1 Témɔ́tè 3:2 - Wè-dɔ-wè Dɛɛ

² Zi lɛ́ Wálà-mìà líé-sí-mì áá kɛɛ̀áa, gɛ̃̀ e ké. Yékɛ̀ kɛɛ é kɛ à mɔ̀. Laa mɔ̀ à na é kɛ nɔ́ doó. Laa mɔ̀ é e dìè kṹ tã́ã̀. Lɛ sɛ̀ é e líé dɔ wɔ̃́ kɛɛ̀ yí, ɛ̃́ɛ̃́ zeĩ́ é wɔ̃́ kɛ e kpáá yí. Laa mɔ̀ é kɛ mí è lɔ̀ɔ̀-mìà wɔ̀lɔ̀ kpɔɔ ká. Laa mɔ̀ bɛ̀i é kɛ à mɔ̀ é pɛ zɔ̃̀ɔ̃̀.

1 Témɔ́tè 3:2 Iomraidhean Croise

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 1:6

O pèèlɛ o zì yìì‐kɔ̀ e kɛ kpeĩ Wálà lɛ̀ɛ. O wɔ̃́ séĩ́ lɛ́ ko Dàa‐mì à gèe ó kɛɛ, o kɛ à kɛ‐mìà ká. O o kɔ̀ kùnù à zì wɔ̃́ kɛ‐zì séĩ́ mɔ̀.

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 2:36

Dɔ̀‐Wálà‐lé‐là‐mì lee zɛ̀ lɛ́ ò si Ánàa e kɛ yí. Léé e kília e kɛ Fánùɛ̀, lɛ́ e kɛ Ásà sùu‐là‐mì káa lú ká. Léé e kília, e kɛ lee kpáà ká. À gɔ̃ síì e kɛá pɛ́lɛ̀. Wà e dɛ̃ o kɛ o kíe píé kɛ̀ɛ̀ sálápèèlɛ píé.

Wólómà 12:13

Kà gbũ̀-mɔ̀ nɔ ka ɓɛ́ĩ̀ Wálà-mìà lɛ́ lɛ o mɔ̀ ó gbũ̀-mɔ̀ sɔ̀lɔ̀ ɓoa lɛ̀ɛ. Kà kɛ lɔ̀ɔ̀-mìà wɔ̀lɔ̀-kpɔ́-mìà ká teele.

Fèlépĩ̀ã̀ 2:15

Kà kɛ kíli kɛ ká kɛ mia lɛ́ wɔ̃́ tóò wá o wĩĩ́, e bɛ̀i, mia lɛ́ kɛɛ wá o mɔ̀ɔ ká. Yé aà kɛ kília, káà lo kɛɛ̀ Wálà là nɔ́ɔ̀ lɛ́ o kpeĩ, lɛ́ o ɓe mia kɛ-pɛ̀ yɔɔ zɛ̀ lɛ́ o wá kpeĩa bàa ká. Káà lo lɛ̀ fɔ̀nɔɔ̀ o fĩ̀ã̀ lɛ̀ zí sĩ̀ã́ã̀ŋèlè è lɛ̀-fɔ̀nɔɔ̀ɔ nɔ à ká kpóṹ là zèe lɛ̀ɛ lɛ́ ɓe,

1 Témɔ́tè 3:12

Lɛ à mɔ̀ gbũ̀-Wálà-mìà-mɔ̀ mì na é kɛ nɔ́ doó. Lɛ à mɔ̀ é là nɔ́ɔ̀ ɛ̃́ɛ̃́ e píé-kɛ́ì-mìà séĩ́ líé sí e yiè ká.

1 Témɔ́tè 3:8

Zi nɔ́ doóa káa, lɛ à mɔ̀ gbũ̀-Wálà-mìà-mɔ̀ mìà bɛ̃̀ɛ̃ o sɔ̃̀ɔ̃ é kɛá sɛ̀. Yékɛ̀ o nanà é kɛ o lé pèèlɛ. Yékɛ̀ ó kɛ wã́ã́ĩ̀ là lùò ká. Yékɛ̀ pɛlèe sɔ̀lɔ̀ ɓò yɛ̀ì-yɛ́í ká mɔ́ɔ̀ fã̀ã́-wàà é kɛ o yí.

1 Témɔ́tè 4:3

Míá o kéa óò pɛ zɔ̃̀ɔ̃̀ wáà gèè kélɛ̀ mia wà o kíe nì síì lɛ wɔ̃́ yɔɔ ká. Ɛ́ɛ̃́ zeĩ́, lɛ yɔɔ kɛ ó léɓèlè sùu dò ɓèlè. Kɛɛ Wálà aà léɓèlè nì o kéa kɛ kɛɛ mia yé waà o zò dɔ à mɔ̀, ɛ̃́ɛ̃́ lɛ́ waà kɛ wánà-wɔ̃̀ɔ yí-dɔ-mìà káa, kɛ ó Wálà zúo gèe wáà ɓèlè.

1 Témɔ́tè 5:10

Ɛ́ɛ̃́ zeĩ́, lɛ à mɔ̀ é kɛ mi lɛ́ mia ò à tɔ́ yiè gèe à zì yɛɓo yiè kɛɛ̀ wɛ̃́ĩ̀a ká. È kɛ lee lɛ́ aà là nɔ́ɔ̀ tòlò o tòlò-zì káa ká, lɛ́ aà lɔ̀ɔ̀-mi wɔ̀lɔ̀ kpɔ́ do, ɛ̃́ɛ̃́ lɛ́ aà Wálà-mìà gã̀ mɛ́ pɛ́lɛ́, e bɛ̀i, aà gbũ mia lɛ́ o kɛ wɔ̃́ nyɔ́ɔ̀ɔ yía mɔ̀, ɛ̃́ɛ̃́ lɛ́ aà e dìè nɔ yɛɓo yiè séĩ́ kɛɛ̀ lɛ̀ɛ ká.

1 Témɔ́tè 5:22

Yékɛ̀ i yí é kɛ tíè-tíèe i kɔ̀ kpɔ̀ mi là Wálà là yɛɓo kɛɛ̀ mɔ́ɔ̀ wɔ̃̀ mɔ̀. Yékɛ̀ i kɔ̀ é kɛ kɛ-wɔ̃̀ yɔɔ lɛ́ mia gbɛɛ ò kɛ̀ɛ bà. Ì i dìè kṹ sɛ̀, yékɛ̀ kɛɛ é kɛ i mɔ̀.

1 Témɔ́tè 5:9

Yékɛ̀ í gã̀ã lee nɔ́ɔ fé tɔ́ bɛ̃̀ɛ̃ gã̀ã loà tɔ́ bà, yé à kɛ̀ɛ̀ wá vũ̀ sáláádoa ká. Ɛ́ɛ̃́ è kɛ lee lɛ́ à gɔ̃ síì kpolà aà kɛ doóa ká.

2 Témɔ́tè 2:24

Ye wá ko Dàa-mì là yɛɓo-kɛ-mì mɔ̀ kɛ é wéé dɔ. Lɛ à mɔ̀ à sɔ̃̀ɔ̃ é kɛ sɛ̀ mia séĩ́ ká. Lɛ à mɔ̀ é kɛ pɛ-zɔ̃̀ɔ̃̀-mì yiè lɛ́ zò-kũ̀-tã́ã̀ lɛ à kɛ̀lɛ̀ɛ ká.

Tátɔ̀ 2:2

À gèe gɔ̃à lɛ́ o i dàa nì káa lɛ̀ɛ ó o dìè kṹ tã́ã̀, ɛ̃́ɛ̃́ ó o líé dɔ wɔ̃́ kɛɛ̀ yí, e bɛ̀i, ó kɛ mia lɛ́ o gí kã́ã̀ lɛɛ ká. O mɛ́ è kɛ gágà zò-dɔ̀à-mɔ̀, e bɛ̀i, mia lɔ̀-kpɔ̀ o mɔ̀, ɛ̃́ɛ̃́ lò o líé wɔ̃́ kɛɛ̀ ká yí zàá.

Hííbúlù 13:2

Ka zò è vùò ka kɔ̀ yà lɔ̀ɔ̀-mìà wì wɔ̃̀ ká ka píé kɛ́ì. Mia dò wa kɛ kíli. O tóá kɛpìà, o o kɔ̀ yà Wálà là vɔ-mìà wì, kɛɛ òó gbaa à yí dɔ.

Hííbúlù 3:14

Ƃii kò Kɛ́lɛ̀ì nì ko doó wɔ̃́ séĩ́ yí yé kɔaà kùnù zò-dɔ̀à-mɔ̀ lɛ́ e kɛ ko kɛ̀lɛ̀ bèĩzɛ̀ɛ mɔ̀ kpɛ̃ĩ le, é tóá kíli é ɓɔá wɔ̃́ líé-nyɛpìàa ká.

1 Pílɛ̀ 4:7

Pɛ séĩ́ líé-nyɛ-lùò aà tó kɔ̀ɛ́. Laa mɔ̀ ká kɛ dìè-kũ̀-tã́ã̀ zɛ̀, ɛ̃́ɛ̃́ ká yà ka nyìɛ́, kɛ bɛ̀i é kɛ ka mɔ̀ káà sɛ̀nɛ ɓò.

1 Pílɛ̀ 4:9

Kà wɔ̀lɔ̀ nɔ̀ ka kíe nì lɛ̀ɛ mɛ́ dã́. Yékɛ̀ ká ka wè kpɔ́ à kɛɛ̀ yí.

1 Pílɛ̀ 5:8

Kà yà ka nyìɛ́, káà ka yɛ́lɛ́ kɛ̀ zuú. Mi lɛ́ è gèlè gɔ̃ ka ká, lɛ́ e kélɛ̀ Dɛ́ɓòa, lɛ lópìà tàá sí lɛ̀ wɔ̀ɔ́ù lɛ́ è lo gũ̀mɛá sí, áà mi nàà á ɓèlèa lɛ́ ɓe.