1 Témɔ́tè 3:16 - Wè-dɔ-wè Dɛɛ

¹⁶ Wɔ̃́ lɛ́ à gbɛ̃̀ɛ̃̀ lɛ ko zì gbìnì Wálà lɛ̀ɛ mɔ̀, lɛ́ à bĩ̀ĩĩ̀ e kɛáa, lɛ dóo wɔ̃́ kpànazɛ̀ ká. Ɛ́ɛ̃́ mi gbɛɛ lɛ̀ɛ́ bɛ̀i à tèé ɓoò. Wɔ̃́ e kília gɛ̃̀ e ké. E kɛ mi ká lɛ̀ lɛ́ e ɓɔ mia làa ká. Gɛ̀ɛ̀ Púlú a zɔ̃̀ɔ̃̀ mia lɛ̀ɛ kélɛ̀ lɛ wánà zɛ̀. Wálà là vɔ-mìà wa gɛ̃̀. O à wɔ̃̀ gèe sɛ́lɛ́ gbɛɛ̀ gbɛɛ yí píé. O à wɔ̃̀ gɛ̃̀ wánà ká kpóṹ là zèe. Ɛ́ɛ̃́ o ló à ká lɛ̀ fɔ̀nɔ-pìà lɛ́ e lɛ̀ía mɔ̀.

1 Témɔ́tè 3:16 Iomraidhean Croise

Máfìù 1:23

“Kà lɛ̀ gɛ̃̀, lee lɛ́ lɛ̀ɛ́ gɔ̃‐wɔ̃̀ yí dɔ nɛ́ɛ, lɛ́ɛ̀ lo e gí síì, tó e gɔ̃‐nɛ̀ doó ye. Óò lo nɛ́ e kília síì Imáyùɛ̀.” (À yí lɛ́ e kélɛ̀, Wálà lɛ ko píé.)

Máfìù 13:11

Zízɛ̀ a là nìɛ̀ weeá kélɛ̀, “Wɔ̃́ nì lɛ́ à bĩ̀ĩĩ̀ e kɛ à ká, lɛ́ à gbɛ̃̀ɛ̃̀ lɛ Wálà lɛ́ e lɛ̀ía là tò‐mia‐làa mɔ̀ɔ, à nɔɔ̀ lɛ gbaa ka lɛ̀ɛ, kɛ ká à dɔ. Kɛɛ à nɔɔ̀ wá nɛ́ o yee o lɛ̀ɛ.

Máfìù 28:2

Nɔ́ zá lea, tã́ã̀ e vĩ́ ɓo yí gbùò zɛ̀. Ko Dàa‐mì là vɔ‐mì doó e gó lɛ̀í, e nu tã́ã̀. E gɛ̀lɛ̀ɛ gìni‐gíní, e gó bṹa lé, e yà à là.

Máfìù 3:16

Lɛ̀ lɛ́ o nyɛ Zízɛ̀ bàtáì kɛɛ̀ mɔ̀ɔ, Zízɛ̀ e gó yíía bà. Ɛ́ɛ̃́ lɛ̀í lé ɓoò e kɛá à là. Ɛ́ɛ̃́ Zízɛ̀ e Wálà Gɛ̀ɛ̀ gɛ̃̀, áà nù tã́ã̀ kélɛ̀ tèŋè lɛ́ ɓe, áà yà à là.

Máfìù 4:11

Lɛ̀ e kɛ kília, Dɛ́ɓò e gó gbaa à mɔ̀. Wálà là vɔ‐mìà o nu gbaa, wáà gbũ̀ à mɔ̀.

WƆ̃́ LÀṸ YIÈ ZÍ MÁÀ E À BƐ̃̀Ɛ̃ À KÁA 1:13

E kɛ lɛ̀ e kília mɔ̀ lúó vũ̀ yììsɛ píé. Sétɔ̃̀ e kɛ à yí dã́pìà. Zízɛ̀ wà wìì vɔ̀ o kɛ lɛ̀ e kília mɔ̀, kɛɛ Wálà là vɔ-mìà zò e kɛ à píé.

WƆ̃́ LÀṸ YIÈ ZÍ MÁÀ E À BƐ̃̀Ɛ̃ À KÁA 16:19

Yé ko Dàa-mì Zízɛ̀ e nyɛ wèè o píé mɔ̀ɔ, Wálà a sí, e lóá lɛ̀í. Zízɛ̀ e yà Wálà kɔ̀ yiè yí lɛ̀ e lóa ká.

WƆ̃́ LÀṸ YIÈ ZÍ MÁÀ E À BƐ̃̀Ɛ̃ À KÁA 16:5

Lɛ̀ o wàà bṹa yía, o gɔ̃-nɛ̀fú doó gɛ̃̀. À yàà lɛ o kɔ̀ yiè yí, à mɛ́ síì e kɛá gbàà-wíì púlú ká. Túó e nu gbaa o là.

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 2:32

Lɛ lɛ̀‐fɔ̀nɔɔ̀ɔ lɛ́ lɛ ɓe kɛ é lɛ́ɛ́ ɓo ɓà zía là, tó sɛ́lɛ́ gbɛɛ yí‐mìà wáà gɛ̃̀ɛ ká, ɛ̃́ɛ̃́ kɛ é nu tɔ́‐ɓɔ ká ɓà mia nì, lɛ́ o Éézɛ̀lɛ̀‐mìà káa làa ká.”

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 20:44

Lɛ̀ gɛ̃̀, Dèɓé e à sí e Dàa‐mì. Lɛ́ɛ̀ dɔ kpɛɛ̀ lɛ́ à Dàa‐mì è kɛ̀ à gbe ká?”

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 22:43

Lɛ̀ e kɛ kília, Wálà là vɔ‐mì doó e gó lɛ̀í, e ɓíé à là, e à mɛ́ kɛ gágà.

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 24:4

O dɔɔ̀ e kɛá yi, tó wɔ̃́ lɛ́ à kɛɛ̀ e kɛáa, òó à yí ma. Nɔ́ zá lea, gɔ̃à pèèlɛ lɛ́ o mɛ́ síì e kɛá sɔ lɛ́ à nyìɛ è ɓɔ kpó‐kpó ɓoa yía káa, o ɓɔ o dɔ o sɔ́nɔ́.

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 24:51

Lɛ̀ e kɛ lúà kpɔ́pìà o mɔ̀ɔ, e e yí ɓo o mɔ̀.

Zɔ̃̀ɔ̃́ 1:14

Wééa e kɛ gbaa mi ɓéèe ká, ɛ̃́ɛ̃́ e e yàlà kṹ ko bà zèe. Ko à zì kɛ̀-kpànazɛ̀-kɔ̀ gɛ̃̀. À paà e kɛá zò-kɛ̀-sɛ̀ wà wánà-wɔ̃̀ ká. Kɛ̀-kpànazɛ̀ kɔ̀ e kília lɛ́ e kɛ kɛ̀-kpànazɛ̀-kɔ̀ lɛ́ e à sɔ̀lɔ̀ ɓo à kɛ̀ mia Dàa ɓɛ Gbe nɔ́ doó e à kɛ̀lɛ̀ɛ káa káa.

Zɔ̃̀ɔ̃́ 13:3

Zízɛ̀ e à yí dɔ kélɛ̀ mia Dàa aà pɛ séĩ́ kpɔ́ gbaa à kɔ̀ là. A yí dɔ kélɛ̀ e gó Wálà píé, ɛ̃́ɛ̃́ lɛ lópìà Wálà píé.

Zɔ̃̀ɔ̃́ 15:26

“Kɛɛ Gbũ̀-ka-mɔ̀-mì lɛ́ɛ̀ lo nuù. Ye lɛ́ e Gɛ̀ɛ̀ Púlú wánà zɛ̀ lɛ́ è go mia Dàa píéa káa. Lɛ́ɛ̀ lo góò mia Dàa píé, tó ma vɔ ka píé. À bɛ̃̀ɛ̃ lɛ́ɛ̀ lo m mɔ́ɔ̀ wɔ̃̀ gèeè.

Zɔ̃̀ɔ̃́ 16:28

M gó mia Dàa píé, ɛ̃́ɛ̃́ m nu kpóṹ là zèe. Kɛɛ dɛɛ káa, m gópìà kpóṹ là zèe, máà lò mia Dàa ɓɛ píé.”

Zɔ̃̀ɔ̃́ 17:5

M Dàa, ì m kɛ kpànazɛ̀ i wɛlɛ mɔ̀ gbaa kɛ̀-kpànazɛ̀-kɔ̀ nɔ́ doó lɛ́ e kɛ m kɛ̀lɛ̀ i píé yi, kɛ kpóṹ là kɛɛ̀ é tĩã́ kɛɛ̀ à káa ká.

Zɔ̃̀ɔ̃́ 20:12

E Wálà là vɔ-mìà pèèlɛ, lɛ́ sɔ púlú e kɛ o mɔ̀ɔ gɛ̃̀ yàá yi. O kɛ yàá lɛ̀ lɛ́ Zízɛ̀ bílí e kɛ yía mɔ̀. Mi doó-mì e kɛ yàá lɛ̀ lɛ́ à gã̀ vɔɔ̀ e kɛá yia mɔ̀, tó mi doó-mì bɛ̃̀ɛ̃ yàà lɛ à wũ vɔpìà.

Zɔ̃̀ɔ̃́ 6:62

Yé kaà Mi Gbe gɛ̃̀, tó áà lò lɛ̀í lɛ̀ lɛ́ e kɛ yí bèĩzɛ̀ɛ mɔ̀ɔ, zi sùu kpɛɛ̀ lɛ́ ka kpàáà è lo kɛɛ̀á?

Àpɔ́sɔ̀lɔ̀ 1:19

Mia séĩ́-séĩ́ lɛ́ o kɛ Zùlúsàlɛ̀ɛ, wa mɔ́ɔ̀ wɔ̃̀ yí dɔ. O zì pà-wè yí zàáa, tã́ã̀ e kília wa mɔ́ɔ̀ à tɔ́ kpɔ́ ɓo, wáà sì Akèdámà. À yí lɛ́ e kélɛ̀, “Tã́ã̀ Léà Zɛ̀.”)

Àpɔ́sɔ̀lɔ̀ 10:34

Pílɛ̀ e gbɛ̃̀ gbaa, áà gèè, “Ḿm̀ à yí kpó-kpó dɔ gbaa wánà ká kélɛ̀ Wálà lɛ̀ɛ́ mia bà ɓo.

Àpɔ́sɔ̀lɔ̀ 14:27

Lɛ̀ o ɓɔ Ã́téɔ̀ɔ, o Wálà-mìà o kɛ yía pá o kíe mɔ̀. O wɔ̃́ séĩ́ lɛ́ wà Wálà nì waà kɛ, ɛ̃́ɛ̃́ zi lɛ́ Wálà aà zi lé ɓo à ká kɛ sɛ́lɛ́ gbɛɛ yí-mìà ó tó à píé, kɛ ó o zò dɔ Zízɛ̀ mɔ̀ɔ, wɔ̃̀ gèe o lɛ̀ɛ.

Àpɔ́sɔ̀lɔ̀ 20:28

Kà ka yɛ́lɛ́ kɛ ka dìè mɔ̀, ɛ̃́ɛ̃́ kà ka yɛ́lɛ́ kɛ ɓáá vɔ̀ séĩ́ lɛ́ Gɛ̀ɛ̀ Púlú aà kpɔ́ ka kɔ̀ làa mɔ̀. Zi lɛ́ mi è e nyìɛ kɛ̀á là ɓáá vɔ̀ mɔ̀ɔ, kà ka nyìɛ kɛ à ká Wálà là mia nì séĩ́ lɛ́ aà o kɛ e dìè-tĩ́ là pɛ ká à dìè zì gbe léà kolo là zàáa mɔ̀.

Wólómà 10:12

Ƃii Zúù-mìà wà sɛ́lɛ́ gbɛɛ yí-mìà o nɔ́ doó. Ko Dàa-mì doó lɛ́ nɔ́ e o séĩ́ o Dàa-mì káa. Ɛ́ɛ̃́ à zì lúà kpɔ́ɔ̀ lɛ mia séĩ́ lɛ́ ò à súo kɛ̀ɛ mɔ̀ kpànazɛ̀.

Wólómà 10:18

Kɛɛ ḿm̀ wɛ̃́ĩ́-lɔ̀ɔ kɛ̀ kélɛ̀, òó à ma nɛ́? Ké, waà ma yee ɓo ɓii “O wéè aà ɓɔ kpóṹ là kɔ̀ pɔ̃́ũ̀ tɛ̃̀ɛ̃́ mɔ̀. Ɛ́ɛ̃́ o lé-wè aà ɓɔ sɛ́lɛ́ tèápìà séĩ́ mɔ̀.”

Wólómà 16:25

Kɔ̀à Wálà tɔ́ ɓɔ. Lɛ́ɛ̀ bɛ̀i à mɔ̀ é ka kɛ ká dɔ ka dɔ̀lɔ̀ mɔ̀ gágà lɛ̀ zí nɔ́ wɔ̃́ làṹ yiè lɛ́ m̀ gèea, ɛ̃́ɛ̃́ lòũ̀-ɓo-wè lɛ́ à gbɛ̃̀ɛ̃̀ lɛ Zízɛ̀ Kɛ́lɛ̀ì mɔ̀ɔ, à gèe à káa lɛ́ ɓe. Ɛ́ɛ̃́ lɛ nɔ́ zeĩ́ lɛ̀ wɔ̃́ lɛ́ mia òó gbaa kɛ à yí dɔpìà, ɓii à bĩ̀ĩĩ̀ e kɛá kɛ̀ɛ̀ búnù-búnùzɛ̀ lɛ́ aà diea píé, lɛ́ Wálà aà lɛ́ɛ́ ɓo gbaa làa, lɛ́ ɓe.

Wólómà 16:26

Kɛɛ wɔ̃́ e kília aà dà gbaa wáà-là kii lɛ́ dɔ̀-Wálà-lé-là-mìà wa bɛ̃̀ɛ̃ kolo là zàá. Ɛ́ɛ̃́ tòá-kíli Wálà zì wɔ̃́ gèè mia lɛ̀ɛ wáà kɛ̀ kolo là zàáa, sɛ́lɛ́ séĩ́-séĩ́ yí-mìà óò à wɔ̃̀ yí dɔ, kɛɛ zò-dɔ̀à-mɔ̀ é kɛ mia séĩ́-séĩ́ yí wáà Wálà wéè kɛ̀.

Wólómà 3:4

Gbàaò, lɛ̀ɛ́ bɛ̀i kɛɛ̀ gbɛɛ ɓo kíli. Kɛɛ mia séĩ́ ó kɛ bɛ̃̀ɛ̃ nɛ̀-mìà káa, Wálà yee è kɛ wánà zɛ̀. À bɛ̃̀ɛ̃ɛ̃̀ lɛ Wálà kii yí weeá kélɛ̀, “Yé ɓaà wɔ̃́ dò gèea, lɛ à mɔ̀ ó yí dɔ kélɛ̀ i wánà zɛ̀. Yé waà kɛ i mɛ̀ĩ̀ ɓopìàa, lɛ à mɔ̀ é li i mɔ̀.”

Wólómà 8:3

Pɛ́ Lɔ́ɔ̀ɔ lɛ̀ɛ́ gbaa bɛ̀i à mɔ̀ á kɛ ɓii mia gbĩ-kpàla yí lɛ́ɛ̀ gaa wɛ̃́ĩ̀a, Wálà a kɛ. E mɛ̀ĩ́-sà káá kɛ-wɔ̃̀ yɔɔ kɛ-wɔ̃̀ lɛ́ e mia gbĩ-kpàla yía wĩĩ́, à dìè-tĩ́ Gbe vɔ́ a ɓoa kolo là zàá. À Gbé e kília nú a ɓoa, à zì kɛ-kɔ̀ ɓɔɔ̀ e kɛá mia ɓéèe zì kɛ-wɔ̃̀ yɔɔ kɛ-kɔ̀ bà. E nu kɛ é kɛ-wɔ̃̀ yɔɔ kɛɛ̀ nyɛ tã́ã̀.

Wólómà 9:5

O dò o kɛ ko dàa ye dàà nì ká. Kɛ́lɛ̀ì kɛ̀ mi gbunu káa, wà ye nì o kɛ sɛ́lɛ́ doó yí-mìà ká. Wálà lɛ́ e pɛ séĩ́ wũ làa, lɛ à mɔ̀ ó à tɔ́ ɓɔ tòá kíli ká. É kɛ kíli.

1 Kɔ̀léĩ́tĩ̀ã̀ 15:47

O Ádã̀ yé e kɛ bèĩzɛ̀ɛ kɛ mùnú sɛ́lɛ́ ká. Kɛɛ Ádã̀ tò-ko-mɔ̀ zɛ̀ɛ, e gó Wálà pà.

1 Kɔ̀léĩ́tĩ̀ã̀ 2:7

Kɛɛ gíkã́ wɔ̃̀ lɛ́ m̀ gèea, lɛ Wálà zì gíkã́ lɛ́ lɛ́ɛ́ ɓoò lɛ̀ɛ́ gbaa kɛá làa ká. À bĩ̀ĩĩ̀ e kɛá mia mɔ̀. Lɛ gíkã́ wɔ̃̀ lɛ́ Wálà a yà mɔ́ e gé, kɛɛ kpóṹ là gã̀ é tĩã́ gbɛ̃̀ɛ ká, kɛɛ é nu ko zì lɛ̀-fɔ̀nɔ-kɔ̀ ká.

2 Kɔ̀léĩ́tĩ̀ã̀ 1:19

Ƃii Zízɛ̀ Kɛ́lɛ̀ì lɛ́ e Wálà Gbe ká, lɛ́ Sálɛ̀ e bɛ̀i Témɔ́tè, ɛ̃́ɛ̃́ ma, lɛ́ ko à wɔ̃̀ gèe ka fĩ̀ã̀ lòũ̀ káa, ye wá mí à wɔ̃̀ è bɛ̀i à mɔ̀ é kɛ “M̀m̀” wà “Gbàaò” o káa ká. Kɛɛ à ye lɛ́ nɔ́ e Wálà zì “M̀m̀” káa.

Gɛ̀lésìà 2:8

Ƃii Wálà là yíkɛ̀ gáàa lɛ́ a kɛ lɛ́ m kɛ àpɔ́sɔ̀lɔ̀ ká sɛ́lɛ́ gbɛɛ yí-mìà lɛ̀ɛ, zi nɔ́ doóa lɛ́ Wálà zì yíkɛ̀ gáàa e Pílɛ̀ kɛá àpɔ́sɔ̀lɔ̀ ká Zúù-mìà lɛ̀ɛ.

Gɛ̀lésìà 4:4

Kɛɛ lɛ̀ lɛ́ à lúó kpó-kpó e ɓɔɔ, Wálà e e Gbe vɔ. Lee e à ye nɛ́ ká. E kɛ Zúù-mìà wà Lɔ́ɔ̀ɔ wì,

Ìfísɔ̃̀ 1:9

Wálà e wɔ̃́ lɛ́ a yà e gé á kɛɛ kɛ. Wɔ̃́ lɛ́ a naa á kɛ, lɛ́ e kɛ tĩã́ bĩ̀ĩ̀pìà, lɛ́ aà yà e gé mɔ́ kɛ á kɛɛ̀ líé nyɛ Kɛ́lɛ̀ì yí zàáa, aà à kɛ, kɔaà à yí dɔ.

Ìfísɔ̃̀ 6:19

Ɛ́ɛ̃́ kà sɛ̀nɛ ɓo ma bɛ̃̀ɛ̃ m mɔ́ɔ̀ wɔ̃̀ mɔ̀ nɔ́ kíli, kɛɛ yé lúó aà ɓɔ à mɔ̀ kɛ ḿ wééa, é wɔ̃́ m̀ lo à gèeèa nɔ m lɛ̀ɛ, kɛɛ ḿ wɔ̃́ gèe nyìɛ gágà-lɛ̀ ká, kɛɛ ḿ à kɛ mia ó wɔ̃́ lɛ́ lɛ wɔ̃́ làṹ yièa yí, lɛ́ à bĩ̀ĩĩ̀ e kɛá bèĩzɛ̀ɛ, ó à dɔ.

Kɔ̀lɔ́sĩã̀ 1:23

Kɛɛ lɛ à mɔ̀ ká ló ka líé zò-dɔ̀à-mɔ̀ yí, ɛ̃́ɛ̃́ ka gã̀-gbɛ̃̀ɛ̃̀ é kɛá ka gã̀-gbɛ̃̀à-là gɛ̀lɛ̀ là kpɛ̃ĩ le. Yékɛ̀ ká tó ó ka ɓo ka dɔ̀lɔ̀ mɔ̀. Ka dɔ̀lɔ̀ e kília lɛ́ e kélɛ̀, ka zì zò-kɛ̀-pɛ-mɔ̀ lɛ́ ka sɔ̀lɔ̀ ɓo lɛ̀ lɛ́ ka wɔ̃́ làṹ yièa maa káa káa. Wɔ̃́ làṹ yiè e kíli lɛ́ waà à gèe mia séĩ́ lɛ̀ɛ kpóṹ là zèe lɛ̀ séĩ́ mɔ̀ɔ, lɛ́ ma Pɔ́ɔ̀ m yɛɓo-kɛ̀à-mɔ̀ mì káa.

Kɔ̀lɔ́sĩã̀ 1:27

Wɔ̃́ lɛ́ Wálà à nàà à káa, gɛ̃̀ e ké. Láà nàà é là wɔ̃́ lɛ́ à bĩ̀ĩĩ̀ e kɛáa, kɛ là mia nì ó dɔ. Wɔ̃́ kpànazɛ̀, e bɛ̀i là yiè zɛ̀ lɛ́ à bĩ̀ĩĩ̀ e kɛáa, lɛ sɛ́lɛ́ séĩ́ yí-mìà lɛ̀ɛ. Là wɔ̃́ lɛ́ à bĩ̀ĩĩ̀ e kɛá kília, lɛ́ e kélɛ̀, Kɛ́lɛ̀ì lɛ ka yí. Wɔ̃́ lɛ́ mi zò lɛ à mɔ̀ kɛ á kɛ é lɛ̀-fɔ̀nɔ-kɔ̀ sɔ̀lɔ̀ ɓoa, lɛ́ ɓɛ.

Kɔ̀lɔ́sĩã̀ 1:6

Wɔ̃́ làṹ yièa lɛ ɓapìà e ɓɛɛ yiè ká, ɛ̃́ɛ̃́ lɛ wɛ̃̀ĩpìà kpóṹ là zèe lɛ̀ séĩ́ mɔ̀, lɛ̀ zí nɔ́ aà kɛá ka fĩ̀ã̀a lɛ́ ɓe. À kɛɛ̀ lɛ kíli é kã́ lúó lɛ́ ka Wálà zì zò-kɛ̀-sɛ̀ wɔ̃̀ ma à ká, ɛ̃́ɛ̃́ lɛ́ ka zi lɛ́ lɛ à ká kpó-kpó ɓo é ɓɔá pɛ́nɛɛ mɔ̀ɔ, káà à dɔ̀.

Kɔ̀lɔ́sĩã̀ 2:2

Ḿm̀ kɛ̀ kíli kɛɛ ḿ fã̀ã́-wàà nɔ o zò lɛ̀ɛ, ɛ̃́ɛ̃́ kɛ ó nɔ̀ɔ̀ o kíe nì mɔ̀ lɔ̀-kɛ̀à-mɔ̀ yí, ɛ̃́ɛ̃́ kɛ o zì wɔ̃́-yí-dɔ̀ wánà ká lɛ́ wɔ̃́ yí-ma-kɔ̀ wánà zɛ̀ è nu à káa, kɛ é kɛ o yí gbùò. Yé aà kɛ kília, óò lo Wálà là wɔ̃́ lɛ́ à bĩ̀ĩĩ̀ e kɛáa dɔɔ̀. Wɔ̃́ e kília lɛ́ e Kɛ́lɛ̀ì dìè-tĩ́ káa.

2 Tɛsàlónìà 1:10

Lɛ́ɛ̀ lo kɛɛ̀ kíli yé ko Dàa-mì aà nu Lúó e kília ká, kɛ é tɔ́-ɓɔ sɔ̀lɔ̀ ɓo áà gò là mia nì séĩ́ kɛ̀lɛ̀, ɛ̃́ɛ̃́ kɛ zeĩ́ é ɓɛ̀lɛyà lɛ́ è go mia séĩ́ lɛ́ waà o zò dɔ à mɔ̀ɔ kɛ̀lɛ̀ɛ sɔ̀lɔ̀ ɓoa ká. Ka bɛ̃̀ɛ̃ káà lo kɛɛ̀ o dò ká, ɓii kaà wɔ̃́ lɛ́ kɔaà à gèe ka lɛ̀ɛ gɛ̃̀ wánà káa mɔ́ɔ̀ wɔ̃̀ mɔ̀.

2 Tɛsàlónìà 2:7

Wɔ̃́ yɔɔ kɛɛ̀ lɛ lópìà e líé dɛɛ ká. Kɛɛ à bĩ̀ĩĩ̀ lɛ tĩã́. Kɛɛ wɔ̃́ è lo kɛɛ̀ɛ, lɛ̀ɛ́ ló kɛɛ̀ nɛ́ yé mi lɛ́ è à tèa kɛɛ̀ mɔ̀ɔ lɛ̀ɛ́ gó nɛ́ zuúa ká.

1 Témɔ́tè 3:9

Lɛ o mɔ̀ ó kùnù zò-dɔ̀à-mɔ̀ wɔ̃̀ lɛ́ lɛ́ɛ́ aà ɓo à là ko lɛ̀ɛ mɔ̀ zò yiè là ká.

Hííbúlù 1:3

Wálà là lɛ̀-fɔ̀nɔ-kɔ̀ láà kɛ̀ tó à mɛ́ áà ɓɔ̀. Zi nɔ́ Wálà lɛ à ká kpó-kpó ɓoa, lɛ́ à Gbe bɛ̃̀ɛ̃ lɛ à káa. À Gbe e kília zì wéè lɛ́ yíkɛ̀ gáàa lɛ à yí ɓɛ, lɛ́ à kɛ̀ tó pɛ áà kɛ̀ ɓe teelea. Lɛ̀ e nyɛ mia ɓéèe ɓò o kɛ-wɔ̃̀ yɔɔ yí mɔ̀ɔ, e yà gbaa tã́ã̀ Wálà lɛ́ yíkɛ̀ gáàa séĩ́ lɛ à kɛ̀lɛ̀ɛ kɔ̀ yiè yí Wálà-pà.

Hííbúlù 12:2

Kɔ̀à kɔa nyìɛ sí, kɔ́á dɔ Zízɛ̀ lɛ́ ko zì zò-dɔ̀à-mɔ̀ zi è gbɛ̃̀ à là, tó à líé áà nyɛ̀ à làa mɔ̀. Lɛ̀ɛ́ gbaa kɔ̃́ wɔ̃́ mɔ̀ kɔ́lɔ́sìa mɔ́ɔ̀ wɔ̃̀ mɔ̀. Kɛɛ géli lɛ́ e kɛ yàá à gɛ̀nɛ̀ɛ mɔ́ɔ̀ wɔ̃̀ mɔ̀ɔ, à nyìɛ a mɔ́ɔ̀ fɔ̃́ ɓo yɛ́lɛ̀ lɛ́ e kɛ ga lɛ́ e kɛ à mɔ̀ á ɓo kɔ́lɔ́sì mɔ̀ɔ káa yí. Ɛ́ɛ̃́ à yàà lɛ gbaa Wálà kɔ̀ yiè yí là dɔ-táŋáná sɔ́nɔ́.

Hííbúlù 7:7

Òó bɛ̀i à mɔ̀ ó mi lɛ́ è lúà kpɔ mi mɔ̀ɔ kɛ̀ kpànazɛ̀ é diá mi ké yee è lúà kpɔ à mɔ̀ɔ là wɔ̃̀ tèé ɓoò.

Hííbúlù 8:1

Wɔ̃́ lɛ́ kò gèea wũ gɛ̃̀ e ké. Sálà-ɓò-Wálà-mɔ̀-mìà wũ-là-mì sùua dò lɛ ko kɛ̀lɛ̀. Lɛ yàá Wálà lɛ́ yíkɛ̀ gáàa séĩ́ lɛ à kɛ̀lɛ̀ɛ zì dɔ-táŋáná là à kɔ̀ yiè yí Wálà-pà.

1 Pílɛ̀ 1:12

Wálà e à zɔ̃̀ɔ̃̀ dɔ̀à-lé-là-mìà o kília lɛ̀ɛ kélɛ̀ yɛɓo lɛ́ o kɛ à kɛpìàa, lɛ̀ɛ́ gbaa kɛ o dìè mɔ́ɔ̀ wɔ̃̀ mɔ̀, kɛɛ ka mɔ́ɔ̀ wɔ̃̀ lɛ́ o kɛ à mɔ́ɔ̀ à kɛ ɓopìàa. O wɔ̃́ lɛ́ kaà wɔ̃̀ ma gbaa wɔ̃́ làṹ yièa gèe-mìà léa wɔ̃̀ gèe. Míá o kília o wɔ̃́ nì e kília gèe yíkɛ̀ gáàa lɛ́ è go Gɛ̀ɛ̀ Púlú lɛ́ è go lɛ̀ía kɛ̀lɛ̀ɛ kolo là. Wɔ̃́ nì e kéa Wálà là vɔ-mìà nì óò nàà kɛ ó à yí naa.

1 Pílɛ̀ 1:20

Wálà e à sí mɔ́ kɛɛ é tĩã́ kpóṹ là zèe kɛɛ̀. Ɛ́ɛ̃́ lɛ́ɛ́ ɓoò e kɛá à wɔ̃̀ là lúó léĩ́-tó-lùò lɛ́ ko à yía ká ka mɔ́ɔ̀ wɔ̃̀ mɔ̀.

1 Pílɛ̀ 1:21

Ka zò dɔɔ̀ lɛ Wálà lɛ́ e à wɛ̀lɛ̀ ga kɛ̀lɛ̀, ɛ̃́ɛ̃́ lɛ́ e lɛ̀-fɔ̀nɔ-kɔ̀ nɔ à lɛ̀ɛ mɔ̀ à kolo là zàá. À mɔ́ɔ̀ wɔ̃̀ mɔ̀ɔ, ka zì zò-dɔ̀à-mɔ̀ wà ka zì zò-kɛ̀-pɛ-mɔ̀ lɛ Wálà yí.

1 Pílɛ̀ 3:18

Ƃii Kɛ́lɛ̀ì dìè e ga ko mɔ́ɔ̀ wɔ̃̀ mɔ̀. E ga nɔ́ doó kɛ-wɔ̃̀ yɔɔ wɛ̃́ĩ̀. Gɔ̃ kpeĩ e kília, e ga mia lɛ́ o wá kpeĩa wɛ̃́ĩ̀, kɛɛ é nu ko ká Wálà píé. O à gbĩ-kpàla zɛ, kɛɛ à kɛɛ̀ e kɛá ɓe gɛ̀ɛ̀ yí zàá.

1 Pílɛ̀ 3:22

À lóò lɛ lɛ̀í, ɛ̃́ɛ̃́ lɛ Wálà kɔ̀ yiè yí zàá. Lɛ yí Wálà là vɔ-mìà séĩ́, e bɛ̀i mia wũ-là-mìà ɛ̃́ɛ̃́ yíkɛ̀ gáàa nì séĩ́ là.

1 Zɔ̃̀ɔ̃́ 1:2

Lɛ̀ lɛ́ kɛ̀ɓe e kéa e kɛ pɛ́ ò gɛ̃̀ɛ káa, kɔa gɛ̃̀. À mɔ́ɔ̀ wɔ̃̀ mɔ̀ɔ, kóò là kélá-wè ɓo, ɛ̃́ɛ̃́ tó kɔ́áà wɔ̃́ gèè ka lɛ̀ɛ áà gbɛ̃̀á kɛ̀ɓe wɔ́lɔ́-wɔ́lɔ́ lɛ́ e kɛ lɛ̀ lɛ́ ko Dàa lɛ yía mɔ̀, ɛ̃́ɛ̃́ lɛ́ à wɔ̃̀ kɛɛ̀ e kɛá e yí púlú zɛ̀ ká ko lɛ̀ɛ mɔ̀.

1 Zɔ̃̀ɔ̃́ 3:5

Káà yí dɔ kélɛ̀ Kɛ́lɛ̀ì e ɓíé mia là, kɛɛ é mia ɓéèe zì kɛ-wɔ̃̀ yɔɔ ɓo o mɔ̀. Ɛ́ɛ̃́ káà yí dɔ kélɛ̀ kɛ-wɔ̃̀ yɔɔ gbɛɛ wá à mɔ̀.

1 Zɔ̃̀ɔ̃́ 3:8

Mi nɔ́ɔ fé lɛ́ è lo líé kɛ-wɔ̃̀ yɔɔ kɛɛ̀ káa, kɛɛ lɛ Dɛ́ɓò là mi ká. Ƃii Dɛ́ɓò aà gbɛ̃̀ kɛ-wɔ̃̀ yɔɔ kɛɛ̀ ká wɔ̃́ gã̀-gbɛ̃̀pìàa mɔ́ɔ̀ wɔ̃̀ mɔ̀. Wálà Gbe e ɓíé mia là wɔ̃́ kpó-kpó e kéa mɔ́ɔ̀ wɔ̃̀ mɔ̀. Ye lɛ́ e kélɛ̀, kɛ é Dɛ́ɓò zì kɛ-yɛ̀ɓo yí sìè.

Wɛ̀lɛ̀vèlésɔ̃̀ 17:5

Tɔ́ lɛ́ à yí bĩ̀ĩĩ̀ e kɛáa bɛ̃̀ɛ̃ɛ̃̀ e kɛá à pelà. Tɔ́ e kília lɛ́ e kélɛ̀, “Bábɛ́lɔ́ũ̀ gbùò ɓɛ. Loà séĩ́ lɛ́ ò o dìè lɔ̀ɔ̀ dɔ, ɛ̃́ɛ̃́ mia lɛ́ ò wɔ̃́ yɔɔ̀ yɔɔ̀ lilì kṹã̀a zɛ̀ kɛ̀ kpóṹ là zèea, o lèe lɛ́ ɓɛ.”

Wɛ̀lɛ̀vèlésɔ̃̀ 17:7

Kɛɛ Wálà là vɔ-mìa a gèe m lɛ̀ɛ, “Mɛ́ e kɛ lɛ́ lé-pa sùua lɛ i mɔ̀? Ḿm̀ lo wɔ̃́ lɛ́ à gbɛ̃̀ɛ̃̀ lɛ lééa wà luú-wìì lɛ́ à wũ-kèlè lɛ sálápèèlɛ, ɛ̃́ɛ̃́ zeĩ́ lɛ́ à ɓé lɛ vũ̀ doóa lɛ́ è lo lééa káa mɔ̀, lɛ́ à bĩ̀ĩĩ̀ e kɛáa, ḿm̀ lo à gèeè i lɛ̀ɛ.

Wɛ̀lɛ̀vèlésɔ̃̀ 7:9

Lɛ̀ e kɛ kília m lɛ̀ gɛ̃̀. Lɛ̀ ma gɛ̃̀ɛ, m mia gbààlà gbùò zɛ̀ gɛ̃̀. Bɛ̀i lɛ̀ɛ́ gbaa kɛ mi dò mɔ̀ kɛ é o lóní. O gó mia kpóló kɛ-kɔ̀ gbɛɛ̀ gbɛɛ zɛ̀ séĩ́, e bɛ̀i síí séĩ́, ɛ̃́ɛ̃́ sɛ́lɛ́ gbɛɛ̀ gbɛɛ yí-mìà séĩ́, ɛ̃́ɛ̃́ zeĩ́ wè gbɛɛ̀ gbɛɛ gèe-mìà séĩ́ bà. O dɔ dɔ-táŋánáa wà Ƃáá nyɔ̀nɔ́ɔ wɛlɛ mɔ̀. Sɔ púlú dàaà e kɛá o mɔ̀. Tóṹ-lɛ́ɛ́ e kɛ o kɔ̀ lé píé,