1 Témɔ́tè 6:9 - Wè-dɔ-wè Dɛɛ

⁹ Kɛɛ mia lɛ́ o kɛ̀ kpànazɛ̀ lɔ̀ lɛ o kɛpìàa, mia yí-dã́-wɔ̃̀ lɛ́ɛ̀ ɓɔ o là. Pɛ́lɛ́ lɛ́ɛ̀ o kũ. Pɛ́lɛ́ e kília lɛ́ e wɔ̃́ yí gíniìa zɛ̀ wà wɔ̃́ yé è mia gĩ̀ĩa lɔ̀ káa. Pɔɔ̀ nì o kília óò mia gã̀ã̀ tã́ã̀ o sìè-zì píé, tó e o yí sìè.

1 Témɔ́tè 6:9 Iomraidhean Croise

Máfìù 13:22

Pɛ wɛ́lɛ́ yé e dà lɛ̀ lɛ́ gɛ́nɛ́ e kɛ yía mɔ̀ɔ, lɛ́ e kélɛ̀, mia lɛ́ ò Wálà lé‐wè maa. Kɛɛ óò o zò tàà kpóṹ là pɔ̀ɔ̀ wɛ̃́ĩ̀, ɛ̃́ɛ̃́ pɛ sɔ̀lɔ̀ ɓoò lɛ́ è o zò dàa. Wɔ̃́ sùu e kéa, lɛ́ɛ̀ dà o zò píé, tó Wálà lé‐wè lɛ̀ɛ́ fàa, ɛ̃́ɛ̃́ áà kɔ̃̀ ɓaà mɔ̀.

Máfìù 19:22

Lɛ̀ gɔ̃‐nɛ̀fúa e wɔ̃́ɔ maa, à zò e dà zízàá nyɔ́ɔ̀ɔ, áà lò. Ƃii e kɛ dóo mi kpànazɛ̀ kpó‐kpó ká.

Máfìù 26:15

áà gèè kélɛ̀, “Mɛ́ kà lo à nɔɔ̀ m lɛ̀ɛ yé maà Zízɛ̀ nɔ ka lɛ̀ɛ ká?” Lɛ̀ e kɛ kília, o pɛlèe púlú gbá vũ̀ yààka lóní, wa nɔ à lɛ̀ɛ.

Máfìù 6:19

“Yékɛ̀ ká dɔ‐pɔ̀ɔ̀ yàlà bɛ̀i ka dìè lɛ̀ɛ kpóṹ là zèe. Pɛ‐sìè‐pɛ̀ wà kàkpa óò pɛ sìè zèe. Ɛ́ɛ̃́ kã̀ã‐mìà óò ká lé wi zèe, tó wáà kã̀ã ɓò.

WƆ̃́ LÀṸ YIÈ ZÍ MÁÀ E À BƐ̃̀Ɛ̃ À KÁA 4:19

Kɛɛ óò o zò tàà kpóṹ là pɔ̀ɔ̀ wɛ̃́ĩ̀, ɛ̃́ɛ̃́ pɛ sɔ̀lɔ̀ ɓoò lɛ́ è o zò dàa. E bɛ̀i, wɔ̃́ gbɛɛ̀ gbɛɛ zì lɔ̀-kɛ̀á lɛ o yí. Wɔ̃́ sùu e kéa, lɛ́ɛ̀ dà o zò píé, tó Wálà lé-wè lɛ̀ɛ́ fàa, ɛ̃́ɛ̃́ áà kɔ̃̀ ɓaà mɔ̀.

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 12:21

“Zi lɛ́ mia lɛ́ ò dɔ‐pɔ̀ɔ̀ pa e kíe mɔ̀ o dìè mɔ́ɔ̀ wɔ̃̀ mɔ̀, tó o wá kpànazɛ̀ Wálà nyìɛ mɔ̀ɔ, o à káa, lɛ́ ɓɛ.”

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 21:35

Ƃii Lúó e kília lɛ́ɛ̀ lo mia séĩ́ lɛ́ o kpóṹ là zèe lɛ̀ séĩ́ mɔ̀ɔ kṹũ̀ lɛ̀ zí pɛ́lɛ́ è pɛ kũáa lɛ́ ɓe.

Àpɔ́sɔ̀lɔ̀ 8:20

Kɛɛ Pílɛ̀ a là nìɛ̀ weeá kélɛ̀, “Kà ɓà pɛlèea ka yí è sìè, i yɛ́lɛ́ ɓa táá kélɛ̀ Wálà là nɔ̀-lɛ̀ɛ-pɛ̀ɛ íì bɛ̀i à lɔ́ɔ̀ pɛlèe káa mɔ́ɔ̀ wɔ̃̀ mɔ̀.

Ìfísɔ̃̀ 4:22

À mɔ́ɔ̀ wɔ̃̀ mɔ̀ɔ, kà mi lɛ́ ka kɛ à ká bèĩzɛ̀, lɛ́ e ka kɛ káà yìì lɛ̀ zí kà yìì mɔ́ à káa, kà ɓo ka mɔ̀. Mi lɛ́ ka kɛ à ká bèĩzɛ̀ɛ, wɔ̃́ kɛ-lɔ̀ lɛ́ e kɛ à kɛpìà, ɛ̃́ɛ̃́ áà à bèkɛ̀ ɓòa, e kɛ à yí sìèpìà.

1 Témɔ́tè 1:9

Kóò à yí dɔ kélɛ̀ òó gbaa lɔ́ɔ̀ɔ kɛ wɔ̃́ kpeĩ kɛ-mìà lɛ̀ɛ. Kɛɛ à kɛɛ̀ lɛ míá o kéa o lɛ̀ɛ. O lɛ́ o kélɛ̀, lɔ́ɔ̀-sìè-mìà, e bɛ̀i mia lɛ́ òó mia wéè kɛɛ, ɛ̃́ɛ̃́ zeĩ́ mia lɛ́ ò wɔ̃́ yɔɔ kɛ̀ Wálà gbĩ mɔ̀ɔ, e bɛ̀i kɛ-wɔ̃̀ yɔɔ kɛ-mìà, ɛ̃́ɛ̃́ mia lɛ́ o wá Wálà là mia nì ká, lɛ́ òó gbini à lɛ̀ɛ káa. O dò lɛ́ zeĩ́ e mia lɛ́ ò o dàa nì, ɛ̃́ɛ̃́ lèe nì zɛɛò, ɛ̃́ɛ̃́ mia zɛ-mìà,

1 Témɔ́tè 3:7

Ɛ́ɛ̃́ zeĩ́, è kɛ mi lɛ́ mia lɛ́ o wá Wálà-mìà káa ò à ɓɛ̀lɛ yàa ká, yékɛ̀ wɔ̃́ yɔɔ lɛ́ mia ò bɛ̀i à mɔ̀ ó gèe à gbĩ mɔ̀ɔ é kɛ ɓe, ɛ̃́ɛ̃́ yékɛ̀ Dɛ́ɓò zì pɛ́lɛ́ é à kṹ.

1 Témɔ́tè 6:10

Wɔ̃́ yɔɔ̀ yɔɔ̀ kɛɛ̀ séĩ́ gã̀ gbɛ̃̀ɛ̃̀ lɛ pɛlèe zì lɔ̀-kɛ̀à-mɔ̀ lɛ́ e mia yía là. Nàà pɛlèe ká aà die mia gbṹũ̀ zò ká, ɛ̃́ɛ̃́ aà kɛ waà dà o gã̀ là, waà gó zò-dɔ̀à-mɔ̀ wɔ̃̀ɔ píé, ɛ̃́ɛ̃́ lɛ gbaa kélɛ̀ o zò píé aà wí zò-dà-zízàá búnùzɛ̀ ká.

1 Témɔ́tè 6:17

Mia lɛ́ o kɛɛ̀ lɛ kpànazɛ̀ pɔɔ̀ lɛ́ e kpóṹ là zèea káa, à gèe o lɛ̀ɛ yékɛ̀ ó o dìè sí gbùò. À gèe o lɛ̀ɛ pɛ́ o zò è bɛ̀i kɛɛ̀ à mɔ̀ɔ ye wá dɔ-pɔ̀ɔ̀ lɛ́ ìí à gò-i-kɛ̀lɛ̀ lùò dɔɔ ká. Kɛɛ Wálà lɛ́ è pɛ séĩ́ nɔ ko lɛ̀ɛ e yí gbùò zɛ̀ ká, tó à nyɔ́nɔ́ áà lò ko zò káa, lɛ́ lɛ o mɔ̀ o zò é kɛ à mɔ̀ɔ.

2 Témɔ́tè 2:26

Yé aà kɛ kília, óò lo nuù o dìè píé, tó o ɓàa gbaa Dɛ́ɓò lɛ́ aà o kṹ, ɛ̃́ɛ̃́ lɛ́ aà o kɛ wáà wɔ̃́ lɛ́ à nàà à káa kɛ̀ɛ là pɛ́lɛ́ kɛ̀lɛ̀.

Tátɔ̀ 2:12

À zì zò-kɛ̀-sɛ̀ e kília lɛ́ɛ̀ wɔ̃́ kɛ-zì zɔ̃̀ɔ̃̀á ko lɛ̀ɛ kɛ kó kã́ kɛ̀ɓe lɛ́ lɛ̀ɛ́ Wálà zò dàa lɛ̀ɛ, ɛ̃́ɛ̃́ kɛ kó kã́ pɔɔ̀ lɛ́ à lɔ̀ lɛ kpóṹ là zèe mìà kɛpìàa lɛ̀ɛ. Lɛ́ɛ̀ zi lɛ́ lɛ ko mɔ̀ kó ko dìè kṹ à ká tã́ã̀, ɛ̃́ɛ̃́ zi lɛ́ kò bɛ̀i kɛɛ̀á ɓe kpeĩ lea, ɛ̃́ɛ̃́ zeĩ́ zi lɛ́ kò bɛ̀i kɛɛ̀á ɓe Wálà lɛ̀ɛ kpóṹ là zèea, zɔ̃̀ɔ̃̀ ko lɛ̀ɛ,

2 Pílɛ̀ 2:3

Pɛ séĩ́ lɔ̀-kpɔ̀-o-mɔ̀ɔ lɛ́ɛ̀ lo à kɛɛ̀, tó wáà pɛ sɔ̀lɔ̀ ɓò wéé lɛ́ ye wá wánà zɛ̀ɛ, gèè ka lɛ̀ɛ kolo là. Waà mɛ̀ĩ́-sà lɛ́ ò lo à dɔɔ̀ o mɔ̀ɔ pɛ̀ kɛ mɔ́ pɛ́lɛ̀, ɛ̃́ɛ̃́ pɛ lɛ́ è lo o yí sìèa yàà lɛ e nyìɛ́.

Zúdè 1:11

Zi sùu kpɛɛ̀ lɛ́ wɔ̃́ yéĩ̀zɛ̀ kɛɛ̀ lɛ o ká ké. Waà kpɔ́ gbaa Kéĩ̀ kpáá ká. Pɛlèe zì lɔ̀-kɛ̀-o-mɔ̀ mɔ́ɔ̀ wɔ̃̀ mɔ̀ɔ, waà o dìè nɔ gbaa ni lɛ́ Bélàũ̀ a ɓoa lɛ̀ɛ. Waà gèlè gɔ̃ o là-mìà ká lɛ̀ zí Kɔ́lɔ̀ a kɛáa lɛ́ ɓe. Ɛ́ɛ̃́ o yí sìeè lɛ lɛ̀ zí à yí e sìèáa lɛ́ ɓe.