1 Témɔ́tè 2:7 - Wè-dɔ-wè Dɛɛ

⁷ Wɔ̃́ e kéa lɛ́ Wálà a mɔ́ɔ̀ m vɔ ɓo àpɔ́sɔ̀lɔ̀ ɛ̃́ɛ̃́ pɛ-zɔ̃̀ɔ̃̀-mì ká sɛ́lɛ́ gbɛɛ yí-mìà píé, kɛ ḿ zò-dɔ̀à-mɔ̀ wɔ̃̀ wà wánà-wɔ̃̀ɔ gèe lòũ̀ káa. Ma wá nɛ̀ kɛpìà i lɛ̀ɛ. Lɛ wánà-wɔ̃̀ ká lɛ́ m̀ gèea.

1 Témɔ́tè 2:7 Iomraidhean Croise

Zɔ̃̀ɔ̃́ 7:35

Zúù-mìàa wa gèe o kíe nì lɛ̀ɛ kélɛ̀, “Mɛ́ɛ lɛ́ è lo lóò yi e ké, lɛ́ kòó ló à gɛ̃̀ɛ̃̀ ɓɛ? Ɛ́ɛ̃́ lɛ́ɛ̀ lo lóò Gílíì-mìà pà lɛ̀ yé lɛ́ Zúù-mìà o yía mɔ̀, áà pɛ zɔ̃̀ɔ̃̀ Gílíì-mìà lɛ̀ɛ?

Àpɔ́sɔ̀lɔ̀ 14:27

Lɛ̀ o ɓɔ Ã́téɔ̀ɔ, o Wálà-mìà o kɛ yía pá o kíe mɔ̀. O wɔ̃́ séĩ́ lɛ́ wà Wálà nì waà kɛ, ɛ̃́ɛ̃́ zi lɛ́ Wálà aà zi lé ɓo à ká kɛ sɛ́lɛ́ gbɛɛ yí-mìà ó tó à píé, kɛ ó o zò dɔ Zízɛ̀ mɔ̀ɔ, wɔ̃̀ gèe o lɛ̀ɛ.

Àpɔ́sɔ̀lɔ̀ 22:21

Ko Dàa-mì a gèe m lɛ̀ɛ, ‘Ì lo. Ƃii ḿm̀ lo i vɔɔ̀ gbèkèni sɛ́lɛ́ gbɛɛ yí-mìà kɔ́ɛ́í.’ ”

Àpɔ́sɔ̀lɔ̀ 26:20

Kɛɛ m wɔ̃́ gèe mia lɛ̀ɛ Dùmásà bèĩzɛ̀. Lɛ̀ m gó yia, ma dò gèe Zùlúsàlɛ̀, ɛ̃́ɛ̃́ Zúù-mìà pà lɛ̀ séĩ́ mɔ̀, e bɛ̀i, sɛ́lɛ́ gbɛɛ yí-mìà fĩ̀ã̀. M kɛ à gèepìà o lɛ̀ɛ kélɛ̀, lɛ o mɔ̀ ó o sɔ̃̀ɔ̃ yɔɔ mɛ́ vɔ̀ɔ, ó nìɛ̀ Wálà píé, ɛ̃́ɛ̃́ ó wɔ̃́ lɛ́ è lo à zɔ̃̀ɔ̃̀ kélɛ̀ waà o sɔ̃̀ɔ̃ yɔɔ mɛ́ vɔ̀ɔ, ó à kɛ.

Àpɔ́sɔ̀lɔ̀ 9:15

Ko Dàa-mì a gèe à lɛ̀ɛ, “Ì lo. Ƃii maà sí, kɛ é yɛɓo kɛ m lɛ̀ɛ, kɛ é sɛ́lɛ́ gbɛɛ yí-mìà wà sɛ́lɛ́ líé-sí-mìà, ɛ̃́ɛ̃́ Éézɛ̀lɛ̀-mìà o kɛ, kɛ ó m tɔ́ dɔ.

Wólómà 1:9

Wálà lɛ́ m zò è wèè à mɔ̀ ḿ yɛɓo kɛ à lɛ̀ɛ wɔ̃́ làṹ yièa gèeè ká é gbɛ̃̀á à Gbe mɔ̀ɔ, lɛ́ e m kélá káa. Láà yí dɔ kélɛ̀ m zò lɛ́ɛ̀ vùò ka ká teele lúó nɔ́ɔ fé lɛ́ m̀ sɛ̀nɛ ɓo à káa ká.

Wólómà 10:14

Kɛɛ zi sùu kpɛɛ̀ lɛ́ ò bɛ̀i à mɔ̀ ó à súo kɛ à ká, yé òó o zò dɔ nɛ́ à mɔ̀ɔ ká? Ɛ́ɛ̃́ óò lo o zò dɔɔ̀ à mɔ̀ kpɛ yé òó à mɔ́ɔ̀ wɔ̃̀ ma nɛ́ɛ ká? Ɛ́ɛ̃́ óò lo à maà kpɛ yé mi làá gèe nɛ́ lòũ̀ káa ká?

Wólómà 11:13

Wéé m̀ ɓoa, ḿm̀ ɓo gbaa sɛ́lɛ́ gbɛɛ yí-mìà ka lɛ̀ɛ. Yé nɔ́ m tĩã́ àpɔ́sɔ̀lɔ̀ ká sɛ́lɛ́ gbɛɛ yí-mìà lɛ̀ɛ, ḿm̀ lo m̀ yɛɓoa ɓɔ́-kpɔ́ yàà.

Wólómà 15:16

Wɔ̃́ yiè e kília lɛ́ e tɔ́ m kɛ́ a ɓo Kɛ́lɛ̀ì Zízɛ̀ là yɛɓo-kɛ-mì ká, máà lò yɛɓo kɛ̀á sí sɛ́lɛ́ gbɛɛ yí-mìà lɛ̀ɛ ká. Ḿm̀ yɛɓo kɛ̀ lɛ̀ sálà-ɓò-Wálà-mɔ̀-mìà lɛ́ ɓe wɔ̃́ làṹ yiè lɛ́ è go Wálà píéa gèeè ká, kɛɛ á kɛ sɛ́lɛ́ gbɛɛ yí-mìà ó kɛ sálà-ɓo-pɛ̀ lɛ́ Wálà è bɛ̀i à mɔ̀ á naa à káa ká, kɛ ó kɛ à doó là mia nì ká Gɛ̀ɛ̀ Púlú kɔ̀ yí zàá.

Wólómà 9:1

Wánà-wɔ̃̀ lɛ́ m̀ gèe ɓɛ. M Kɛ́lɛ̀ì là mi ká. M̀ḿ nɛ̀ kɛ. Gíkã́ lɛ́ Wálà zì Gɛ̀ɛ̀ Púlú à dà m zò píéa, lɛ́ɛ̀ m̀ kélá-wè ɓo áà zɔ̃̀ɔ̃̀ m lɛ̀ɛ kélɛ̀ wánà-wɔ̃̀ lɛ́ m̀ gèea.

1 Kɔ̀léĩ́tĩ̀ã̀ 9:1

Ḿ gɔ̃̀, yíkɛ̀ gáàa wá m kɛ̀lɛ̀? Ma wá àpɔ́sɔ̀lɔ̀ ká? Ḿ gɔ̃̀, maà Zízɛ̀ lɛ́ e kɔa Dàa-mì káa gɛ̃̀? Yɛɓo lɛ́ m̀ kɛ̀ ko Dàa-mì lɛ̀ɛ, ḿ gɔ̃̀, ka lɛ́ m ka gɛ̃̀ yɛɓo e kília kɛɛ̀ kolo làa?

2 Kɔ̀léĩ́tĩ̀ã̀ 11:31

Wálà lɛ́ e ko Dàa-mì Zízɛ̀ Dàa ká, lɛ́ mia ò lo à tɔ́ ɓɔɔ̀ wɔ́lɔ́-wɔ́lɔ́ káa, láà yí dɔ kélɛ̀ ma wá nɛ̀ kɛpìà.

Gɛ̀lésìà 1:16

kɛ é e Gbe zɔ̃̀ɔ̃̀ m lɛ̀ɛ, kɛ ḿ wɔ̃́ làṹ yiè lɛ́ à gbɛ̃̀ɛ̃̀ lɛ à mɔ̀ɔ gèe sɛ́lɛ́ gbɛɛ yí-mìà lɛ̀ɛ, m̀ḿ gbaa ló mi dò nɔ́ɔ fé píé kɛ kò ye kó ko wũ dũ à mɔ́ɔ̀ wɔ̃̀ ká.

Gɛ̀lésìà 1:20

Pɛ́ m̀ bɛ̃̀ɛ̃ lɛ wánà zɛ̀. É kɛ̀á nɛ̀ lɛ́ m̀ kɛ̀ɛ, Wálà lɛ́ɛ̀ à yí dɔ.

Gɛ̀lésìà 2:16

Kɛɛ kóò à yí dɔ kélɛ̀ pɛ́ è mi kɛ̀ kpeĩ Wálà lɛ̀ɛ lɛ́ e zò-dɔ̀ Zízɛ̀ Kɛ́lɛ̀ì mɔ̀ doó káa. Ye wá wɔ̃́ lɛ́ Lɔ́ɔ̀ɔ à gèea kɛɛ̀ ká. Ko vɔ̀ɔ kɔaà ko zò dɔ Kɛ́lɛ̀ì Zízɛ̀ mɔ̀, kɛ ko kɛɛ̀ é kɛá kpeĩ Wálà lɛ̀ɛ ko zì zò-dɔ̀ Kɛ́lɛ̀ì mɔ̀ kolo là zàá. Kɛɛ ye wá wɔ̃́ lɛ́ Lɔ́ɔ̀ɔ à gèea kɛɛ̀ ká. Ƃii mi gbɛɛ kɛɛ̀ wá kpeĩ Wálà lɛ̀ɛ wɔ̃́ lɛ́ Lɔ́ɔ̀ɔ à gèea kɛɛ̀ kolo là.

Gɛ̀lésìà 2:9

Zĩ́ĩ̀, Pílɛ̀, e bɛ̀i Zɔ̃̀ɔ̃́ lɛ́ o o gɛ̃̀ mia kpànazɛ̀ káa, o à yí dɔ gbaa kélɛ̀ Wálà aà yɛɓo lé paàa zɛ̀ sùua nɔ m lɛ̀ɛ ḿ kɛ. Lɛ̀ e kɛ kília, o wéà kɛ kò Bánábà ko ká. Wa gèe kélɛ̀ kò ye nì ko yɛɓo doó kɛ-mìà ká kɛ kó yɛɓo kɛá sɛ́lɛ́ gbɛɛ yí-mìà bà, ɛ̃́ɛ̃́ kɛ o bɛ̃̀ɛ̃ ó yɛɓo kɛ Zúù-mìà bà.

Gɛ̀lésìà 3:9

Zò-dɔ̀à-mɔ̀ e kɛ Éɓɔ́lɔ́hã́ã̀ yí. Lúà kpɔ́ɔ̀ e kɛá à mɔ̀. À mɔ́ɔ̀ wɔ̃̀ mɔ̀ɔ, mia séĩ́ lɛ́ zò-dɔ̀à-mɔ̀ lɛ o yía, lúà kpɔ́ɔ̀ lɛ o mɔ̀ lɛ̀ zí e kɛ à ká à mɔ̀ɔ lɛ́ ɓe.

2 Témɔ́tè 1:11

Wálà aà m sí àpɔ́sɔ̀lɔ̀ wà pɛ-zɔ̃̀ɔ̃̀-mì ká, kɛɛ ḿ wɔ̃́ làṹ yièa gèe lòũ̀ ká.

2 Pílɛ̀ 2:5

Ɛ́ɛ̃́ Wálà lɛ̀ɛ́ gbaa kpóṹ là yé e kɛ mɔ́ ɓea yéĩ̀ kṹ. Kɛɛ e à kɛ yíí e pa kpóṹ-là-mìà lɛ́ òó gbaa à sɔ̃̀ɔ̃ kɛɛ là. Mia nɔ́ e o laa lɛ́ e kɛ Nóà, lɛ́ è kɛ̀-kpeĩ-kɔ̀ wɔ̃̀ gèea, é dàá mia sálápèèlɛ bàa káa.