1 Témɔ́tè 2:6 - Wè-dɔ-wè Dɛɛ

⁶ E e dìè nɔ kɛ é mia séĩ́ wũ mɛ́ ɓo. À dìè nɔ́ a ɓo kília, ye lɛ́ e kɛ kélá-wè lɛ́ à zɔ̃̀ɔ̃̀ e kɛá mia lɛ̀ɛ e lúó kpó-kpó káa káa.

1 Témɔ́tè 2:6 Iomraidhean Croise

Máfìù 20:28

Lɛ à mɔ̀ é kɛ lɛ̀ Mi Gbe lɛ́ ɓe. Lɛ̀ɛ́ gbaa nu zèe kɛɛ mi é yɛɓo kɛ à mɔ̀. Kɛɛ e nu é yɛɓo kɛ mi mɔ̀, ɛ̃́ɛ̃́ é e zì kɛ̀ɓe nɔ, kɛ é mia búnùzɛ̀ ɓo wɔ̃́ yɔɔ yí.”

WƆ̃́ LÀṸ YIÈ ZÍ MÁÀ E À BƐ̃̀Ɛ̃ À KÁA 1:15

Áà gèè, “Lúó aà ɓɔ. Wálà zì tò-mia-là lùò aà ɓɔ kɔ̀ɛ́. Kà ka sɔ̃̀ɔ̃ yɔɔ mɛ́ vɔ̀ɔ, ká wɔ̃́ làṹ yièa gɛ̃̀ wánà ká.”

WƆ̃́ LÀṸ YIÈ ZÍ MÁÀ E À BƐ̃̀Ɛ̃ À KÁA 10:45

Ƃii é kɛ bɛ̃̀ɛ̃ Mi Gbe káa, lɛ̀ɛ́ gbaa nu zèe kɛɛ mi é yɛɓo kɛ à mɔ̀. Kɛɛ e nu é yɛɓo kɛ mi mɔ̀, ɛ̃́ɛ̃́ é e zì kɛ̀ɓe nɔ, kɛ é mia búnùzɛ̀ ɓo wɔ̃́ yɔɔ yí.”

Zɔ̃̀ɔ̃́ 6:51

Ma lɛ́ m belè ɓéèe lɛ́ e gó lɛ̀ía káa. Yé mi nɔ́ɔ fé aà belè e kéa ɓèlèa, lɛ́ɛ̀ lo kɛɛ̀ ɓe tòá-kíli ká. Belè lɛ́ m̀ lo à nɔɔ̀ à lɛ̀ɛ, lɛ́ e m nɔ̀ɛ káa. Ḿm̀ à nɔ, kɛɛ kpóṹ-là-mìà ó kɛ ɓe.”

Wólómà 16:26

Kɛɛ wɔ̃́ e kília aà dà gbaa wáà-là kii lɛ́ dɔ̀-Wálà-lé-là-mìà wa bɛ̃̀ɛ̃ kolo là zàá. Ɛ́ɛ̃́ tòá-kíli Wálà zì wɔ̃́ gèè mia lɛ̀ɛ wáà kɛ̀ kolo là zàáa, sɛ́lɛ́ séĩ́-séĩ́ yí-mìà óò à wɔ̃̀ yí dɔ, kɛɛ zò-dɔ̀à-mɔ̀ é kɛ mia séĩ́-séĩ́ yí wáà Wálà wéè kɛ̀.

Wólómà 5:6

Ƃii lɛ̀ lɛ́ yíkɛ̀ gáàa gbɛɛ lɛ̀ɛ́ gbaa kɛ nɛ́ ko yía, Kɛ́lɛ̀ì e ga mia lɛ́ ò wɔ̃́ yɔɔ kɛ̀ Wálà gbĩ mɔ̀ɔ wɛ̃́ĩ̀, lɛ̀ à lúó kpó-kpó e ɓɔɔ ká.

1 Kɔ̀léĩ́tĩ̀ã̀ 1:6

Kélá-wè lɛ́ à gbɛ̃̀ɛ̃̀ lɛ Kɛ́lɛ̀ì mɔ̀ɔ, à yàlà kṹũ̀ lɛ dóo ka yí kpó-kpó ɓo.

2 Kɔ̀léĩ́tĩ̀ã̀ 5:21

Kɛ́lɛ̀ì lɛ̀ɛ́ gbaa kɛ-wɔ̃̀ yɔɔ nɔ́ɔ fé dò kɛ gbɛɛ ɓo. Kɛɛ Wálà a kɛ kɛ é dɔ ko zì kɛ-wɔ̃̀ yɔɔ yí ko mɔ́ɔ̀ wɔ̃̀ mɔ̀, kɛɛ kò ye nì ko kɛ̀ doó yía kó dɔ Wálà là kɛ̀-kpeĩ-kɔ̀ɔ yí.

Gɛ̀lésìà 1:4

Kɛ́lɛ̀ì e e dìè nɔ ko zì kɛ-wɔ̃̀ yɔɔ wɛ̃́ĩ̀, kɛ é ko kɛ kó la lúó yɔɔ lɛ́ e pɛ́nɛɛ̀ e kéa kɛ̀lɛ̀, lɛ̀ zí kò Wálà lɛ́ e ko Dàa káa, a naa à ká é à kɛáa ká.

Gɛ̀lésìà 4:4

Kɛɛ lɛ̀ lɛ́ à lúó kpó-kpó e ɓɔɔ, Wálà e e Gbe vɔ. Lee e à ye nɛ́ ká. E kɛ Zúù-mìà wà Lɔ́ɔ̀ɔ wì,

Ìfísɔ̃̀ 1:17

Ɛ́ɛ̃́ ḿm̀ Wálà lɛ́ e ko Dàa-mì Zízɛ̀ Kɛ́lɛ̀ì là Wálà ká, lɛ́ e ko Dàa lɛ́ lɛ̀ è fɔ̀nɔ à bàa káa, ḿm̀ Gɛ̀ɛ̀ Púlú pɛ̃ à mɔ̀ kɛ á nɔ ka lɛ̀ɛ. Gɛ̀ɛ̀ Púlú e kília lɛ́ɛ̀ lo ka kɛɛ̀ gí kã́ã̀a zɛ̀, ɛ̃́ɛ̃́ tó áà Wálà zɔ̃̀ɔ̃̀ ka lɛ̀ɛ, kɛɛ ká à dɔ.

Ìfísɔ̃̀ 1:7

Ƃii Kɛ́lɛ̀ì zì léà kolo là zàáa, aà ko ɓoá wɔ̃́ yí. À yí lɛ́ e kélɛ̀, ko zì kɛ-wɔ̃̀ yɔɔ aà ɓo ko wũ mɔ̀. Zi sùu kpɛɛ̀ lɛ́ Wálà zì zò-kɛ̀-sɛ̀

Ìfísɔ̃̀ 3:5

Lúó lɛ́ aà diea píéa, òó gbaa wɔ̃́ e kéa zɔ̃̀ɔ̃̀ mia lɛ̀ɛ. Kɛɛ Wálà aà lɛ́ɛ́ ɓo à là gbaa là àpɔ́sɔ̀lɔ̀ vɔ̀ púlú, e bɛ̀i, dɔ̀à-lé-là-mìà lɛ̀ɛ Gɛ̀ɛ̀ Púlú kolo là zàá.

Ìfísɔ̃̀ 5:2

Lɛ sɛ̀ lɔ̀-kɛ̀à-mɔ̀ é líé sí ka zì kɛ̀ɓe ká, zi nɔ́ doó lɛ́ ko lɔ̀ kpɔ́ɔ̀ lɛ à ká Kɛ́lɛ̀ì mɔ̀, lɛ́ a mɔ́ɔ̀ e dìè nɔ ɓo ko mɔ́ɔ̀ wɔ̃̀ mɔ̀ɔ ká. À zì dìè a nɔ kília, lɛ́ e nɔ̀-lɛ̀ɛ-pɛ̀ gĩĩ yiè zɛ̀ lɛ́ a nɔ, e bɛ̀i sálà lɛ́ a ɓo Wálà lɛ̀ɛ káa.

2 Tɛsàlónìà 1:10

Lɛ́ɛ̀ lo kɛɛ̀ kíli yé ko Dàa-mì aà nu Lúó e kília ká, kɛ é tɔ́-ɓɔ sɔ̀lɔ̀ ɓo áà gò là mia nì séĩ́ kɛ̀lɛ̀, ɛ̃́ɛ̃́ kɛ zeĩ́ é ɓɛ̀lɛyà lɛ́ è go mia séĩ́ lɛ́ waà o zò dɔ à mɔ̀ɔ kɛ̀lɛ̀ɛ sɔ̀lɔ̀ ɓoa ká. Ka bɛ̃̀ɛ̃ káà lo kɛɛ̀ o dò ká, ɓii kaà wɔ̃́ lɛ́ kɔaà à gèe ka lɛ̀ɛ gɛ̃̀ wánà káa mɔ́ɔ̀ wɔ̃̀ mɔ̀.

1 Témɔ́tè 6:15

À zì ɓìè-mia-là lɛ́ɛ̀ lo kɛɛ̀á e lúó kpó-kpó ká. Wálà lɛ́ lúà kpɔ́ɔ̀ lɛ à mɔ̀, lɛ́ à doóa lɛ mia Wũ-là-mì ká, ɛ̃́ɛ̃́ lɛ́ lɛ sɛ́lɛ́ líé-sí-mìà séĩ́ Líé-sí-mì ká, ɛ̃́ɛ̃́ mia dàa-mìà séĩ́ Dàa-mì káa, à ye lɛ́ è lo à kɛɛ̀ɛ.

2 Témɔ́tè 1:8

À mɔ́ɔ̀ wɔ̃̀ mɔ̀ɔ, yékɛ̀ yɛ́lɛ̀ é i kɛ ko Dàa-mì là kélá-wè ɓoò mɔ́ɔ̀ wɔ̃̀ mɔ̀. Ɛ́ɛ̃́ yékɛ̀ yɛ́lɛ̀ é i kɛ má m là bĩ́-kɛ̀ì-mì káa lɛ̀ɛ. Kɛɛ ì wàa lɛ́ mia kò ɓèlè wɔ̃́ làṹ yièa mɔ́ɔ̀ wɔ̃̀ mɔ̀ɔ, ì i zì ɓèlè yíkɛ̀ gáàa lɛ́ Wálà à nɔ i lɛ̀ɛ ká.

Tátɔ̀ 1:3

Ɛ́ɛ̃́ a zɔ̃̀ɔ̃̀ mia lɛ̀ɛ à zɔ̃̀ɔ̃̀-lùò ká à zì lé-wèa yí. Wálà e e lé-wè e kéa kpɔ́ m kɔ̀ là. Ɛ́ɛ̃́ ma bɛ̃̀ɛ̃, ḿm̀ à gèe lòũ̀ ká, ɓii zi lɛ́ ko La-mì Wálà a gèe ḿ kɛáa lɛ.

Tátɔ̀ 2:14

E e dìè nɔ ko mɔ́ɔ̀ wɔ̃̀ mɔ̀ kɛ é ko ɓo wɔ̃́ yɔɔ séĩ́ kɛ̀lɛ̀, ɛ̃́ɛ̃́ é ko kɛ mia púlú lɛ́ ko à doó là mia nì ká, lɛ́ fã̀ã́-wàà lɛ o kɛ̀lɛ̀ kɛ ó wɔ̃́ yiè kɛɛ káa ká.

Hííbúlù 9:12

Lɛ̀ lɛ́ Kɛ́lɛ̀ì e wàà sɔ-káa wì, lɛ́ e ló doóa ɓo Wálà là Lɛ̀ Púlúa Lɛ̀ Kpànazɛ̀-pìàa mɔ̀ɔ, lɛ̀ɛ́ gbaa ló ɓò léà ɛ̃́ɛ̃́ dìì nyɔ̀nɔ́ léà ká kɛ é à kóná ɓo. Kɛɛ e ló e dìè léà ká, ɛ̃́ɛ̃́ e tòá kíli la-ɓo sɔ̀lɔ̀ ɓo ko mɔ́ɔ̀ wɔ̃̀ mɔ̀.

1 Pílɛ̀ 2:24

Ko zì kɛ-wɔ̃̀ yɔɔ kpɔ́ɔ̀ e kɛá Kɛ́lɛ̀ì gbĩ-kpàla mɔ̀, ɛ̃́ɛ̃́ à dìè e ló à ká kɔ́lɔ́sì mɔ̀, kɛɛ kó ga kɛ-wɔ̃̀ yɔɔ mɔ̀, kɛ kó kɛ ɓe wɔ̃́ kpeĩ kɛɛ̀ yí. À zì gĩ̀ĩ a ɓoa kolo làa, ka laà lɛ.

1 Pílɛ̀ 3:18

Ƃii Kɛ́lɛ̀ì dìè e ga ko mɔ́ɔ̀ wɔ̃̀ mɔ̀. E ga nɔ́ doó kɛ-wɔ̃̀ yɔɔ wɛ̃́ĩ̀. Gɔ̃ kpeĩ e kília, e ga mia lɛ́ o wá kpeĩa wɛ̃́ĩ̀, kɛɛ é nu ko ká Wálà píé. O à gbĩ-kpàla zɛ, kɛɛ à kɛɛ̀ e kɛá ɓe gɛ̀ɛ̀ yí zàá.

1 Zɔ̃̀ɔ̃́ 4:10

Lɔ̀-kɛ̀à-mɔ̀ lɛ́ e kélɛ̀, ye wá kélɛ̀ Wálà lɔ̀ kpɔ́ɔ̀ lɛ ko mɔ̀, kɛɛ ko lɔ̀ kpɔ́ɔ̀ lɛ à yee mɔ̀, ɛ̃́ɛ̃́ e e Gbe vɔ kɛɛ ko kɛ-wɔ̃̀ yɔɔ é ɓo ko mɔ̀ à dìè kolo là zàá.

Wɛ̀lɛ̀vèlésɔ̃̀ 1:5

Zò-kɛ̀-sɛ̀ wà zò-yà-gé è go Zízɛ̀ Kɛ́lɛ̀ì, lɛ́ e kélá zò-dɔ̀à-mɔ̀ zɛ̀ káa kɛ̀lɛ̀ɛ, ó kɛ ka kɛ̀lɛ̀. À ye lɛ́ lɛ Nɛ́ líé lɛ́ e wɛ̀lɛ̀ ga kɛ̀lɛ̀ɛ káa. À ye lɛ́ lɛ mia wũ-là-mìà lɛ́ o kpóṹ là zèea bɛ̃̀ɛ̃ zì dɔ-mì káa. Ko lɔ̀ kpɔ́ɔ̀ lɛ à mɔ̀, ɛ̃́ɛ̃́ ko ɓoò lɛ ɓɛ̀lɛ̀ yí ko zì kɛ-wɔ̃̀ yɔɔ kɛ̀lɛ̀ à zì léà lɛ́ e kááa kolo là zàá.

Wɛ̀lɛ̀vèlésɔ̃̀ 5:9

O tã́ dɛɛ ɓo weeá kélɛ̀, “I dóo kpeĩ kɛ í kii lɛ́ɛ́ kpíní kṹã̀a zɛ̀ɛ sí kɛ í à lé-taa-pɛ̀ɛ wí. Ƃii i zɛɛ̀ e kɛ à ká. I mia lɛ́ ò go síí-sɛ̀lɛ̀ séĩ́ là, ɛ̃́ɛ̃́ wè gbɛɛ̀ gbɛɛ gèe-mìà séĩ́ bà, e bɛ̀i, sɛ́lɛ́ gbɛɛ̀ gbɛɛ yí-mìà séĩ́, e bɛ̀i mia kpóló kɛ-kɔ̀ gbɛɛ̀ gbɛɛ zɛ̀ séĩ́ lɔ́ i léà ká Wálà lɛ̀ɛ.