1 Témɔ́tè 2:8 - Wè-dɔ-wè Dɛɛ

⁸ Ḿm̀ nàà gɔ̃ã̀ lɛ́ o lɛ̀ séĩ́ mɔ̀ɔ ó sɛ̀nɛ ɓo. Gɔ̃ã̀ o kília, o mia lɛ́ waà o dìè nɔ Wálà lɛ̀ɛ, ɛ̃́ɛ̃́ lɛ́ bɛ̀i lɛ o mɔ̀ ó o kɔ̀ sí lɛ̀í sɛ̀nɛ ɓoò ká, tó òó sɛ̀nɛ e kília ɓo là-zɔ̃̀ɔ̃̀ wà wéé dɔɔ̀ káa káa.

1 Témɔ́tè 2:8 Iomraidhean Croise

Máfìù 21:21

Zízɛ̀ a gèe o lɛ̀ɛ, “Wánà‐wɔ̃̀ lɛ́ m̀ gèe ka lɛ̀ɛ ɓɛ. Zò‐dɔ̀à‐mɔ̀ é kɛá ka yí, lɛ́ zò pèèlɛ wá ka géa, bɛ̀i lɛ́ɛ̀ lo kɛɛ̀ ka mɔ̀ kɛ ká wɔ̃́ lɛ́ ma kɛ yílí e kéa káa kɛ. Ye wá bɛ̃̀ɛ̃ wɔ̃́ e kéa doó ká. Kɛɛ káà lo vɔ̀ à gèeè tɔ̃̀ũ̀ e kéa lɛ̀ɛ, ‘Wɛ̀lɛ̀ í ló, í i dìè dùò mɛ̀ĩ́ bà,’ tó áà ka wéè kɛ̀.

Máfìù 5:44

Kɛɛ ḿm̀ gèe ka lɛ̀ɛ, ka dàa‐gbe lɔ̀ è kpɔ́ ka mɔ̀. Ɛ́ɛ̃́ kà sɛ̀nɛ ɓo mia lɛ́ ò ka sã̀ dɔɔ mɔ́ɔ̀ wɔ̃̀ m̀ɔ,

Máfìù 6:12

Ì kã́ wɔ̃́ yɔɔ lɛ́ kɔaà kɛɛ mɔ̀, ɓá káá tã́ã̀, lɛ̀ zí kò kãá wɔ̃́ yɔɔ lɛ́ mia ò kɛ̀ ko káa mɔ̀, kɔ́áà kàà à ká tã́ã̀a lɛ́ ɓe.

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 23:34

Zízɛ̀ a gèe, “M Dàa, ì wɔ̃́ e kéa ɓo o wũ mɔ̀. Ƃii wɔ̃́ lɛ́ ò kɛ̀ɛ, òó à yí dɔ.” O gɔ̃‐pɛ̀ gɔ̃, kɛɛ ó sɔ yé ò lo lóò à ká píéa dɔɔ̀ sí à mɔ̀.

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 24:50

Lɛ̀ e kɛ kília, e gó o ká sɛ́lɛ́ e kília yí, e ló o ká vɔ̀ kélɛ̀ Bɛ́fénì. À lɛ̀ mɔ̀ lɛ́ e e kɔ̀ sí lɛ̀í yi, áà lúà kpɔ̀ o mɔ̀ɔ.

Zɔ̃̀ɔ̃́ 4:21

Zízɛ̀ a gèe à lɛ̀ɛ, “Lee, ì wɔ̃́ m̀ gèea gɛ̃̀ wánà ká. Ye lɛ́ e kélɛ̀, lúó lɛ́ mia òó ló gbiniì à ká mia Dàa lɛ̀ɛ tɔ̃̀ũ̀ e kéa mɔ̀, ɛ̃́ɛ̃́ Zùlúsàlɛ̀ɛ lɛ́ɛ̀ lo ɓɔɔ̀.

Àpɔ́sɔ̀lɔ̀ 10:2

Gɔ̃́ e kília e kɛ túópìà Wálà lɛ̀ɛ. Wà e píé-kɛ́ì-mìà séĩ́ o kɛ gbinipìà Wálà lɛ̀ɛ. E gbũ Zúù-mìà yé pɛ wá o kɛ̀lɛ̀ɛ mɔ̀ kpànazɛ̀. À zì sɛ̀nɛ ɓò Wálà lɛ̀ɛ fĩ̀ã̀ lɛ̀ɛ́ kɛ kã́pìà.

Àpɔ́sɔ̀lɔ̀ 10:31

áà gèè m lɛ̀ɛ, ‘Kɔ̀nélìà. Wálà aà ɓà sɛ̀nɛ-ɓo-wè ma, ɛ̃́ɛ̃́ à zò vùoò lɛ i zì gbũ̀-mia-mɔ̀ɔ ká.

Àpɔ́sɔ̀lɔ̀ 10:4

E lɛ̀ gɛ̃̀ à píé túó ká, áà gèè, “M dàa-mì, mɛ́ e kɛ?” Vɔ-mìà a là nìɛ̀ weeá kélɛ̀, “Wálà aà e kɔ̀ yà i zì sɛ̀nɛ, ɛ̃́ɛ̃́ i zì gbũ̀-mia-mɔ̀ɔ wì, ɛ̃́ɛ̃́ à zò vùoò lɛ i mɔ́ɔ̀ wɔ̃̀ ká.

Àpɔ́sɔ̀lɔ̀ 21:5

Kɛɛ lɛ̀ ko zì kɛ̀-o-píé lúó e nyɛɛ, ko gbɛ̃̀ zuú kó ló. Míáa wà o na nì, ɛ̃́ɛ̃́ wà nɔ́ɔ̀ nì o ko dɔ zuú é tóá kíli kó góá sɛ́lɛ́ e kília yí. Ko séĩ́-séĩ́ ko káá ko kpuò là mɛ̀ĩ́ kpóṹ là, kɔ́áà sɛ̀nɛ ɓò.

Àpɔ́sɔ̀lɔ̀ 7:60

Yé e kɛ kília, e káá e kpuò là, áà gbóó ɓò dóo gágà weeá kélɛ̀, “Ko Dàa-mì. Yékɛ̀ kɛ-wɔ̃̀ yɔɔ e kéa é tó i yɛ́lɛ́ píé o gbĩ mɔ̀.” Yé a gèe kília, à zò e kpɔ́ gbaa à mɔ̀.

1 Kɔ̀léĩ́tĩ̀ã̀ 1:2

kóò wèè Wálà-mìà lɛ́ ka Kɔ́lèĩ̀a bà. Ka Wálà là pɛ ká kà Kɛ́lɛ̀ì Zízɛ̀ nì ka kɛ̀ doó yí zàá. Wálà aà ka súo kɛ ká kɛ là mia nì ká. Mia séĩ́ lɛ́ o lɛ̀ séĩ́ mɔ̀, lɛ́ ò ko Dàa-mì Zízɛ̀ Kɛ́lɛ̀ì tɔ́ súo kɛ̀ɛ, aà kà ye nì ka súo kɛ e kíe là. Kɛ́lɛ̀ì lɛ o Dàa-mì ká, lɛ̀ zí lɛ à ká ko Dàa-mì káa, lɛ́ ɓe.

1 Kɔ̀léĩ́tĩ̀ã̀ 7:7

Ƃii ma mì máá à naà mia séĩ́ ó kɛ lɛ̀ ma lɛ́ ɓe. Kɛɛ nɔ̀-lɛ̀ɛ-pɛ̀ lɛ́ Wálà aà nɔ mia lɛ̀ɛ o tɔ́ là doò doa lɛ gbɛɛ̀ gbɛɛ̀. Wálà aà nɔ̀-lɛ̀ɛ-pɛ̀ sùu dò nɔ mi doó-mì lɛ̀ɛ, ɛ̃́ɛ̃́ aà gbɛɛ bɛ̃̀ɛ̃ nɔ mi dò lɛ̀ɛ zeĩ́.

2 Kɔ̀léĩ́tĩ̀ã̀ 2:14

Kɛɛ kɔ̀à Wálà zúo ɓo. Mia lɛ́ kò Kɛ́lɛ̀ì nì ko doóa, ko ɓɛ̀lɛ̀ yi kɔ́áà tò Kɛ́lɛ̀ì píé à zì kɔ̀-dìè-kɔ̀-là gbũ yí, tó Wálà áà líé sì ko ká teele. Wálà lɛ́ɛ̀ yɛɓo kɛ̀ ko ká, tó áà kɛ̀ wɔ̃́ yí-dɔ-kɔ̀ lɛ́ à gbɛ̃̀ɛ̃̀ lɛ Kɛ́lɛ̀ì mɔ̀ɔ, áà wɛ̃̀ĩ̀ lɛ̀ séĩ́ mɔ̀, lɛ̀ pɛ gĩĩ yiè zɛ̀ lɛ́ à gĩĩ è wɛ̃̀ĩa lɛ́ ɓe.

Fèlépĩ̀ã̀ 1:12

M lèe-gé vɔ̀, ḿm̀ nàà ká wɔ̃́ e kéa yí dɔ. Ye lɛ́ e kélɛ̀, wɔ̃́ lɛ́ aà kɛ m káa, lɛ́ɛ̀ gbũ dìè ɓo wɔ̃́ làṹ yièa lò líé mɔ̀.

1 Tɛsàlónìà 1:8

Ƃii ko Dàa-mì là wééa e gó ka kɛ̀lɛ̀ áà wɛ̃̀ĩ̀. Lɛ̀ɛ́ gbaa wɛ̃̀ĩ nɔ́ ɓɔ̀ɔ Masèdónà wà Àkéyà doó mɔ̀, kɛɛ ka zì zò-dɔ̀ Wálà mɔ̀ mɛ̃̀ĩ̀ aà wɛ̃̀ĩ sɛ́lɛ́ séĩ́ yí nɔ́ kíli. Yé lɛ kília, wɔ̃́ gbɛɛ wá ɓe kɛ kó gèe gbaa.

1 Témɔ́tè 5:14

À mɔ́ɔ̀ wɔ̃̀ mɔ̀ɔ, ḿm̀ lo à naà kɛɛ gã̀ã loà dɛɛ dɛɛ ó gɔ̃ sí ó nɛ́ ye, e bɛ̀i, ó o yɛ́lɛ́ kɛ o píé kɛ́ì mɔ̀, yékɛ̀ ó lúó nɔ ko dàa-gbe lɛ̀ɛ kɛ ó mɛ́ĩ́ yɔɔ ɓo ko gbĩ mɔ̀.

Tátɔ̀ 3:8

Wɔ̃́ nì e kília lɛ wɔ̃́ wánà zɛ̀ lɛ́ à gèeè lɛɛ ká. Ḿm̀ nàà í wɔ̃́ nì o kília gèe kpó-kpó ɓo, kɛɛ é à kɛ mia lɛ́ o zò dɔɔ̀ lɛ Wálà mɔ̀ɔ zò é kɛ yɛɓo yiè kɛɛ̀ mɔ̀. Wɔ̃́ e kília lɛ sɛ̀, ɛ̃́ɛ̃́ lɛ́ɛ̀ gbũ mia mɔ̀.

Hííbúlù 10:22

À mɔ́ɔ̀ wɔ̃̀ mɔ̀ɔ, kɔ̀à nu Wálà ká kɔ̀ɛ́ zò yiè wà zò-dɔ̀à-mɔ̀ wánà zɛ̀ ká. Kɔ̀à nu à ká kɔ̀ɛ́ zò lɛ́ waà léà wɛ̃̀ĩ à là, lɛ́ lɛ̀ɛ́ mɛ̀ mi mɔ̀ gbaa, ɛ̃́ɛ̃́ gbĩ-kpàla lɛ́ à mɛ́ pɛ́lɛ̀ lɛ yíí zéŋé-zèŋè káa ká.

Zĩ́ĩ̀ 4:8

Kà nu Wálà ká kɔ̀ɛ́. Ká kɛ̀á kília, lɛ́ɛ̀ lo nuù ka bɛ̃̀ɛ̃ ka ká kɔ̀ɛ́. Kɛ-wɔ̃̀ yɔɔ kɛ-mìà ka ké ɓɛ, kà ka kɔ̀ pɛ́lɛ́. Mia lɛ́ ka yɛ́lɛ́-táá kpolà lɛ pèèlɛ ɓɛ, kà ka zò píé kɛ é kɛ púlú.

1 Pílɛ̀ 3:7

Lee-sí-gɔ̃̀à ka bɛ̃̀ɛ̃, lɛ̀ kà ka na nì ka tĩã́ ka kíe píéa, lɛ ka mɔ̀ ká à yí dɔ kélɛ̀ ka mɛ́ lɛ gágà é diá o là. À mɔ́ɔ̀ wɔ̃̀ mɔ̀ɔ, kà ɓɛ̀lɛyà nɔ o lɛ̀ɛ, ɓii kà ye nì káà lo Wálà zì nɔ̀-lɛ̀ɛ-pɛ̀ lɛ́ e kɛ̀ɓe káa, sɔ̀lɔ̀ ɓoò e kíe ká. Kà wɔ̃́ e kéa kɛ, yékɛ̀ wɔ̃́ nɔ́ɔ fé é kà sɛ̀nɛ kà ɓoa tèá.