1 Témɔ́tè 6:2 - Wè-dɔ-wè Dɛɛ

² Lùò lɛ́ à dàa-mì lɛ mí aà e zò dɔ Wálà mɔ̀ɔ káa, yékɛ̀ lùò e kília nyìɛ é fɔ̃́ à yí, ɓii à kɛ̀ à ɓɛ́ɛ Wálà mi ká mɔ́ɔ̀ wɔ̃̀ mɔ̀. Kɛɛ lɛ o mɔ̀ ó yɛɓo kɛ o dàa-mì lɛ̀ɛ kpó-kpó ɓo, ɓii mia lɛ́ ò gbũ̀-mɔ̀ sɔ̀lɔ̀ ɓo yɛɓo e kília kɛɛ̀ yía, o Wálà-mìà lɛ́ o lɔ̀ kpɔ́ɔ̀ lɛ wà lùò vɔ̀ mɔ̀ɔ ká. Ì wɔ̃́ nì e kéa zɔ̃̀ɔ̃̀ mia lɛ̀ɛ, ɓáà à gèè o lɛ̀ɛ wáà kɛ̀.

1 Témɔ́tè 6:2 Iomraidhean Croise

Máfìù 23:8

Kɛɛ yékɛ̀ ó ka sí Tísɛ̀. Ƃii ka séĩ́ ka lèe‐gé vɔ̀ ká. Ɛ́ɛ̃́ kà Pɛ‐zɔ̃̀ɔ̃̀‐mì lɛ nɔ́ doó.

Máfìù 25:40

Yé aà kɛ kília, mia Líé‐sí‐mìa lɛ́ɛ̀ lo à gèeè o lɛ̀ɛ, ‘Wánà‐wɔ̃̀ lɛ́ m̀ gèe ka lɛ̀ɛ ɓɛ. Yé bɛ̃̀ɛ̃ kaà wɔ̃́ nì e kéa dò kɛ do mi lɛ́ lɛ fĩ́ĩ́‐nyɛ zɛ̀ m lèe‐gé vɔ̀ o kéa bàa lɛ̀ɛ, kɛɛ ɓaà kɛ m lɛ̀ɛ.’

Máfìù 6:24

“Mi nɔ́ɔ fé lɛ̀ɛ́ bɛ̀i kɛɛ̀ lùò ká mia wũ‐là‐mìà pèèlɛ lɛ̀ɛ e kíe ká. É kɛ̀á kília, mi doó‐mì lɔ̀ lɛ́ɛ̀ lo nyɛɛ̀ à mɔ̀, tó mi doó‐mì lɔ̀ áà kpɔ̀ à mɔ̀. Lɛ́ɛ̀ lo kɛɛ̀ wánà zɛ̀ mi doó lɛ̀ɛ, tó à nyìɛ e fɔ̃́ mi yé e tóa yí. Ìí bɛ̀i kɛɛ̀ Wálà là lùò ká, tó ɓáà kɛ̀ zeĩ́ pɛlèe là lùò ká.

Àpɔ́sɔ̀lɔ̀ 1:15

Lúó e kília káa, Wálà-mìà o pá o kíe mɔ̀. O kɛ lèĩ mia wũ doó là vũ̀ pèèlɛ ká. Pílɛ̀ e wɛ̀lɛ̀, e dɔ o zèí, áà gèè kélɛ̀,

Wólómà 11:17

Ɔ́lè-yìlìa waà à kɔ̀ dò yɛ́ à mɔ̀, waà ɔ́lè-yìlì yé e kɛ dɔ̀á luú ɓɔ̀ɔ mɔ̀ɔ, waà à kɔ̀ sí, wáà gbɛ̃̀ à yɛ́pìà. Ɔ́lè-yìlì yé e kɛ dɔ̀á luú ɓɔ̀ɔ mɔ̀ɔ, à kɔ̀ɔ lɛ́ e mia lɛ́ ka sɛ́lɛ́ gbɛɛ yí-mìà káa káa. Kɛɛ dɛɛ káa, kà ɔ́lè-yìlìa nì ka gáná aà kɛ gbaa doó, ɛ̃́ɛ̃́ ka gbaa à yí-yìì dɔ́ɔ́lɔ́ mipìà.

Wólómà 8:29

Mia lɛ́ Wálà aà o sí líéa, aà o yà nɔ́ kíli, kɛ ó kɛ lɛ̀ à Gbe lɛ́ ɓe. A kɛ kíli, kɛɛ à Gbé e kília é kɛ ye-mìà kù gbùò zɛ̀ líé ká.

Gɛ̀lésìà 5:6

Ƃii yé kò Kɛ́lɛ̀ì Zízɛ̀ nì kɔaà kɛ doóa, ko bɔ̃́ɔ̃́ síì é gɔ̃̀á bɛ̃̀ɛ̃ kɛɛ̀ à ká, ɛ̃́ɛ̃́ à kɛɛ̀ é kɛá bɛ̃̀ɛ̃ à káa, ye wá wɔ̃́ dò ká. Pɛ ké yee e wɔ̃́ɔ káa lɛ́ e zò-dɔ̀à-mɔ̀ lɛ́ è yɛɓo kɛ̀ mi lɔ̀-kpɔ̀-mi-mɔ̀ yía káa.

Ìfísɔ̃̀ 1:1

Óò m si Pɔ́ɔ̀. M Kɛ́lɛ̀ì Zízɛ̀ là àpɔ́sɔ̀lɔ̀ ká, ɓii Wálà a naa ḿ kɛáa mɔ́ɔ̀ wɔ̃̀ mɔ̀. Ḿm̀ wèè Wálà là mia nì lɛ́ ka Ɛ́fɔ́sɔ̀, lɛ́ mia ò bɛ̀i o zò dɔɔ̀ ka mɔ̀ Kɛ́lɛ̀ì Zízɛ̀ yí zàáa bà.

Ìfísɔ̃̀ 1:15

Wɔ̃́ e kéa mɔ́ɔ̀ wɔ̃̀ mɔ̀ɔ, é kã́ lúó lɛ́ m zi lɛ́ kà ka zò dɔá kɔa Dàa-mì Zízɛ̀ mɔ̀, ɛ̃́ɛ̃́ Wálà-mìà séĩ́ zì lɔ̀-kpɔ̀ ka mɔ̀ɔ ma wɔ̃̀ ma à káa,

Ìfísɔ̃̀ 3:6

Wɔ̃́ à bĩ̀ĩĩ̀ e kɛá kília, gɛ̃̀ e ké. Wɔ̃́ làṹ yièa kolo là zàáa, sɛ́lɛ́ gbɛɛ yí-mìà óò bɛ̀i gbaa à mɔ̀ wà Zúù-mìà ó dɔ gbaa lúà nì lɛ́ è go Wálà kɛ̀lɛ̀ɛ yí gbaa. O gbaa gbĩ-kpàla doó yí-mìà ká. Óò dɔ wè-dɔ-wè lɛ́ Wálà e e wè dɔ à káa yí Kɛ́lɛ̀ì Zízɛ̀ yí zàá.

Kɔ̀lɔ́sĩã̀ 1:2

kóò wèè Wálà-mìà lɛ́ ka Kɔ̀lɔ́sè, lɛ́ ka ko lèe-gé vɔ̀ lɛ́ o Kɛ́lɛ̀ì yía ká, lɛ́ mia ò bɛ̀i à mɔ̀ ó o zò dɔ o mɔ̀ɔ bà. Kɔa Dàa Wálà zì zò-kɛ̀-sɛ̀ɛ é kɛ ka píé, áà zò-yà-gé nɔ̀ ka lɛ̀ɛ.

Kɔ̀lɔ́sĩã̀ 1:4

Ƃii kɔaà zi lɛ́ ka zò dɔɔ̀ lɛ à ká Kɛ́lɛ̀ì Zízɛ̀ mɔ̀, ɛ̃́ɛ̃́ zi lɛ́ Wálà-mìà séĩ́ lɔ̀ kpɔ́ɔ̀ lɛ à ká ka mɔ̀ɔ wɔ̃̀ ma.

Kɔ̀lɔ́sĩã̀ 4:1

Lùò dàa-mìà, ka bɛ̃̀ɛ̃ kà wɔ̃́ kɛ kà lùò vɔ̀ ká kpeĩ le, ɛ̃́ɛ̃́ e yí púlú zɛ̀ ká. Kà à yí dɔ kélɛ̀ ka bɛ̃̀ɛ̃, ka Dàa-mì lɛ lɛ̀í.

2 Tɛsàlónìà 1:3

Ko lèe-gé vɔ̀, lɛ à mɔ̀ kɔ́á Wálà zúo ɓo lúó séĩ́ ká ka mɔ́ɔ̀ wɔ̃̀ mɔ̀. Lɛ kpeĩ kɛ kɔ́á kɛ kíli, ɓii ka zì zò-dɔ̀à-mɔ̀ yí lɛ kɛpìà gbùò, ɛ̃́ɛ̃́ lɔ̀-kɛ̀à-mɔ̀ lɛ́ e ka yí doó doó ka kíe nì mɔ́ɔ̀ wɔ̃̀ mɔ̀ɔ, à là lɛ kpɔ́pìà.

1 Témɔ́tè 4:11

Ì pɛ́ e kéa zɔ̃̀ɔ̃̀ ɓáà gèè mia lɛ̀ɛ ó kɛ.

1 Témɔ́tè 5:1

Yé ɓaà naa í i dàa-lɛ̀-mì gbɛ̃̀ zuúa, yékɛ̀ ɓá gèe wɛlɛ káá ká. Kɛɛ ì wɔ̃́ gèe à lɛ̀ɛ lɛ̀ zí ì wɔ̃́ gèeá i dàa lɛ̀ɛ lɛ́ ɓe. Gɔ̃ã̀ nɛ̀ĩ́ bɛ̃̀ɛ̃ ì wɔ̃́ kɛ o ká lɛ̀ zí ì wɔ̃́ kɛ̀á i lèe-gé gɔ̃ã̀ zɛ̀ nì káa lɛ́ ɓe.

Tátɔ̀ 2:1

Kɛɛ ɓi yee, ì pɛ lɛ́ lɛ mi lɛ́ è wánà-wɔ̃̀ɔ zɔ̃̀ɔ̃̀ɔ mɔ̀ á zɔ̃̀ɔ̃̀ɔ zɔ̃̀ɔ̃̀.

Tátɔ̀ 2:15

Wɔ̃́ nì e kéa zɔ̃̀ɔ̃̀ mia lɛ̀ɛ. Ì o kɛ o fã̀ã́ é wàà. Ì o gbɛ̃̀ zi píé yíkɛ̀ gáàa lé paàa zɛ̀ lɛ́ e i kɛ̀lɛ̀ɛ ká. Yékɛ̀ ɓá tó o dò nyìɛ é fɔ̃́ i yí.

Tátɔ̀ 3:8

Wɔ̃́ nì e kília lɛ wɔ̃́ wánà zɛ̀ lɛ́ à gèeè lɛɛ ká. Ḿm̀ nàà í wɔ̃́ nì o kília gèe kpó-kpó ɓo, kɛɛ é à kɛ mia lɛ́ o zò dɔɔ̀ lɛ Wálà mɔ̀ɔ zò é kɛ yɛɓo yiè kɛɛ̀ mɔ̀. Wɔ̃́ e kília lɛ sɛ̀, ɛ̃́ɛ̃́ lɛ́ɛ̀ gbũ mia mɔ̀.

Hííbúlù 3:1

M lèe-gé vɔ̀ lɛ́ ka ké Kɛ́lɛ̀ì tɔ́ yí zàáa, Wálà aà ka vɔ̀ɔ ka súo kɛ nɔ́ kíli. Kà ka yɛ́lɛ́ táá Zízɛ̀ mɔ́ɔ̀ wɔ̃̀ yí. Wálà e à vɔ kɛ é kɛ sálà-ɓò-Wálà-mɔ̀-mìà wũ-là-mì ká zò-dɔ̀à-mɔ̀ wɔ̃̀ lɛ́ kò wèè à mɔ̀ɔ wɛ̃́ĩ̀.

Hííbúlù 3:14

Ƃii kò Kɛ́lɛ̀ì nì ko doó wɔ̃́ séĩ́ yí yé kɔaà kùnù zò-dɔ̀à-mɔ̀ lɛ́ e kɛ ko kɛ̀lɛ̀ bèĩzɛ̀ɛ mɔ̀ kpɛ̃ĩ le, é tóá kíli é ɓɔá wɔ̃́ líé-nyɛpìàa ká.

1 Pílɛ̀ 5:1

Má m mi dìè ká Wálà-mìà bàa, ḿm̀ kpé kã míá ka bɛ̃̀ɛ̃ ka yí mia dìè-dìè vɔ̀ ká Wálà-mìà bàa lɛ̀ɛ. M kélá ká Kɛ́lɛ̀ì zì wàa a ɓèlèa mɔ́ɔ̀ wɔ̃̀ mɔ̀. Ɛ́ɛ̃́ kò à ye kóò lo dɔɔ̀ lɛ̀-fɔ̀nɔ-kɔ̀ lɛ́ lɛ́ɛ́ ɓoò è lo kɛɛ̀ à ká à làa yí. Ḿm̀ kpé kã ka lɛ̀ɛ,

2 Pílɛ̀ 2:10

Kɛɛ mia kpó-kpó lɛ́ è o to wáà wàa ɓèlèa, o lɛ́ o mia lɛ́ wɔ̃́ lilì kṹã̀a zɛ̀ kɛ-lɔ̀ è o gbĩ-kpàla kɛ̀, tó wáà kɛ̀ɛ káa. Ɛ́ɛ̃́ o nyìɛ fɔ̃́ɔ̃̀ lɛ Wálà là yíkɛ̀ gáàa yí. Pɛ-zɔ̃̀ɔ̃̀-mìà nɛ̀ zɛ̀ o kéa òó túó, ɛ̃́ɛ̃́ óò o dìè si gbùò. Òó ɓɛ̀lɛyà nɔ mia lɛ́ o lɛ̀ fɔ̀nɔɔ̀ɔ yí lɛ̀ía lɛ̀ɛ. Kɛɛ óò lé-kã́ kɛ̀ o mɔ̀.

Zúdè 1:8

Zi nɔ́ doóa káa, gɔ̃à o kéa óò mɛ̀ĩ̀ lɛ́ è à kɛ̀, tó wáà o gbĩ-kpàla yí sìèa zɛ. Òó kpàa Wálà zì yíkɛ̀ gáàa ká. Óò lé-kã́ kɛ̀ mia lɛ́ o lɛ̀ fɔ̀nɔɔ̀ɔ yí lɛ̀ía mɔ̀.