1 Témɔ́tè 4:1 - Wè-dɔ-wè Dɛɛ

¹ Gɛ̀ɛ̀ Púlú láà gèe e yí púlú zɛ̀ ká kélɛ̀ yé lúó aà die ɓɛ̀lɛ̀ píé gbèĩ zɛ̀ɛ, mia dò óò lo góò zò-dɔ̀à-mɔ̀ wɔ̃̀ɔ lɛ̀ɛ. Óò lo pɛ vɔ̀ lɛ́ ò nɛ̀ kɛ̀ɛ wéè kɛɛ̀. Óò lo tóò pɛ yɔɔ vɔ̀ wà pɛ-zɔ̃̀ɔ̃̀-kɔ̀ píé.

1 Témɔ́tè 4:1 Iomraidhean Croise

Máfìù 18:7

Wɔ̃́ yéĩ̀zɛ̀ kɛɛ̀ lɛ kpóṹ là zèe ká pɛ lɛ́ è lo à kɛɛ̀ mi í kɛ‐wɔ̃̀ yɔɔ kɛɛ mɔ́ɔ̀ wɔ̃̀ mɔ̀. Lɛ à mɔ̀ kɛɛ wɔ̃́ nìa é kɛ. Kɛɛ wɔ̃́ yéĩ̀zɛ̀ kɛɛ̀ lɛ mi lɛ́ à kɛ̀, tó wɔ̃́ nìa áà kɛ̀ɛ ká.

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 17:1

Zízɛ̀ a gèe là tòà‐píé‐mìà lɛ̀ɛ, “Pɛ lɛ́ è lo à kɛɛ̀ kɛ mi é kɛ‐wɔ̃̀ yɔɔ kɛɛ, lɛ à mɔ̀ é kɛ. Kɛɛ mi lɛ́ à kɛ̀ lɛ́ wɔ̃́ nì e kília è kɛ̀ɛ, wɔ̃́ yéĩ̀zɛ̀ kɛɛ̀ lɛ à ká.

Zɔ̃̀ɔ̃́ 16:13

Kɛɛ yé Gɛ̀ɛ̀ Púlú wánà zɛ̀ɛ aà nua, lɛ́ɛ̀ ló líé síì ka ká wɔ̃́ wánà zɛ̀ séĩ́ yí. Lɛ̀ɛ́ ló mɛ́ĩ́ ɓoò e dìè zì yíkɛ̀ gáàa ká. Kɛɛ lɛ́ɛ̀ lo wɔ̃́ lɛ́ aà maa gèeè, ɛ̃́ɛ̃́ tó áà wɔ̃́ lɛ́ lɛ nupìà kɛɛ̀ɛ gèè ka lɛ̀ɛ.

Àpɔ́sɔ̀lɔ̀ 13:2

Lɛ̀ o kɛ yɛɓo kɛpìà ko Dàa-mì lɛ̀ɛ, wáà lò sṹũ yía, Gɛ̀ɛ̀ Púlú a gèe o lɛ̀ɛ kélɛ̀, “Kà Bánábà wà Sɔ́ɔ̀ o ɓo ka bà, kɛ ó yɛɓo lɛ́ maà mɔ́ɔ̀ o súo kɛɛ kɛ.”

Àpɔ́sɔ̀lɔ̀ 17:18

Pɛ-zɔ̃̀ɔ̃̀-mìà dò, yé ò o si Ɛpìkélìà wà Sólówè-mìàa, wà Pɔ́ɔ̀ nì o mɛ́ĩ́ ɓo o kíe là nɔ́ kíli. Mia dò wa gèe, “Mɛ́ lé-gbùò-là kɛ-mì fèle e kéa bɛ̃̀ɛ̃ è à nàà á gèe ɓɛ?” Mia dò bɛ̃̀ɛ̃ wáà gèè, “Lɛ́ɛ̀ kɛ̀ lɛ̀ pɛ lɛ́ lɛ wɔ̃́ gèepìà é gbɛ̃̀á sɛ́lɛ́ gbɛɛ yí-mìà wà wálà vɔ̀ mɔ̀.” O wɔ̃́ e kéa gèe píé kíli, ɓii Pɔ́ɔ̀ e kɛ Zízɛ̀ wà wɛ̀lɛ̀-ga-kɛ̀lɛ̀ wɔ̃̀ gèepìà.

Àpɔ́sɔ̀lɔ̀ 20:23

Kɛɛ wɔ̃́ nɔ́ m̀ à yí dɔɔ, ye lɛ́ e kélɛ̀, Gɛ̀ɛ̀ Púlú aà gèe m lɛ̀ɛ sɛ́lɛ́ séĩ́-séĩ́ yí kélɛ̀ bĩ́-kà síì wà wɔ̃́ nyɔ́ɔ̀ɔ gɛ̃̀ɛ̃ɛ̃̀ o yàá m gɛ̀nɛ̀.

Àpɔ́sɔ̀lɔ̀ 21:11

E nu ko píé, e Pɔ́ɔ̀ là sɔ-là-ɓɛ̀lɛ̀ kṹ à kɛ̀lɛ̀, e e dìè gã̀ wà e kɔ̀ yèlè à ká, áà gèè kélɛ̀, “Wɔ̃́ lɛ́ Gɛ̀ɛ̀ Púlú à gèea, gɛ̃̀ e ké. Zúù-mìà lɛ́ o Zùlúsàlɛ̀ɛ, óò lo sɔ-là-ɓɛ̀lɛ̀ e kéa dàa-mì yèlè zi nɔ́ doó e kéa ká. Ɛ́ɛ̃́ óò lo à kɔ̀ nɔɔ̀ sɛ́lɛ́ gbɛɛ yí-mìà lɛ̀ɛ.”

Àpɔ́sɔ̀lɔ̀ 28:25

Lɛ̀ e kɛ kília, o gó yi wáà lò wéé kũ̀á sí o kíe lé. O gó yi lɛ̀ lɛ́ Pɔ́ɔ̀ e wɔ̃́ doó e kéa gèea ká. Ye lɛ́ e kélɛ̀, “Lɛ̀ lɛ́ Gɛ̀ɛ̀ Púlú e kpɔ́ dɔ̀-Wálà-lé-là-mì Ààzáyà yí, lɛ́ e kɛ mɛ́ĩ́ ɓopìà ka dàa ye dàà nì lɛ̀ɛ, e kɛ à mɔ̀ á gèe o lɛ̀ɛ kíli.

1 Kɔ̀léĩ́tĩ̀ã̀ 10:20

Gbàaò. Wɔ̃́ m̀ gèea ye lɛ́ e kélɛ̀, pɛ lɛ́ mia lɛ́ òó Wálà dɔɔ ò sálà ɓo à káa, òó sálà ɓo à ká Wálà mɔ̀. Kɛɛ pɛ yɔɔ lɛ́ ò sálà e kília ɓo à mɔ̀ɔ. M̀ḿ naa kɛ kà pɛ yɔɔ vɔ̀ ká kɛ à yí doó.

1 Kɔ̀léĩ́tĩ̀ã̀ 11:19

Lɛ à mɔ̀ kɛ ka yɛ́lɛ́-táá-kɔ̀ é kɛ gbɛɛ̀ gbɛɛ kɛ́ kà ɓo ka kíe bàa ká, kɛɛ mia yé o zì lɛ kpeĩ ka bàa, kɛ ó o gɛ̃̀.

1 Kɔ̀léĩ́tĩ̀ã̀ 12:11

Kɛɛ Gɛ̀ɛ̀ Púlú nɔ́ doóa lɛ́ è wɔ̃́ nì e kéa séĩ́ kɛ̀ɛ. Lɛ́ɛ̀ nɔ̀-lɛ̀ɛ-pɛ̀ gbɛɛ̀ gbɛɛ nɔ mia lɛ̀ɛ o tɔ̀ là doò do, lɛ̀ zí nɔ́ è à nàà á nɔáa lɛ́ ɓe.

1 Kɔ̀léĩ́tĩ̀ã̀ 2:10

Kɛɛ Wálà aà lɛ́ɛ́ ɓo gbaa wɔ̃́ nì o kília là à zì Gɛ̀ɛ̀ Púlú kolo là zàá. Ƃii Gɛ̀ɛ̀ Púlúa lɛ́ɛ̀ pɛ séĩ́ gé gɛ̃̀, é kɛ bɛ̃̀ɛ̃ Wálà zò-wì-tã́ã̀ wɔ̃̀ káa ká.

2 Kɔ̀léĩ́tĩ̀ã̀ 11:3

Pɛ́ m̀ tùò à wɛ̃́ĩ̀a, ye lɛ́ e kélɛ̀, ka wũ-kèlè yí lɛ́ɛ̀ lo sìè, tó a kɛ ka kã́ zi lɛ́ kaà Kɛ́lɛ̀ì kṹá ka zɔ̃̀ɔ̃̀ ká e wánà zɛ̀ káa lɛ̀ɛ, lɛ̀ zí nɔ́ mɛ̀nɛ e Íì bèkɛ̀ ɓoá e zì gíkã́ káa lɛ́ ɓe.

Kɔ̀lɔ́sĩã̀ 2:18

Yékɛ̀ ká tó mia lɛ́ ò o dìè si gbùò pɛ lɛ́ wa zɛ lɛ́ e kélɛ̀ mɛ̀ĩ̀ lɛ́ ɓea mɔ́ɔ̀ wɔ̃̀ mɔ̀ɔ, ó mɛ̀ĩ́-sà káá ka wĩĩ́. Wɔ̃́ lɛ́ ò nɛ̀ɛ à gèeè mɔ̀ɔ lɛ́ e kélɛ̀, mia ó o dìè sí péĩ́ dìè-sì-péĩ́ zì yé ye wá kpeĩa ká, ɛ̃́ɛ̃́ mia ó gbini Wálà là vɔ-mìà lɛ̀ɛ káa. Mi sùu e kília, à zì mia ɓéèe zì yɛ́lɛ́-táá-kɔ̀ lɛ́ɛ̀ à kɛ̀ tó áà kɛ̀ gɔ́ɔ́-gɔ̀ɔ̀, tó mɔṹ à yí kpeĩ wá ɓe.

2 Témɔ́tè 3:13

Kɛɛ mia kɛ-pɛ̀ yɔɔ zɛ̀, ɛ̃́ɛ̃́ mia lɛ́ ò mia bèkɛ̀ ɓoa, wɔ̃́ yɔɔ lɛ́ ò kɛ̀ɛ là lɛ́ɛ̀ lo kɛɛ̀ kpɔ́pìà teele. Óò lo lóò o líé mia bèkɛ̀ ɓoò ká, tó mia gbɛɛ bɛ̃̀ɛ̃ wáà o bèkɛ̀ ɓò.

2 Témɔ́tè 4:4

Óò lo o tóó lé taà yékɛ̀ ó wánà-wɔ̃̀ɔ ma. Óò lo o tóó dɔɔ̀ pĩ̀ã̀ doò do mɔ̀.

Zĩ́ĩ̀ 3:15

Gíkã́ sùua lɛ̀ɛ́ gó lɛ̀í. Lɛ kpóṹ là zèe là pɛ ká. Lɛ mia ɓéèe kɛ̀lɛ̀-pɛ̀ ká ɓɔ̀ɔ. Lɛ́ɛ̀ go pɛ yɔɔ vɔ̀ kɛ̀lɛ̀.

1 Pílɛ̀ 1:20

Wálà e à sí mɔ́ kɛɛ é tĩã́ kpóṹ là zèe kɛɛ̀. Ɛ́ɛ̃́ lɛ́ɛ́ ɓoò e kɛá à wɔ̃̀ là lúó léĩ́-tó-lùò lɛ́ ko à yía ká ka mɔ́ɔ̀ wɔ̃̀ mɔ̀.

2 Pílɛ̀ 2:1

Mia lɛ́ ò o dìè si dɔ̀-Wálà-lé-là-mìà, lɛ́ o wá mɔṹ à káa, o kɛ mɔ́ mia bà zèe. Zi nɔ́ doóa káa, pɛ-zɔ̃̀ɔ̃̀-mìà nɛ̀ zɛ̀ óò lo kɛɛ̀ ka bà nɔ́ kíli. Óò lo nuù pɛ-zɔ̃̀ɔ̃̀-kɔ̀ lɛ́ è mia yí sìè, ɛ̃́ɛ̃́ lɛ́ ye wá wánà zɛ̀ɛ ká ka bà. Óò lo o Dàa-mì lɛ́ aà o lɔ́ɔ mɔ́ɔ̀ wɔ̃̀ tèé ɓoò. Zí e kéa káa, óò lo nuù o yí-sìè-pɛ̀ ká o dìè mɔ̀ nɔ́ zá le.

2 Pílɛ̀ 3:3

Bèĩzɛ̀ɛ, kà à yí dɔ kélɛ̀ lúó léĩ́-tó-lùò káa, mia dò lɛ́ o zì wɔ̃́ kɛ-lɔ̀ è líé si o zì kɛ̀ɓe káa, óò lo kɛɛ̀ ɓe. Óò lo yéí síì ka mɔ̀,

1 Zɔ̃̀ɔ̃́ 2:18

Nɔ́ɔ̀ɓé, lúó líé-nyɛ-lùò aà ɓɔ gbaa. O Kɛ́lɛ̀ì Dàa-gbe nu-wɔ̃̀ gèe ka lɛ̀ɛ. Ɛ́ɛ̃́ dɛɛ káa, Kɛ́lɛ̀ì dàa-gbe vɔ̀ kù aà kɛ gbùò. À mɔ́ɔ̀ wɔ̃̀ mɔ̀ɔ, kóò à yí dɔ kélɛ̀ lúó líé-nyɛ-lùò aà ɓɔ kɔ̀ɛ́.

1 Zɔ̃̀ɔ̃́ 4:6

Kɛɛ ko yee, ko Wálà là mia nì ká. Mí è Wálà dɔɔ, lɛ́ɛ̀ e tóó dɔ ko mɔ̀. Mi lɛ́ ye wá Wálà là mi káa, lɛ̀ɛ́ e tóó dɔ ko mɔ̀. Zí kò bɛ̀i à mɔ̀ kó Gɛ̀ɛ̀ wánà zɛ̀ wà gɛ̀ɛ̀ nɛ̀ zɛ̀ dɔ à káa lɛ́ ɓɛ.

Zúdè 1:18

Wa gèe kélɛ̀, “Lúó léĩ́-tó-lùò káa, mia lɛ́ ò lo yéí síì ka mɔ̀ɔ, óò lo nuù. O zì wɔ̃́ kɛ-lɔ̀ lɛ́ lɛ̀ɛ́ Wálà zò dàa, lɛ́ɛ̀ lo líé síì o zì kɛ̀ɓe ká.”

Zúdè 1:4

Ƃii mia lɛ́ òó Wálà sɔ̃̀ɔ̃ kɛɛ dò waà dà ko bà kpɔ̀lɔ̀ũ̀ le ko tií. Míá o kília óò wéé lɛ́ à gbɛ̃̀ɛ̃̀ lɛ Wálà zì zò-kɛ̀-sɛ̀ɛ mɔ̀ɔ là nìɛ̀, kɛɛ o wè-ɓò-yí-bà zì é kɛ ɓe o zì sɔ̃̀ɔ̃ yɔɔ mɔ́ɔ̀ wɔ̃̀ mɔ̀. Óò o wũ ɓo Zízɛ̀ Kɛ́lɛ̀ì lɛ́ e ko Wũ-là-mì wà ko Dàa-mì doóa káa mɔ́ɔ̀ wɔ̃̀ wì. Wálà kiia e mɛ̀ĩ́-sà lɛ́ à káà lɛ o wĩĩ́ gbaa wɔ̃̀ gèe mɔ́.

Wɛ̀lɛ̀vèlésɔ̃̀ 13:14

Wɔ̃́ kpàlézɛ̀ lɛ́ o wéé à mɔ̀ é à kɛ luú-wìì bèĩzɛ̀ɛ nyìɛ mɔ̀ɔ, e kɛ mia séĩ́ lɛ́ o pà e kɛá tã́ã̀ zèea bèkɛ̀ ɓopìà à ká. A gèe mia séĩ́ lɛ̀ɛ ó luú-wìì bèĩzɛ̀ɛ bĩ́ sí kɛ é kɛ ɓɛ̀lɛyà ká, wáà nɔ̀á luú-wìì lɛ́ à gĩ̀ĩĩ̀ e kɛá gèlè-gɔ̃-làà ká, ɛ̃́ɛ̃́ lɛ́ lɛ ɓe tĩã́a à lɛ̀ɛ.

Wɛ̀lɛ̀vèlésɔ̃̀ 16:14

Pɛ yɔɔ vɔ̀ lɛ́ ò wɔ̃́ kpàlézɛ̀ kɛ̀ɛ o lɛ́ ɓɛ. Pɛ yɔɔ vɔ̀ o kéa, óò lo kpóṹ là zèe líé-sí-mìà séĩ́ píé kɛ ó o pá o kíe mɔ̀ gèlè lɛ́ è lo kɛɛ̀ ɓe Wálà lɛ́ yíkɛ̀ gáàa séĩ́ laa kɛ̀lɛ̀ɛ zì lúóa káa kɛ ó gɔ̃.

Wɛ̀lɛ̀vèlésɔ̃̀ 18:2

E gbɛ́ɛ́ gbóó gágà ká áà gèè, “Aà pèlè. Bábɛ́lɔ́ũ̀-sɛ̀lɛ̀ gbùò ɓɛ aà pèlè. Aà kɛ gbaa pɛ yɔɔ vɔ̀ doò do zì pà ká gbaa. Mɔ̀ɔ̀ sùu gbɛɛ̀ gbɛɛ lilì kṹã̀a zɛ̀ ɛ̃́ɛ̃́ à sùu yé mia òó naa à káa nì, o yàlà kṹũ̀ lɛ gbaa à lɛ̀ mɔ̀.

Wɛ̀lɛ̀vèlésɔ̃̀ 18:23

Òó ló nábò dɔɔ̀ɔ zɛ̀ zì lɛ̀-fɔ̀nɔ-kɔ̀ɔ gɛ̃̀ɛ̃̀ gbaa i yí. Òó ló lee-sí-gɔ̃̀ wà gɔ̃-sí-lèè o wéè maà gbaa i yí. I zì pɛ lɔ̀ɔ̀-dɔ-mìà lɛ́ o kɛ mia kpànazɛ̀ ká sɛ́lɛ́ séĩ́ làa. I zì nyìɛ̀ yɔɔ̀ yɔɔ̀ kɛɛ̀ yía, ɓaà sɛ́lɛ́ séĩ́ là mìà bèkɛ̀ ɓo à ká.”

Wɛ̀lɛ̀vèlésɔ̃̀ 19:20

Luú-wììa kṹũ̀ e kɛá gèlè námáná ká. E bɛ̀i, o gɔ̃ lɛ́ è e dìè si dɔ̀-Wálà-lé-là-mì lɛ́ ye wá mɔṹ à ká, lɛ́ e wɔ̃́ kpàlézɛ̀ kɛ à wɛlɛ mɔ̀ɔ kṹ nɔ́ kíli. (Wɔ̃́ kpàlézɛ̀ e kília kɛɛ̀ yía, aà mia lɛ́ luú-wììa là pɛ píé e kɛ o mɔ̀, ɛ̃́ɛ̃́ o yé waà gbini à bĩ́ lɛ̀ɛ bèkɛ̀ ɓo à kɛɛ̀ yí.) O pèèlɛɛ o o dùò e ɓéèe ká tíé-pà. Tíé e kília e kɛ kṹpìà sɔ́fà mɔ̀.

Wɛ̀lɛ̀vèlésɔ̃̀ 2:11

“Mi lɛ́ à tóó lɛ à wũ mɔ̀ɔ, è e tóó dɔ wɔ̃́ lɛ́ Gɛ̀ɛ̀ Púlú à gèe Wálà-mìàa lɛ̀ɛ mɔ̀. “Mi lɛ́ à kɔ̀ diè lɛ gèlè gɔ̃ɔ̀ yía, ga tò-ko-mɔ̀ zɛ̀ɛ lɛ̀ɛ́ ló à mɛ́ gĩ̀ĩĩ̀.

Wɛ̀lɛ̀vèlésɔ̃̀ 2:17

“Mi lɛ́ à tóó lɛ à wũ mɔ̀ɔ, è e tóó dɔ wɔ̃́ lɛ́ Gɛ̀ɛ̀ Púlú à gèe Wálà-mìàa lɛ̀ɛ mɔ̀. “Ḿm̀ lo belè lɛ́ ò si mánà lɛ́ à bĩ̀ĩĩ̀ lɛɛ dò nɔɔ̀ mi lɛ́ à kɔ̀ aà die gèlè gɔ̃ɔ̀ yía lɛ̀ɛ. Ɛ́ɛ̃́ ḿm̀ lo gɛ̀lɛ̀ púlú lɛ́ tɔ́ dɛɛ bɛ̃̀ɛ̃ɛ̃̀ lɛ à làa nɔɔ̀ à lɛ̀ɛ. Mi gbɛɛ lɛ̀ɛ́ tɔ́ e kília dɔ. Mí nɔ́ à sɔ̀lɔ̀ ɓoa lɛ́ nɔ́ è à dɔɔ.

Wɛ̀lɛ̀vèlésɔ̃̀ 2:29

“Mi lɛ́ à tóó lɛ à wũ mɔ̀ɔ, è e tóó dɔ wɔ̃́ lɛ́ Gɛ̀ɛ̀ Púlú à gèe Wálà-mìàa lɛ̀ɛ mɔ̀.

Wɛ̀lɛ̀vèlésɔ̃̀ 2:7

“Mi lɛ́ à tóó lɛ à wũ mɔ̀ɔ, è e tóó dɔ wɔ̃́ lɛ́ Gɛ̀ɛ̀ Púlú à gèe Wálà-mìàa lɛ̀ɛ mɔ̀. “Ḿm̀ lo yíkɛ̀ gáàa nɔɔ̀ mi lɛ́ à kɔ̀ aà die gèlè gɔ̃ɔ̀ yía lɛ̀ɛ, kɛ é kɛ̀ɓe-yìlì lɛ́ lɛ Pálédáà lɛ́ lɛ lɛ̀ lɛ́ Wálà lɛ yía mɔ̀ɔ ɓɛɛ ɓèlè.

Wɛ̀lɛ̀vèlésɔ̃̀ 20:10

Ɛ́ɛ̃́ Dɛ́ɓò lɛ́ e kɛ o bèkɛ̀ ɓopìàa, o à dùò tíé-pà lɛ̀ lɛ́ sɔ́fà lɛ yía mɔ̀. Luú-wììa wà mi lɛ́ è e dìè si dɔ̀-Wálà-lé-là-mì, lɛ́ ye wá mɔṹ à káa, o kɛ à lɛ̀ mɔ̀. O sã̀ lɛ́ɛ̀ lo dɔɔ̀ bĩ́á ɛ̃́ɛ̃́ nyɛ́nɛ́ĩ́, e bɛ̀i tòá kíli wɔ́lɔ́-wɔ́lɔ́ ká.

Wɛ̀lɛ̀vèlésɔ̃̀ 20:8

Lɛ́ɛ̀ lo lóò mia bèkɛ̀ ɓòá sí sɛ́lɛ́ kɔ̀ pɔ̃́ũ̀ yììsɛɛ là. Sɛ́lɛ́ e kília o tɔ́ lɛ́ Gɔ́ɔ̀ wà Mégɔ̀. Sétɔ̃̀ lɛ́ɛ̀ lo o páà o kíe mɔ̀ kɛ ó gèlè gɔ̃. Míá o kília o zì kù-kɛ̀-gbɔ́ù-kɔ̀ lɛ kélɛ̀ nyìɛ́-sɛ́lɛ́ lɛ́ ɓe mɛ̀ĩ́ kpóṹ là.

Wɛ̀lɛ̀vèlésɔ̃̀ 3:13

“Mi lɛ́ à tóó lɛ à wũ mɔ̀ɔ, è e tóó dɔ wɔ̃́ lɛ́ Gɛ̀ɛ̀ Púlú à gèe Wálà-mìàa lɛ̀ɛ mɔ̀.

Wɛ̀lɛ̀vèlésɔ̃̀ 3:22

“Mi lɛ́ à tóó lɛ à wũ mɔ̀ɔ, è e tóó dɔ wɔ̃́ lɛ́ Gɛ̀ɛ̀ Púlú à gèe Wálà-mìàa lɛ̀ɛ mɔ̀.”

Wɛ̀lɛ̀vèlésɔ̃̀ 3:6

“Mi lɛ́ à tóó lɛ à wũ mɔ̀ɔ, è e tóó dɔ wɔ̃́ lɛ́ Gɛ̀ɛ̀ Púlú à gèe Wálà-mìàa lɛ̀ɛ mɔ̀.

Wɛ̀lɛ̀vèlésɔ̃̀ 9:20

Míá yé o tó lɛ́ mia sã̀-dɔ-pɛ̀ e kéa lɛ̀ɛ́ o zɛ nɛ́ɛ, òó gbaa kã́ o kɛ-wɔ̃̀ mɔ̀. Òó gbaa tèá gbìnì pɛ yɔɔ lɛ̀ɛ mɔ̀. Ɛ́ɛ̃́ òó gbaa tèá gbìnì kɛ̀ɛ̀-wɛ́lɛ́ lɛ́ wa kɛ góò wà sévà, pɛ-kúlú ɛ̃́ɛ̃́ gɛ̀lɛ̀, e bɛ̀i yílí ká, lɛ́ òó bɛ̀i lɛ̀ gɛ̃̀ɛ̃̀, ɛ̃́ɛ̃́ òó bɛ̀i wɔ̃́ maà, ɛ̃́ɛ̃́ lɛ́ òó bɛ̀i táàa lɛ̀ɛ mɔ̀.