1 Témɔ́tè 4:16 - Wè-dɔ-wè Dɛɛ

¹⁶ Ì i yɛ́lɛ́ kɛ i dìè wà i zì pɛ-zɔ̃̀ɔ̃̀-kɔ̀ píé. Ì lo i líé wɔ̃́ nì o kéa kɛɛ̀ ká. Ƃii yé ɓaà kɛ kília, íì lo i dìè wà mia lɛ́ ò o tóó dɔ i mɔ̀ɔ laà.

1 Témɔ́tè 4:16 Iomraidhean Croise

WƆ̃́ LÀṸ YIÈ ZÍ MÁÀ E À BƐ̃̀Ɛ̃ À KÁA 13:9

“Ka bɛ̃̀ɛ̃, kà ka zò kɛ ka dìè píé. Ƃii óò lo ka kṹũ̀, wáà lò ka ká dɔ-mìà wɛlɛ mɔ̀. Óò lo ka mɛ̀ɛ̀ Zúù-mìà zì Wálà-kà gbɛɛ̀ gbɛɛ wì. Káà lo dɔɔ̀ gòmɛ́nɛ̀ ɛ̃́ɛ̃́ sɛ́lɛ́ líé-sí-mìà wɛlɛ líé m mɔ́ɔ̀ wɔ̃̀ mɔ̀, tó káà m̀ kélá-wè ɓò o wɛlɛ líé.

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 21:34

“Kà ka yɛ́lɛ́ kɛ ka dìè píé. Yékɛ̀ ká tó ka zò píé é pa kpílì kɛɛ̀, e bɛ̀i yɔ miì, ɛ̃́ɛ̃́ kpóṹ là zèe zì yɛ́lɛ́‐tàà‐yí‐wɔ̃̀ ká. Ká kɛ̀á kília, Lúó e kília lɛ́ɛ̀ lo ɓɔɔ̀ ka púgã̀ ká.

Àpɔ́sɔ̀lɔ̀ 26:22

Kɛɛ Wálà aà tó gbũpìà m mɔ̀ é ɓɔá pɛ́nɛɛ mɔ̀. À mɔ́ɔ̀ wɔ̃̀ mɔ̀ɔ, m dɔɔ̀ lɛ lɛ̀ e kéa mɔ̀, kɛ ḿ kélá-wè ɓo mia séĩ́ lɛ̀ɛ, ó kɛ bɛ̃̀ɛ̃ fĩ́ĩ́-nyɛ zɛ̀ ɛ̃́ɛ̃́ kpànazɛ̀ɛ káa ká. Wɔ̃́ lɛ́ m̀ lo à gèeèa, lɛ wɔ̃́ nɔ́ doó lɛ́ dɔ̀-Wálà-lé-là-mìà wà Móózè nì waà gèe kélɛ̀ lɛ́ɛ̀ lo kɛɛ̀ɛ, lɛ à ká.

Àpɔ́sɔ̀lɔ̀ 6:4

kɛɛ ko bɛ̃̀ɛ̃ kó ko dìè nɔ sɛ̀nɛ ɓoò wà yɛɓo lɛ́ e Wálà là wéa gèeè káa lɛ̀ɛ.”

Wólómà 11:14

Ḿ ɓɔ́-kpɔ́ yàáa, lɛ́ɛ̀ lo lèĩ fɔ̃̀ɔ̃́-là kɛɛ̀ dàà mia lɛ́ kò ye nì kò go sɛ́lɛ́ doó yía o gé, tó máà o dò là.

Wólómà 16:17

M lèe-gé vɔ̀, ḿm̀ kpé kã ka lɛ̀ɛ nyɔ́ɔ̀ɔ, kà ka yɛ́lɛ́ kɛ yí mia lɛ́ ò mia fĩ̀ã̀ ɓo, ɛ̃́ɛ̃́ zeĩ́ lɛ́ ò mia lé to luúa mɔ́ɔ̀ wɔ̃̀ mɔ̀. O zì wɔ̃́ kɛ-kɔ̀ lɛ gbɛɛ é góá pɛ-zɔ̃̀ɔ̃̀-kɔ̀ lɛ́ wa zɔ̃̀ɔ̃̀ ka lɛ̀ɛ píé. Kà o mɛ́ kpɔ́.

Wólómà 2:7

Mia dò óò wɔ̃́ yiè kɛ̀ teele. Tó wáà nàà wɔ̃́ kpàlézɛ̀ wà Wálà zì ɓɛ̀lɛyà ká. Zéniía, óò nàà ó kɛ ɓe kpɔ̃́ṹ-kpɔ̃́ṹ ká. Míá o kília, Wálà lɛ́ɛ̀ lo kɛ̀ɓe wɔ́lɔ́-wɔ́lɔ́ nɔɔ̀ o lɛ̀ɛ.

1 Kɔ̀léĩ́tĩ̀ã̀ 1:21

Ƃii Wálà zì gíkã́ a kɛ, bɛ̀i wá kpóṹ là zèe mìà mɔ̀ ó à dɔ o zì gíkã́ kolo là zàá. Kɛɛ Wálà yee gé lɛ́ɛ̀ li é mia lɛ́ zò-dɔ̀à-mɔ̀ lɛ o yía la, wɔ̃́ yí gíniìa zɛ̀ lɛ́ kò gèe o lɛ̀ɛ lòũ̀ káa kolo là.

1 Kɔ̀léĩ́tĩ̀ã̀ 9:22

Yé maà kɛ mia lɛ́ o yí wá gágàa bàa, ḿm̀ m dìè kɛ̀ lɛ̀ zí o à káa lɛ́ ɓe, kɛɛ ḿ Kɛ́lɛ̀ì píé-zì ɓo o ká. Ḿm̀ m dìè kɛ̀ pɛ séĩ́ ká mia séĩ́ lɛ̀ɛ, kɛɛ ḿ o dò la zi nɔ́ɔ fé lɛ́ m̀ bɛ̀i à mɔ̀ ḿ kɛáa ká.

1 Kɔ̀léĩ́tĩ̀ã̀ 9:27

Ḿm̀ m gbĩ-kpàla mɛ̀ kɛɛ ḿ à kɛ é kɛ m wì kpã-kpã le, yékɛ̀ ḿ nyɛ̀á mia súo kɛɛ̀ mɔ̀ bàlà e kília sí wɛ̃́ĩ̀a, ó gèe m lɛ̀ɛ m kɔ̃́ɔ̃̀ lɛ bàlà e kília síì mɔ̀.

Ìfísɔ̃̀ 4:14

Yé aà kɛ gbaa kília, kòó ló kɛɛ̀ nɔ́ɔ̀ɓé ká gbaa. Mɛ̀ĩ́ lɛ̀ɛ́ ló ko bìnì, ɛ̃́ɛ̃́ fã̀ã̀ lɛ́ è go zi gbɛɛ̀ gbɛɛ ká, lɛ́ e kélɛ̀ pɛ lɛ́ mia bèkɛ̀-ɓo-mìà ò zɔ̃̀ɔ̃̀ɔ, lɛ̀ɛ́ ló ko pìè kɛ é ko ɓo ko dɔ̀lɔ̀ mɔ̀. Míá o kília lɛ́ o mia lɛ́ ò mia líé si wáà lò o ká nɛ̀-wɔ̃̀ píé yɛ̀ì-yɛ́í lɛ́ wa nyáá pá e kíe mɔ̀ o dìè lɛ̀ɛ káa.

Kɔ̀lɔ́sĩã̀ 4:17

Ɛ́ɛ̃́ kà gèe Àkípà lɛ̀ɛ kélɛ̀ é e yɛ́lɛ́ kɛ e líé, é yɛɓo lɛ́ aà à sɔ̀lɔ̀ ɓo ko Dàa-mì yía, á kɛɛ̀ líé nyɛ.

1 Tɛsàlónìà 2:16

O à kɛ-zì naa vɔ̀ ó ko tèá wɔ̃́ lɛ́ è lo nuù la-ɓo káa, gèè sɛ́lɛ́ gbɛɛ yí-mìà lɛ̀ɛ mɔ̀. Waà à kɛ gbaa pɛ lɛ́ ò o zì kɛ-wɔ̃̀ yɔɔ lɛ́ ò kɛ̀ teelea gɔ̃ à yía, aà pa gbaa súlúú le. Ɛ́ɛ̃́ dɛɛ ká gbaa, Wálà zì wɔ̃́à-wàa-kɔ̀ aà nu gbaa o là.

1 Témɔ́tè 1:3

Ḿm̀ nàà í tó Ɛ́fɔ́sɔ̀, lɛ̀ zí nɔ́ maà gèeá i lɛ̀ɛ lɛ̀ lɛ́ m kɛ lópìà Masèdónàa káa lɛ́ ɓe. Mia dò o yía o pɛ gbɛɛ zɔ̃̀ɔ̃̀pìà mia lɛ̀ɛ à lɛ̀ mɔ̀. Ì à gèe o lɛ̀ɛ ó tèá à zɔ̃̀ɔ̃ɔ̃̀ ká.

1 Témɔ́tè 4:15

Ì wɔ̃́ nì e kéa mɛ́ dã́ i dìè nɔ̀ o lɛ̀ɛ ká, kɛɛ mia séĩ́ ó i zì yɛɓo-kɛ-kɔ̀ lɛ́ i lópìà à ká líéa gɛ̃̀.

1 Témɔ́tè 4:6

Yé ɓaà wɔ̃́ kɛ-zì lɛ́ m̀ gèe i lɛ̀ɛ e kéa nɔ lèe-gé vɔ̀ yé o tóa lɛ̀ɛ, íì lo kɛɛ̀ yɛɓo-kɛ-mì kpeĩ ká Kɛ́lɛ̀ì Zízɛ̀ lɛ̀ɛ. Íì lo léɓèlè lɛ́ i gɛ̀ɛ̀ è lo à naà káa sɔ̀lɔ̀ ɓoò. Léɓèlè e kília lɛ́ e kélɛ̀, wéé lɛ́ à gbɛ̃̀ɛ̃̀ lɛ zò-dɔ̀à-mɔ̀ wɔ̃̀ mɔ̀, ɛ̃́ɛ̃́ wéé lɛ́ zeĩ́ à gbɛ̃̀ɛ̃̀ lɛ pɛ-zɔ̃̀ɔ̃̀-kɔ̀ wánà zɛ̀ lɛ́ ɓaà tó à píéa mɔ̀ɔ káa.

2 Témɔ́tè 2:10

Wɔ̃́ e kéa mɔ́ɔ̀ wɔ̃̀ mɔ̀ɔ, ḿm̀ m zò kũ tã́ã̀ wɔ̃́ séĩ́ kɛ̀ m ká yí, Wálà là míá aà o sía mɔ́ɔ̀ wɔ̃̀ mɔ̀, kɛ o bɛ̃̀ɛ̃ ó la-ɓo lɛ́ lɛ Kɛ́lɛ̀ì Zízɛ̀ yí, ɛ̃́ɛ̃́ tòá kíli lɛ̀-fɔ̀nɔ-kɔ̀ɔ sɔ̀lɔ̀ ɓo.

2 Témɔ́tè 3:14

Kɛɛ ɓi yee, ì kùnù wánà-wɔ̃̀ lɛ́ wa zɔ̃̀ɔ̃̀ i lɛ̀ɛ, lɛ́ ɓa gɛ̃̀ wánà ká kpó-kpó ɓoa mɔ̀, ɓáà lòá i líé. Mia lɛ́ ɓa dã́ o wìa, íì o dɔ.

2 Témɔ́tè 4:2

ì Wálà là wééa gèe lòũ̀ ká. Ì à gèe téé-tèè, yé bɛ̃̀ɛ̃ lúó e kília lɛ sɛ̀ ɛ̃́ɛ̃́ ye wá sɛ̀ɛ ká. Ì à kɛ mia ó wéé i wéè mɔ̀. Ì mia gbɛ̃̀ zuú. Ì à kɛ mia fã̀ã́ é wàà. Ì pɛ zɔ̃̀ɔ̃̀ ɓáà i zò kũ̀ i gé à kɛɛ̀ yí teele.

Tátɔ̀ 1:9

Lɛ à mɔ̀ ó kùnù wéé lɛ́ ò bɛ̀i à mɔ̀ ó o zò dɔ à mɔ̀, lɛ́ è wèè pɛ-zɔ̃̀ɔ̃̀-kɔ̀ɔ wéè mɔ̀ɔ mɔ̀. Zí e kéa káa, bɛ̀i lɛ́ɛ̀ lo kɛɛ̀ o mɔ̀ kɛ ó mia fã̀ã́ wàà pɛ-zɔ̃̀ɔ̃̀-kɔ̀ wánà zɛ̀ɛ ká, ɛ̃́ɛ̃́ tó wáà mia lɛ́ ò gèlè gɔ̃ o káa zì wɔ̃́ niàa zɔ̃̀ɔ̃̀á o lɛ̀ɛ.

Tátɔ̀ 2:15

Wɔ̃́ nì e kéa zɔ̃̀ɔ̃̀ mia lɛ̀ɛ. Ì o kɛ o fã̀ã́ é wàà. Ì o gbɛ̃̀ zi píé yíkɛ̀ gáàa lé paàa zɛ̀ lɛ́ e i kɛ̀lɛ̀ɛ ká. Yékɛ̀ ɓá tó o dò nyìɛ é fɔ̃́ i yí.

Tátɔ̀ 2:7

I dìè bɛ̃̀ɛ̃, lɛ sɛ̀ í kɛ wɔ̃́ gɔ̃̀á ká yɛɓo yiè kɛɛ̀ ká, ɛ̃́ɛ̃́ wɔ̃́ séĩ́ yí. Pɛ́ ɓà zɔ̃̀ɔ̃̀ɔ, è kɛ pɛ lɛ́ è go i zò píéa ká, ɛ̃́ɛ̃́ ì i yɛ́lɛ́ kɛ à kɛ-wɔ̃̀ píé.

Fàlímà 1:19

Ḿm̀ lo wɔ̃́ yé e kéa bɛ̃̀ɛ̃ɛ̃̀ m dìè kɔ̀ ká. Ye gɛ̃̀ e ké. Ma Pɔ́ɔ̀, ḿm̀ lo ɓà pɔɔ̀ɔ sɔ̃̀ɔ̃́ nɔɔ̀. (Ye wá m mɔ̀ kɛ ḿ i zò vùò m̀ pɛ lɛ́ à kèlè lɛ i mɔ̀ɔ mɔ́ɔ̀ wɔ̃̀ ká. M̀ kèle e kília lɛ́ e i zì kɛ̀ɓe káa.)

Hííbúlù 12:15

Kà ka yɛ́lɛ́ kɛ ka dìè píé, yékɛ̀ mi nɔ́ɔ fé é e ko gbɛ̃̀ Wálà zì zò-kɛ̀-sɛ̀ɛ mɔ̀. Kà ka yɛ́lɛ́ kɛ ka dìè píé yékɛ̀ mi nɔ́ɔ fé é kɛ ka bà, é kɛ lɛ̀ pɛ píní nyɔ́ɔ̀ɔ lɛ́ è ɓɔ tó áà e zì kɛ̀-nyɔ́ɔ̀ɔ-làa wɛ̃̀ĩ̀ e ɓɛ́ĩ̀ yí, tó áà wéé kã̀a lɛ́ ɓe.

Hííbúlù 13:9

Yékɛ̀ ká tó pɛ-zɔ̃̀ɔ̃̀-kɔ̀ dɛɛ dɛɛ é ka ɓo zi yiè ɓɛ píé. Lɛ sɛ̀ Wálà zì zò-kɛ̀-sɛ̀ é ko zò mɛ́ kɛ gágà, kɛɛ ye wá mi tɔ̃́ɛ̃́ tóò ká. Míá ò o tɔ̃́ɛ̃́ toa, òó pɛ gbɛɛ gɛ̃̀ à tóò kolo là.

Zĩ́ĩ̀ 5:20

kɛɛ ka zò è vùò wɔ̃́ e kéa ká. Ye lɛ́ e kélɛ̀, mí è lo nuù kɛ-wɔ̃̀ yɔɔ kɛ-mì nɔ́ɔ fé lɛ́ aà zi nia ká e mɛ̀ĩ́a, lɛ́ɛ̀ lo kɛ-wɔ̃̀ yɔɔ kɛ-mì e kília gɛ̀ɛ̀ laà ga kɛ̀lɛ̀. Ɛ́ɛ̃́ lɛ́ɛ̀ lo à kɛɛ̀ tó kɛ-wɔ̃̀ yɔɔ búnùzɛ̀ áà ɓò mi wũ mɔ̀.