gò lɛ̀í, áà nù tã́ã̀. Yíkɛ̀ gáàa gbùò kpó-kpó e kɛ à kɛ̀lɛ̀. À zì ɓí-kɔ̀ɔ a kɛ kpóṹ là zèe lɛ̀ séĩ́ áà fɔ̀nɔ̀.

Wɛ̀lɛ̀vèlésɔ̃̀ 2:7

“Mi lɛ́ à tóó lɛ à wũ mɔ̀ɔ, è e tóó dɔ wɔ̃́ lɛ́ Gɛ̀ɛ̀ Púlú à gèe Wálà-mìàa lɛ̀ɛ mɔ̀. “Ḿm̀ lo yíkɛ̀ gáàa nɔɔ̀ mi lɛ́ à kɔ̀ aà die gèlè gɔ̃ɔ̀ yía lɛ̀ɛ, kɛ é kɛ̀ɓe-yìlì lɛ́ lɛ Pálédáà lɛ́ lɛ lɛ̀ lɛ́ Wálà lɛ yía mɔ̀ɔ ɓɛɛ ɓèlè.

Wɛ̀lɛ̀vèlésɔ̃̀ 20:14

Lɛ̀ e kɛ kília, ga wà lɛ̀ lɛ́ mia yé o gaà lɛɛ o yía, o o dùò gbaa tíé-pà. (Tíé-pà e kília ye lɛ́ e ga kpolà pèèlɛ zɛ̀ɛ káa.)

Wɛ̀lɛ̀vèlésɔ̃̀ 22:14

Mia lɛ́ ò wà sɔ lɛ́ e o mɔ̀ɔ pɛ̀lɛ̀ɛ, zò géli lɛ o kɛ̀lɛ̀. Lɛ́ɛ̀ lo à kɛɛ̀ tó yíkɛ̀ gáàa áà kɛ̀ o kɛ̀lɛ̀, wáà kɛ̀ɓe-yìlì ɓɛɛ ɓèlè, ɛ̃́ɛ̃́ tó wáà kpɔ̀ gàlà-lé ká wáà dà sɛ́lɛ́ɛ yí.

Wɛ̀lɛ̀vèlésɔ̃̀ 22:17

Gɛ̀ɛ̀ Púlúa wà léé lɛ́ Ƃáá nyɔ̀nɔ́ɔ lɛ lópìà à síìa, óò à gèe, “Kà nu.” Mi lɛ́ è wɔ̃́ e kéa maa, à bɛ̃̀ɛ̃ è à gèe, “Kà nu.” Mi lɛ́ yíí-mi-lɔ̀ è à kɛ̀ɛ, è nu. Mi nɔ́ɔ fé lɛ́ à nàà à káa, è kɛ̀ɓe-yììa sí ɓɔ̀ɔ.