1 Témɔ́tè 6:4 - Wè-dɔ-wè Dɛɛ

⁴ à fɔ̀ɔɔ̀ lɛ dìè-sì-gbùò ká. Ɛ́ɛ̃́ lɛ̀ɛ́ pɛ gbɛɛ dɔ. Wɔ̃́ kɛ-lɔ̀ yɔɔ yé à kɛ̀ tó ɓáà tèé dà, ɛ̃́ɛ̃́ ɓáà wéé-dɔ-wè gèè wéé doò do mɔ́ɔ̀ wɔ̃̀ mɔ̀ɔ, lɛ́ɛ̀ à kɛ̀. Tó wɔ̃́ e kéa kɛɛ̀ áà nù dàa-gbe-là, e bɛ̀i wéé dɔɔ̀, ɛ̃́ɛ̃́ lé-kã́ kɛɛ̀, e bɛ̀i, yɛ́lɛ́-táá yɔɔ̀ yɔɔ̀,

1 Témɔ́tè 6:4 Iomraidhean Croise

Àpɔ́sɔ̀lɔ̀ 15:2

Pɔ́ɔ̀ wà Bánábà o kɛ à mɔ́ɔ̀ tèé kpó-kpó dàpìà o ká, ɛ̃́ɛ̃́ wà míáa o wúú sã́ã̀ e kɛá e kíe ká. Yé e kɛ kília, míáa wa yà o gé kɛɛ Pɔ́ɔ̀ wà Bánábà, ɛ̃́ɛ̃́ mia lɛ́ o kɛ Ã́téɔ̀ɔ dò ó ló Zùlúsàlɛ̀, kɛ ó ló àpɔ́sɔ̀lɔ̀ vɔ̀, ɛ̃́ɛ̃́ mia dìè-dìè vɔ̀ gɛ̃̀ɛ̃̀ wɔ̃́ e kília mɔ́ɔ̀ wɔ̃̀ mɔ̀.

Àpɔ́sɔ̀lɔ̀ 18:15

Kɛɛ yé lɛ wéé lɛ́ à gbɛ̃̀ɛ̃̀ lɛ mia lé-wè, wà mia tɔ́, ɛ̃́ɛ̃́ ka dìè-tĩ́ kà lɔ́ɔ̀ɔ mɔ̀ɔ, ka dìè kà à yí-bɛ̀i-zì naa. M̀ḿ ló kɛɛ̀ mɛ́ĩ́ sùua ɓo-mì ká.”

Àpɔ́sɔ̀lɔ̀ 8:9

Pɛ́lɛ e kília yía, gɔ̃ lɛ́ ò si Sáímɔ̀ɔ, e kɛ yí. Aà à kɛ do Sɛ̀mɛ́lìà-mìà lé áà pà nyìɛ̀ yɔɔ̀ yɔɔ̀ lɛ́ e kɛ à kɛpìàa ká. A gèe kélɛ̀ lɛ mi kpànazɛ̀ kpó-kpó ká.

Wólómà 12:16

Lɛ sɛ̀ ka zì yɛ́lɛ́ kɛ̀ mia mɔ̀ zì doóa ká ka yɛ́lɛ́ kɛá mia séĩ́ píé. Yékɛ̀ ká ka dìè sí gbùò. Kà ka dìè kɛ̀ yéĩ̀zɛ̀ yɛ̀ɓo kɛ. Yékɛ̀ ká ka yɛ́lɛ́ táá ka dìè ká kélɛ̀ ka gí kã́ã̀ lɛ.

Wólómà 13:13

Kɔa zì wɔ̃́ kɛ-kɔ̀ è kɛ lɛ̀ zí wáá wɔ̃́ kɛɛ̀á, ɛ̃́ɛ̃́ lɛ̀ zí mia lɛ́ o lɛ̀-fɔ̀nɔɔ̀ɔ bàa waa káa lɛ́ ɓe. Yékɛ̀ kɔ́á kɛ kpílì yɔɔ kɛ-mìà ká. Yékɛ̀ kɔ́á tó yɔ kɔ̀ é die kɔa là. Yékɛ̀ kɔ́á kɛ sɔ̃̀ɔ̃ yɔɔ kɛ-mìà ká, ɛ̃́ɛ̃́ yékɛ̀ kɔ́á kɛ nɛ́ĩ̀ wà mànaà o zɛ-mìà ká. Yékɛ̀ kɔ́á gèlè gɔ̃. Yékɛ̀ kɔ́á dàa-gbe là kɛ.

Wólómà 14:1

Mi lɛ́ à mɛ́ wá gágà zò-dɔ̀à-mɔ̀ yía, kà à kɛ ka doó-mì ká. Kɛɛ yékɛ̀ kà ye nì ká wɔ̃́ lɛ́ laa zì yɛ́lɛ́-táá yía tèé dà.

Wólómà 2:8

Mia dò bɛ̃̀ɛ̃ o dìè mɔ́ɔ̀ wɔ̃̀ lɛ́ nɔ́ ò yí dɔɔ. Óò o wũ ɓo wɔ̃́ yé lɛ wánà zɛ̀ɛ wì, tó wáà à yé lɛ nɛ̀ zɛ̀ɛ, kũ̀ o zɔ̃̀ɔ̃̀ ká. Míá o kília, óò lo Wálà zì wɔ̃́à-wàa zò wà à zì wɔ̃́à-wàa-kɔ̀ gɛ̃̀ɛ̃̀.

1 Kɔ̀léĩ́tĩ̀ã̀ 11:16

Kɛɛ yé mi dò aà naa é tèé dàa, è à yí dɔ kélɛ̀ é kɛ bɛ̃̀ɛ̃ ko ká, ɛ̃́ɛ̃́ Wálà-mìà lɛ́ o lɛ̀ séĩ́ mɔ̀ɔ, ko zì wɔ̃́ kɛ-kɔ̀ gbɛɛ wá ɓe.

1 Kɔ̀léĩ́tĩ̀ã̀ 11:18

Wɔ̃́ bèĩzɛ̀ m̀ lo à gèeèa gɛ̃̀ e ké. Ḿm̀ à ma kélɛ̀ yé mia lɛ́ ka Wálà-mìà káa, kaà pá ka kíe mɔ̀ɔ, ka yí gìniì lɛ. Ɛ́ɛ̃́ ḿm̀ à lɛ̀ dò gɛ̃̀ wánà ká.

1 Kɔ̀léĩ́tĩ̀ã̀ 3:18

Yékɛ̀ mi nɔ́ɔ fé é e dìè bèkɛ̀ ɓo. É kɛ̀á mi dò lɛ ka bà, áà e dìè sì mi gí kã́ã̀a zɛ̀ kpóṹ là zèe zì gíkã́ kolo làa, è kɛ mi yí gíniìa zɛ̀ ká kɛ à gí é kã́.

1 Kɔ̀léĩ́tĩ̀ã̀ 3:3

Ƃii ka tĩã́ yììpìà lɛ̀ mia fèle lɛ́ ɓe. Lɛ̀ dàa-gbe-là kɛɛ̀ lɛ tĩã́ ka yí, ɛ̃́ɛ̃́ káà wéé dɔ̀ ka kíe nì píéa, làá zɔ̃̀ɔ̃̀ kélɛ̀ ka mia fèle ká, ɛ̃́ɛ̃́ ka tópìà kpóṹ là zèe mìà kɛ-kɔ̀ kpáá yí?

2 Kɔ̀léĩ́tĩ̀ã̀ 11:20

Mia lɛ́ ò ka lùò-là kɛ̀ ɓo, ɛ̃́ɛ̃́ lɛ́ ò pɛ ɓèlè ka bà, e bɛ̀i, lɛ́ ò pɛ́lɛ́ yà ka gɛ̀nɛ̀, ɛ̃́ɛ̃́ lɛ́ ò o dìè si gbùò ka là, e bɛ̀i lɛ́ ò ka mɛ̀ ka wɛlɛ yía, káà ka zò kũ tã́ã̀ o zì kɛ-wɔ̃̀ mɔ́ɔ̀ wɔ̃̀ mɔ̀.

Gɛ̀lésìà 5:15

Kɛɛ yé kaà kɛ ka sɔ̃́ɔ̃́ tópìà ka kíe nì yí, tó káà ka kíe nì mɛ́ gĩ̀ĩ̀a, kà ka yɛ́lɛ́ kɛ ka dìè píé, ɓii ká tòá kɛpìàa, káà lo ka kíe nì yí sìè.

Gɛ̀lésìà 5:26

Yékɛ̀ kɔ́á kɔa dìè sí gbùò. Yékɛ̀ kɔ́á bɔ̀ɔ̀ sɔ̀ɔ̀ kɔa kíe nì mɔ̀. Yékɛ̀ kɔ́á dàa-gbe-là kɛ kɔa kíe nì ká.

Gɛ̀lésìà 6:3

Ƃii yé mi dò aà e dìè sí pɛ-kɛ̀á-pɛ̀ ká, lɛ́ ye wá mɔṹ à káa, è à yí dɔ kélɛ̀ à dìè bèkɛ̀ lɛ́ à ɓoa.

Fèlépĩ̀ã̀ 1:15

O dò óò Kɛ́lɛ̀ì-wɔ̃̀ gèe ɓii óò dàa-gbe là kɛ̀, ɛ̃́ɛ̃́ o wéé zɛ̀ɛ mɔ́ɔ̀ wɔ̃̀ mɔ̀. Kɛɛ mia dò bɛ̃̀ɛ̃ óò à wɔ̃̀ gèe zò púlú ká.

Fèlépĩ̀ã̀ 2:14

Kà wɔ̃́ séĩ́ kɛ ka lɛ̀à-ga-wè yí yékɛ̀ ká ka wè kpɔ́, ɛ̃́ɛ̃́ yékɛ̀ ká tèé dà.

Fèlépĩ̀ã̀ 2:3

Yékɛ̀ ká wɔ̃́ nɔ́ɔ fé kɛ nàà-ka-dìè ká, e bɛ̀i, lé-gbùò-là kɛ̀ ka dìè mɔ́ɔ̀ wɔ̃̀ mɔ̀ kolo là. Kɛɛ kà ka dìè sí péĩ́, ɛ̃́ɛ̃́ yékɛ̀ ɓá gɛ̃̀ ɓɔ̀ɔ i kpeĩ í diá mia yé o tóa là.

Kɔ̀lɔ́sĩã̀ 2:18

Yékɛ̀ ká tó mia lɛ́ ò o dìè si gbùò pɛ lɛ́ wa zɛ lɛ́ e kélɛ̀ mɛ̀ĩ̀ lɛ́ ɓea mɔ́ɔ̀ wɔ̃̀ mɔ̀ɔ, ó mɛ̀ĩ́-sà káá ka wĩĩ́. Wɔ̃́ lɛ́ ò nɛ̀ɛ à gèeè mɔ̀ɔ lɛ́ e kélɛ̀, mia ó o dìè sí péĩ́ dìè-sì-péĩ́ zì yé ye wá kpeĩa ká, ɛ̃́ɛ̃́ mia ó gbini Wálà là vɔ-mìà lɛ̀ɛ káa. Mi sùu e kília, à zì mia ɓéèe zì yɛ́lɛ́-táá-kɔ̀ lɛ́ɛ̀ à kɛ̀ tó áà kɛ̀ gɔ́ɔ́-gɔ̀ɔ̀, tó mɔṹ à yí kpeĩ wá ɓe.

2 Tɛsàlónìà 2:4

Mí e kília lɛ́ɛ̀ lo gèlè gɔ̃ɔ̀ pɛ séĩ́ lɛ́ mia ò gbìnì à lɛ̀ɛ, ɛ̃́ɛ̃́ pɛ séĩ́ lɛ́ mia ò si Wálàa o ká. Lɛ́ɛ̀ lo e dìè kɛɛ̀ o séĩ́ o là, ɛ̃́ɛ̃́ tó e ló bɛ̃̀ɛ̃ sálà-ɓò-Wálà-lɛ̀ɛ-kà wì, tó e yà yi áà e dìè sì Wálà.

1 Témɔ́tè 1:4

À gèe o lɛ̀ɛ ó kã́ pĩ̀ã̀ nì, ɛ̃́ɛ̃́ mia ye-gã̀ gbèkèni lɛ́ ò pɛ̀ɛ̀ yia lɛ̀ɛ. Ƃii wɔ̃́ nì e kéa kɛɛ̀ lɛ́ɛ̀ nu tèé dàaà ká. Wɔ̃́ nì e kéa ye wá sɛ̀ Wálà là wɔ̃́ lɛ́ aà yà e géa mɔ́ɔ̀ wɔ̃̀ mɔ̀. Ƃii Wálà zì wɔ̃́ e kília, mia óò à dɔ zò-dɔ̀à-mɔ̀ kolo là zàá.

1 Témɔ́tè 1:7

Óò nàà ó kɛ Wálà là lɔ́ɔ̀ɔ zɔ̃̀ɔ̃̀-mìà ká. Kɛɛ òó o dìè-tĩ́ lé-wè yí ma. Ɛ́ɛ̃́ òó wɔ̃́ lɛ́ ò à gèe e mɛ́ gágà zɛ̀ káa yí ma.

1 Témɔ́tè 3:6

Yékɛ̀ é kɛ mi lɛ́ e e zò nìɛ̀ dɛɛ ká. Ƃii mí e kília fɔ̀ɔɔ̀ lɛ́ɛ̀ lo lèĩ kɛɛ̀á dìè-sì-gbùò ká, ɛ̃́ɛ̃́ mɛ̀ĩ́-sà lɛ́ɛ̀ lo káà à wĩĩ́, lɛ̀ zí e káá à ká Dɛ́ɓò wĩĩ́a lɛ́ ɓe.

2 Témɔ́tè 2:14

Ì mia zò vùò wɔ̃́ e kéa ká. Ɛ́ɛ̃́ ì lìè-wè dɔ o lɛ̀ɛ Wálà wɛlɛ mɔ̀ kélɛ̀ yékɛ̀ ó wéé dɔ wéé doò do mɔ́ɔ̀ wɔ̃̀ mɔ̀. Wéé dɔɔ̀ lɛ̀ɛ́ wɔ̃́ yiè gbɛɛ kɛ. Kɛɛ lɛ́ɛ̀ mia lɛ́ ò o tóó dɔɔ wi tã́ã̀.

2 Témɔ́tè 2:23

Ì i dìè ɓo tèé yí gíniìa zɛ̀ lɛ́ ò dà wɔ̃́ mi ɓàá yí dɔɔ mɔ́ɔ̀ wɔ̃̀ mɔ̀ɔ bà. Íì à yí dɔ tèé e kília dàaà líé-nyɛ-pìà lɛ́ e wéé dɔɔ̀ káa.

2 Témɔ́tè 3:4

Ɛ́ɛ̃́ zéniía, óò lo kɛɛ̀ mia lɔ̀ɔ̀-dɔ-mìà ɛ̃́ɛ̃́ mia yé òó o kpóló kpɔ́ o mɔ̀ wɔ̃́ kɛɛ̀ káa ká. O fɔ̀ɔɔ̀ lɛ́ɛ̀ lo kɛɛ̀ à ká dìè-sì-gbùò ká. O dìè-tĩ́ zì zò-kṹ-wɔ̃̀ kɛ-lɔ̀ lɛ́ɛ̀ lo kpɔ́ɔ̀ o mɔ̀, wáà kã̀ Wálà zì lɔ̀ lɛ́ áá kpɔ́ɔ̀ o mɔ̀ɔ yee lɛ̀ɛ.

Tátɔ̀ 3:9

Kɛɛ ì wɔ̃́ nì e kéa mɛ́ kpɔ́. O lɛ́ o kélɛ̀, tèé yí gíniìa zɛ̀ dàaà, e bɛ̀i, mia sùu gã̀ pɛ́ɛ̀, ɛ̃́ɛ̃́ zeĩ́ wéé dɔɔ̀, ɛ̃́ɛ̃́ gèlè lɛ́ ò gɔ̃ Lɔ́ɔ̀ɔ káa káa. O wɔ̃́ fèle wà wɔ̃́ ɓɔ̀ɔ ká.

Zĩ́ĩ̀ 1:19

M lèe-gé vɔ̀, lɛ́ ka lɔ̀ kpɔ́ɔ̀ lɛ m mɔ̀ ɓɛ. Ka zò è vùò wɔ̃́ e kéa ká. Lɛ mia séĩ́ mɔ̀ ó wɔ̃́ ma tíè-tíèe, kɛɛ o yí è kɛ dɔ́lɔ́-dɔ́lɔ́ mɛ́ĩ́ ɓopìà, ɛ̃́ɛ̃́ o zò è kɛ dɔ́lɔ́, yékɛ̀ wɔ̃́ é o wàa tíè-tíèe.

2 Pílɛ̀ 2:12

Míá o kília, óò wɔ̃́ kɛ̀ lɛ̀ wìì vɔ̀ lɛ́ òó o yɛ́lɛ́ tááa lɛ́ ɓe. Ɛ́ɛ̃́ o zeĩ́ kélɛ̀ wìì vɔ̀ lɛ́ o yeè lɛ kɛ ó o kṹ wáà o zɛ̀ɛ lɛ́ ɓe. Óò wɔ̃́ yɔɔ gèe wɔ̃́ lɛ́ òó à yí maa gbĩ mɔ̀. Óò lo o yí sìè lɛ̀ zí ò wìì yí sìèáa lɛ́ ɓe.

2 Pílɛ̀ 2:18

Óò lé-gbùò-là kɛ̀, tó wáà wéé wũ-nyɛ̀à-mɔ̀ zɛ̀ gèè. Óò wɔ̃́ yɔɔ kɛ-lɔ̀ lɛ́ è mia gbĩ-kpàla kɛ̀ɛ si, tó wáà zi nàà à ká mia mɔ̀. Míá ò kɛ̀ o ká kília, o lɛ́ o mia lɛ́ o gópìà gbaa mia lɛ́ o ɓe wɔ̃́ nì lɛ́ ye wá kpeĩa bàa káa.

Zúdè 1:10

Kɛɛ míá o kéa óò lé-kã́ kɛ̀ wɔ̃́ òó à yí maa mɔ́ɔ̀ wɔ̃̀ mɔ̀. O nɔ́ kélɛ̀ wìì vɔ̀ lɛ́ ɓe, ɓii pɔɔ̀ vɔ̀ o yí lɛ́ òó o yɛ́lɛ́ táá kɛ ó tĩã́ o dɔɔ̀ɔ, pɔɔ̀ nì o kília lɛ́ ò o yí sìèa.

Zúdè 1:16

Gɔ̃à o kília óò o wè kpɔ tó wáà mia gbɛɛ gã̀ nàà. Óò to wɔ̃́ kɛ-lɔ̀ yɔɔ lɛ́ è o kɛ̀ɛ píé. Óò lé-gbùò-là kɛ̀ o dìè mɔ́ɔ̀ wɔ̃̀ mɔ̀. Ɛ́ɛ̃́ óò lé nɛ́ĩ́-nɛ̀ĩ̀ là kɛ̀ kɛ ó pɛ lɛ́ ò nàáa sɔ̀lɔ̀ ɓo.

Wɛ̀lɛ̀vèlésɔ̃̀ 3:17

Ƃáà gèe weeá kélɛ̀, ‘M kpànazɛ̀. Pɛ lɛ m kɛ̀lɛ̀. Pɛ lɛ́ m̀ nàà à káa séĩ́ lɛ m kɛ̀lɛ̀.’ Kɛɛ zi lɛ́ i à ká zò-dà-zízàá zɛ̀ ɛ̃́ɛ̃́ zi lɛ́ i à ká yéĩ̀zɛ̀ɛ, ìí à dɔ. Pɛ wá i kɛ̀lɛ̀, ɛ̃́ɛ̃́ i nyìɛ káà lɛ, e bɛ̀i, i i kpã́ã́ ká.