1 Témɔ́tè 5:5 - Wè-dɔ-wè Dɛɛ

⁵ Lee lɛ́ lɛ gã̀ã kpó-kpó ká, lɛ́ mi gbɛɛ wá ɓe kɛ é dɔ à làa, aà e zò dɔ Wálà mɔ̀, ɛ̃́ɛ̃́ lɛ́ɛ̀ lo e líé sɛ̀nɛ ɓoò ká bĩ́ã́ ɛ̃́ɛ̃́ nyɛ́nɛ́ĩ́ kɛɛ Wálà é gbũ à mɔ̀.

1 Témɔ́tè 5:5 Iomraidhean Croise

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 18:1

Lɛ̀ e kɛ kília, Zízɛ̀ e pĩ̀ã̀ e kéa vɔ o lɛ̀ɛ, kɛ é à zɔ̃̀ɔ̃̀ o lɛ̀ɛ kélɛ̀ lɛ o mɔ̀ ó sɛ̀nɛ ɓo teele, yékɛ̀ o fĩ́ĩ́ é nyɛ sɛ̀nɛ ɓoò mɔ̀.

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 18:7

Yé mɔṹ lɛ́ kília, káà yí dɔ Wálà lɛ̀ɛ́ ló wɔ̃́ lɛ́ lɛ à mɔ̀ á kɛ là mia lɛ́ aà o sí, lɛ́ ò gbóó ɓo à píé bĩ́ã́ ɛ̃́ɛ̃́ nyɛ́nɛ́ĩ́a lɛ̀ɛ kɛɛ̀ o lɛ̀ɛ? Káà yí dɔ à yí lɛ́ɛ̀ lo kɛɛ̀ dɔ́lɔ́ dɔ́lɔ́ gbũ̀‐o‐mɔ̀ yí?

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 2:37

Lɛ̀ e kɛ kília, e kɛ gã̀ã ká kɛ̀ɛ̀ vũ̀ sálàka wɛ́lɛ́ yììsɛ píé. Lɛ̀ɛ́ gbaa kɛ gópìà sálà‐ɓò‐Wálà‐lɛ̀ɛ‐kàa wì. E gbini Wálà lɛ̀ɛ bĩ́ã́ ɛ̃́ɛ̃́ nyɛ́nɛ́ĩ́, áà lò e sṹũ yí, áà sɛ̀nɛ ɓò.

Àpɔ́sɔ̀lɔ̀ 26:7

Wè-dɔ-wè e kília lɛ́ mia sùu doò do vũ̀ doó wɛ́lɛ́ pèèlɛ lɛ́ o ko sùu làa, o zò lɛ à mɔ̀ kɛ ó gɛ̃̀ lɛ̀ lɛ́ ò gbìnì Wálà lɛ̀ɛ bĩ́ã́ ɛ̃́ɛ̃́ nyɛ́nɛ́ĩ́a káa. Wɔ̃́ lɛ́ ko zò lɛ à mɔ̀ kília, lɛ́ Zúù-mìà ò mɔ́ɔ̀ m kɛ ɓoa ko dàa-mì.

Àpɔ́sɔ̀lɔ̀ 6:1

Lúó e kília káa, lɛ̀ lɛ́ tò-Zízɛ̀-píé-mìà là e kɛ kpɔ́pìàa, wéé e kɛ Zúù-mìà yé ò Gílíì-wè gèea, wà o yé ò Zúù-wè gèea o fĩ̀ã̀. Zúù-mìà yé o kɛ Gílíì-wè gèepìàa, wa gèe kélɛ̀ òó gbaa o yɛ́lɛ́ kpeĩ kɛ o zì loà gã̀ã zɛ̀ píé sɛ̀, yé waà kɛ pɛ yí gìnìpìà mia mɔ̀ lúó séĩ́ káa ká.

Àpɔ́sɔ̀lɔ̀ 9:39

Yé e kɛ kília, Pílɛ̀ e wɛ̀lɛ̀ gbaa, wà ye nì wáà lò. Lɛ̀ lɛ́ e ɓɔɔ, o à sí, o ló à ká lɛ̀í-kàa yí. Gã̀ã loà séĩ́ lɛ́ o kɛ yía, o sɔ̃́ à mɔ̀ gbóó ká, wáà wà dà-sɔ̀ ɛ̃́ɛ̃́ sɔ-là-sɔ̀ nì lɛ́ Dɔ́kà a kɛ, kɛ lɛ tĩã́ o píéa, zɔ̃̀ɔ̃̀ à lɛ̀ɛ.

Àpɔ́sɔ̀lɔ̀ 9:41

Pílɛ̀ e e kɔ̀ yà à kɔ̀ wì, e gbũ à mɔ̀ é wɛ̀lɛ̀. Yé e kɛ kília, e Wálà-mìà wà gã̀ã loàa súo kɛ, e lééa nɔ gbaa o lɛ̀ɛ e ɓéèe ká.

Wólómà 1:12

Wɔ̃́ m̀ wɛ̃̀ɛ̃ lɛ́ e kélɛ̀, kɔ̀à ɓi nì kɔ́á gbũ̀-mɔ̀ sɔ̀lɔ̀ ɓo e kíe ká, tó ka zì zò-dɔ̀à-mɔ̀ɔ áà gbũ̀ m mɔ̀, tó m zìa bɛ̃̀ɛ̃ áà gbũ̀ ka mɔ̀.

Wólómà 1:5

Wálà Gbe e kília kolo là zàáa, m wɔ̃́ yiè sɔ̀lɔ̀ ɓo. Wɔ̃́ yiè e kília lɛ́ e kélɛ̀ ḿ kɛ àpɔ́sɔ̀lɔ̀ ká Kɛ́lɛ̀ì wɛ̃́ĩ̀, kɛɛ ḿ kɛ kɛɛ zò-dɔ̀à-mɔ̀ é kɛ sɛ́lɛ́ séĩ́ là mìà yí, wáà Wálà wéè kɛ̀.

1 Kɔ̀léĩ́tĩ̀ã̀ 7:32

Ḿm̀ lo à naà ká la zò-gɔ̃́ kɛ̀lɛ̀. Gɔ̃ lɛ́ lɛ̀ɛ́ lee sí nɛ́ɛ, à yɛ́lɛ́ lɛ ko Dàa-mì wɔ̃̀ píé. Láà nàà é ko Dàa-mì zò-dà-wɔ̃̀ kɛ.

1 Kɔ̀léĩ́tĩ̀ã̀ 7:34

Zí e kéa káa, à zò lɛ pɛ pèèlɛ mɔ̀. Lee lɛ́ gɔ̃ wá à píéa, ɛ̃́ɛ̃́ à ye lɛ́ lɛ̀ɛ́ gɔ̃-wɔ̃̀ yí dɔ nɛ́ɛ, o zì yɛ́lɛ́ lɛ ko Dàa-mì wɔ̃̀ píé. Ƃii óò nàà o gbĩ-kpàla wà o gɛ̀ɛ̀ ó kɛ ko Dàa-mì doó kɔ̀á ká. Kɛɛ lee lɛ́ à gɔ̃ síì lɛɛ, à zì yɛ́lɛ́ lɛ kpóṹ là zèe wɔ̃̀ píé. Láà nàà é e dɛ̃ zò-dà-wɔ̃̀ kɛ.

Ìfísɔ̃̀ 6:18

Kà sɛ̀nɛ ɓo kɛɛ Wálà é gbũ ka mɔ̀ wɔ̃́ e kéa séĩ́ kɛɛ̀ yí. Kà sɛ̀nɛ ɓo lúó séĩ́ ká yé Gɛ̀ɛ̀ Púlú aà kɛ ka píéa ká. Wɔ̃́ e kéa mɔ́ɔ̀ wɔ̃̀ mɔ̀ɔ, kà yà ka nyìɛ́, yékɛ̀ ká kɔ̃́ zi mɔ̀. Kà sɛ̀nɛ ɓo teele Wálà là mia nì séĩ́ mɔ́ɔ̀ wɔ̃̀ mɔ̀.

Fèlépĩ̀ã̀ 4:6

Yékɛ̀ wɔ̃́ nɔ́ɔ fé wɔ̃̀ é ka lè dũ. Kɛɛ ka zì sɛ̀nɛ séĩ́ ɓoò yía, kà pɛ lɛ́ lɛ ka mɔ̀ ká sɔ̀lɔ̀ ɓoa, pɛ̃́ à mɔ̀. Ká pɛ pɛ̃̀á à mɔ̀ɔ, à zúo ɓo kpàà è kɛ ka mɔ̀ teele.

1 Témɔ́tè 2:1

Wɔ̃́ bèĩzɛ̀ e ɓea gɛ̃̀ e ké. Ḿm̀ lìè-wè dɔ mia lɛ̀ɛ kɛ ó sɛ̀nɛ ɓo Wálà lɛ̀ɛ kpé kã̀ à lɛ̀ɛ ká, ɛ̃́ɛ̃́ wáà pɛ pɛ̃̀ à mɔ̀, e bɛ̀i, wáà à zúo ɓò mia séĩ́ wɛ̃́ĩ̀.

1 Témɔ́tè 5:16

Kɛɛ yé lee lɛ́ aà e zò dɔ Wálà mɔ̀ɔ, gã̀ã lee aà kɛ à kɔ̀-píé-mìà bàa, lɛ à mɔ̀ é e yɛ́lɛ́ yiè kɛ à mɔ̀, yékɛ̀ é vũ gbííni e kéa yà Wálà-mìà wĩĩ́. Yé aà kɛ kília, bɛ̀i lɛ Wálà-mìà mɔ̀ kɛ ó o yɛ́lɛ́ kɛ loà lɛ́ o gã̀ã loà kpó-kpó káa mɔ̀.

1 Témɔ́tè 5:3

Ì ɓɛ̀lɛyà nɔ gã̀ã loà lɛ́ o gã̀ã vɔ̀ kpó-kpó káa o lɛ̀ɛ.

2 Témɔ́tè 1:3

Ḿm̀ Wálà lɛ́ m̀ yɛɓo kɛ̀ à lɛ̀ɛ zò yiè ká, lɛ̀ zí m dàa ye dàà nì wa kɛáa lɛ́ ɓea zúo ɓo. Yé maà kɛ sɛ̀nɛ ɓopìàa, m zò lɛ́ɛ̀ vùò i mɔ́ɔ̀ wɔ̃̀ ká teele bĩ́ã́ ɛ̃́ɛ̃́ nyɛ́nɛ́ĩ́. À mɔ́ɔ̀ wɔ̃̀ mɔ̀ɔ, ḿm̀ Wálà zúo ɓo.

1 Pílɛ̀ 3:5

Ƃii loà lɛ́ o kɛ mɔ́ ɓe, lɛ́ o o dìè nɔ Wálà lɛ̀ɛ, ɛ̃́ɛ̃́ lɛ́ o zò kɛɛ̀ e kɛá Wálà mɔ̀ɔ, o kɛ o mɛ́ sípìà, o dìè kɛ́ o kɛ à ɓopìà o dɛ̃ nì wìa kolo là.