1 Témɔ́tè 3:11 - Wè-dɔ-wè Dɛɛ

¹¹ Laa mɔ̀ o na nì bɛ̃̀ɛ̃ sɔ̃̀ɔ̃ é kɛ sɛ̀. Yékɛ̀ ó lùe ɓo. Lɛ à mɔ̀ ó o dìè kṹ tã́ã̀, ɛ̃́ɛ̃́ ó kɛ zò-dɔ̀à-mɔ̀ zɛ̀ wɔ̃́ séĩ́ kɛɛ̀ yí.

1 Témɔ́tè 3:11 Iomraidhean Croise

Máfìù 4:1

Lɛ̀ e kɛ kília, Gɛ̀ɛ̀ Púlú e Zízɛ̀ líé sí, e ló à ká yɛ̀í là, kɛɛ Dɛ́ɓò é à yí dã́ yi.

Zɔ̃̀ɔ̃́ 6:70

Zízɛ̀ a gèe kélɛ̀, “Ḿ gɔ̃̀, m ka vũ̀ doó wɛ́lɛ́ pèèlɛɛ sí? É kɛ bɛ̃̀ɛ̃ kília, ka doó-mì lɛ dɛ́ɓò ká.”

Wólómà 1:29

Kɛ-wɔ̃̀ yɔɔ doò do kɛɛ̀ diè lɛ o ká bé le. Óò sɔ̃̀ɔ̃ yɔɔ kɛ̀. Óò lɔ̀ kɛ̀ o ɓɛ́ĩ̀ gbɛɛ wà pɛ ká. O zò lɛ yɔɔ. Dàa-gbe là kɛɛ̀ diè lɛ o ká. Óò mi zɛ. O wéé zɛ̀. Óò kpàlà-kpálá kɛ̀. O sɔ̃̀ɔ̃ lɛ yɔɔ. O lùe zɛ̀.

1 Témɔ́tè 1:12

Ḿm̀ ko Dàa-mì Kɛ́lɛ̀ì Zízɛ̀ lɛ́ aà yíkɛ̀ gáàa nɔ m lɛ̀ɛ m̀ yɛɓoa kɛɛ̀ mɔ́ɔ̀ wɔ̃̀ mɔ̀ɔ zúo ɓo. Ḿm̀ à zúo ɓo m gɛ̃̀ a ɓo mi zò-dɔ̀à-mɔ̀ zɛ̀ ká, lɛ́ e m sí kɛ ḿ là yɛɓo kɛɛ mɔ́ɔ̀ wɔ̃̀ mɔ̀.

1 Témɔ́tè 3:2

Zi lɛ́ Wálà-mìà líé-sí-mì áá kɛɛ̀áa, gɛ̃̀ e ké. Yékɛ̀ kɛɛ é kɛ à mɔ̀. Laa mɔ̀ à na é kɛ nɔ́ doó. Laa mɔ̀ é e dìè kṹ tã́ã̀. Lɛ sɛ̀ é e líé dɔ wɔ̃́ kɛɛ̀ yí, ɛ̃́ɛ̃́ zeĩ́ é wɔ̃́ kɛ e kpáá yí. Laa mɔ̀ é kɛ mí è lɔ̀ɔ̀-mìà wɔ̀lɔ̀ kpɔɔ ká. Laa mɔ̀ bɛ̀i é kɛ à mɔ̀ é pɛ zɔ̃̀ɔ̃̀.

1 Témɔ́tè 6:2

Lùò lɛ́ à dàa-mì lɛ mí aà e zò dɔ Wálà mɔ̀ɔ káa, yékɛ̀ lùò e kília nyìɛ é fɔ̃́ à yí, ɓii à kɛ̀ à ɓɛ́ɛ Wálà mi ká mɔ́ɔ̀ wɔ̃̀ mɔ̀. Kɛɛ lɛ o mɔ̀ ó yɛɓo kɛ o dàa-mì lɛ̀ɛ kpó-kpó ɓo, ɓii mia lɛ́ ò gbũ̀-mɔ̀ sɔ̀lɔ̀ ɓo yɛɓo e kília kɛɛ̀ yía, o Wálà-mìà lɛ́ o lɔ̀ kpɔ́ɔ̀ lɛ wà lùò vɔ̀ mɔ̀ɔ ká. Ì wɔ̃́ nì e kéa zɔ̃̀ɔ̃̀ mia lɛ̀ɛ, ɓáà à gèè o lɛ̀ɛ wáà kɛ̀.

2 Témɔ́tè 3:3

Òó ló o nyìɛ dɔɔ̀ mia mɔ̀. Mia yéĩ́ lɛ̀ɛ́ ló kɛɛ̀ o mɔ̀. Óò lo mia tɔ́ yɔɔ gèeè. E bɛ̀i, óò lo kɛɛ̀ mia gana zɛ̀ ká. Óò lo kɛɛ̀ mia nyaàa zɛ̀ ká. Òó ló à naà wɔ̃́ yiè ká.

2 Témɔ́tè 4:5

Kɛɛ ì i yɛ́lɛ́ kɛ i dìè píé wɔ̃́ séĩ́ lɛ́ è lo kɛɛ̀ɛ kɛɛ̀ yí. Ì i zò kṹ tã́ã̀ wɔ̃́ nyɔ́ɔ̀ɔ gɛ̃̀ɛ̃ɛ̃̀ yí. Ì yɛɓo lɛ́ wɔ̃́ làṹ yièa gèe-mì à kɛ̀ɛ kɛ. Ì yɛɓo lɛ́ lɛ i mɔ̀ ɓá kɛɛ séĩ́ kɛ.

Tátɔ̀ 2:3

Zi nɔ́ doóa káa, ì à gèe loà dìè-dìè vɔ̀ɔ lɛ̀ɛ o zì wɔ̃́ kɛ-kɔ̀ é kɛ lɛ̀ mia lɛ́ o Wálà doó là mia nì káa, wáá wɔ̃́ kɛɛ̀áa lɛ́ ɓe. Yékɛ̀ ó kɛ mia tɔ́ yɔɔ gèe-mìà ká. Yékɛ̀ ó kɛ wã́ã́ĩ̀ là lùò ká. Lɛ o mɔ̀ ó wɔ̃́ lɛ́ lɛ sɛ̀ɛ zɔ̃̀ɔ̃̀ mia lɛ̀ɛ.

Tátɔ̀ 3:2

À gèe o lɛ̀ɛ yékɛ̀ ó wɔ̃́ yɔɔ gèe mi nɔ́ɔ fé gbĩ mɔ̀. Kɛɛ ò kɛ zò-kũ̀-gé mìà ká, ɛ̃́ɛ̃́ ó kɛ mia kpóló kpɔ̀ɔ mɔ̀ zɛ̀ ká. Ò à zɔ̃̀ɔ̃̀ mia séĩ́ lɛ̀ɛ kélɛ̀ óò o kpóló kpɔ o mɔ̀ wɔ̃́ kɛɛ̀ yí teele.

1 Pílɛ̀ 5:8

Kà yà ka nyìɛ́, káà ka yɛ́lɛ́ kɛ̀ zuú. Mi lɛ́ è gèlè gɔ̃ ka ká, lɛ́ e kélɛ̀ Dɛ́ɓòa, lɛ lópìà tàá sí lɛ̀ wɔ̀ɔ́ù lɛ́ è lo gũ̀mɛá sí, áà mi nàà á ɓèlèa lɛ́ ɓe.