1 Témɔ́tè 6:3 - Wè-dɔ-wè Dɛɛ

³ Mi lɛ́ è pɛ gbɛɛ zɔ̃̀ɔ̃̀ lɛ́ lɛ̀ɛ́ wéé ko Dàa-mì Zízɛ̀ Kɛ́lɛ̀ì zì wéé wánà zɛ̀ɛò, ɛ̃́ɛ̃́ lɛ́ lɛ̀ɛ́ wéé pɛ-zɔ̃̀ɔ̃̀-kɔ̀ lɛ́ à gbɛ̃̀ɛ̃̀ lɛ gbìnì-Wálà-lɛ̀ɛ kɔ̀ mɔ̀ɔ mɔ̀ɔ,

1 Témɔ́tè 6:3 Iomraidhean Croise

Máfìù 22:21

Wa gèe kélɛ̀, “Sízà lɛ́ là pɛ lɛɛ.” Lɛ̀ e kɛ kília, Zízɛ̀ a gèe o lɛ̀ɛ, “À mɔ́ɔ̀ wɔ̃̀ mɔ̀ɔ, kà pɛ lɛ́ e Sízà là pɛ káa nɔ à lɛ̀ɛ, ɛ̃́ɛ̃́ pɛ́ yé lɛ Wálà zì pɛ káa, kà nɔ Wálà lɛ̀ɛ.”

Máfìù 28:20

Ɛ́ɛ̃́ ká à kɛ ó kɛ wɔ̃́ séĩ́ lɛ́ maà à gèe ka lɛ̀ɛ kɛ‐mìà ká. Ka zò è vùò kélɛ̀ ḿm̀ lo kɛɛ̀ ka píé teele, é tóá kíli é ɓɔá lúó yé kɔa yàáa líé nyɛpìà.”

Wólómà 16:17

M lèe-gé vɔ̀, ḿm̀ kpé kã ka lɛ̀ɛ nyɔ́ɔ̀ɔ, kà ka yɛ́lɛ́ kɛ yí mia lɛ́ ò mia fĩ̀ã̀ ɓo, ɛ̃́ɛ̃́ zeĩ́ lɛ́ ò mia lé to luúa mɔ́ɔ̀ wɔ̃̀ mɔ̀. O zì wɔ̃́ kɛ-kɔ̀ lɛ gbɛɛ é góá pɛ-zɔ̃̀ɔ̃̀-kɔ̀ lɛ́ wa zɔ̃̀ɔ̃̀ ka lɛ̀ɛ píé. Kà o mɛ́ kpɔ́.

1 Tɛsàlónìà 4:8

À mɔ́ɔ̀ wɔ̃̀ mɔ̀ɔ, mi lɛ́ è pɛ́ e kéa wɔ̃̀ si péĩ́a, ye wá mia ká kɛ é o sí péĩ́. Kɛɛ Wálà lɛ́ è là Gɛ̀ɛ̀ Púlú nɔ ka lɛ̀ɛ, lɛ́ è à si péĩ́a.

1 Témɔ́tè 1:10

ɛ̃́ɛ̃́ zeĩ́ sɔ̃̀ɔ̃ yɔɔ kɛ-mìàò, e bɛ̀i, mia lɛ́ ò o ɓɛ́ĩ̀ nì kɛ̀ o na káaò, ɛ̃́ɛ̃́ mia lɛ́ ò mia kã̀ã ɓoaò, e bɛ̀i, nɛ̀-kɛ-mìà, ɛ̃́ɛ̃́ zeĩ́ fùlu kélá-wè ɓo-mìà, ɛ̃́ɛ̃́ é dàá mia lɛ́ ò wɔ̃́ nɔ́ɔ fé kɛ̀ lɛ́ wà pɛ-zɔ̃̀ɔ̃̀-kɔ̀ wánà zɛ̀ɛ òó wéé o kíe nì wéè mɔ̀ɔ káa.

1 Témɔ́tè 1:3

Ḿm̀ nàà í tó Ɛ́fɔ́sɔ̀, lɛ̀ zí nɔ́ maà gèeá i lɛ̀ɛ lɛ̀ lɛ́ m kɛ lópìà Masèdónàa káa lɛ́ ɓe. Mia dò o yía o pɛ gbɛɛ zɔ̃̀ɔ̃̀pìà mia lɛ̀ɛ à lɛ̀ mɔ̀. Ì à gèe o lɛ̀ɛ ó tèá à zɔ̃̀ɔ̃ɔ̃̀ ká.

1 Témɔ́tè 1:6

Gɔ̃ã̀ dò waà o ko gbɛ̃̀ wɔ̃́ nì sùua mɔ̀, ɛ̃́ɛ̃́ waà gó zi lèe mɔ̀ o zì wɔ̃́ yí gíniìa zɛ̀ gèeè o kíe nì lɛ̀ɛ kolo là zàá.

2 Témɔ́tè 1:13

Ì i kɔ̀ kùnù wéé wánà zɛ̀ lɛ́ ma zɔ̃̀ɔ̃̀ i lɛ̀ɛ kɛ é kɛ wɔ̃́ gɔ̃̀á lɛ́ ì lo tóò à píéa káa mɔ̀. Ì kɛ ɓe zò-dɔ̀à-mɔ̀ wà lɔ̀-kpɔ̀à-mɔ̀ lɛ́ lɛ mia lɛ́ kò Kɛ́lɛ̀ì Zízɛ̀ nì ko doóa ko kɛ̀lɛ̀ɛ yí.

2 Témɔ́tè 4:3

Lúó lɛ́ mia òó ló o tóó dɔɔ̀ à ká pɛ wánà zɛ̀ lɛ́ ò zɔ̃̀ɔ̃̀ɔ mɔ̀ɔ, lɛ́ɛ̀ lo ɓɔɔ̀. Míá o kília óò lo tóò o dìè zì nàà-ká-wɔ̃̀ píé. Óò lo pɛ-zɔ̃̀ɔ̃̀-mìà búnù-búnùzɛ̀ lɛ́ ò lo wɔ̃́ lɛ́ o tóó à nàà á maa gèeè o lɛ̀ɛ, páà e kíe mɔ̀ o dìè lɛ̀ɛ.

Tátɔ̀ 1:1

Óò m si Pɔ́ɔ̀. M Wálà là yɛɓo-kɛ-mì, wà Zízɛ̀ Kɛ́lɛ̀ì là àpɔ́sɔ̀lɔ̀ ká. À kɛɛ̀ lɛ kíli kɛɛ ḿ gbũ mia lɛ́ Wálà aà o sía zì zò-dɔ̀à-mɔ̀ mɔ̀, ɛ̃́ɛ̃́ zeĩ́ kɛ ḿ zi wánà zɛ̀ lɛ́ mia wáá gbiniìá Wálà lɛ̀ɛ,

Tátɔ̀ 1:9

Lɛ à mɔ̀ ó kùnù wéé lɛ́ ò bɛ̀i à mɔ̀ ó o zò dɔ à mɔ̀, lɛ́ è wèè pɛ-zɔ̃̀ɔ̃̀-kɔ̀ɔ wéè mɔ̀ɔ mɔ̀. Zí e kéa káa, bɛ̀i lɛ́ɛ̀ lo kɛɛ̀ o mɔ̀ kɛ ó mia fã̀ã́ wàà pɛ-zɔ̃̀ɔ̃̀-kɔ̀ wánà zɛ̀ɛ ká, ɛ̃́ɛ̃́ tó wáà mia lɛ́ ò gèlè gɔ̃ o káa zì wɔ̃́ niàa zɔ̃̀ɔ̃̀á o lɛ̀ɛ.

Tátɔ̀ 3:8

Wɔ̃́ nì e kília lɛ wɔ̃́ wánà zɛ̀ lɛ́ à gèeè lɛɛ ká. Ḿm̀ nàà í wɔ̃́ nì o kília gèe kpó-kpó ɓo, kɛɛ é à kɛ mia lɛ́ o zò dɔɔ̀ lɛ Wálà mɔ̀ɔ zò é kɛ yɛɓo yiè kɛɛ̀ mɔ̀. Wɔ̃́ e kília lɛ sɛ̀, ɛ̃́ɛ̃́ lɛ́ɛ̀ gbũ mia mɔ̀.