1 Témɔ́tè 3:1 - Wè-dɔ-wè Dɛɛ

¹ Wɔ̃́ mia ò gèe e kéa lɛ wánà zɛ̀. Óò gèe kélɛ̀, é kɛ̀á mi dò láà nàà é Wálà-mìà líé-sí-yɛ̀ɓo kɛɛ, yɛɓo lɛ́ à nàà kília lɛ dóo yɛɓo yiè kpó-kpó ká.

1 Témɔ́tè 3:1 Iomraidhean Croise

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 15:10

Zi nɔ́ doóa káa, ḿm̀ gèe ka lɛ̀ɛ, Wálà là vɔ‐mìà óò géli kɛ̀ kɛ‐wɔ̃̀ yɔɔ kɛ‐mì doó lɛ́ è e sɔ̃̀ɔ̃ yɔɔ mɛ́ vɔ̀ɔ là.”

Àpɔ́sɔ̀lɔ̀ 1:20

“Ƃii à bɛ̃̀ɛ̃ɛ̃̀ lɛ Tã́-kiia yí kélɛ̀, ‘À zì píé kɛ́ì è tó fèle. Yékɛ̀ mi gbɛɛ é kɛ yí.’ Ɛ́ɛ̃́ à bɛ̃̀ɛ̃ɛ̃̀ lɛ zeĩ́ kélɛ̀, ‘Lɛ sɛ̀ ó mi gbɛɛ gbɛ̃̀ à dɔ̀lɔ̀ yí, kɛ é yɛɓo lɛ́ e kɛ à kɛpìàa kɛ.’

Àpɔ́sɔ̀lɔ̀ 20:28

Kà ka yɛ́lɛ́ kɛ ka dìè mɔ̀, ɛ̃́ɛ̃́ kà ka yɛ́lɛ́ kɛ ɓáá vɔ̀ séĩ́ lɛ́ Gɛ̀ɛ̀ Púlú aà kpɔ́ ka kɔ̀ làa mɔ̀. Zi lɛ́ mi è e nyìɛ kɛ̀á là ɓáá vɔ̀ mɔ̀ɔ, kà ka nyìɛ kɛ à ká Wálà là mia nì séĩ́ lɛ́ aà o kɛ e dìè-tĩ́ là pɛ ká à dìè zì gbe léà kolo là zàáa mɔ̀.

Wólómà 11:13

Wéé m̀ ɓoa, ḿm̀ ɓo gbaa sɛ́lɛ́ gbɛɛ yí-mìà ka lɛ̀ɛ. Yé nɔ́ m tĩã́ àpɔ́sɔ̀lɔ̀ ká sɛ́lɛ́ gbɛɛ yí-mìà lɛ̀ɛ, ḿm̀ lo m̀ yɛɓoa ɓɔ́-kpɔ́ yàà.

Ìfísɔ̃̀ 4:12

E wɔ̃́ e kília kɛ kɛɛ é Wálà-mìà pɛ̀ kɛ Wálà yɛ̀ɓo kɛɛ̀ mɔ́ɔ̀ wɔ̃̀ mɔ̀, kɛ Kɛ́lɛ̀ì gbĩ-kpàla mɛ́ é kɛ gágà.

Fèlépĩ̀ã̀ 1:1

Ma Pɔ́ɔ̀, kò Témɔ́tè lɛ́ ko Kɛ́lɛ̀ì Zízɛ̀ là yɛɓo-kɛ-mìà káa, kóò wèè Wálà-mìà séĩ́ lɛ́ ka Félépà yi, lɛ́ kà Kɛ́lɛ̀ì Zízɛ̀ nì ka doóa bà, ɛ̃́ɛ̃́ zeĩ́ kóò wèè mia lɛ́ ka Wálà-mìà líé-sí-mìà, e bɛ̀i, gbũ̀-Wálà-mìà-mɔ̀ mìà káa bà nɔ́ kíli.

1 Tɛsàlónìà 5:14

Ko lèe-gé vɔ̀, wɔ̃́ lɛ́ kò nàà ká kɛɛ, gɛ̃̀ e ké. Kà lìè-wè dɔ mia fíàa zɛ̀ lɛ̀ɛ. Kà mia lɛ́ yɛ́lɛ̀ è o kɛ̀ wɔ̃́ kɛɛ̀ yía, o kɛ o fã̀ã́ é wàà. Kà gbũ mia lɛ́ o mɛ́ wá gágàa mɔ̀. Kà ka zò kṹ ka gé mia séĩ́ kɛ-wɔ̃̀ ká.

1 Témɔ́tè 1:15

Wɔ̃́ mia ò gèea lɛ wɔ̃́ wánà zɛ̀ lɛ́ mi ì bɛ̀i à mɔ̀ í i kɔ̀ yà à wì zi séĩ́ ká, ɛ̃́ɛ̃́ ɓá gɛ̃̀ wánà káa ká. Ye lɛ́ e kélɛ̀, Kɛ́lɛ̀ì Zízɛ̀ e nu tã́ã̀ zèe kɛ é kɛ-wɔ̃̀ yɔɔ kɛ-mìà la. M kɛ-wɔ̃̀ yɔɔ kɛ-mìà beĩ ká.

1 Témɔ́tè 4:9

Wɔ̃́ mia ò gèea lɛ wɔ̃́ wánà zɛ̀ lɛ́ mi ì bɛ̀i à mɔ̀ í i kɔ̀ yà à wì zi séĩ́ ká, ɛ̃́ɛ̃́ ɓá gɛ̃̀ wánà káa ká.

2 Témɔ́tè 2:11

Wɔ̃́ mia ò gèe lɛ́ e kéa lɛ wánà zɛ̀. Óò gèe kélɛ̀, “É kɛ̀á kò ye nì ko gaa, kò ye nì kóò lo kɛɛ̀ ɓe nɔ́ kíli.

Tátɔ̀ 1:7

Yé Wálà-yɛ̀ɓo e kéa kpɔ́ɔ̀ lɛ Wálà-mìà líé-sí-mìà kɔ̀ làa, yékɛ̀ kɛɛ gbɛɛ é kɛ míá o kília mɔ̀. Yékɛ̀ ó kɛ dìè-nàà-ká-wɔ̃̀ kɛ-mìà ká. Yékɛ̀ ó kɛ míá o zò lɛ o kɛ̀lɛɛ̀ɛò, e bɛ̀i mia lɛ́ yɔ-yíí-mi wɔ̃̀ diè lɛ o zò káa ká. Yékɛ̀ ó kɛ mia gana zɛ̀ ká. Ɛ́ɛ̃́ yékɛ̀ pɛlèe sɔ̀lɔ̀ ɓò yɛ̀ì-yɛ́í ká mɔ́ɔ̀ fã̀ã́-wàà é kɛ o yí.

Tátɔ̀ 3:8

Wɔ̃́ nì e kília lɛ wɔ̃́ wánà zɛ̀ lɛ́ à gèeè lɛɛ ká. Ḿm̀ nàà í wɔ̃́ nì o kília gèe kpó-kpó ɓo, kɛɛ é à kɛ mia lɛ́ o zò dɔɔ̀ lɛ Wálà mɔ̀ɔ zò é kɛ yɛɓo yiè kɛɛ̀ mɔ̀. Wɔ̃́ e kília lɛ sɛ̀, ɛ̃́ɛ̃́ lɛ́ɛ̀ gbũ mia mɔ̀.

Hííbúlù 12:15

Kà ka yɛ́lɛ́ kɛ ka dìè píé, yékɛ̀ mi nɔ́ɔ fé é e ko gbɛ̃̀ Wálà zì zò-kɛ̀-sɛ̀ɛ mɔ̀. Kà ka yɛ́lɛ́ kɛ ka dìè píé yékɛ̀ mi nɔ́ɔ fé é kɛ ka bà, é kɛ lɛ̀ pɛ píní nyɔ́ɔ̀ɔ lɛ́ è ɓɔ tó áà e zì kɛ̀-nyɔ́ɔ̀ɔ-làa wɛ̃̀ĩ̀ e ɓɛ́ĩ̀ yí, tó áà wéé kã̀a lɛ́ ɓe.

1 Pílɛ̀ 2:25

Ka kɛ kélɛ̀ ɓáá vɔ̀ lɛ́ waà zi nia lɛ́ ɓe. Kɛɛ dɛɛ káa, ka nuù lɛ ka mɛ̀ĩ́ mi lɛ́ è e nyìɛ kɛ̀, ɛ̃́ɛ̃́ lɛ́ è e yɛ́lɛ́ yiè kɛ̀ ka gɛ̀ɛ̀ mɔ̀ɔ píé.

1 Pílɛ̀ 4:15

Kɛɛ yékɛ̀ ka dò nɔ́ɔ fé é kɛ wàa lɛ́ mi zɛ-mì, ɛ̃́ɛ̃́ kã̀ã-mì, e bɛ̀i wɔ̃́ yɔɔ kɛ-mì, ɛ̃́ɛ̃́ mí à lé lɛ̀ɛ́ yà tã́ã̀a, ò à ɓèlèa ɓèlè-mì ká.

1 Pílɛ̀ 5:2

ká ka nyìɛ kɛ ɓáá vɔ̀ lɛ́ Wálà aà kpɔ́ ka kɔ̀ làa mɔ̀. Kà kɛ zò-wèèà-mɔ̀ ká zi lɛ́ Wálà à nàà ká kɛáa ká. Yékɛ̀ ká kɛ zi lɛ́ yé ka zò lɛ̀ɛ́ wéé wɔ̃́ mɔ̀ɔ kà wɔ̃́ kɛ̀áa ká. Yékɛ̀ ká ka kɛ-yɛ̀ɓo kɛ pɛlèe doó wɛ̃́ĩ̀. Kɛɛ kà kɛ ɓii káà nàà ká yɛɓo kɛ mia mɔ̀ɔ mɔ́ɔ̀ wɔ̃̀ mɔ̀.