1 Témɔ́tè 3:4 - Wè-dɔ-wè Dɛɛ

⁴ Lɛ à mɔ̀ bɛ̀i é kɛ à mɔ̀ é líé sí e píé-kɛ́ì-mìà ká e yiè ká, ɛ̃́ɛ̃́ é à kɛ là nɔ́ɔ̀ ó à wéè kɛ, wáà kpàà-ká nɔ̀ à lɛ̀ɛ zi nɔ́ɔ fé ká.

1 Témɔ́tè 3:4 Iomraidhean Croise

Àpɔ́sɔ̀lɔ̀ 10:2

Gɔ̃́ e kília e kɛ túópìà Wálà lɛ̀ɛ. Wà e píé-kɛ́ì-mìà séĩ́ o kɛ gbinipìà Wálà lɛ̀ɛ. E gbũ Zúù-mìà yé pɛ wá o kɛ̀lɛ̀ɛ mɔ̀ kpànazɛ̀. À zì sɛ̀nɛ ɓò Wálà lɛ̀ɛ fĩ̀ã̀ lɛ̀ɛ́ kɛ kã́pìà.

Ìfísɔ̃̀ 5:24

À mɔ́ɔ̀ wɔ̃̀ mɔ̀ɔ, lɛ loà nì mɔ̀ ó o dìè kɛ o dɛ̃ nì wì zi séĩ́ ká, lɛ̀ zí Kɛ́lɛ̀ì là mia nì ò o dìè kɛ̀á Kɛ́lɛ̀ì wìa lɛ́ ɓe.

Fèlépĩ̀ã̀ 4:8

M lèe-gé vɔ̀, m tèáà-là lɛ́ e kélɛ̀, kà ka zì yɛ́lɛ́-táá kɛ à lé é pa wɔ̃́ nì lɛ́ lɛ sɛ̀, ɛ̃́ɛ̃́ lɛ́ lɛ pɛ lɛ́ à tɛ̀nɛɛ̀ à mɛ́ kũa ká. O lɛ́ o pɛ wánà zɛ̀, ɛ̃́ɛ̃́ pɛ́ ò bɛ̀i à mɔ̀ ó ɓɛ̀lɛyà nɔ à lɛ̀ɛ, e bɛ̀i, wɔ̃́ kpeĩ, ɛ̃́ɛ̃́ pɛ lɛ́ kɛɛ nyɛɛ̀ lɛ à mɔ̀ɔ, e bɛ̀i zeĩ́, pɛ lɛ́ à liì lɛɛò, ɛ̃́ɛ̃́ pɛ lɛ́ lɛ ɓɛ̀lɛ-ɓɛ̀lɛ zɛ̀ɛ káa.

1 Témɔ́tè 3:12

Lɛ à mɔ̀ gbũ̀-Wálà-mìà-mɔ̀ mì na é kɛ nɔ́ doó. Lɛ à mɔ̀ é là nɔ́ɔ̀ ɛ̃́ɛ̃́ e píé-kɛ́ì-mìà séĩ́ líé sí e yiè ká.

Tátɔ̀ 1:6

Ye lɛ́ e kélɛ̀, yékɛ̀ kɛɛ é kɛ mia dìè-dìè vɔ̀ dò mɔ̀. Laa mɔ̀ mi doó na é kɛ nɔ́ doó. Lɛ à mɔ̀ wà nɔ́ɔ̀ ó kɛ mia lɛ́ o zò dɔɔ̀ lɛ Wálà mɔ̀, lɛ́ mi gbɛɛ lɛ̀ɛ́ bɛ̀i à gèeè o wũ nyɛɛ̀ lɛ o mɔ̀, ɛ̃́ɛ̃́ o vɔɔ̀ lɛ o mìà nì kɔ̀ zìa ká.

Tátɔ̀ 2:2

À gèe gɔ̃à lɛ́ o i dàa nì káa lɛ̀ɛ ó o dìè kṹ tã́ã̀, ɛ̃́ɛ̃́ ó o líé dɔ wɔ̃́ kɛɛ̀ yí, e bɛ̀i, ó kɛ mia lɛ́ o gí kã́ã̀ lɛɛ ká. O mɛ́ è kɛ gágà zò-dɔ̀à-mɔ̀, e bɛ̀i, mia lɔ̀-kpɔ̀ o mɔ̀, ɛ̃́ɛ̃́ lò o líé wɔ̃́ kɛɛ̀ ká yí zàá.

Tátɔ̀ 2:7

I dìè bɛ̃̀ɛ̃, lɛ sɛ̀ í kɛ wɔ̃́ gɔ̃̀á ká yɛɓo yiè kɛɛ̀ ká, ɛ̃́ɛ̃́ wɔ̃́ séĩ́ yí. Pɛ́ ɓà zɔ̃̀ɔ̃̀ɔ, è kɛ pɛ lɛ́ è go i zò píéa ká, ɛ̃́ɛ̃́ ì i yɛ́lɛ́ kɛ à kɛ-wɔ̃̀ píé.