2 Témɔ́tè 1:1 - Wè-dɔ-wè Dɛɛ

¹ Óò m si Pɔ́ɔ̀. M Kɛ́lɛ̀ì Zízɛ̀ là àpɔ́sɔ̀lɔ̀ ká, ɓii Wálà a naa ḿ kɛáa mɔ́ɔ̀ wɔ̃̀ mɔ̀. Lɛ kíli kɛ ḿ kɛ̀ɓe lɛ́ aà e wè dɔá mia lɛ́ wà Kɛ́lɛ̀ì Zízɛ̀ nì o doóa lɛ̀ɛ wɔ̃̀ gèe.

2 Témɔ́tè 1:1 Iomraidhean Croise

Zɔ̃̀ɔ̃́ 10:28

Ḿm̀ kɛ̀ɓe wɔ́lɔ́-wɔ́lɔ́ nɔ o lɛ̀ɛ. Òó ló gaà gbɛɛ ɓo. Ɛ́ɛ̃́ mi gbɛɛ lɛ̀ɛ́ bɛ̀i o sɔ̀nɔ́ɔ̀ m kɛ̀lɛ̀.

Zɔ̃̀ɔ̃́ 17:3

Ɛ́ɛ̃́ kɛ̀ɓe wɔ́lɔ́-wɔ́lɔ́ gɛ̃̀ e ké. Ye lɛ́ e kélɛ̀, kɛɛ mia ó ɓí i Wálà wánà zɛ̀ doó ɓɛ káa dɔ, ɛ̃́ɛ̃́ kɛ zeĩ́ mia ó Zízɛ̀ Kɛ́lɛ̀ì lɛ́ ɓa vɔɔ dɔ.

Zɔ̃̀ɔ̃́ 5:24

“Wánà-wɔ̃̀ kpó-kpó lɛ́ m̀ gèe ka lɛ̀ɛ ɓɛ. Mi lɛ́ è m wéè ma, tó áà e zò dɔ̀ mi lɛ́ e m vɔɔ mɔ̀ɔ, kɛ̀ɓe wɔ́lɔ́-wɔ́lɔ́ lɛ à kɛ̀lɛ̀. Òó ló mɛ̀ĩ́-sà káà à wĩĩ́. À góò lɛ gbaa ga kɛ̀lɛ̀, aà nu gbaa kɛ̀ɓe yí.

Zɔ̃̀ɔ̃́ 6:40

Ƃii pɛ lɛ́ m Dàa à nàà à káa, lɛ́ e kélɛ̀, mia séĩ́ lɛ́ ò à Gbe gɛ̃̀, tó wáà o zò dɔ̀ à mɔ̀ɔ, lɛ o mɔ̀ ó kɛ̀ɓe wɔ́lɔ́-wɔ́lɔ́ sɔ̀lɔ̀ ɓo. Ɛ́ɛ̃́ ḿm̀ lo o wɛ̀lɛ̀ ga kɛ̀lɛ̀ lúó léĩ́-tó-lùò ká.”

Zɔ̃̀ɔ̃́ 6:54

Mi lɛ́ è lo m nɔ̀ɛ ɓèlè, ɛ̃́ɛ̃́ m léà miìa, kɛ̀ɓe wɔ́lɔ́-wɔ́lɔ́ lɛ à kɛ̀lɛ̀, ɛ̃́ɛ̃́ ḿm̀ lo à wɛ̀lɛ̀ ga kɛ̀lɛ̀ lúó léĩ́-tó-lùò ká.

Wólómà 1:1

Óò m si Pɔ́ɔ̀. M Kɛ́lɛ̀ì Zízɛ̀ là yɛɓo-kɛ-mì ká. Wálà aà m súo kɛ, kɛɛ ḿ kɛ àpɔ́sɔ̀lɔ̀ ká. E m yà kɔ̀ pɔ̃́ũ̀ doó mɔ̀, kɛ ḿ là wɔ̃́ làṹ yièa gèe.

Wólómà 5:21

À mɔ́ɔ̀ wɔ̃̀ mɔ̀ɔ, zi lɛ́ kɛ-wɔ̃̀ yɔɔ kɛɛ̀ e yà à ká mia là ga káa, zí nɔ́ doóa lɛ́ Wálà zì zò-kɛ̀-sɛ̀ɛ à tóò lɛ à ká mia là à zì kɛ̀-kpeĩ-kɔ̀ɔ kolo là zàá, áà lò ko ká lɛ̀ lɛ́ kɛ̀ɓe wɔ́lɔ́-wɔ́lɔ́ lɛ yía mɔ̀ ko Dàa-mì Zízɛ̀ Kɛ́lɛ̀ì tɔ́ yí zàáa.

Wólómà 6:23

Ƃii mi-fɔ́nɔ́ lɛ́ kɛ-wɔ̃̀ yɔɔ kɛɛ̀ è à nɔɔ, lɛ́ e ga káa. Kɛɛ pɛ́ Wálà à nɔ mia lɛ̀ɛ ɓɔ̀ɔ, lɛ kɛ̀ɓe wɔ́lɔ́-wɔ́lɔ́ ká ko Dàa-mì Kɛ́lɛ̀ì Zízɛ̀ kɔ̀ yí zàá.

1 Kɔ̀léĩ́tĩ̀ã̀ 1:1

Óò m si Pɔ́ɔ̀. M Kɛ́lɛ̀ì Zízɛ̀ là àpɔ́sɔ̀lɔ̀ ká, ɓii Wálà a naa ḿ kɛáa mɔ́ɔ̀ wɔ̃̀ mɔ̀. Ɛ́ɛ̃́ aà m súo kɛ, kɛ ḿ kɛ à ká. Kò m ɓɛ́ɛ ye-mì lɛ́ ò si Sɔ́sénìa,

2 Kɔ̀léĩ́tĩ̀ã̀ 1:1

Óò m si Pɔ́ɔ̀. M Kɛ́lɛ̀ì Zízɛ̀ là àpɔ́sɔ̀lɔ̀ ká, ɓii Wálà a naa ḿ kɛáa mɔ́ɔ̀ wɔ̃̀ mɔ̀. Kò m ɓɛ́ɛ ye-mì Témɔ́tè, kóò wèè Wálà-mìà lɛ́ ka Kɔ́lèĩ̀, ɛ̃́ɛ̃́ Wálà-mìà séĩ́ lɛ́ o Àkéyà-sɛ̀lɛ̀ kɔ̀ pɔ̃́ũ̀ tɛ̃̀ɛ̃́ɛ mɔ̀ɔ bà.

2 Kɔ̀léĩ́tĩ̀ã̀ 1:20

Ƃii à ye lɛ́ e “M̀m̀” ká Wálà zì wè-dɔ-wè nɔ́ɔ tɛ̃̀ɛ̃́ɛ yía. Wɔ̃́ lɛ́ à kɛ̀ lɛ́ kò gèe “É kɛ kíli” Zízɛ̀ Kɛ́lɛ̀ì tɔ́ yí kɛɛ Wálà tɔ́ é ɓɔɔ lɛ́ ɓɛ.

Gɛ̀lésìà 3:26

Zò-dɔ̀à-mɔ̀ kolo là zàá lɛ́ ka séĩ́ ka Wálà gbe nì ká, kà Kɛ́lɛ̀ì Zízɛ̀ nì ka kɛ̀ doó kolo là zàáa.

Gɛ̀lésìà 3:28

À mɔ́ɔ̀ wɔ̃̀ mɔ̀ɔ, mia kɛ̀ doò do zì gbɛɛ wá ɓe Zúù-mìà wà sɛ́lɛ́ gbɛɛ yí-mìà, ɛ̃́ɛ̃́ lùò vɔ̀, e bɛ̀i mia yé o wá lùò káa o fĩ̀ã̀, e bɛ̀i gɔ̃ã̀ wà loà nì o fĩ̀ã̀ nɔ́ kíli. Ka séĩ́-séĩ́ ka doó kà Kɛ́lɛ̀ì Zízɛ̀ nì ka zì kɛ̀ doó yí zàá.

Ìfísɔ̃̀ 3:6

Wɔ̃́ à bĩ̀ĩĩ̀ e kɛá kília, gɛ̃̀ e ké. Wɔ̃́ làṹ yièa kolo là zàáa, sɛ́lɛ́ gbɛɛ yí-mìà óò bɛ̀i gbaa à mɔ̀ wà Zúù-mìà ó dɔ gbaa lúà nì lɛ́ è go Wálà kɛ̀lɛ̀ɛ yí gbaa. O gbaa gbĩ-kpàla doó yí-mìà ká. Óò dɔ wè-dɔ-wè lɛ́ Wálà e e wè dɔ à káa yí Kɛ́lɛ̀ì Zízɛ̀ yí zàá.

1 Témɔ́tè 6:19

Zí e kéa káa, óò lo pɛ kpɔ́lɔ̀ bɛ̀ipìà lɛ́ è lo kɛɛ̀ ká-gã̀ gágà zɛ̀ ká líé zàá wɛ̃́ĩ̀a bɛ̀iì à ká. Yé aà kɛ kília, bɛ̀i lɛ́ɛ̀ lo kɛɛ̀ o mɔ̀ kɛ ó kùnù kɛ̀ɓe lɛ́ lɛ kɛ̀ɓe kpó-kpó káa mɔ̀.

2 Témɔ́tè 1:10

Kɛɛ à zɔ̃̀ɔ̃ɔ̃̀ lɛ gbaa ko lɛ̀ɛ ko La-mì Kɛ́lɛ̀ì Zízɛ̀ nuù yí zàá. Aà à kɛ gbaa yíkɛ̀ gáàa wá gbaa ga kɛ̀lɛ̀. Ɛ́ɛ̃́ aà nu kɛ̀ɓe ɛ̃́ɛ̃́ kɛ̀ ɓéèe lɛ́ lɛ̀ɛ́ nyɛɛ ká gbaa lɛ̀ púlú mɔ̀ wɔ̃́ làṹ yièa kolo là zàá.

2 Témɔ́tè 1:13

Ì i kɔ̀ kùnù wéé wánà zɛ̀ lɛ́ ma zɔ̃̀ɔ̃̀ i lɛ̀ɛ kɛ é kɛ wɔ̃́ gɔ̃̀á lɛ́ ì lo tóò à píéa káa mɔ̀. Ì kɛ ɓe zò-dɔ̀à-mɔ̀ wà lɔ̀-kpɔ̀à-mɔ̀ lɛ́ lɛ mia lɛ́ kò Kɛ́lɛ̀ì Zízɛ̀ nì ko doóa ko kɛ̀lɛ̀ɛ yí.

2 Témɔ́tè 1:9

E ko la, ɛ̃́ɛ̃́ e ko súo kɛ kɛ kó kɛ à dìè là mia nì ká. Wɔ̃́ e kília lɛ̀ɛ́ gbaa kɛ wɔ̃́ kɔaà kɛɛ mɔ́ɔ̀ wɔ̃̀ mɔ̀. Kɛɛ à kɛɛ̀ lɛ e dìè zì wɔ̃́ yà e gé, e bɛ̀i, à zì zò-kɛ̀-sɛ̀ mɔ́ɔ̀ wɔ̃̀ mɔ̀. E zò-kɛ̀-sɛ̀ e kéa nɔ ko lɛ̀ɛ Kɛ́lɛ̀ì Zízɛ̀ yí zàá kɛ bɛ̃̀ɛ̃ pɛ séĩ́ é tĩã́ kɛɛ̀ ɓe.

2 Témɔ́tè 2:1

M̀ nɛ́ kɛɛ ɓi yee, i mɛ́ è kɛ gágà zò-kɛ̀-sɛ̀ lɛ́ e mia lɛ́ kò Kɛ́lɛ̀ì Zízɛ̀ nì ko doóa kɛ̀lɛ̀ɛ yí zàá.

2 Témɔ́tè 2:10

Wɔ̃́ e kéa mɔ́ɔ̀ wɔ̃̀ mɔ̀ɔ, ḿm̀ m zò kũ tã́ã̀ wɔ̃́ séĩ́ kɛ̀ m ká yí, Wálà là míá aà o sía mɔ́ɔ̀ wɔ̃̀ mɔ̀, kɛ o bɛ̃̀ɛ̃ ó la-ɓo lɛ́ lɛ Kɛ́lɛ̀ì Zízɛ̀ yí, ɛ̃́ɛ̃́ tòá kíli lɛ̀-fɔ̀nɔ-kɔ̀ɔ sɔ̀lɔ̀ ɓo.

2 Témɔ́tè 2:3

Wàa lɛ́ mi lɛ́ lɛ Kɛ́lɛ̀ì Zízɛ̀ là sóyà yiè káa è à ɓèlèa, ì i zì ɓèlè.

2 Témɔ́tè 3:15

Ɛ́ɛ̃́ é kã́ lúó lɛ́ i kɛá nɛ́fú káa mɔ̀, é ɓɔá pɛ́nɛɛ mɔ̀ɔ, íì à yí dɔ kélɛ̀ ɓaà Wálà là kiia dɔ. Ƃɛ̀i lɛ Wálà là kii e kília mɔ̀ kɛ é gíkã́ lɛ́ è lo i ká la-zì píéa nɔ i lɛ̀ɛ. La-ɓo e kília ɓáà sɔ̀lɔ̀ ɓo zò-dɔ̀ Kɛ́lɛ̀ì Zízɛ̀ mɔ̀ kolo là zàá.

Tátɔ̀ 1:2

lɛ́ à gã̀ gbɛ̃̀ɛ̃̀ lɛ kɛ̀ɓe wɔ́lɔ́-wɔ́lɔ́ lɛ́ mia zò lɛ à mɔ̀ɔ wɔ̃̀ zɔ̃̀ɔ̃̀ o lɛ̀ɛ. Wálà lɛ́ lɛ̀ɛ́ nɛ̀ kɛɛ, e e wè dɔ kɛ̀ɓe e kília ká, kɛ bɛ̃̀ɛ̃ pɛ séĩ́ é tĩã́ kɛɛ̀ ɓe.

Tátɔ̀ 1:4

Ḿm̀ kíí e kéa bɛ̃̀ɛ̃ ɓi Tátɔ̀ lɛ́ i m̀ nɛ́ wánà zɛ̀ ká zò-dɔ̀à-mɔ̀ lɛ́ kɔ̀à ɓi nì kɔ̀à dɔ à yía kolo là zàáa píé. Wálà lɛ́ e mia Dàa káa, é dàá Kɛ́lɛ̀ì Zízɛ̀ lɛ́ e ko La-mì káa bàa, o zì zò-kɛ̀-sɛ̀ɛ é kɛ i píé, wáà zò-yà-gé nɔ̀ i lɛ̀ɛ.

Hííbúlù 9:15

Wɔ̃́ e kéa mɔ́ɔ̀ wɔ̃̀ mɔ̀ɔ, Kɛ́lɛ̀ì lɛ́ è wè-dɔ-wè dɛɛ pɛ̀ kɛ̀, kɛɛ mia lɛ́ Wálà aà o súo kɛɛ, kɛ ó tòá kíli pɔ̀ɔ̀ lɛ́ Wálà aà e wè dɔ à káa sɔ̀lɔ̀ ɓo. Wɔ̃́ e kéa lɛ́ɛ̀ bɛ̀i à mɔ̀ é kɛ kíli, ɓii ga lɛ́ è mia la wɔ̃́ yɔɔ lɛ́ wa kɛ lɛ̀ lɛ́ o kɛ wè-dɔ-wè bèĩzɛ̀ɛ wìa káa, e kɛ ɓe.

1 Zɔ̃̀ɔ̃́ 2:25

Wɔ̃́ lɛ́ Kɛ́lɛ̀ì dìè e e wè dɔá kɛ á nɔ ko lɛ̀ɛ, lɛ́ e kɛ̀ɓe wɔ́lɔ́-wɔ́lɔ́ káa.