1 Témɔ́tè 2:10 - Wè-dɔ-wè Dɛɛ

¹⁰ Kɛɛ ò o mɛ́ sí wɔ̃́ kɛ-zì yiè ká. Wɔ̃́ e kéa lɛ́ lɛ kpeĩ loà lɛ́ ò gèe óò gbìnì Wálà lɛ̀ɛ o mɔ́ɔ̀ wɔ̃̀ mɔ̀ɔ.

1 Témɔ́tè 2:10 Iomraidhean Croise

Àpɔ́sɔ̀lɔ̀ 9:36

Zízɛ̀ là tòà-píé-mì lɛ́ ò si Tábítàa, e kɛ pɛ́lɛ lɛ́ ò si Zɔ́pàa yí. Léé e kília tɔ́ e Gílíì-wè yía lɛ́ Dɔ́kà. À paà e kɛá wɔ̃́ yiè kɛɛ̀ ká. E kɛ gbũpìà mia yéĩ̀zɛ̀ mɔ̀.

Àpɔ́sɔ̀lɔ̀ 9:39

Yé e kɛ kília, Pílɛ̀ e wɛ̀lɛ̀ gbaa, wà ye nì wáà lò. Lɛ̀ lɛ́ e ɓɔɔ, o à sí, o ló à ká lɛ̀í-kàa yí. Gã̀ã loà séĩ́ lɛ́ o kɛ yía, o sɔ̃́ à mɔ̀ gbóó ká, wáà wà dà-sɔ̀ ɛ̃́ɛ̃́ sɔ-là-sɔ̀ nì lɛ́ Dɔ́kà a kɛ, kɛ lɛ tĩã́ o píéa, zɔ̃̀ɔ̃̀ à lɛ̀ɛ.

Ìfísɔ̃̀ 2:10

Wálà lɛ́ e ko kɛ-mì káa. Ko kɛ̀ doó Kɛ́lɛ̀ì Zízɛ̀ yí zàáa, aà ko kɛ kɛɛ kó wɔ̃́ yiè kɛ. Wálà aà wɔ̃́ yiè nì e kília pɛ̀ kɛ mɔ́, kɛ kó o kɛ teele.

1 Témɔ́tè 2:11

Loà ò pɛ dã́ dìè-sì-péĩ́ ká, yékɛ̀ ó wéé.

1 Témɔ́tè 2:9

Ḿm̀ nàà zeĩ́ kɛ loà ó o mɛ́ yèlè e yiè ká, kɛɛ o mɛ́-yèlè-kɔ̀ e kília è kɛ gíkã́ zɛ̀, kɛ ó o mɛ́ sí o mɛ́-sí-zì píé. Yékɛ̀ ó o wĩĩ́-wũ̀ mɛ́ sí é diá zí wáá kɛɛ̀áa là. Ɛ́ɛ̃́ yékɛ̀ ó o mɛ́ sí góò, e bɛ̀i gɛ̀lɛ̀ sɔ̃̀ɔ̃́ gbùò zɛ̀, ɛ̃́ɛ̃́ sɔ sɔ̃̀ɔ̃́ gbùò zɛ̀ ká.

Tátɔ̀ 2:14

E e dìè nɔ ko mɔ́ɔ̀ wɔ̃̀ mɔ̀ kɛ é ko ɓo wɔ̃́ yɔɔ séĩ́ kɛ̀lɛ̀, ɛ̃́ɛ̃́ é ko kɛ mia púlú lɛ́ ko à doó là mia nì ká, lɛ́ fã̀ã́-wàà lɛ o kɛ̀lɛ̀ kɛ ó wɔ̃́ yiè kɛɛ káa ká.

Tátɔ̀ 3:8

Wɔ̃́ nì e kília lɛ wɔ̃́ wánà zɛ̀ lɛ́ à gèeè lɛɛ ká. Ḿm̀ nàà í wɔ̃́ nì o kília gèe kpó-kpó ɓo, kɛɛ é à kɛ mia lɛ́ o zò dɔɔ̀ lɛ Wálà mɔ̀ɔ zò é kɛ yɛɓo yiè kɛɛ̀ mɔ̀. Wɔ̃́ e kília lɛ sɛ̀, ɛ̃́ɛ̃́ lɛ́ɛ̀ gbũ mia mɔ̀.

1 Pílɛ̀ 2:12

Ka zì wɔ̃́ kɛ-kɔ̀ lɛ́ kà wɔ̃́ kɛ̀á mia lɛ́ òó Wálà dɔɔ bàa, lɛ à mɔ̀ é kɛ kpeĩ. Yé aà kɛ kíli lɛ́ waà à gèe ka wɔ̃́ yɔɔ kɛ-mìà káa, lɛ́ɛ̀ lo kɛɛ̀ o mɔ̀ kɛɛ ó ka kɛ-wɔ̃̀ yièa míní sí, ɛ̃́ɛ̃́ óò lo Wálà tɔ́ ɓɔɔ̀ à zì nu-lùò ká nɔ́ kíli.

2 Pílɛ̀ 3:11

Yé mɔṹ pɔɔ̀ e kéa séĩ́ yí è lo sìè zi sùua káa, ka kpàáà yí lɛ́ɛ̀ bɛ̀i à mɔ̀ é kɛ kpɛ? Lɛ à mɔ̀ ka zì kɛ̀ɓe é kɛ púlú, ɛ̃́ɛ̃́ à nɔɔ̀ é kɛá Wálà lɛ̀ɛ,

Wɛ̀lɛ̀vèlésɔ̃̀ 2:19

Ḿm̀ i kɛ-wɔ̃̀ dɔ. I zì lɔ̀-kɛ̀à-mɔ̀, e bɛ̀i i zì zò-dɔ̀à-mɔ̀, ɛ̃́ɛ̃́ i zì yɛɓo ɛ̃́ɛ̃́ i zì zò-kũ̀-tã́ã̀a, ḿm̀ à dɔ. Ḿm̀ à yí dɔ i wɔ̃́ kɛpìà gbùò gbaa é diá wɔ̃́ ɓa kɛ bèĩzɛ̀ɛ là.