1 Témɔ́tè 4:6 - Wè-dɔ-wè Dɛɛ

⁶ Yé ɓaà wɔ̃́ kɛ-zì lɛ́ m̀ gèe i lɛ̀ɛ e kéa nɔ lèe-gé vɔ̀ yé o tóa lɛ̀ɛ, íì lo kɛɛ̀ yɛɓo-kɛ-mì kpeĩ ká Kɛ́lɛ̀ì Zízɛ̀ lɛ̀ɛ. Íì lo léɓèlè lɛ́ i gɛ̀ɛ̀ è lo à naà káa sɔ̀lɔ̀ ɓoò. Léɓèlè e kília lɛ́ e kélɛ̀, wéé lɛ́ à gbɛ̃̀ɛ̃̀ lɛ zò-dɔ̀à-mɔ̀ wɔ̃̀ mɔ̀, ɛ̃́ɛ̃́ wéé lɛ́ zeĩ́ à gbɛ̃̀ɛ̃̀ lɛ pɛ-zɔ̃̀ɔ̃̀-kɔ̀ wánà zɛ̀ lɛ́ ɓaà tó à píéa mɔ̀ɔ káa.

1 Témɔ́tè 4:6 Iomraidhean Croise

Máfìù 13:52

Zízɛ̀ a gèe o lɛ̀ɛ, “À mɔ́ɔ̀ wɔ̃̀ mɔ̀ɔ, Wálà kii‐dɔ‐mì nɔ́ɔ fé lɛ́ aà kɛ gbaa tòà‐píé‐mì ká, lɛ́ Wálà lɛ́ e lɛ̀ía tóò lɛ gbaa à làa, lɛ kélɛ̀ ká dàa‐mì lɛ́ è pɛ dɛɛ wà pɛ zii o ɓo là pɔɔ̀ káápìàa lɛ́ ɓe.”

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 1:3

À mɔ́ɔ̀ wɔ̃̀ mɔ̀ɔ, m dàa, lɛ m lɛ̀ɛ sɛ̀ kɛ ḿ wɔ̃́ kɛ‐zì nì e kília bɛ̃̀ɛ̃ e kpáá yí i lɛ̀ɛ, ɓii maà m zò yà m gé, máà wɔ̃́ nì e kília séĩ́ yí naà é gó o zì gã̀‐gbɛ̃̀pìà, máà lòá líé.

Àpɔ́sɔ̀lɔ̀ 1:15

Lúó e kília káa, Wálà-mìà o pá o kíe mɔ̀. O kɛ lèĩ mia wũ doó là vũ̀ pèèlɛ ká. Pílɛ̀ e wɛ̀lɛ̀, e dɔ o zèí, áà gèè kélɛ̀,

Àpɔ́sɔ̀lɔ̀ 20:31

Yé lɛ kília, kà ka yɛ́lɛ́ kɛ ka dìè píé. Ɛ́ɛ̃́ ka zò è vùò kélɛ̀ m lìè-wè dɔ ka séĩ́ ka lɛ̀ɛ kɛ̀ɛ̀ yààka píé bĩ́ã́ ɛ̃́ɛ̃́ nyɛ́nɛ́ĩ́, tó m nyìɛ-yíí áà dìè à kɛɛ̀ yí.

Àpɔ́sɔ̀lɔ̀ 20:35

Maà zɔ̃̀ɔ̃̀ ka lɛ̀ɛ wɔ̃́ séĩ́ kɛɛ̀ yí kélɛ̀ yɛɓo kɛ̀ gágà zì e kéa káa, lɛ ko mɔ̀ kó gbũá mia yé o yɔ̃́ṹ-yɔ̃̀ũ̀a o mɔ̀. Wɔ̃́ e kéa kɛɛ̀ yía, wɔ̃́ lɛ́ ko Dàa-mì Zízɛ̀ a gèea, kɔa zò áá ni à ká. A gèe kélɛ̀, ‘Géli lɛ pɛ nɔ̀ mia lɛ̀ɛ yí gbùò, é dieá mi dìè ɓà pɛ sɔ̀lɔ̀ ɓoò là.’ ”

Wólómà 15:15

Kɛɛ maà ka zò vùò wɔ̃́ dò ká kíí e kéa bɛ̃̀ɛ̃ɛ̃̀ yí, ɛ̃́ɛ̃́ à bɛ̃̀ɛ̃ ma ɓoa, m̀ḿ gbaa wɔ̃́ nɔ́ɔ fé mɛ́ kpɔ̀ɔ. Ma kɛ kíli wɔ̃́ yiè lɛ́ Wálà aà nɔ m lɛ̀ɛ mɔ́ɔ̀ wɔ̃̀ mɔ̀.

1 Kɔ̀léĩ́tĩ̀ã̀ 4:17

Wɔ̃́ e kéa mɔ́ɔ̀ wɔ̃̀ mɔ̀ɔ, m à mɔ́ɔ̀ Témɔ́tè vɔpìà ka píé. Lɛ m gbe lɛ́ m̀ lɔ̀ kɛ̀á, ɛ̃́ɛ̃́ lɛ́ lɛ zò-dɔ̀à-mɔ̀ zɛ̀ɛ ká ko Dàa-mì tɔ́ yí zàá. Lɛ́ɛ̀ lo ka zò vùò m zì kɛ-kɔ̀ ká Kɛ́lɛ̀ì tɔ́ yí zàá. M zì kɛ-kɔ̀ e kília, ye lɛ́ e kélɛ̀ pɛ lɛ́ m̀ zɔ̃̀ɔ̃̀ Wálà-mìà séĩ́ lɛ̀ɛ lɛ̀ séĩ́ mɔ̀ɔ káa.

2 Kɔ̀léĩ́tĩ̀ã̀ 11:23

O Kɛ́lɛ̀ì là yɛɓo-kɛ-mìà ká? M wéè lɛ kélɛ̀ mi yí gíniìa zɛ̀ wéè lɛ́ ɓe. Kɛɛ m yɛɓo-kɛ-mì kpeĩ ká, é diá o là. Maà yɛɓo kɛ dóo gágà, ɛ̃́ɛ̃́ waà m dùò bĩ́-kɛ̀ì lúó búnù-búnùzɛ̀ píé. Waà m mɛ̀ do yí gágà zɛ̀, ɛ̃́ɛ̃́ maà ɓɔ do ga sɔ́nɔ́ kɔ̀ɛ́ lúó búnù-búnùzɛ̀ ká. Wɔ̃́ nì o kéa séĩ́ kɛɛ̀ yía, maà kɛ maà diá o là.

2 Kɔ̀léĩ́tĩ̀ã̀ 3:6

À ye lɛ́ e ko kɛ lɛ́ kò bɛ̀i à mɔ̀ kɛ kó yɛɓo kɛ wè-dɔ-wè dɛɛ mɔ́ɔ̀ wɔ̃̀ mɔ̀ɔ. Wè-dɔ-wè dɛɛ e kília, ye wá lɔ́ɔ̀ yé à bɛ̃̀ɛ̃ɛ̃̀ lɛɛ ká. Kɛɛ Gɛ̀ɛ̀ Púlú lɛ́ e wè-dɔ-wè e kília káa. Lɔ́ɔ̀ yé à bɛ̃̀ɛ̃ɛ̃̀ lɛɛ, lɛ́ɛ̀ nu ga ká. Kɛɛ Gɛ̀ɛ̀ Púlú lɛ́ɛ̀ kɛ̀ɓe nɔ mia lɛ̀ɛ.

2 Kɔ̀léĩ́tĩ̀ã̀ 6:4

Kɛɛ wɔ̃́ nɔ́ɔ fé lɛ́ kò kɛ̀ɛ, kóò à zɔ̃̀ɔ̃̀ kélɛ̀ ko Wálà là yɛɓo-kɛ-mìà ká. Kóò wɔ̃́ nyɔ́ɔ̀ɔ gɛ̃̀, tó ko sã̀ áà dɔ̀, e bɛ̀i wɔ̃́ kɛɛ̀ gágà zɛ̀ áà ɓɔ̀ ko là, tó ko fã̀ã́-wàà lɛ kpó-kpó ɓo yé kɔaà o gɛ̃̀ɛ ká.

Ìfísɔ̃̀ 6:21

Tíkíkà, lɛ́ e m lèe-gé lɛ́ m̀ lɔ̀ kɛ̀áa ká, lɛ́ e yɛɓo-kɛ-mì zò-dɔ̀à-mɔ̀ zɛ̀ ká ko Dàa-mì là yɛɓoa yía, lɛ́ɛ̀ lo wɔ̃́ séĩ́ lɛ́ à gbɛ̃̀ɛ̃̀ lɛ m mɔ̀ɔ, wɔ̃̀ gèeè ka lɛ̀ɛ, kɛɛ ká zi lɛ́ m lópìà à ká líéa dɔ.

Fèlépĩ̀ã̀ 2:20

À ye lɛ́ nɔ́ kò ye ko yɛ́lɛ́-tàà-yí-wɔ̃̀ lɛ doó, ɛ̃́ɛ̃́ lɛ́ ka kpàà kpó-kpó lɛ à mɔ̀ɔ.

Fèlépĩ̀ã̀ 2:22

Ka dìè káà zi lɛ́ Témɔ́tè aà e dìè kɛ̀ kpànazɛ̀ zì zɔ̃̀ɔ̃̀ à káa dɔ. Káà zi lɛ́ kò à ye kò yɛɓo kɛ̀á wɔ̃́ làṹ yièa mɔ́ɔ̀ wɔ̃̀ mɔ̀, lɛ̀ mi wà e dàa lɛ́ ɓea, káà à dɔ.

Fèlépĩ̀ã̀ 3:16

Wɔ̃́ kɛ-kɔ̀ é kɛá bɛ̃̀ɛ̃ zi nɔ́ɔ fé káa, kɔ̀à lo kɔa líé wɔ̃́ kɛ-zì lɛ́ kɔaà tó à píé é ɓɔá pɛ́nɛɛ mɔ̀ɔ kpáá yí.

Kɔ̀lɔ́sĩã̀ 2:19

Aà tèá gbaa kùnù Kɛ́lɛ̀ì lɛ́ e pɛ wũ káa mɔ̀ pìà. Kɛ́lɛ̀ì lɛ gbĩ-kpàla lɛ̀ séĩ́ là, tó áà gbĩ-kpàla lé gbà. Kɛ́lɛ̀ì láà kɛ̀ tó gbĩ-kpàla áà yà e kíe mɔ̀ e kpo là wà e yà-kíe-mɔ̀ ɓɛ̀lɛ̀ ká, ɛ̃́ɛ̃́ tó gbĩ-kpàlaa áà fàà zi lɛ́ Wálà à nàà é kɛáa ká.

Kɔ̀lɔ́sĩã̀ 3:16

Lɛ à mɔ̀ Kɛ́lɛ̀ì lé-wè yàlà kṹũ̀ é kɛá ka yí, ɛ̃́ɛ̃́ é ka pa. Kà pɛ zɔ̃̀ɔ̃̀, ɛ̃́ɛ̃́ káà wɔ̃́ kɛ-zì zɔ̃̀ɔ̃̀ ka ɓɛ́ĩ̀ nì lɛ̀ɛ gíkã́ séĩ́ ká. Kà tã́ lɛ́ e Wálà là kíía yí, ɛ̃́ɛ̃́ à yé lɛ́ è nu tɔ́-ɓɔ káa ɓo. E bɛ̀i, kà Wálà-tã̀ ɓo. Kà tã́ ɓo Wálà píé, káà à zúo ɓò ka zò píé.

Kɔ̀lɔ́sĩã̀ 4:7

Tíkíkà, lɛ́ e m lèe-gé lɛ́ m̀ lɔ̀ kɛ̀áa ká, lɛ́ e yɛɓo-kɛ-mì zò-dɔ̀à-mɔ̀ zɛ̀ wà m ɓɛ́ɛ yɛɓo-kɛ̀-mi-mɔ̀ mì ká ko Dàa-mì yía, lɛ́ɛ̀ lo wɔ̃́ séĩ́ lɛ́ à gbɛ̃̀ɛ̃̀ lɛ m mɔ̀ɔ gèeè ka lɛ̀ɛ.

1 Tɛsàlónìà 3:2

kɛ kó Témɔ́tè lɛ́ e ko lèe-gé ká, lɛ́ kò ye nì kò yɛɓo kɛ̀ e kíe là Wálà lɛ̀ɛ wɔ̃́ làṹ yiè lɛ́ à gbɛ̃̀ɛ̃̀ lɛ Kɛ́lɛ̀ì mɔ̀ɔ, gèeè káa vɔ ka píé. Ko à vɔ kɛɛ é ka mɛ́ kɛ gágà, ɛ̃́ɛ̃́ kɛ é ka zì zò-dɔ̀à-mɔ̀ wɛ́lɛ́ dà à yí,

1 Témɔ́tè 1:10

ɛ̃́ɛ̃́ zeĩ́ sɔ̃̀ɔ̃ yɔɔ kɛ-mìàò, e bɛ̀i, mia lɛ́ ò o ɓɛ́ĩ̀ nì kɛ̀ o na káaò, ɛ̃́ɛ̃́ mia lɛ́ ò mia kã̀ã ɓoaò, e bɛ̀i, nɛ̀-kɛ-mìà, ɛ̃́ɛ̃́ zeĩ́ fùlu kélá-wè ɓo-mìà, ɛ̃́ɛ̃́ é dàá mia lɛ́ ò wɔ̃́ nɔ́ɔ fé kɛ̀ lɛ́ wà pɛ-zɔ̃̀ɔ̃̀-kɔ̀ wánà zɛ̀ɛ òó wéé o kíe nì wéè mɔ̀ɔ káa.

1 Témɔ́tè 4:16

Ì i yɛ́lɛ́ kɛ i dìè wà i zì pɛ-zɔ̃̀ɔ̃̀-kɔ̀ píé. Ì lo i líé wɔ̃́ nì o kéa kɛɛ̀ ká. Ƃii yé ɓaà kɛ kília, íì lo i dìè wà mia lɛ́ ò o tóó dɔ i mɔ̀ɔ laà.

1 Témɔ́tè 6:3

Mi lɛ́ è pɛ gbɛɛ zɔ̃̀ɔ̃̀ lɛ́ lɛ̀ɛ́ wéé ko Dàa-mì Zízɛ̀ Kɛ́lɛ̀ì zì wéé wánà zɛ̀ɛò, ɛ̃́ɛ̃́ lɛ́ lɛ̀ɛ́ wéé pɛ-zɔ̃̀ɔ̃̀-kɔ̀ lɛ́ à gbɛ̃̀ɛ̃̀ lɛ gbìnì-Wálà-lɛ̀ɛ kɔ̀ mɔ̀ɔ mɔ̀ɔ,

2 Témɔ́tè 1:6

À mɔ́ɔ̀ wɔ̃̀ mɔ̀ɔ, ḿm̀ i zò vùò nɔ̀-lɛ̀ɛ-pɛ̀ lɛ́ Wálà a nɔ i lɛ̀ɛ, lɛ̀ lɛ́ m m kɔ̀ kpɔ́ i làa káa, yékɛ̀ ɓá tó à wũ é ga. Kɛɛ ì à kɛ áà lɛ̀ fɔ̀nɔ̀.

2 Témɔ́tè 3:10

Kɛɛ ɓi yee, ɓaà tó m zì pɛ-zɔ̃̀ɔ̃̀-kɔ̀, ɛ̃́ɛ̃́ m zì kɛ-kɔ̀, e bɛ̀i wɔ̃́ lɛ́ m̀ nàà ḿ kɛ m zì kɛ̀ɓe làa píé. Ƃaà m zì zò-dɔ̀à-mɔ̀, e bɛ̀i m zì zò-kũ̀-tã́ã̀, ɛ̃́ɛ̃́ mia lɔ̀-kpɔ̀ m mɔ̀, e bɛ̀i, m zì lò m líé wɔ̃́ kɛɛ̀ ká,

2 Témɔ́tè 4:3

Lúó lɛ́ mia òó ló o tóó dɔɔ̀ à ká pɛ wánà zɛ̀ lɛ́ ò zɔ̃̀ɔ̃̀ɔ mɔ̀ɔ, lɛ́ɛ̀ lo ɓɔɔ̀. Míá o kília óò lo tóò o dìè zì nàà-ká-wɔ̃̀ píé. Óò lo pɛ-zɔ̃̀ɔ̃̀-mìà búnù-búnùzɛ̀ lɛ́ ò lo wɔ̃́ lɛ́ o tóó à nàà á maa gèeè o lɛ̀ɛ, páà e kíe mɔ̀ o dìè lɛ̀ɛ.

Tátɔ̀ 2:1

Kɛɛ ɓi yee, ì pɛ lɛ́ lɛ mi lɛ́ è wánà-wɔ̃̀ɔ zɔ̃̀ɔ̃̀ɔ mɔ̀ á zɔ̃̀ɔ̃̀ɔ zɔ̃̀ɔ̃̀.

1 Pílɛ̀ 2:2

Kà kɛ lɛ̀ nɛ́fú dɛɛ lɛ́ ɓe. Nyɔ́-yíí kpeĩ lɛ́ lɛ ɓe ka gɛ̀ɛ̀ wɛ̃́ĩ̀a, à mi-lɔ̀ è ka kɛ, kɛɛ ká kɛ̀á mipìàa, ká fàa, ɛ̃́ɛ̃́ kɛ ká la-ɓo sɔ̀lɔ̀ ɓo.

2 Zɔ̃̀ɔ̃́ 1:9

Mi nɔ́ɔ fé lɛ́ lɛ̀ɛ́ Kɛ́lɛ̀ì zì pɛ-zɔ̃̀ɔ̃̀-kɔ̀ doóa kṹ e zɔ̃̀ɔ̃̀ ká, tó áà lò e zì dàá bàa, kɛɛ là pɛ wá Wálà ká. Kɛɛ mi lɛ́ è pɛ-zɔ̃̀ɔ̃̀-kɔ̀ doó e kília kũ e zɔ̃̀ɔ̃̀ káa, kɛɛ mia Dàa wà e Gbe o à kɛ̀lɛ̀.

Zúdè 1:5

Yé bɛ̃̀ɛ̃ ka wɔ̃́ e kéa séĩ́ yí dɔɔ, ḿm̀ nàà ḿ ka zò vùò zi lɛ́ ko Dàa-mì e là mia nì la à ká, lɛ́ o gó Ízè-sɛ̀lɛ̀ yía mɔ́ɔ̀ wɔ̃̀ ká. Kɛɛ lɛ̀ e nyɛ à kɛ̀ kíli mɔ̀ɔ, e mia lɛ́ òó gbaa à wéè gɛ̃̀ wánà káa zɛ.