1 Témɔ́tè 6:1 - Wè-dɔ-wè Dɛɛ

¹ Mia séĩ́ lɛ́ o lùò káa, lɛ o mɔ̀ ó o dàa-mìà nì gɛ̃̀ mia lɛ́ ò bɛ̀i à mɔ̀ ó ɓɛ̀lɛyà séĩ́ sɔ̀lɔ̀ ɓoa ká, yékɛ̀ mi nɔ́ɔ fé é wɔ̃́ yɔɔ gèe Wálà tɔ́, ɛ̃́ɛ̃́ ko zì pɛ-zɔ̃̀ɔ̃̀-kɔ̀ gbĩ mɔ̀.

1 Témɔ́tè 6:1 Iomraidhean Croise

Máfìù 11:30

Ƃii kálá lɛ́ m̀ lo à dàà ka kpɛía, à vũũ̀ wá wɔ̃́ gáàa ká. Ɛ́ɛ̃́ pɔɔ̀ lɛ́ m̀ lo à yàà ka wĩĩ́a, ye wá gbííni.”

Máfìù 11:9

Pɛ lɛ́ ka ló à gɛ̃̀ wɛ̃́ĩ̀a, kà tɔ́ gèe m lɛ̀ɛ. Ka ló dɔ̀‐Wálà‐lé‐là‐mì gɛ̃̀ wɛ̃́ĩ̀? Kà tó ḿ gèe ka lɛ̀ɛ, lɛ kíli. Ɛ́ɛ̃́ pɛ lɛ́ ka gɛ̃̀ɛ, à diè lɛ bɛ̃̀ɛ̃ dɔ̀‐Wálà‐lé‐là‐mì là.

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 17:1

Zízɛ̀ a gèe là tòà‐píé‐mìà lɛ̀ɛ, “Pɛ lɛ́ è lo à kɛɛ̀ kɛ mi é kɛ‐wɔ̃̀ yɔɔ kɛɛ, lɛ à mɔ̀ é kɛ. Kɛɛ mi lɛ́ à kɛ̀ lɛ́ wɔ̃́ nì e kília è kɛ̀ɛ, wɔ̃́ yéĩ̀zɛ̀ kɛɛ̀ lɛ à ká.

Àpɔ́sɔ̀lɔ̀ 10:22

Wa gèe gbaa à lɛ̀ɛ, “Sóyà vɔ̀ wũ-là-mì lɛ́ ò si Kɔ̀nélìàa, lɛ́ e ko vɔ i píéa. Lɛ dóo gɔ̃ kpeĩ lɛ́ è gbìnì Wálà lɛ̀ɛ ká. Zúù-mìà séĩ́ óò à tɔ́ yiè gèe. Wálà là vɔ-mìà doó-mì a gèe à lɛ̀ɛ é i súo kɛ e píé kɛ́ì, kɛɛ é wɔ̃́ lɛ́ lɛ i kɛ̀lɛ̀ ɓá gèea ma.”

Àpɔ́sɔ̀lɔ̀ 10:7

Lɛ̀ e kɛ kília, vɔ-mì lɛ́ e kɛ mɛ́ĩ́ ɓopìà à lɛ̀ɛ, e là ló ɓo. Kɔ̀nélìà e mia lɛ́ o kɛ à kɔ̀-lé káa, e o yààka súo kɛ. O pèèlɛ-mì e kɛ là yɛɓo-kɛ-mìà ká. O doó-mì bɛ̃̀ɛ̃ e kɛ sóyà lɛ́ è gbìnì Wálà lɛ̀ɛ ká.

Àpɔ́sɔ̀lɔ̀ 15:10

Vũ gbííni lɛ́ ko dàa ye dàà nì, ɛ̃́ɛ̃́ ko dìè-tĩ́ kòó gbaa bɛ̀i à mɔ̀ kɛ kó sía, ka pɛ́nɛɛ à yàpìà tò-Zízɛ̀-píé-mìàa wĩĩ́. Mɛ́ e kɛ lɛ́ kà nàà ká Wálà yí dã́ zí e kéa ká ɓɛ?

Wólómà 2:24

Ƃii à bɛ̃̀ɛ̃ɛ̃̀ lɛ Wálà là kíía yí kélɛ̀, “Ka mɔ́ɔ̀ wɔ̃̀ mɔ̀ɔ, óò wɔ̃́ yɔɔ gèe Wálà gbĩ mɔ̀ sɛ́lɛ́ gbɛɛ yí-mìà fĩ̀ã̀.”

1 Kɔ̀léĩ́tĩ̀ã̀ 10:32

Yékɛ̀ ká wɔ̃́ lɛ́ è lo Zúù-mìà, ɛ̃́ɛ̃́ sɛ́lɛ́ gbɛɛ yí-mìà, e bɛ̀i Wálà-mìà kɛɛ̀ ó pèlèa, yékɛ̀ ká kɛ à kɛ-mìà ká.

Gɛ̀lésìà 5:1

Pɛ́ e ko kɛ̀lɛ̀ɛ lɛ́ e tɔ́ tò-dìè-là. Kɛ́lɛ̀ì aà ko kɛ kɔaà tó ko dìè kɔ̀ mɔ̀. Yé lɛ kília, kà dɔ ka dɔ̀lɔ̀ mɔ̀ mi lɛ́ aà tó e dìè kɔ̀ mɔ̀ɔ dɔ-zì ká. Yékɛ̀ ká tó ká kɛ zeĩ́ lùò ká.

1 Témɔ́tè 5:14

À mɔ́ɔ̀ wɔ̃̀ mɔ̀ɔ, ḿm̀ lo à naà kɛɛ gã̀ã loà dɛɛ dɛɛ ó gɔ̃ sí ó nɛ́ ye, e bɛ̀i, ó o yɛ́lɛ́ kɛ o píé kɛ́ì mɔ̀, yékɛ̀ ó lúó nɔ ko dàa-gbe lɛ̀ɛ kɛ ó mɛ́ĩ́ yɔɔ ɓo ko gbĩ mɔ̀.

Tátɔ̀ 2:5

Laa mɔ̀ ó zi lɛ́ wáá o líé dɔɔ̀á wɔ̃́ kɛɛ̀ yía zɔ̃̀ɔ̃̀ o lɛ̀ɛ. Yékɛ̀ ó kɛ wélé-wèlè. Laa mɔ̀ ó o yɛ́lɛ́ kɛ o píé kɛ́ì píé e yiè ká, ɛ̃́ɛ̃́ zeĩ́, ó o dɛ̃ nì wéè kɛ. È kɛ kíli yékɛ̀ mi dò é wɔ̃́ yɔɔ gèe Wálà lé-wèa gbĩ mɔ̀.

1 Pílɛ̀ 2:12

Ka zì wɔ̃́ kɛ-kɔ̀ lɛ́ kà wɔ̃́ kɛ̀á mia lɛ́ òó Wálà dɔɔ bàa, lɛ à mɔ̀ é kɛ kpeĩ. Yé aà kɛ kíli lɛ́ waà à gèe ka wɔ̃́ yɔɔ kɛ-mìà káa, lɛ́ɛ̀ lo kɛɛ̀ o mɔ̀ kɛɛ ó ka kɛ-wɔ̃̀ yièa míní sí, ɛ̃́ɛ̃́ óò lo Wálà tɔ́ ɓɔɔ̀ à zì nu-lùò ká nɔ́ kíli.

1 Pílɛ̀ 3:16

Kɛɛ kà kɛ kpóló-kpɔ̀-mɔ̀ wà ɓɛ̀lɛyà ká. Ka zò è kɛ sɛ̀ teele, kɛɛ yé mia waà lé-kã́ kɛ ka mɔ̀ɔ, kɛ yɛ́lɛ̀ é kpɔ́ mia lɛ́ ò wɔ̃́ yɔɔ gèe ka zì wɔ̃́ kɛ-kɔ̀ yiè lɛ́ kà kɛ̀ Kɛ́lɛ̀ì yía mɔ̀ɔ là.