1 Témɔ́tè 2:4 - Wè-dɔ-wè Dɛɛ

⁴ Láà nàà mia séĩ́ ó la-ɓo sɔ̀lɔ̀ ɓo, ɛ̃́ɛ̃́ kɛ ó kɛ wánà-wɔ̃̀ dɔ-mìà ká.

1 Témɔ́tè 2:4 Iomraidhean Croise

Máfìù 28:19

À mɔ́ɔ̀ wɔ̃̀ mɔ̀ɔ, kà lo mia lɛ́ o sɛ́lɛ́ séĩ́ yía, ká o kɛ tò‐m‐píé mìà ká. Kà o bàtáì kɛ m Dàa tɔ́ yí, à Gbe tɔ́ yí, ɛ̃́ɛ̃́ là Gɛ̀ɛ̀ Púlúa tɔ́ yí.

WƆ̃́ LÀṸ YIÈ ZÍ MÁÀ E À BƐ̃̀Ɛ̃ À KÁA 16:15

A gèe o lɛ̀ɛ, “Kà lo sɛ́lɛ́ séĩ́ là, káà lò wɔ̃́ làṹ yièa gèeá sí lòũ̀ ká mia séĩ́-séĩ́ lɛ̀ɛ.

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 1:77

ɛ̃́ɛ̃́ kɛ í à gèe là mia nì lɛ̀ɛ kélɛ̀ óò lo la‐ɓo sɔ̀lɔ̀ ɓoò, o zì kɛ‐wɔ̃̀ yɔɔ ɓò o wũ mɔ̀ kolo là zàá.

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 14:23

Lɛ̀ e kɛ kília, ká dàa‐mìa a gèe yɛɓo‐kɛ‐mìa lɛ̀ɛ, ‘Ì gó pɛ́lɛɛ yí, í ló zi gbùò ɛ̃́ɛ̃́ nyɛ́nɛ̀ĩ̀ zì nì píé, í à kɛ mia ó nu kɛ́ì zèe, kɛɛ m píé kɛ́ì é pa.

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 24:47

Ɛ́ɛ̃́ lɛ à mɔ̀ kɛ ó wɔ̃́ gèe à tɔ́ yí sɛ́lɛ́ séĩ́ yí‐mìà lɛ̀ɛ. Wɔ̃́ e kília lɛ́ e kélɛ̀, sɔ̃̀ɔ̃ yɔɔ mɛ́‐vɔ̀ɔ wɔ̃̀, ɛ̃́ɛ̃́ kɛ‐wɔ̃̀ yɔɔ ɓò mia wũ mɔ̀ wɔ̃̀ɔ. Óò lo à zi gbɛ̃̀ɛ̃̀ Zùlúsàlɛ̀ zèe.

Zɔ̃̀ɔ̃́ 14:6

Zízɛ̀ a gèe à lɛ̀ɛ kélɛ̀, “Ma lɛ́ m zía, e bɛ̀i, wánà-wɔ̃̀ ɛ̃́ɛ̃́ kɛ̀ɓe káa. Mi gbɛɛ lɛ̀ɛ́ bɛ̀i ɓɔɔ̀ mia Dàa mɔ̀, yé lɛ̀ɛ́ kpɔ́ nɛ́ m làa ká.

Zɔ̃̀ɔ̃́ 17:17

Ì o kɛ i doó ɓà mia nì ká wɔ̃́ wánà zɛ̀ɛ kolo là. I lé-wè lɛ́ e wɔ̃́ wánà zɛ̀ e kília káa.

Zɔ̃̀ɔ̃́ 6:37

Mia séĩ́ lɛ́ m Dàa è o nɔ m lɛ̀ɛ, óò lo nuù m píé. Mi nɔ́ɔ fé lɛ́ è lo nuù m píéa, m̀ḿ ló m wũ ɓoò à wì gbɛɛ ɓo.

Wólómà 11:14

Ḿ ɓɔ́-kpɔ́ yàáa, lɛ́ɛ̀ lo lèĩ fɔ̃̀ɔ̃́-là kɛɛ̀ dàà mia lɛ́ kò ye nì kò go sɛ́lɛ́ doó yía o gé, tó máà o dò là.

1 Témɔ́tè 4:10

Ye lɛ́ kò mɔ́ɔ̀ à kɛ-zì nàà yɛɓo kɛ̀ gágà ká, ɓii ko zò lɛ Wálà ɓéèea mɔ̀. Wálà ɓéèe e kília lɛ́ e mia séĩ́ La-mì káa. Kɛɛ mia yé e o La-mì kpó-kpó káa, lɛ́ o mia lɛ́ o zò dɔɔ̀ lɛ à mɔ̀ɔ káa.

2 Témɔ́tè 2:25

Yé à nàà é mia lɛ́ ò gèlè gɔ̃ à káa gbɛ̃̀ zuúa, lɛ à mɔ̀ é e kpóló kpɔ́ e mɔ̀ à kɛɛ̀ yí. À gbú lɛ yía, Wálà lɛ́ɛ̀ lo zi kɛɛ̀ ɓe o lɛ̀ɛ kɛ ó o sɔ̃̀ɔ̃ yɔɔ mɛ́ vɔ̀ɔ, kɛ ó kɛ gbaa wánà-wɔ̃̀ dɔ-mìà ká.

2 Témɔ́tè 3:7

O loà lɛ́ ò nàà ó pɛ dã́ teelea ká, lɛ́ bɛ̀i wá o mɔ̀ kɛ ó kɛ wánà-wɔ̃̀ dɔ-mìà káa káa.

Tátɔ̀ 1:1

Óò m si Pɔ́ɔ̀. M Wálà là yɛɓo-kɛ-mì, wà Zízɛ̀ Kɛ́lɛ̀ì là àpɔ́sɔ̀lɔ̀ ká. À kɛɛ̀ lɛ kíli kɛɛ ḿ gbũ mia lɛ́ Wálà aà o sía zì zò-dɔ̀à-mɔ̀ mɔ̀, ɛ̃́ɛ̃́ zeĩ́ kɛ ḿ zi wánà zɛ̀ lɛ́ mia wáá gbiniìá Wálà lɛ̀ɛ,

Tátɔ̀ 2:11

Ƃii Wálà aà e zì zò-kɛ̀-sɛ̀ yí zɔ̃̀ɔ̃̀ mia lɛ̀ɛ o séĩ́ o zì la-ɓo mɔ́ɔ̀ wɔ̃̀ mɔ̀.

Hííbúlù 10:26

Yé kɔaà kɛ-wɔ̃̀ yɔɔ kɛɛ̀ yà ko gé kɔ́áà kɛ̀ɛ, yé mɔṹ waà wɔ̃́ wánà zɛ̀ɛ zɔ̃̀ɔ̃̀ ko lɛ̀ɛ, lɛ́ kɔaà à dɔɔ, sálà nɔ́ɔ fé lɛ́ è lo kɛ-wɔ̃̀ yɔɔ ɓoò mi mɔ̀ɔ, ye wá ɓe gbaa.

Zĩ́ĩ̀ 3:14

Kɛɛ é kɛ̀á dàa-gbe là kɛɛ̀ nyɔ́ɔ̀ɔ, e bɛ̀i, nàà-dìè-ká lɛ ka zò píéa, yékɛ̀ ká lé-gbùò-là kɛ, tó káà nɛ̀ kpɔ̀ wɔ̃́ wánà zɛ̀ɛ mɔ̀.

2 Pílɛ̀ 3:9

Ko Dàa-mì yí wá dɔ́lɔ́-dɔ́lɔ́ wɔ̃́ lɛ́ aà e wè dɔ à káa kɛpìà, lɛ̀ zí mia dò ò o yɛ́lɛ́ tàáa lɛ́ ɓe. Kɛɛ lɛ́ɛ̀ e zò kũ tã́ã̀ ka mɔ́ɔ̀ wɔ̃̀ mɔ̀, ɓii làá naa kɛ mi nɔ́ɔ fé yí é sìè. Láà nàà mia séĩ́ ó o sɔ̃̀ɔ̃ yɔɔ mɛ́ vɔ̀ɔ.

2 Zɔ̃̀ɔ̃́ 1:1

Má m mi dìè káa, ḿm̀ wèè ɓí i lee lɛ́ Wálà aà i sí, é dàá ɓà nɔ́ɔ̀ nì bàa, ka bà. Ka lɔ̀ kpɔ́ɔ̀ lɛ m mɔ̀ wánà kpó-kpó ká. Ɛ́ɛ̃́ ye wá bɛ̃̀ɛ̃ m doó ká. Kɛɛ ka lɔ̀ kpɔ́ɔ̀ lɛ mia séĩ́ lɛ́ ò wánà-wɔ̃̀ɔ dɔɔ mɔ̀.

Wɛ̀lɛ̀vèlésɔ̃̀ 14:6

M bɛ̀i m Wálà là vɔ-mì dò gɛ̃̀ à wɛ̀lɛɛ̀ e kɛá, áà lò lɛ̀í gbèkèni. Wɔ̃́ làṹ yiè lɛ́ lɛ ɓe tòá kíli káa, e kɛ à kɛ̀lɛ̀ kɛ á gèe lòũ̀ ká mia lɛ́ o tã́ã̀ zèe, lɛ́ o mia kpóló kɛ-kɔ̀ gbɛɛ̀ gbɛɛ zɛ̀, ɛ̃́ɛ̃́ síí gbɛɛ̀ gbɛɛ là mìà, e bɛ̀i wè gbɛɛ̀ gbɛɛ gèe-mìà, ɛ̃́ɛ̃́ zeĩ́, sɛ́lɛ́ gbɛɛ̀ gbɛɛ yí-mìà káa o lɛ̀ɛ.