1 Témɔ́tè 5:10 - Wè-dɔ-wè Dɛɛ

¹⁰ Ɛ́ɛ̃́ zeĩ́, lɛ à mɔ̀ é kɛ mi lɛ́ mia ò à tɔ́ yiè gèe à zì yɛɓo yiè kɛɛ̀ wɛ̃́ĩ̀a ká. È kɛ lee lɛ́ aà là nɔ́ɔ̀ tòlò o tòlò-zì káa ká, lɛ́ aà lɔ̀ɔ̀-mi wɔ̀lɔ̀ kpɔ́ do, ɛ̃́ɛ̃́ lɛ́ aà Wálà-mìà gã̀ mɛ́ pɛ́lɛ́, e bɛ̀i, aà gbũ mia lɛ́ o kɛ wɔ̃́ nyɔ́ɔ̀ɔ yía mɔ̀, ɛ̃́ɛ̃́ lɛ́ aà e dìè nɔ yɛɓo yiè séĩ́ kɛɛ̀ lɛ̀ɛ ká.

1 Témɔ́tè 5:10 Iomraidhean Croise

Máfìù 25:17

Zi nɔ́ doóa káa, yɛɓo‐kɛ‐mì yé e dálà wáá pèèlɛ nɔ à lɛ̀ɛ, e dálà wáá pèèlɛ sɔ̀lɔ̀ ɓoá zeĩ́.

Máfìù 5:16

Zi nɔ́ doóa káa, ka tíé è lɛ̀ fɔ̀nɔ mia wɛlɛ mɔ̀, kɛɛ ó wɔ̃́ yiè séĩ́ lɛ́ kà kɛ̀ɛ gɛ̃̀, tó wáà tɔ́‐ɓɔ nɔ̀ ka Dàa lɛ́ e lɛ̀ía lɛ̀ɛ.

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 7:38

E dɔ Zízɛ̀ mɛ̀ĩ́ à gã̀ sɔ́nɔ́. Léé e kília e kɛ gbóó ɓopìà, tó áà Zízɛ̀ gã̀ yɔ̀ɔ̀ e nyìɛ‐yíí ká. Lɛ̀ e kɛ kília, e à gã̀ mɛ́ sòló e wĩĩ́‐wũ̀ ká, e e bè gbɛ̃̀ à gã̀ mɔ̀, e nyɔ́nɔ́ɔ káá gbaa à gã̀ mɔ̀.

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 7:44

Lɛ̀ e kɛ kília, e nìɛ̀ lééa píé, áà gèè Sáímɔ̀ lɛ̀ɛ, “Íì léé e kéa gɛ̃̀? M nu i píé kɛ́ì, ìí gbaa yíí nɔ́ɔ fé dò nɔ kɛ ḿ m gã̀ pɛ́lɛ́ à ká. Kɛɛ à yee, aà m gã̀ pɛ́lɛ́ e nyìɛ‐yíí ká. Ɛ́ɛ̃́ aà m gã̀ mɛ́ sòló e wĩĩ́‐wũ̀ ká.

Àpɔ́sɔ̀lɔ̀ 10:22

Wa gèe gbaa à lɛ̀ɛ, “Sóyà vɔ̀ wũ-là-mì lɛ́ ò si Kɔ̀nélìàa, lɛ́ e ko vɔ i píéa. Lɛ dóo gɔ̃ kpeĩ lɛ́ è gbìnì Wálà lɛ̀ɛ ká. Zúù-mìà séĩ́ óò à tɔ́ yiè gèe. Wálà là vɔ-mìà doó-mì a gèe à lɛ̀ɛ é i súo kɛ e píé kɛ́ì, kɛɛ é wɔ̃́ lɛ́ lɛ i kɛ̀lɛ̀ ɓá gèea ma.”

Àpɔ́sɔ̀lɔ̀ 22:12

“Gɔ̃ doó e kɛ yí, wáà sì Ánànáyà. E kɛ mí è gbìnì Wálà lɛ̀ɛ, ɛ̃́ɛ̃́ lɛ́ è Lɔ́ɔ̀ɔ kũ tã́ã̀a ká. Zúù-mìà séĩ́ lɛ́ o kɛ Dùmásàa, óò à ɓɛ̀lɛ yà.

Àpɔ́sɔ̀lɔ̀ 6:3

À mɔ́ɔ̀ wɔ̃̀ mɔ̀ɔ, m lèe-gé vɔ̀, kà mia sálápèèlɛ lɛ́ mia ò à yí dɔ kélɛ̀ o paà lɛ Gɛ̀ɛ̀ Púlú wà gíkã́ káa, sí ka bà. Kóò lo o gbɛ̃̀ɛ̃̀ wɔ̃́ nì e kéa wũ là,

Àpɔ́sɔ̀lɔ̀ 9:36

Zízɛ̀ là tòà-píé-mì lɛ́ ò si Tábítàa, e kɛ pɛ́lɛ lɛ́ ò si Zɔ́pàa yí. Léé e kília tɔ́ e Gílíì-wè yía lɛ́ Dɔ́kà. À paà e kɛá wɔ̃́ yiè kɛɛ̀ ká. E kɛ gbũpìà mia yéĩ̀zɛ̀ mɔ̀.

Àpɔ́sɔ̀lɔ̀ 9:39

Yé e kɛ kília, Pílɛ̀ e wɛ̀lɛ̀ gbaa, wà ye nì wáà lò. Lɛ̀ lɛ́ e ɓɔɔ, o à sí, o ló à ká lɛ̀í-kàa yí. Gã̀ã loà séĩ́ lɛ́ o kɛ yía, o sɔ̃́ à mɔ̀ gbóó ká, wáà wà dà-sɔ̀ ɛ̃́ɛ̃́ sɔ-là-sɔ̀ nì lɛ́ Dɔ́kà a kɛ, kɛ lɛ tĩã́ o píéa, zɔ̃̀ɔ̃̀ à lɛ̀ɛ.

Wólómà 12:13

Kà gbũ̀-mɔ̀ nɔ ka ɓɛ́ĩ̀ Wálà-mìà lɛ́ lɛ o mɔ̀ ó gbũ̀-mɔ̀ sɔ̀lɔ̀ ɓoa lɛ̀ɛ. Kà kɛ lɔ̀ɔ̀-mìà wɔ̀lɔ̀-kpɔ́-mìà ká teele.

Ìfísɔ̃̀ 2:10

Wálà lɛ́ e ko kɛ-mì káa. Ko kɛ̀ doó Kɛ́lɛ̀ì Zízɛ̀ yí zàáa, aà ko kɛ kɛɛ kó wɔ̃́ yiè kɛ. Wálà aà wɔ̃́ yiè nì e kília pɛ̀ kɛ mɔ́, kɛ kó o kɛ teele.

Kɔ̀lɔ́sĩã̀ 1:10

Yé aà kɛ kília, bɛ̀i lɛ́ɛ̀ lo kɛɛ̀ gbaa ka mɔ̀ kɛɛ ká yìì lɛ̀ zí ko Dàa-mì à nàà à káa lɛ́ ɓe, ɛ̃́ɛ̃́ tó káà wɔ̃́ lɛ́ è à zò dàa kɛ̀ teele. Ka zì yìì-kɔ̀ lɛ́ɛ̀ lo ɓaà e ɓɛɛ lɛ́ e yɛɓo yiè yiè doò do kɛɛ̀ káa ká, ɛ̃́ɛ̃́ tó ka zì Wálà-wɔ̃̀ dã́-kɔ̀ là áà kpɔ̀.

1 Témɔ́tè 2:10

Kɛɛ ò o mɛ́ sí wɔ̃́ kɛ-zì yiè ká. Wɔ̃́ e kéa lɛ́ lɛ kpeĩ loà lɛ́ ò gèe óò gbìnì Wálà lɛ̀ɛ o mɔ́ɔ̀ wɔ̃̀ mɔ̀ɔ.

1 Témɔ́tè 3:2

Zi lɛ́ Wálà-mìà líé-sí-mì áá kɛɛ̀áa, gɛ̃̀ e ké. Yékɛ̀ kɛɛ é kɛ à mɔ̀. Laa mɔ̀ à na é kɛ nɔ́ doó. Laa mɔ̀ é e dìè kṹ tã́ã̀. Lɛ sɛ̀ é e líé dɔ wɔ̃́ kɛɛ̀ yí, ɛ̃́ɛ̃́ zeĩ́ é wɔ̃́ kɛ e kpáá yí. Laa mɔ̀ é kɛ mí è lɔ̀ɔ̀-mìà wɔ̀lɔ̀ kpɔɔ ká. Laa mɔ̀ bɛ̀i é kɛ à mɔ̀ é pɛ zɔ̃̀ɔ̃̀.

1 Témɔ́tè 3:7

Ɛ́ɛ̃́ zeĩ́, è kɛ mi lɛ́ mia lɛ́ o wá Wálà-mìà káa ò à ɓɛ̀lɛ yàa ká, yékɛ̀ wɔ̃́ yɔɔ lɛ́ mia ò bɛ̀i à mɔ̀ ó gèe à gbĩ mɔ̀ɔ é kɛ ɓe, ɛ̃́ɛ̃́ yékɛ̀ Dɛ́ɓò zì pɛ́lɛ́ é à kṹ.

1 Témɔ́tè 5:16

Kɛɛ yé lee lɛ́ aà e zò dɔ Wálà mɔ̀ɔ, gã̀ã lee aà kɛ à kɔ̀-píé-mìà bàa, lɛ à mɔ̀ é e yɛ́lɛ́ yiè kɛ à mɔ̀, yékɛ̀ é vũ gbííni e kéa yà Wálà-mìà wĩĩ́. Yé aà kɛ kília, bɛ̀i lɛ Wálà-mìà mɔ̀ kɛ ó o yɛ́lɛ́ kɛ loà lɛ́ o gã̀ã loà kpó-kpó káa mɔ̀.

1 Témɔ́tè 5:25

Zi nɔ́ doóa káa, òó túó kɛ-wɔ̃̀ yiè kɛɛ̀ gɛ̃̀pìà. Ɛ́ɛ̃́ à lɛ̀ é tùòá bɛ̃̀ɛ̃ fɛ̃̀ɛ̃̀ kɛ ó tĩã́ gɛ̃̀ɛ, òó bɛ̀i tóò o bĩ̀ĩ̀pìà.

1 Témɔ́tè 6:18

À gèe o lɛ̀ɛ ó wɔ̃́ yiè kɛ kɛ o zì dɔ-pɔ̀ɔ̀ é kɛ wɔ̃́ yiè kɛɛ̀ ká, ó kɛ pɛ nɔ̀-mia-lɛ̀ɛ mìà ká, ɛ̃́ɛ̃́ o pɛ̀ kɛɛ̀ é kɛá kɛ wà mia gbɛɛ nì ó dɔ o zì dɔ-pɔ̀ɔ̀ e kília yí.

2 Témɔ́tè 1:5

M zò vùò lɛ i zì zò-dɔ̀à-mɔ̀ wánà zɛ̀ ɓɛ ká. Zò-dɔ̀à-mɔ̀ doó e kília lɛ́ e kɛ i lòóò lɛ́ ò si Yúnè, e bɛ̀i à zì lòóò lɛ́ ò si Lóɛ̀ɛ yía. Ḿm̀ à yí dɔ kélɛ̀ lɛ ɓi bɛ̃̀ɛ̃ i yí nɔ́ kíli.

2 Témɔ́tè 2:21

Yé mi dò aà gó wɔ̃́ yɔɔ séĩ́ e kília kɛɛ̀ lɛ̀ɛ, tó áà e dìè mɛ́ pɛ̀lɛ̀ɛ, óò lo à síì wɔ̃́ kpànazɛ̀ kɛɛ̀ wɛ̃́ĩ̀. Ƃii mí e kília lɛ Wálà doó là mi ká, ɛ̃́ɛ̃́ bɛ̀i lɛ à Dàa-mì bɛ̃̀ɛ̃ mɔ̀ kɛ é yɛɓo kɛ à ká. À pɛ̀ kɛɛ̀ lɛ kɛ à Dàa-mì é yɛɓo kɛ à ká wɔ̃́ yiè nɔ́ɔ fé mɔ́ɔ̀ wɔ̃̀ mɔ̀.

2 Témɔ́tè 3:15

Ɛ́ɛ̃́ é kã́ lúó lɛ́ i kɛá nɛ́fú káa mɔ̀, é ɓɔá pɛ́nɛɛ mɔ̀ɔ, íì à yí dɔ kélɛ̀ ɓaà Wálà là kiia dɔ. Ƃɛ̀i lɛ Wálà là kii e kília mɔ̀ kɛ é gíkã́ lɛ́ è lo i ká la-zì píéa nɔ i lɛ̀ɛ. La-ɓo e kília ɓáà sɔ̀lɔ̀ ɓo zò-dɔ̀ Kɛ́lɛ̀ì Zízɛ̀ mɔ̀ kolo là zàá.

2 Témɔ́tè 3:17

Lɛ kíli kɛɛ mi lɛ́ è yɛɓo kɛ̀ Wálà lɛ̀ɛ, kɛɛ é e kɛ-yɛ̀ɓo dɔ kpó-kpó ɓo, ɛ̃́ɛ̃́ kɛ pɛ séĩ́ lɛ́ à nàà é yɛɓo yiè nɔ́ɔ fé kɛ à káa é kɛ à kɛ̀lɛ̀.

Tátɔ̀ 2:14

E e dìè nɔ ko mɔ́ɔ̀ wɔ̃̀ mɔ̀ kɛ é ko ɓo wɔ̃́ yɔɔ séĩ́ kɛ̀lɛ̀, ɛ̃́ɛ̃́ é ko kɛ mia púlú lɛ́ ko à doó là mia nì ká, lɛ́ fã̀ã́-wàà lɛ o kɛ̀lɛ̀ kɛ ó wɔ̃́ yiè kɛɛ káa ká.

Tátɔ̀ 2:7

I dìè bɛ̃̀ɛ̃, lɛ sɛ̀ í kɛ wɔ̃́ gɔ̃̀á ká yɛɓo yiè kɛɛ̀ ká, ɛ̃́ɛ̃́ wɔ̃́ séĩ́ yí. Pɛ́ ɓà zɔ̃̀ɔ̃̀ɔ, è kɛ pɛ lɛ́ è go i zò píéa ká, ɛ̃́ɛ̃́ ì i yɛ́lɛ́ kɛ à kɛ-wɔ̃̀ píé.

Tátɔ̀ 3:1

Ì ɓà mia nì zò vùò ó kɛ mia líé-sí-mìà ɛ̃́ɛ̃́ yíkɛ̀ gáàa séĩ́ wì, wáà o wéè kɛ̀. À gèe o lɛ̀ɛ o pɛ̀ kɛɛ̀ é kɛá wɔ̃́ yiè séĩ́ kɛɛ̀ wɛ̃́ĩ̀.

Tátɔ̀ 3:14

Tó ko mìà nì ó wà lúó séĩ́ nɔ̀ wɔ̃́ yiè kɛɛ̀ lɛ̀ɛ mɛ́ dã́, kɛ ó pɛ nɔ mia lɛ́ lɛ o mɔ̀ ó gbũ̀-mɔ̀ sɔ̀lɔ̀ ɓoa lɛ̀ɛ. Ò kɛ mia lɛ́ o zì kɛ̀ɓe yí lɛ à mɔ̀ɔ ká.

Tátɔ̀ 3:8

Wɔ̃́ nì e kília lɛ wɔ̃́ wánà zɛ̀ lɛ́ à gèeè lɛɛ ká. Ḿm̀ nàà í wɔ̃́ nì o kília gèe kpó-kpó ɓo, kɛɛ é à kɛ mia lɛ́ o zò dɔɔ̀ lɛ Wálà mɔ̀ɔ zò é kɛ yɛɓo yiè kɛɛ̀ mɔ̀. Wɔ̃́ e kília lɛ sɛ̀, ɛ̃́ɛ̃́ lɛ́ɛ̀ gbũ mia mɔ̀.

Hííbúlù 10:24

Kɔ̀à kpàa kɔa kíe nì mɔ́ɔ̀ wɔ̃̀ yí, kɛɛ kɔ́á gbũ kɔa kíe nì mɔ̀ kɛ mia lɔ̀ é kpɔ́ ko mɔ̀, ɛ̃́ɛ̃́ kɛ kó wɔ̃́ yiè kɛ.

Hííbúlù 13:2

Ka zò è vùò ka kɔ̀ yà lɔ̀ɔ̀-mìà wì wɔ̃̀ ká ka píé kɛ́ì. Mia dò wa kɛ kíli. O tóá kɛpìà, o o kɔ̀ yà Wálà là vɔ-mìà wì, kɛɛ òó gbaa à yí dɔ.

Hííbúlù 13:21

Wálà lɛ́ è zò-yà-gé nɔɔ, è pɛ yiè séĩ́ lɛ́ lɛ ka mɔ̀ ká sɔ̀lɔ̀ ɓo kɛɛ ká wɔ̃́ lɛ́ à nàà à káa kɛɛ nɔ ka lɛ̀ɛ. È wɔ̃́ lɛ́ è à zò dàa kɛ ko yí Zízɛ̀ Kɛ́lɛ̀ì kolo là zàá. Ò Kɛ́lɛ̀ì tɔ́ ɓɔ tòá kíli wɔ́lɔ́-wɔ́lɔ́ ká. É kɛ kíli.

1 Pílɛ̀ 2:12

Ka zì wɔ̃́ kɛ-kɔ̀ lɛ́ kà wɔ̃́ kɛ̀á mia lɛ́ òó Wálà dɔɔ bàa, lɛ à mɔ̀ é kɛ kpeĩ. Yé aà kɛ kíli lɛ́ waà à gèe ka wɔ̃́ yɔɔ kɛ-mìà káa, lɛ́ɛ̀ lo kɛɛ̀ o mɔ̀ kɛɛ ó ka kɛ-wɔ̃̀ yièa míní sí, ɛ̃́ɛ̃́ óò lo Wálà tɔ́ ɓɔɔ̀ à zì nu-lùò ká nɔ́ kíli.

1 Pílɛ̀ 4:9

Kà wɔ̀lɔ̀ nɔ̀ ka kíe nì lɛ̀ɛ mɛ́ dã́. Yékɛ̀ ká ka wè kpɔ́ à kɛɛ̀ yí.

3 Zɔ̃̀ɔ̃́ 1:12

Mia séĩ́ óò Dìmítìà tɔ́ yiè gèe. Wánà-wɔ̃̀ɔ vɔ̀ɔ lɛ́ɛ̀ à tɔ́ yiè gèe. Ɛ́ɛ̃́ ko ko dìè kò kélá ká, ɛ̃́ɛ̃́ káà wɔ̃́ lɛ́ kò gèea kɛ̀ wánà ká míní si.