1 Témɔ́tè 4:2 - Wè-dɔ-wè Dɛɛ

² Pɛ-zɔ̃̀ɔ̃̀-kɔ̀ e kília, lɛ́ɛ̀ go mia lɛ́ ò nɛ̀ kɛ̀ɛ o zì mia bèkɛ̀-ɓo-kɔ̀ yí zàá. O zì zò gíkã́ lɛ dífá-dìfà, lɛ̀ pɛ lɛ́ pɛ kúlú tíèe vɔ̀ɔ a gélé.

1 Témɔ́tè 4:2 Iomraidhean Croise

Máfìù 24:24

Ƃii mia lɛ́ ò o dìè si Kɛ́lɛ̀ì, ɛ̃́ɛ̃́ o yé ò o dìè si Wálà là dɔ̀‐lé‐là‐mìà, lɛ́ o wá mɔṹ à káa, óò lo kɛɛ̀ ɓe. Óò lo lé‐pa‐wɔ̃̀ kpó‐kpó, ɛ̃́ɛ̃́ à kpàlézɛ̀ nì kɛɛ̀, kɛ ó mia lɛ́ Wálà aà o sía, bèkɛ̀ ɓo, yé bɛ̀i lɛ o mɔ̀ɔ ká.

Máfìù 7:15

“Kà ka yɛ́lɛ́ kɛ ka dìè píé mia lɛ́ ò o dìè si dɔ̀‐Wálà‐lé‐là‐mìà, lɛ́ o wá mɔṹ à káa wɛ̃́ĩ̀. Óò nu ka píé e kpɔ́lɔ́ṹ‐kpɔ̀lɔ̀ũ̀ ká lɛ̀ ɓáá lɛ́ ɓe. Kɛɛ o zò píé zàá yee, o yí lɛ̀ gɔ́ nyaàa lɛ́ ɓe.

Àpɔ́sɔ̀lɔ̀ 20:30

Ɛ́ɛ̃́ lɛ́ɛ̀ lo kɛɛ̀ lúó dò káa, mia dò óò lo góò ka bà, tó wáà wɔ̃́ wánà zɛ̀ɛ kpɛ̀nɛ̀, tó wáà gèè. À kɛ́ ò ɓoa yí lɛ́ e kélɛ̀, kɛ ó tò-Zízɛ̀-píé-mìàa kɛ ó o wũ nìɛ̀ o píé zàá.

Wólómà 1:28

Ƃii yé mia òó gbaa naa Wálà-wɔ̃̀ é kɛ o wũ-kèlè yía, Wálà aà mɔ́ɔ̀ o nɔ ɓo yɛ́lɛ́-táá yɔɔ lɛ̀ɛ, kɛɛ ó wɔ̃́ lɛ́ ye wá o mɔ̀ kɛ ó kɛɛ kɛ.

Wólómà 16:18

Ƃii mia lɛ́ ò wɔ̃́ sùua nì kɛ̀ɛ, o wá yɛɓo kɛpìà Kɛ́lɛ̀ì ko Dàa-mì lɛ̀ɛ. Kɛɛ óò yɛɓo kɛ̀ pɛ lɛ́ à lɔ̀ lɛ o kɛpìàa lɛ̀ɛ. Óò mia lɛ́ òó wɔ̃́ yí dɔɔ bèkɛ̀ ɓo wè nɛ́ĩ́-nɛ̀ĩ̀ wà dɔ́ŋɔ́ yà mia lɛ̀ɛ wè gèeè ká.

Ìfísɔ̃̀ 4:14

Yé aà kɛ gbaa kília, kòó ló kɛɛ̀ nɔ́ɔ̀ɓé ká gbaa. Mɛ̀ĩ́ lɛ̀ɛ́ ló ko bìnì, ɛ̃́ɛ̃́ fã̀ã̀ lɛ́ è go zi gbɛɛ̀ gbɛɛ ká, lɛ́ e kélɛ̀ pɛ lɛ́ mia bèkɛ̀-ɓo-mìà ò zɔ̃̀ɔ̃̀ɔ, lɛ̀ɛ́ ló ko pìè kɛ é ko ɓo ko dɔ̀lɔ̀ mɔ̀. Míá o kília lɛ́ o mia lɛ́ ò mia líé si wáà lò o ká nɛ̀-wɔ̃̀ píé yɛ̀ì-yɛ́í lɛ́ wa nyáá pá e kíe mɔ̀ o dìè lɛ̀ɛ káa.

Ìfísɔ̃̀ 4:19

Yɛ́lɛ̀ kpɔ̀ o là kpàà wá o mɔ̀ gbaa. Waà o dìè nɔ mànaà zɛɛ̀ wà nɛ́ĩ̀ zɛɛ̀ nì o lɛ̀ɛ. O fã̀ã́-wàà lɛ wɔ̃́ lilì kṹã̀a sùu gbɛɛ̀ gbɛɛ zɛ̀ kɛɛ̀ mɔ̀.

2 Témɔ́tè 3:5

Íì o gɛ̃̀áa, íì lo o gɛ̃̀ɛ̃̀ ɓɔ̀ɔ kélɛ̀ o kùnù ko zì gbìnì Wálà lɛ̀ɛ kɔ̀ɔ mɔ̀ mìà ká. Kɛɛ óò lo o wũ ɓoò gbìnì Wálà lɛ̀ɛ kɔ̀ɔ zì yíkɛ̀ gáàa kpó-kpóa wì. Ì i yí ɓo mia nì sùua mɔ̀.

Wɛ̀lɛ̀vèlésɔ̃̀ 16:14

Pɛ yɔɔ vɔ̀ lɛ́ ò wɔ̃́ kpàlézɛ̀ kɛ̀ɛ o lɛ́ ɓɛ. Pɛ yɔɔ vɔ̀ o kéa, óò lo kpóṹ là zèe líé-sí-mìà séĩ́ píé kɛ ó o pá o kíe mɔ̀ gèlè lɛ́ è lo kɛɛ̀ ɓe Wálà lɛ́ yíkɛ̀ gáàa séĩ́ laa kɛ̀lɛ̀ɛ zì lúóa káa kɛ ó gɔ̃.