1 Témɔ́tè 4:7 - Wè-dɔ-wè Dɛɛ

⁷ Kɛɛ ì i kɔ̀ ɓo pĩ̀ã̀ lɛ́ Wálà tɔ́ lɛ̀ɛ́ ɓɔ à ɓoò yí, ɛ̃́ɛ̃́ lɛ́ à yí wáá mɔ̀ɔ bà. Ì i dìè mɛ́ dã́ kɛ í kɛ ɓe lɛ̀ zí Wálà à nàà à káa lɛ́ ɓe.

1 Témɔ́tè 4:7 Iomraidhean Croise

Àpɔ́sɔ̀lɔ̀ 24:16

À mɔ́ɔ̀ wɔ̃̀ mɔ̀ɔ, ḿm̀ m yí dɔ gágà yékɛ̀ m zò é mɛ̀ m mɔ̀ Wálà wà mia ɓéèe o wɛlɛ mɔ̀ teele.

1 Témɔ́tè 1:4

À gèe o lɛ̀ɛ ó kã́ pĩ̀ã̀ nì, ɛ̃́ɛ̃́ mia ye-gã̀ gbèkèni lɛ́ ò pɛ̀ɛ̀ yia lɛ̀ɛ. Ƃii wɔ̃́ nì e kéa kɛɛ̀ lɛ́ɛ̀ nu tèé dàaà ká. Wɔ̃́ nì e kéa ye wá sɛ̀ Wálà là wɔ̃́ lɛ́ aà yà e géa mɔ́ɔ̀ wɔ̃̀ mɔ̀. Ƃii Wálà zì wɔ̃́ e kília, mia óò à dɔ zò-dɔ̀à-mɔ̀ kolo là zàá.

1 Témɔ́tè 1:9

Kóò à yí dɔ kélɛ̀ òó gbaa lɔ́ɔ̀ɔ kɛ wɔ̃́ kpeĩ kɛ-mìà lɛ̀ɛ. Kɛɛ à kɛɛ̀ lɛ míá o kéa o lɛ̀ɛ. O lɛ́ o kélɛ̀, lɔ́ɔ̀-sìè-mìà, e bɛ̀i mia lɛ́ òó mia wéè kɛɛ, ɛ̃́ɛ̃́ zeĩ́ mia lɛ́ ò wɔ̃́ yɔɔ kɛ̀ Wálà gbĩ mɔ̀ɔ, e bɛ̀i kɛ-wɔ̃̀ yɔɔ kɛ-mìà, ɛ̃́ɛ̃́ mia lɛ́ o wá Wálà là mia nì ká, lɛ́ òó gbini à lɛ̀ɛ káa. O dò lɛ́ zeĩ́ e mia lɛ́ ò o dàa nì, ɛ̃́ɛ̃́ lèe nì zɛɛò, ɛ̃́ɛ̃́ mia zɛ-mìà,

1 Témɔ́tè 2:10

Kɛɛ ò o mɛ́ sí wɔ̃́ kɛ-zì yiè ká. Wɔ̃́ e kéa lɛ́ lɛ kpeĩ loà lɛ́ ò gèe óò gbìnì Wálà lɛ̀ɛ o mɔ́ɔ̀ wɔ̃̀ mɔ̀ɔ.

1 Témɔ́tè 3:16

Wɔ̃́ lɛ́ à gbɛ̃̀ɛ̃̀ lɛ ko zì gbìnì Wálà lɛ̀ɛ mɔ̀, lɛ́ à bĩ̀ĩĩ̀ e kɛáa, lɛ dóo wɔ̃́ kpànazɛ̀ ká. Ɛ́ɛ̃́ mi gbɛɛ lɛ̀ɛ́ bɛ̀i à tèé ɓoò. Wɔ̃́ e kília gɛ̃̀ e ké. E kɛ mi ká lɛ̀ lɛ́ e ɓɔ mia làa ká. Gɛ̀ɛ̀ Púlú a zɔ̃̀ɔ̃̀ mia lɛ̀ɛ kélɛ̀ lɛ wánà zɛ̀. Wálà là vɔ-mìà wa gɛ̃̀. O à wɔ̃̀ gèe sɛ́lɛ́ gbɛɛ̀ gbɛɛ yí píé. O à wɔ̃̀ gɛ̃̀ wánà ká kpóṹ là zèe. Ɛ́ɛ̃́ o ló à ká lɛ̀ fɔ̀nɔ-pìà lɛ́ e lɛ̀ía mɔ̀.

1 Témɔ́tè 4:8

Yé ɓaà i dìè mɛ́ kɛ gágà wɔ̃́ dò kɛɛ̀ mɔ́ɔ̀ wɔ̃̀ mɔ̀ɔ, lɛ́ɛ̀ gbũ i mɔ̀ e ɓéĩ́ ká. Kɛɛ yé ɓaà kɛ ɓe zi lɛ́ Wálà à nàà í kɛá ɓea káa, lɛ́ɛ̀ gbũ i mɔ̀ kɔ̀ nɔ́ɔ tɛ̃̀ɛ̃́ɛ là. Ƃii íì lo wè-dɔ-wè lɛ́ à gbɛ̃̀ɛ̃̀ lɛ kɛ̀ɓe lɛ́ e dɛɛ ká ɓe, ɛ̃́ɛ̃́ lɛ́ e ɓe líé zàáa mɔ̀ɔ gɛ̃̀ɛ̃̀ à kɛɛ̀ yí.

1 Témɔ́tè 6:11

Kɛɛ ɓí i ké, lɛ́ i Wálà là mi káa, ì wɔ̃́ sùua kɛɛ̀ mɛ́ kpɔ́. Ì i fã̀ã́ wàà kɛ̀-kpeĩ-kɔ̀, kɛ̀ ɓe Wálà lɛ̀ɛ, wà zò-dɔ̀à-mɔ̀, e bɛ̀i, mi lɔ̀-kpɔ̀ mi mɔ̀, ɛ̃́ɛ̃́ zò-kũ̀-tã́ã̀, e bɛ̀i i kpóló kpɔ̀-i-mɔ̀ wɔ̃́ kɛɛ̀ yí mɔ̀.

1 Témɔ́tè 6:20

Témɔ́tè, pɛ lɛ́ waà kpɔ́ i kɔ̀ làa, ì i yɛ́lɛ́ yiè kɛ à píé. Wéé lɛ́ Wálà tɔ́ lɛ̀ɛ́ ɓɔ à ɓoò yíaò, e bɛ̀i, tèé yí gíniìa zɛ̀ dàaà, lɛ́ mia gbṹũ̀ ò à si gíkã́a, lɛ́ ye wá mɔṹ gíkã́ káa, ì o mɛ́ kpɔ́.

1 Témɔ́tè 6:3

Mi lɛ́ è pɛ gbɛɛ zɔ̃̀ɔ̃̀ lɛ́ lɛ̀ɛ́ wéé ko Dàa-mì Zízɛ̀ Kɛ́lɛ̀ì zì wéé wánà zɛ̀ɛò, ɛ̃́ɛ̃́ lɛ́ lɛ̀ɛ́ wéé pɛ-zɔ̃̀ɔ̃̀-kɔ̀ lɛ́ à gbɛ̃̀ɛ̃̀ lɛ gbìnì-Wálà-lɛ̀ɛ kɔ̀ mɔ̀ɔ mɔ̀ɔ,

1 Témɔ́tè 6:5

ɛ̃́ɛ̃́ zeĩ́, tèé lɛ́ gɔ̃à dò ò à dà teelea ká tã́ã̀. Gɔ̃à o kília o wũ-kèlè yí wá kpeĩ, ɛ̃́ɛ̃́ òó wɔ̃́ wánà zɛ̀ɛ dɔ gbaa. Óò à gɛ̃̀ ɓɔ̀ɔ kélɛ̀ gbìnì Wálà lɛ̀ɛ lɛ zi lɛ́ mi ì to à píé ɓáà kɛ̀ pɛ-mì káa ká.

2 Témɔ́tè 2:16

Ì i dìè ɓo wéé lɛ́ Wálà tɔ́ lɛ̀ɛ́ ɓɔ à ɓoò yía bà. Wéé nì e kília, lɛ́ɛ̀ mia yí ɓo Wálà mɔ̀ bá le.

2 Témɔ́tè 2:23

Ì i dìè ɓo tèé yí gíniìa zɛ̀ lɛ́ ò dà wɔ̃́ mi ɓàá yí dɔɔ mɔ́ɔ̀ wɔ̃̀ mɔ̀ɔ bà. Íì à yí dɔ tèé e kília dàaà líé-nyɛ-pìà lɛ́ e wéé dɔɔ̀ káa.

2 Témɔ́tè 3:12

Mia séĩ́ lɛ́ wà Kɛ́lɛ̀ì Zízɛ̀ nì o doó, lɛ́ ò nàà ó kɛ ɓe Wálà lɛ̀ɛ, mia óò lo o sã̀ dɔɔ̀ nɔ́ téé-tèè.

2 Témɔ́tè 3:5

Íì o gɛ̃̀áa, íì lo o gɛ̃̀ɛ̃̀ ɓɔ̀ɔ kélɛ̀ o kùnù ko zì gbìnì Wálà lɛ̀ɛ kɔ̀ɔ mɔ̀ mìà ká. Kɛɛ óò lo o wũ ɓoò gbìnì Wálà lɛ̀ɛ kɔ̀ɔ zì yíkɛ̀ gáàa kpó-kpóa wì. Ì i yí ɓo mia nì sùua mɔ̀.

2 Témɔ́tè 4:4

Óò lo o tóó lé taà yékɛ̀ ó wánà-wɔ̃̀ɔ ma. Óò lo o tóó dɔɔ̀ pĩ̀ã̀ doò do mɔ̀.

Tátɔ̀ 1:14

ɛ̃́ɛ̃́ yékɛ̀ ó kùnù gbaa Zúù-mìà zì pĩ̀ã̀, e bɛ̀i, wɔ̃́ lɛ́ mia waà à gèe ó kɛɛ mɔ̀. Wɔ̃́ nì o kília, óò go mia lɛ́ waà o ko gbɛ̃̀ wɔ̃́ wánà zɛ̀ɛ mɔ̀ɔ kɛ̀lɛ̀.

Tátɔ̀ 2:12

À zì zò-kɛ̀-sɛ̀ e kília lɛ́ɛ̀ wɔ̃́ kɛ-zì zɔ̃̀ɔ̃̀á ko lɛ̀ɛ kɛ kó kã́ kɛ̀ɓe lɛ́ lɛ̀ɛ́ Wálà zò dàa lɛ̀ɛ, ɛ̃́ɛ̃́ kɛ kó kã́ pɔɔ̀ lɛ́ à lɔ̀ lɛ kpóṹ là zèe mìà kɛpìàa lɛ̀ɛ. Lɛ́ɛ̀ zi lɛ́ lɛ ko mɔ̀ kó ko dìè kṹ à ká tã́ã̀, ɛ̃́ɛ̃́ zi lɛ́ kò bɛ̀i kɛɛ̀á ɓe kpeĩ lea, ɛ̃́ɛ̃́ zeĩ́ zi lɛ́ kò bɛ̀i kɛɛ̀á ɓe Wálà lɛ̀ɛ kpóṹ là zèea, zɔ̃̀ɔ̃̀ ko lɛ̀ɛ,

Tátɔ̀ 3:9

Kɛɛ ì wɔ̃́ nì e kéa mɛ́ kpɔ́. O lɛ́ o kélɛ̀, tèé yí gíniìa zɛ̀ dàaà, e bɛ̀i, mia sùu gã̀ pɛ́ɛ̀, ɛ̃́ɛ̃́ zeĩ́ wéé dɔɔ̀, ɛ̃́ɛ̃́ gèlè lɛ́ ò gɔ̃ Lɔ́ɔ̀ɔ káa káa. O wɔ̃́ fèle wà wɔ̃́ ɓɔ̀ɔ ká.

Hííbúlù 5:14

Kɛɛ ɓèlè-pɛ̀ gágà lɛ mi dìè wɛ̃́ĩ̀. O zì wɔ̃́-yí-dɔ pɛ̀ lɛ́ e o yía, waà yɛɓo kɛ o ká, tó áà kɛ̀ wáà wɔ̃́ yɔɔ wà wɔ̃́ yiè dɔ̀.