1 Témɔ́tè 5:1 - Wè-dɔ-wè Dɛɛ

¹ Yé ɓaà naa í i dàa-lɛ̀-mì gbɛ̃̀ zuúa, yékɛ̀ ɓá gèe wɛlɛ káá ká. Kɛɛ ì wɔ̃́ gèe à lɛ̀ɛ lɛ̀ zí ì wɔ̃́ gèeá i dàa lɛ̀ɛ lɛ́ ɓe. Gɔ̃ã̀ nɛ̀ĩ́ bɛ̃̀ɛ̃ ì wɔ̃́ kɛ o ká lɛ̀ zí ì wɔ̃́ kɛ̀á i lèe-gé gɔ̃ã̀ zɛ̀ nì káa lɛ́ ɓe.

1 Témɔ́tè 5:1 Iomraidhean Croise

Máfìù 23:8

Kɛɛ yékɛ̀ ó ka sí Tísɛ̀. Ƃii ka séĩ́ ka lèe‐gé vɔ̀ ká. Ɛ́ɛ̃́ kà Pɛ‐zɔ̃̀ɔ̃̀‐mì lɛ nɔ́ doó.

Àpɔ́sɔ̀lɔ̀ 14:23

O mia dìè-dìè vɔ̀ sí kɛ ó kɛ Wálà-mìàa bà sɛ́lɛ́ doò doa yí déĩ́ le. O ló o sṹũ yí, wáà sɛ̀nɛ ɓò. Lɛ̀ e kɛ kília, o o nɔ gbaa ko Dàa-mì lɛ́ o zò dɔɔ̀ lɛ à mɔ̀ɔ lɛ̀ɛ.

Àpɔ́sɔ̀lɔ̀ 15:4

Lɛ̀ o ɓɔ Zùlúsàlɛ̀ɛ, Wálà-mìà wà àpɔ́sɔ̀lɔ̀ vɔ̀, ɛ̃́ɛ̃́ mia dìè-dìè vɔ̀ lɛ́ o kɛ yía, o o sɛ́nɛ́ ɓo. O wɔ̃́ lɛ́ wà Wálà nì wa kɛɛ séĩ́ gèe o lɛ̀ɛ.

Àpɔ́sɔ̀lɔ̀ 15:6

Àpɔ́sɔ̀lɔ̀ vɔ̀ɔ wà mia dìè-dìè vɔ̀ɔ o pá o kíe mɔ̀ kɛ ó lɛ̀ gɛ̃̀ wɔ̃́ e kília yí.

Àpɔ́sɔ̀lɔ̀ 20:17

Lɛ̀ Pɔ́ɔ̀ e kɛ Màlétàa, e wè-vɔ dɔ Wálà-mìà lɛ́ o kɛ Ɛ́fɔ́sɔ̀ɔ o píé, mia dìè-dìè vɔ̀ lɛ́ o kɛ yía o súo kɛɛ̀ ká.

Wólómà 13:7

Yé lɛ kília, pɛ lɛ́ o séĩ́ ò bɛ̀i à mɔ̀ ó sɔ̀lɔ̀ ɓoa, kà nɔ o lɛ̀ɛ. Pɛlèe lɛ́ ò kã ka mɔ̀ ká ɓoaò, e bɛ̀i à yé ò kã ka mɔ̀ pɔɔ̀ e ka kɛ̀lɛ̀ɛ wɛ̃́ĩ̀a, kà séĩ́ ɓo. Kà túó mia lɛ́ ò bɛ̀i à mɔ̀ ó túó o lɛ̀ɛ lɛ̀ɛ, ɛ̃́ɛ̃́ kà ɓɛ̀lɛyà nɔ mia lɛ́ ò bɛ̀i à mɔ̀ ó ɓɛ̀lɛyà sɔ̀lɔ̀ ɓoa lɛ̀ɛ.

Gɛ̀lésìà 6:1

M lèe-gé vɔ̀, yé waà ka dò kṹ wɔ̃́ yɔɔ kɛɛ̀ mɔ̀ɔ, mia lɛ́ Gɛ̀ɛ̀ Púlú lɛ ka píéa, lɛ ka mɔ̀ ká à gbɛ̃̀ zi kpeĩ píé. Kɛɛ kà à kɛ ka kpóló kpɔ̀ ka mɔ̀ zì píé. Ɛ́ɛ̃́ káà lɛ̀ gɛ̃̀ ka dìè là, yékɛ̀ yí-dã́-wɔ̃̀ é ɓɔ ka bɛ̃̀ɛ̃ ka mɔ̀.

1 Témɔ́tè 5:17

Mia dìè-dìè vɔ̀ yé ò míáa líé si e yiè káa, lɛ mia mɔ̀ ó o gɛ̃̀ mia lɛ́ ò bɛ̀i à mɔ̀ ó ɓɛ̀lɛyà là kpɔ́ɔ̀ɔ zɛ̀ sɔ̀lɔ̀ ɓoa ká. Kpó-kpó ɓoa, mia yé ò yɛɓo kɛ̀ gágà Wálà-wɔ̃̀ gèeè wà pɛ zɔ̃̀ɔ̃ɔ̃̀ káa, kà o gɛ̃̀ ɓɛ̀lɛyà sùua sɔ̀lɔ̀-ɓo-mìà ká.

1 Témɔ́tè 5:2

Loà dìè-dìè vɔ̀ bɛ̃̀ɛ̃, ì wɔ̃́ kɛ o ká lɛ̀ zí ì wɔ̃́ kɛ̀á i lèe káa lɛ́ ɓe. Ɛ́ɛ̃́ zeĩ́, loà nɛ̀ĩ́ bɛ̃̀ɛ̃, ì wɔ̃́ kɛ o ká lɛ̀ zí ì wɔ̃́ kɛ̀á i lèe-gé lee zɛ̀ nì káa lɛ́ ɓe wɔ̃́ kpeĩ kɛ-zì séĩ́ ká.

Tátɔ̀ 2:2

À gèe gɔ̃à lɛ́ o i dàa nì káa lɛ̀ɛ ó o dìè kṹ tã́ã̀, ɛ̃́ɛ̃́ ó o líé dɔ wɔ̃́ kɛɛ̀ yí, e bɛ̀i, ó kɛ mia lɛ́ o gí kã́ã̀ lɛɛ ká. O mɛ́ è kɛ gágà zò-dɔ̀à-mɔ̀, e bɛ̀i, mia lɔ̀-kpɔ̀ o mɔ̀, ɛ̃́ɛ̃́ lò o líé wɔ̃́ kɛɛ̀ ká yí zàá.

Tátɔ̀ 2:6

Zi nɔ́ doóa káa, ì lìè-wè gèe à ká gɔ̃à dɛɛ dɛɛ vɔ̀ɔ bɛ̃̀ɛ̃ lɛ̀ɛ kélɛ̀ ó bɛ̀i o dìè kũ̀ tã́ã̀ mɔ̀.

Zĩ́ĩ̀ 3:17

Kɛɛ gíkã́ lɛ́ è go lɛ̀ía, lɛ púlú kpá zii. Ɛ́ɛ̃́ lɛ zeĩ́ zò-yà-gé zɛ̀, ɛ̃́ɛ̃́ kpóló-kpɔ̀-mɔ̀ zɛ̀, e bɛ̀i, à yɛɛ̀ lɛ mia lɛ̀ɛ kɛ é e tóó dɔ mi mɔ̀. À paà lɛ mia yéĩ̀ kṹũ̀ ká, ɛ̃́ɛ̃́ lɛ́ɛ̀ ɓa e ɓɛɛ yiè ɓó máàa zɛ̀ ká. À zì yɛ́lɛ́-táá kpolà wá pèèlɛ. Ɛ́ɛ̃́ ye wá e dìè wɛlɛ-li-pɛ̀ ká.

Zĩ́ĩ̀ 5:14

Ɛ́ɛ̃́ mi dò lɛ kɔ̃́ṹ-kɔ̃̀ũ̀? Mí e kília è Wálà-mìà dìè-dìè vɔ̀ súo kɛ. Óò lo sɛ̀nɛ ɓoò à wɛ̃́ĩ̀, tó o nyɔ́nɔ́ táá à là ko Dàa-mì tɔ́ yí.

1 Pílɛ̀ 5:1

Má m mi dìè ká Wálà-mìà bàa, ḿm̀ kpé kã míá ka bɛ̃̀ɛ̃ ka yí mia dìè-dìè vɔ̀ ká Wálà-mìà bàa lɛ̀ɛ. M kélá ká Kɛ́lɛ̀ì zì wàa a ɓèlèa mɔ́ɔ̀ wɔ̃̀ mɔ̀. Ɛ́ɛ̃́ kò à ye kóò lo dɔɔ̀ lɛ̀-fɔ̀nɔ-kɔ̀ lɛ́ lɛ́ɛ́ ɓoò è lo kɛɛ̀ à ká à làa yí. Ḿm̀ kpé kã ka lɛ̀ɛ,

2 Zɔ̃̀ɔ̃́ 1:1

Má m mi dìè káa, ḿm̀ wèè ɓí i lee lɛ́ Wálà aà i sí, é dàá ɓà nɔ́ɔ̀ nì bàa, ka bà. Ka lɔ̀ kpɔ́ɔ̀ lɛ m mɔ̀ wánà kpó-kpó ká. Ɛ́ɛ̃́ ye wá bɛ̃̀ɛ̃ m doó ká. Kɛɛ ka lɔ̀ kpɔ́ɔ̀ lɛ mia séĩ́ lɛ́ ò wánà-wɔ̃̀ɔ dɔɔ mɔ̀.

3 Zɔ̃̀ɔ̃́ 1:1

Má m mi dìè káa, ḿm̀ wèè ɓí ò i si Géyà, lɛ́ i lɔ̀ kpɔ́ɔ̀ lɛ m mɔ̀, lɛ́ m̀ lɔ̀ kɛ̀ i ká wánà kpó-kpó káa bà.

Wɛ̀lɛ̀vèlésɔ̃̀ 4:4

Dɔ-táŋáná vũ̀ pèèlɛ wɛ́lɛ́ yììsɛ nìɛɛ̀ e kɛá táŋáná doó e kília mɔ̀ déĩ́ le. Ɛ́ɛ̃́ zeĩ́, mia dìè-dìè vũ̀ pèèlɛ wɛ́lɛ́ yììsɛ o kɛ yàá táŋáná vɔ̀ o kília là. O mɔ̀-sɔ̀ɔ e kɛ púlú, ɛ̃́ɛ̃́ zòlò lɛ́ à kɛɛ̀ lɛ góò káa, e kɛ o wĩĩ́.