1 Témɔ́tè 5:6 - Wè-dɔ-wè Dɛɛ

⁶ Kɛɛ gã̀ã lee yé è e dìè nɔ e dìè zò-kṹ-wɔ̃̀ kɛɛ̀ lɛ̀ɛ, à gaà lɛ, yé bɛ̃̀ɛ̃ lɛ tĩã́ kpóṹ làa ká.

1 Témɔ́tè 5:6 Iomraidhean Croise

Máfìù 8:22

Zízɛ̀ a là nìɛ̀ weeá kélɛ̀, “Ì tó m píé. Ɛ́ɛ̃́ ì à tó mia lɛ́ o gaà lɛɛ, ó o zì mi gaàa bĩ̀ĩ̀.”

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 12:19

Yé aà kɛ kília, ḿm̀ lo à gèeè m dìè píé kélɛ̀, Gɔ̃, pɛ séĩ́ lɛ́ ɓà nàà à ká kɛ̀ɛ̀ búnùzɛ̀ mɔ̀ɔ, lɛ i kɛ̀lɛ̀ gbùò. Ì ɓà yà ɓo gbaa ɓɛ, ì pɛ ɓèlè, ɓáà pɛ mì, ɛ̃́ɛ̃́ ɓáà géli kɛ̀.’

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 15:13

Lɛ̀ à lɛ̀ e ɓo pèèlɛɛ, nɛ́fúa e e zì pɔɔ̀ɔ séĩ́ pá e kíe mɔ̀. E gbɛ̃̀ gbaa à ká zuú, áà lò sɛ́lɛ́ gbèkèni dò yí. Lɛ̀ e ló yia, e kɛ gbaa e kɛ̀lɛ̀‐pɛ̀lèe yí sìèpìà wɔ̃́ kɛ‐zì yɔɔ̀ yɔɔ̀ ɛ̃́ɛ̃́ yí gíniìa zɛ̀ ká.

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 15:24

Ƃii m gbé e kéa, à gaà e kɛá. Kɛɛ lɛ gbaa ɓéèe. Ɛ́ɛ̃́ zeĩ́, à gíniì e kɛá. Kɛɛ maà à gɛ̃̀.’ O gbɛ̃̀ gbaa, wáà kpílìa kɛ̀.

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 15:32

Kɛɛ lɛ ko mɔ̀ kó kpílì kɛ, tó ko gé áà lì. Ƃii i lekè e kéa gaà e kɛá. Kɛɛ lɛ ɓéèe gbaa. À gíniì e kɛá. Kɛɛ maà à gɛ̃̀ gbaa.’ ”

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 16:19

“E kɛ gɔ̃ kpànazɛ̀ dò ká. E kɛ e mɛ́ sípìà sɔ sɔ̃̀ɔ̃́ gbùò zɛ̀ ká. E kɛ kpílì kɛpìà lúó séĩ́ ká.

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 7:25

Mɛ́ ka ló yi ká gɛ̃̀? Ka ló yi kɛ ká gɔ̃ lɛ́ à mɛ́ síì lɛ sɔ yiè káa gɛ̃̀? Wánà kpó‐kpó káa, mia lɛ́ ò o mɛ́ si kíli, lɛ́ o yàà lɛ wà dɔ‐pɔ̀ɔ̀ làa, o kɛ‐pìà lɛ́ nɔ́ e mia kpànazɛ̀ kɛ‐pìà káa.

Ìfísɔ̃̀ 2:1

Bèĩzɛ̀ɛ, ka gaà e kɛá wɔ̃́ lɛ́ ye wá kpeĩa kɛ́ ka ɓo, ɛ̃́ɛ̃́ kɛ-wɔ̃̀ yɔɔ lɛ́ ka kɛɛ mɔ́ɔ̀ wɔ̃̀ mɔ̀.

Ìfísɔ̃̀ 2:5

a kɛ lɛ̀ bɛ̃̀ɛ̃ ko gaà e kɛá wɔ̃́ lɛ́ ye wá kpeĩa kɛɛ̀ yía, e kò Kɛ́lɛ̀ì nì ko kɛ gbaa ɓéèe. Lɛ Wálà zì zò-kɛ̀-sɛ̀ kolo là ká lɛ́ ka la-ɓo sɔ̀lɔ̀ ɓoa.

Ìfísɔ̃̀ 5:14

Ƃii pɛ nɔ́ɔ fé lɛ́ lɛ́ɛ́ ɓoò lɛ à làa, kɛɛ aà kɛ gbaa lɛ̀ púlú ká. Pɛ́ à kɛ̀ lɛ́ ò gèe kélɛ̀, “Yi zɛ-mì, ì vùò. Ì wɛ̀lɛ̀ ga kɛ̀lɛ̀. Kɛ́lɛ̀ì lɛ́ɛ̀ lo lɛ̀ fɔ̀nɔɔ̀ i bàa,” lɛ́ ɓɛ.

Kɔ̀lɔ́sĩã̀ 2:13

Ka gaà e kɛá mɔ́ wɔ̃́ lɛ́ ye wá kpeĩa kɛ́ ka ɓoa, ɛ̃́ɛ̃́ zeĩ́, ka bɔ̃́ɔ̃́ síì lɛ̀ɛ́ gbaa kɛáa mɔ́ɔ̀ wɔ̃̀ mɔ̀. Kɛɛ dɛɛ káa, Wálà aà kà Kɛ́lɛ̀ì nì ka kɛ gbaa ɓéèe. Wálà aà ko kɛ-wɔ̃̀ séĩ́ lɛ́ ye wá kpeĩa ɓo ko wũ mɔ̀.

2 Témɔ́tè 3:6

O dò óò lo kɛ́ì píé tó wáà kɛ̀ loà lɛ́ o yí è gaa là. Loà o kília o loà lɛ́ o kɛ-wɔ̃̀ yɔɔ lɛ o wĩĩ́ vũ gbííni ká, lɛ́ wɔ̃́ yɔɔ̀ yɔɔ̀ kɛ-lɔ̀ è o kɛ̀ɛ káa.

Zĩ́ĩ̀ 5:5

Ka zì kɛ̀ kpóṹ e kéa làa, ka yàà lɛ kà dɔ-pɔ̀ɔ̀ là, ɛ̃́ɛ̃́ kaà ka dìè nàà-ká-wɔ̃̀ kɛ. Kaà ka dìè kɛ, kaà ɓómá lúó lɛ́ ò lo mia zɛɛ̀ à káa mɔ́ɔ̀ wɔ̃̀ mɔ̀.

Wɛ̀lɛ̀vèlésɔ̃̀ 18:7

Sã̀-dɔ wà zò nyɔ́ɔ̀ɔ là lɛ́ lɛ ka mɔ̀ ká nɔ à lɛ̀ɛ, wà pɛ lɛ́ e e mɛ́ sí à ká, ɛ̃́ɛ̃́ lɛ́ e à zò-dà-pɛ̀ káa ò bɛ̀i e kíe ká. Ƃii láà gèe e dìè zò píé kélɛ̀, ‘Ma sɛ́lɛ́ líé-sí-lèè gɛ̃̀ m yàa ké. Ma wá gã̀ã ká. Zò yéĩ̀zɛ̀ lɛ̀ɛ́ ló kɛɛ̀ m gé gbɛɛ ɓo.’

Wɛ̀lɛ̀vèlésɔ̃̀ 3:1

“Wɔ̃́ e kéa bɛ̃̀ɛ̃ Wálà-mìà lɛ́ o Sádàa wà vɔ-mì píé. À bɛ̃̀ɛ̃ weeá kélɛ̀, “Mi lɛ́ pɛ sálápèèlɛ lɛ́ è go Wálà kɛ̀lɛ̀, ɛ̃́ɛ̃́ sĩ̀ã́ã̀ŋèlè sálápèèlɛ lɛ à kɛ̀lɛ̀ɛ, wɔ̃́ lɛ́ à gèea, gɛ̃̀ e ké. Ḿm̀ i kɛ-wɔ̃̀ dɔ. Ḿm̀ à yí dɔ óò à gèe kélɛ̀ i ɓéèe yé bɛ̃̀ɛ̃ i gaà lɛɛ ká.