1 Témɔ́tè 4:8 - Wè-dɔ-wè Dɛɛ

⁸ Yé ɓaà i dìè mɛ́ kɛ gágà wɔ̃́ dò kɛɛ̀ mɔ́ɔ̀ wɔ̃̀ mɔ̀ɔ, lɛ́ɛ̀ gbũ i mɔ̀ e ɓéĩ́ ká. Kɛɛ yé ɓaà kɛ ɓe zi lɛ́ Wálà à nàà í kɛá ɓea káa, lɛ́ɛ̀ gbũ i mɔ̀ kɔ̀ nɔ́ɔ tɛ̃̀ɛ̃́ɛ là. Ƃii íì lo wè-dɔ-wè lɛ́ à gbɛ̃̀ɛ̃̀ lɛ kɛ̀ɓe lɛ́ e dɛɛ ká ɓe, ɛ̃́ɛ̃́ lɛ́ e ɓe líé zàáa mɔ̀ɔ gɛ̃̀ɛ̃̀ à kɛɛ̀ yí.

1 Témɔ́tè 4:8 Iomraidhean Croise

Máfìù 12:32

Mi nɔ́ɔ fé lɛ́ è mɛ́ĩ́ yɔɔ ɓo Mi Gbe gbĩ mɔ̀ɔ, à wɔ̃̀ lɛ́ɛ̀ lo ɓoò à wũ mɔ̀. Kɛɛ mi nɔ́ɔ fé lɛ́ è wɔ̃́ yɔɔ gèe Gɛ̀ɛ̀ Púlú gbĩ mɔ̀ɔ, à wɔ̃̀ wá ɓòà‐wũ‐mɔ̀ wɔ̃̀ ká dɛɛ ká, ɛ̃́ɛ̃́ tòá kíli ká.

Máfìù 19:29

Ɛ́ɛ̃́ mia séĩ́ lɛ́ waà kã́ o pà, wà o lèe‐gé nì, ɛ̃́ɛ̃́ o dàa nì wà o lòóò nì, zéniía, wà nɔ́ɔ̀ ɛ̃́ɛ̃́ o píé luú nì mɔ̀ m mɔ́ɔ̀ wɔ̃̀ mɔ̀ɔ, óò lo à sɔ̀lɔ̀ ɓoò e kíe yí wũ doó, ɛ̃́ɛ̃́ kɛ̀ɓe wɔ́lɔ́‐wɔ́lɔ́ nɔɔ̀ lɛ́ɛ̀ lo kɛɛ̀á o lɛ̀ɛ.

Máfìù 6:33

Kɛɛ pɛ lɛ́ lɛ à mɔ̀ à wɔ̃̀ é die ka zò ká, é dieá pɛ séĩ́ làa, lɛ́ e kélɛ̀, Wálà zì tò‐mia‐là, wà wɔ̃́ lɛ́ à nàà mia ó kɛɛ. Yé aà kɛ kília, lɛ́ɛ̀ lo pɔɔ̀ séĩ́ nì e kília nɔɔ̀ ka lɛ̀ɛ.

WƆ̃́ LÀṸ YIÈ ZÍ MÁÀ E À BƐ̃̀Ɛ̃ À KÁA 10:30

lɛ́ɛ̀ lo ká vɔ̀, ɛ̃́ɛ̃́ à lèe-gé vɔ̀, à lòóò nì, là nɔ́ɔ̀ vɔ̀, ɛ̃́ɛ̃́ à píé lùú, o sɔ̀lɔ̀ ɓoò e kíe yí wũ doó lúó e kéa ká. Kɛɛ mia óò lo à sã̀ dɔɔ̀ nɔ́ kíli. Kɛɛ lúó lɛ́ lɛ nupìàa, lɛ́ɛ̀ lo kɛ̀ɓe wɔ́lɔ́-wɔ́lɔ́ sɔ̀lɔ̀ ɓoò à ká.

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 5:38

Lɛ à mɔ̀ ó yɔ dɛɛ gbɛ̃̀ kpòò dɛɛ yí.

Wólómà 8:28

Kóò à yí dɔ kélɛ̀ wɔ̃́ séĩ́ yí zàáa, Wálà lɛ́ɛ̀ yɛɓo kɛ̀ kɛɛ wɔ̃́ yiè é nu là mia nì píé. Yɛɓo e kília, wà mia lɛ́ ò lɔ̀ kɛ̀ à ká, lɛ́ aà o súo kɛ wɔ̃́ lɛ́ aà yà e gé á kɛɛ, mɔ́ɔ̀ wɔ̃̀ mɔ̀ɔ, lɛ́ ò kɛ̀ e kíe bàa.

1 Kɔ̀léĩ́tĩ̀ã̀ 3:22

Ma Pɔ́ɔ̀, e bɛ̀i Àpɔ́lɔ̀, ɛ̃́ɛ̃́ Pílɛ̀, ɛ̃́ɛ̃́ zeĩ́ kpóṹ là zèe, ɛ̃́ɛ̃́ kɛ̀ɓe wà ga, dɛɛ ká wà líé zàá, pɔɔ̀ nì o kília o séĩ́ o kà pɛ ká.

1 Kɔ̀léĩ́tĩ̀ã̀ 8:8

Léɓèlè lɛ̀ɛ́ ló ko nyɔ̀ɔɔ̀ Wálà mɔ̀ kɔ̀ɛ́. Yé kɔaà gɔ̃́ pɛ ɓèlèa, kòó ló kɔ̃́ɔ̃̀ wɔ̃́ nɔ́ɔ fé dò yí ká. Ɛ́ɛ̃́ kó pɛ ɓèlèáa, kòó ló wɔ̃́ nɔ́ɔ fé gɛ̃̀ɛ̃̀ à kolo là.

1 Témɔ́tè 4:7

Kɛɛ ì i kɔ̀ ɓo pĩ̀ã̀ lɛ́ Wálà tɔ́ lɛ̀ɛ́ ɓɔ à ɓoò yí, ɛ̃́ɛ̃́ lɛ́ à yí wáá mɔ̀ɔ bà. Ì i dìè mɛ́ dã́ kɛ í kɛ ɓe lɛ̀ zí Wálà à nàà à káa lɛ́ ɓe.

1 Témɔ́tè 6:3

Mi lɛ́ è pɛ gbɛɛ zɔ̃̀ɔ̃̀ lɛ́ lɛ̀ɛ́ wéé ko Dàa-mì Zízɛ̀ Kɛ́lɛ̀ì zì wéé wánà zɛ̀ɛò, ɛ̃́ɛ̃́ lɛ́ lɛ̀ɛ́ wéé pɛ-zɔ̃̀ɔ̃̀-kɔ̀ lɛ́ à gbɛ̃̀ɛ̃̀ lɛ gbìnì-Wálà-lɛ̀ɛ kɔ̀ mɔ̀ɔ mɔ̀ɔ,

1 Témɔ́tè 6:5

ɛ̃́ɛ̃́ zeĩ́, tèé lɛ́ gɔ̃à dò ò à dà teelea ká tã́ã̀. Gɔ̃à o kília o wũ-kèlè yí wá kpeĩ, ɛ̃́ɛ̃́ òó wɔ̃́ wánà zɛ̀ɛ dɔ gbaa. Óò à gɛ̃̀ ɓɔ̀ɔ kélɛ̀ gbìnì Wálà lɛ̀ɛ lɛ zi lɛ́ mi ì to à píé ɓáà kɛ̀ pɛ-mì káa ká.

1 Témɔ́tè 6:6

Gbìnì Wálà lɛ̀ɛ lɛ́ɛ̀ mi kɛ̀ pɛ-mì kpó-kpó ká wánà ká, yé i zò aà dà pɛ yé e i kɛ̀lɛ̀ɛ mɔ́ɔ̀ wɔ̃̀ mɔ̀ɔ ká.

2 Témɔ́tè 3:5

Íì o gɛ̃̀áa, íì lo o gɛ̃̀ɛ̃̀ ɓɔ̀ɔ kélɛ̀ o kùnù ko zì gbìnì Wálà lɛ̀ɛ kɔ̀ɔ mɔ̀ mìà ká. Kɛɛ óò lo o wũ ɓoò gbìnì Wálà lɛ̀ɛ kɔ̀ɔ zì yíkɛ̀ gáàa kpó-kpóa wì. Ì i yí ɓo mia nì sùua mɔ̀.

Tátɔ̀ 3:8

Wɔ̃́ nì e kília lɛ wɔ̃́ wánà zɛ̀ lɛ́ à gèeè lɛɛ ká. Ḿm̀ nàà í wɔ̃́ nì o kília gèe kpó-kpó ɓo, kɛɛ é à kɛ mia lɛ́ o zò dɔɔ̀ lɛ Wálà mɔ̀ɔ zò é kɛ yɛɓo yiè kɛɛ̀ mɔ̀. Wɔ̃́ e kília lɛ sɛ̀, ɛ̃́ɛ̃́ lɛ́ɛ̀ gbũ mia mɔ̀.

Hííbúlù 13:9

Yékɛ̀ ká tó pɛ-zɔ̃̀ɔ̃̀-kɔ̀ dɛɛ dɛɛ é ka ɓo zi yiè ɓɛ píé. Lɛ sɛ̀ Wálà zì zò-kɛ̀-sɛ̀ é ko zò mɛ́ kɛ gágà, kɛɛ ye wá mi tɔ̃́ɛ̃́ tóò ká. Míá ò o tɔ̃́ɛ̃́ toa, òó pɛ gbɛɛ gɛ̃̀ à tóò kolo là.

1 Zɔ̃̀ɔ̃́ 2:25

Wɔ̃́ lɛ́ Kɛ́lɛ̀ì dìè e e wè dɔá kɛ á nɔ ko lɛ̀ɛ, lɛ́ e kɛ̀ɓe wɔ́lɔ́-wɔ́lɔ́ káa.

Wɛ̀lɛ̀vèlésɔ̃̀ 3:12

Mi lɛ́ à kɔ̀ diè lɛ gèlè gɔ̃ɔ̀ yía, ḿm̀ lo à kɛɛ̀ m̀ Wálà là ká gɛ̀nɛ̀-yìlì ká. Ɛ́ɛ̃́ lɛ̀ɛ́ ló góò gbaa ká e kília wì. Ḿm̀ lo m̀ Wálà tɔ́ bɛ̃̀ɛ̃ɛ̃̀ à mɔ̀. Ɛ́ɛ̃́ ḿm̀ lo m̀ Wálà là sɛ́lɛ́ tɔ́ lɛ́ ò si Zùlúsàlɛ̀ dɛɛ-mì, lɛ́ è lo góò lɛ̀í m̀ Wálà kɛ̀lɛ̀ɛ tɔ́ bɛ̃̀ɛ̃ɛ̃̀ à mɔ̀. Ɛ́ɛ̃́ zeĩ́, ḿm̀ lo m tɔ́ dɛɛ bɛ̃̀ɛ̃ɛ̃̀ à mɔ̀.

Wɛ̀lɛ̀vèlésɔ̃̀ 3:21

Mi lɛ́ à kɔ̀ diè lɛ gèlè gɔ̃ɔ̀ yía, ḿm̀ lo yíkɛ̀ gáàa nɔɔ̀ à lɛ̀ɛ kɛ kò ye kó yà ko kíe sɔ́nɔ́ m̀ dɔ-táŋáná là, lɛ̀ zí m kɔ̀ aà die à ká gèlè gɔ̃ɔ̀ yí, lɛ́ kò m Dàa ko yàá ko kíe sɔ́nɔ́ à zì dɔ-táŋáná làa lɛ́ ɓe.