1 Témɔ́tè 4:12 - Wè-dɔ-wè Dɛɛ

¹² Yékɛ̀ ɓá tó mi nɔ́ɔ fé nyìɛ é fɔ̃́ i yí ɓii i nɛ́fú káa mɔ́ɔ̀ wɔ̃̀ mɔ̀. Kɛɛ ì à tó i zì wɔ̃́ lɛ́ ɓà gèe, e bɛ̀i, i zì wɔ̃́ kɛ-kɔ̀, ɛ̃́ɛ̃́ zeĩ́, i zì lɔ̀-kɛ̀ mia ká, ɛ̃́ɛ̃́ i zì zò-dɔ̀à-mɔ̀, e bɛ̀i i zì kɛ̀ pulú é kɛ wɔ̃́ gɔ̃̀á ká mia lɛ́ waà o zò dɔ Wálà mɔ̀ɔ lɛ̀ɛ.

1 Témɔ́tè 4:12 Iomraidhean Croise

Máfìù 18:10

“Kà ka yɛ́lɛ́ kɛ ka dìè mɔ̀, yékɛ̀ ka nyìɛ é fɔ̃́ nɔ́ɔ̀ɓé e kéa dò yí. Tó ḿ gèe ka lɛ̀ɛ, nɔ́ɔ̀ɓéa zì Wálà là vɔ‐mìà lɛ́ o lɛ̀ía, o m Dàa lɛ́ e lɛ̀ía wɛlɛ mɔ̀ teele. [

1 Kɔ̀léĩ́tĩ̀ã̀ 11:1

Kà m píé gɔ̃́, lɛ̀ zí nɔ́ m̀ Kɛ́lɛ̀ì píé gɔ̃ à káa lɛ́ ɓe.

Fèlépĩ̀ã̀ 4:8

M lèe-gé vɔ̀, m tèáà-là lɛ́ e kélɛ̀, kà ka zì yɛ́lɛ́-táá kɛ à lé é pa wɔ̃́ nì lɛ́ lɛ sɛ̀, ɛ̃́ɛ̃́ lɛ́ lɛ pɛ lɛ́ à tɛ̀nɛɛ̀ à mɛ́ kũa ká. O lɛ́ o pɛ wánà zɛ̀, ɛ̃́ɛ̃́ pɛ́ ò bɛ̀i à mɔ̀ ó ɓɛ̀lɛyà nɔ à lɛ̀ɛ, e bɛ̀i, wɔ̃́ kpeĩ, ɛ̃́ɛ̃́ pɛ lɛ́ kɛɛ nyɛɛ̀ lɛ à mɔ̀ɔ, e bɛ̀i zeĩ́, pɛ lɛ́ à liì lɛɛò, ɛ̃́ɛ̃́ pɛ lɛ́ lɛ ɓɛ̀lɛ-ɓɛ̀lɛ zɛ̀ɛ káa.

1 Tɛsàlónìà 1:6

Ka ko píé gɔ̃́, tó káà ko Dàa-mì bɛ̃̀ɛ̃ píé gɔ̃̀ nɔ́ kíli. Yé bɛ̃̀ɛ̃ ka wàa ɓèlè nyɔ́ɔ̀ɔ, ka wéé lɛ́ ko kɛ à gèepìàa kṹ ka zɔ̃̀ɔ̃̀ ká géli lɛ́ è go Gɛ̀ɛ̀ Púlú kɛ̀lɛ̀ɛ ká.

1 Tɛsàlónìà 2:10

Ka ko kélá vɔ̀ ká, ká dàá Wálà bà, zi lɛ́ ko kɛ wɔ̃́ kɛpìà à ká mia lɛ́ ka zò dɔɔ̀ lɛ Wálà mɔ̀ɔ káa mɔ́ɔ̀ wɔ̃̀ mɔ̀. Wɔ̃́ kɛ-zì e kília e kɛ púlú, ɛ̃́ɛ̃́ kpeĩ, e bɛ̀i kɛɛ nyɛɛ̀ e kɛá à mɔ̀ féfé le.

1 Témɔ́tè 1:14

Ko Dàa-mì e e zì zò-kɛ̀-sɛ̀ káá m là yí gbùò zɛ̀, ɛ̃́ɛ̃́ e zò-dɔ̀à-mɔ̀ wà lɔ̀-kɛ̀à-mɔ̀ lɛ́ e kò pɛ ká kò Kɛ́lɛ̀ì Zízɛ̀ nì ko kɛ̀ doó yía kolo là zàáa, a nɔ m lɛ̀ɛ.

2 Témɔ́tè 2:15

Ì i yí dɔ gágà kɛɛ Wálà zò é dà i píé. Ì kɛ yɛɓo-kɛ-mì lɛ́ yɛ́lɛ̀ làá kɛ yɛɓo lɛ́ à kɛ̀ɛ mɔ́ɔ̀ wɔ̃̀ mɔ̀, lɛ́ è wéé lɛ́ à gbɛ̃̀ɛ̃̀ lɛ Wálà là wánà-wɔ̃̀ɔ mɔ̀ɔ zɔ̃̀ɔ̃̀ kpeĩ lea ká.

2 Témɔ́tè 2:22

Pɛ lɛ́ à lɔ̀ è mia dɛɛ kɛ̀ɛ, ì i yí ɓo à mɔ̀. Ɛ́ɛ̃́ ì i fã̀ã́ wàà kɛ̀-kpeĩ-kɔ̀, zò-dɔ̀à-mɔ̀, ɛ̃́ɛ̃́ lɔ̀-kɛ̀à-mɔ̀, e bɛ̀i, zò-yà-gé wɔ̃̀ kɛɛ̀ mɔ̀. Mia nì lɛ́ o zò píé lɛ púlú, lɛ́ o ko Dàa-mì súo kɛ kɛ é gbũ o mɔ̀ɔ, kà ye nì káà wɔ̃́ e kília kɛ̀.

2 Témɔ́tè 2:7

Ì i yɛ́lɛ́ táá wɔ̃́ m̀ gèea yí, ɓii ko Dàa-mì lɛ́ɛ̀ lo à kɛɛ̀ tó i wɔ̃́ séĩ́ yí ma.

Tátɔ̀ 2:15

Wɔ̃́ nì e kéa zɔ̃̀ɔ̃̀ mia lɛ̀ɛ. Ì o kɛ o fã̀ã́ é wàà. Ì o gbɛ̃̀ zi píé yíkɛ̀ gáàa lé paàa zɛ̀ lɛ́ e i kɛ̀lɛ̀ɛ ká. Yékɛ̀ ɓá tó o dò nyìɛ é fɔ̃́ i yí.

Tátɔ̀ 2:7

I dìè bɛ̃̀ɛ̃, lɛ sɛ̀ í kɛ wɔ̃́ gɔ̃̀á ká yɛɓo yiè kɛɛ̀ ká, ɛ̃́ɛ̃́ wɔ̃́ séĩ́ yí. Pɛ́ ɓà zɔ̃̀ɔ̃̀ɔ, è kɛ pɛ lɛ́ è go i zò píéa ká, ɛ̃́ɛ̃́ ì i yɛ́lɛ́ kɛ à kɛ-wɔ̃̀ píé.

Zĩ́ĩ̀ 3:13

Dé e ka bà lɛ́ à gí kã́ã̀ lɛ, ɛ̃́ɛ̃́ lɛ́ e wɔ̃́ yí-ma-mì ká? É kɛ̀á lɛ kília, è à zɔ̃̀ɔ̃̀ e zì yìì-mia-ká-kɔ̀ kpeĩ, ɛ̃́ɛ̃́ à zì wɔ̃́ yiè lɛ́ è à kɛ̀ e dìè-sì-péĩ́ wà gíkã́ káa kolo là zàá.

Zĩ́ĩ̀ 3:17

Kɛɛ gíkã́ lɛ́ è go lɛ̀ía, lɛ púlú kpá zii. Ɛ́ɛ̃́ lɛ zeĩ́ zò-yà-gé zɛ̀, ɛ̃́ɛ̃́ kpóló-kpɔ̀-mɔ̀ zɛ̀, e bɛ̀i, à yɛɛ̀ lɛ mia lɛ̀ɛ kɛ é e tóó dɔ mi mɔ̀. À paà lɛ mia yéĩ̀ kṹũ̀ ká, ɛ̃́ɛ̃́ lɛ́ɛ̀ ɓa e ɓɛɛ yiè ɓó máàa zɛ̀ ká. À zì yɛ́lɛ́-táá kpolà wá pèèlɛ. Ɛ́ɛ̃́ ye wá e dìè wɛlɛ-li-pɛ̀ ká.

1 Pílɛ̀ 5:3

Yékɛ̀ ká mia lɛ́ waà o kpɔ́ ka kɔ̀ làa kṹ gágà. Kɛɛ kà kɛ wɔ̃́ gɔ̃̀á ká ɓáá vɔ̀ɔ lɛ̀ɛ.