1 Témɔ́tè 2:1 - Wè-dɔ-wè Dɛɛ

¹ Wɔ̃́ bèĩzɛ̀ e ɓea gɛ̃̀ e ké. Ḿm̀ lìè-wè dɔ mia lɛ̀ɛ kɛ ó sɛ̀nɛ ɓo Wálà lɛ̀ɛ kpé kã̀ à lɛ̀ɛ ká, ɛ̃́ɛ̃́ wáà pɛ pɛ̃̀ à mɔ̀, e bɛ̀i, wáà à zúo ɓò mia séĩ́ wɛ̃́ĩ̀.

1 Témɔ́tè 2:1 Iomraidhean Croise

Àpɔ́sɔ̀lɔ̀ 17:30

Lúó lɛ́ mia òó kɛ wɔ̃́ gbɛɛ yí dɔpìà à káa, Wálà e vɔ lúó e kília zì. Kɛɛ dɛɛ káa, lɛ́ɛ̀ à gèe mia séĩ́ lɛ́ o lɛ̀ séĩ́ mɔ̀ɔ lɛ̀ɛ, ó o sɔ̃̀ɔ̃ yɔɔ mɛ́ vɔ̀ɔ.

Wólómà 1:8

Bèĩzɛ̀ɛ, ḿm̀ m̀ Wálà zúo ɓo Zízɛ̀ Kɛ́lɛ̀ì tɔ́ yí zàá ka séĩ́ ka mɔ́ɔ̀ wɔ̃̀ mɔ̀. Ƃii mia séĩ́-séĩ́ o kpóṹ là zèea, o wɔ̃́ gèepìà áà gbɛ̃̀á kà zò-dɔ̀à-mɔ̀ wɔ̃̀ mɔ̀.

Wólómà 6:17

Kɛɛ Wálà zúo nyɔ́ɔ̀ɔ. Ƃii ka kɛ kɛ-wɔ̃̀ yɔɔ là lùò ká. Kɛɛ ka zò e wéé à mɔ̀ ka wɔ̃́ wánà zɛ̀ nì lɛ́ o kɛ pɛ lɛ́ wa zɔ̃̀ɔ̃̀ ka lɛ̀ɛ bàa kṹ ka zɔ̃̀ɔ̃̀ ká.

1 Kɔ̀léĩ́tĩ̀ã̀ 15:3

Pɛ́ ma sɔ̀lɔ̀ ɓo lɛ́ e pɛ kpànazɛ̀ kpó-kpó káa, lɛ́ maà nɔ ka lɛ̀ɛ ɓɛ. Lɛ́ e kélɛ̀ Kɛ́lɛ̀ì e ga ko kɛ-wɔ̃̀ yɔɔ wɛ̃́ĩ̀, zi lɛ́ à bɛ̃̀ɛ̃ɛ̃̀ lɛ à ká Wálà kiia yía lɛ́ ɓɛ.

2 Kɔ̀léĩ́tĩ̀ã̀ 8:6

À mɔ́ɔ̀ wɔ̃̀ mɔ̀ɔ, ko kpé kã́ Tátɔ̀ lɛ́ e yɛɓo e kéa zi gbɛ̃̀ɛ lɛ̀ɛ kɛ é ló yɛɓo e kília kɛɛ̀ ká líé zàá, ɛ̃́ɛ̃́ kɛ é gbũ ka mɔ̀ kɛɛ ká pɛ yiè e kéa líé nyɛ.

Ìfísɔ̃̀ 3:13

À mɔ́ɔ̀ wɔ̃̀ mɔ̀ɔ, kà kpé lɛ sɛ̀, yékɛ̀ ka zò é dà zízàá, ɓii m wàa ɓèlèpìà ka mɔ́ɔ̀ wɔ̃̀ mɔ̀ɔ wɛ̃́ĩ̀. À séĩ́ lɛ lɛ̀ fɔ̀nɔ̀ ka bà mɔ́ɔ̀ wɔ̃̀ mɔ̀.

Ìfísɔ̃̀ 5:20

Kà Wálà lɛ́ e mia Dàa káa zúo ɓo pɛ séĩ́ wɛ̃́ĩ̀, ko Dàa-mì Zízɛ̀ Kɛ́lɛ̀ì tɔ́ yí zàá teele.

Ìfísɔ̃̀ 6:18

Kà sɛ̀nɛ ɓo kɛɛ Wálà é gbũ ka mɔ̀ wɔ̃́ e kéa séĩ́ kɛɛ̀ yí. Kà sɛ̀nɛ ɓo lúó séĩ́ ká yé Gɛ̀ɛ̀ Púlú aà kɛ ka píéa ká. Wɔ̃́ e kéa mɔ́ɔ̀ wɔ̃̀ mɔ̀ɔ, kà yà ka nyìɛ́, yékɛ̀ ká kɔ̃́ zi mɔ̀. Kà sɛ̀nɛ ɓo teele Wálà là mia nì séĩ́ mɔ́ɔ̀ wɔ̃̀ mɔ̀.

Fèlépĩ̀ã̀ 1:3

Ḿm̀ m̀ Wálà zúo ɓo ka mɔ́ɔ̀ wɔ̃̀ mɔ̀ lúó séĩ́ lɛ́ m̀ m yɛ́lɛ́ tàà ka mɔ́ɔ̀ wɔ̃̀ yía ká.

Fèlépĩ̀ã̀ 4:6

Yékɛ̀ wɔ̃́ nɔ́ɔ fé wɔ̃̀ é ka lè dũ. Kɛɛ ka zì sɛ̀nɛ séĩ́ ɓoò yía, kà pɛ lɛ́ lɛ ka mɔ̀ ká sɔ̀lɔ̀ ɓoa, pɛ̃́ à mɔ̀. Ká pɛ pɛ̃̀á à mɔ̀ɔ, à zúo ɓo kpàà è kɛ ka mɔ̀ teele.

1 Tɛsàlónìà 3:12

Ko Dàa-mì è à kɛ ka zì kíe nì lɔ̀, ɛ̃́ɛ̃́ mia gbɛɛ lɔ̀ lɛ́ à kpɔ́ɔ̀ lɛ ka mɔ̀ɔ, è à kɛ à là é kpɔ́ yí gbùò zɛ̀, kɛ é kɛ gbùò lɛ̀ zí ka lɔ̀ lɛ́ à kpɔ́ɔ̀ lɛ ko mɔ̀ɔ, lɛ à káa lɛ́ ɓe.

2 Tɛsàlónìà 1:3

Ko lèe-gé vɔ̀, lɛ à mɔ̀ kɔ́á Wálà zúo ɓo lúó séĩ́ ká ka mɔ́ɔ̀ wɔ̃̀ mɔ̀. Lɛ kpeĩ kɛ kɔ́á kɛ kíli, ɓii ka zì zò-dɔ̀à-mɔ̀ yí lɛ kɛpìà gbùò, ɛ̃́ɛ̃́ lɔ̀-kɛ̀à-mɔ̀ lɛ́ e ka yí doó doó ka kíe nì mɔ́ɔ̀ wɔ̃̀ mɔ̀ɔ, à là lɛ kpɔ́pìà.

1 Témɔ́tè 2:4

Láà nàà mia séĩ́ ó la-ɓo sɔ̀lɔ̀ ɓo, ɛ̃́ɛ̃́ kɛ ó kɛ wánà-wɔ̃̀ dɔ-mìà ká.

1 Témɔ́tè 5:5

Lee lɛ́ lɛ gã̀ã kpó-kpó ká, lɛ́ mi gbɛɛ wá ɓe kɛ é dɔ à làa, aà e zò dɔ Wálà mɔ̀, ɛ̃́ɛ̃́ lɛ́ɛ̀ lo e líé sɛ̀nɛ ɓoò ká bĩ́ã́ ɛ̃́ɛ̃́ nyɛ́nɛ́ĩ́ kɛɛ Wálà é gbũ à mɔ̀.

2 Témɔ́tè 2:24

Ye wá ko Dàa-mì là yɛɓo-kɛ-mì mɔ̀ kɛ é wéé dɔ. Lɛ à mɔ̀ à sɔ̃̀ɔ̃ é kɛ sɛ̀ mia séĩ́ ká. Lɛ à mɔ̀ é kɛ pɛ-zɔ̃̀ɔ̃̀-mì yiè lɛ́ zò-kũ̀-tã́ã̀ lɛ à kɛ̀lɛ̀ɛ ká.

Tátɔ̀ 2:11

Ƃii Wálà aà e zì zò-kɛ̀-sɛ̀ yí zɔ̃̀ɔ̃̀ mia lɛ̀ɛ o séĩ́ o zì la-ɓo mɔ́ɔ̀ wɔ̃̀ mɔ̀.

Tátɔ̀ 3:2

À gèe o lɛ̀ɛ yékɛ̀ ó wɔ̃́ yɔɔ gèe mi nɔ́ɔ fé gbĩ mɔ̀. Kɛɛ ò kɛ zò-kũ̀-gé mìà ká, ɛ̃́ɛ̃́ ó kɛ mia kpóló kpɔ̀ɔ mɔ̀ zɛ̀ ká. Ò à zɔ̃̀ɔ̃̀ mia séĩ́ lɛ̀ɛ kélɛ̀ óò o kpóló kpɔ o mɔ̀ wɔ̃́ kɛɛ̀ yí teele.

Hííbúlù 6:11

Pɛ́ à kɛ-lɔ̀ è ko kɛ̀ɛ lɛ́ e kélɛ̀, ká à kɛ ka fã̀ã́ é tó wààpìà, é tóá kíli é ɓɔá à líé nyɛpìà ka tɔ̀ là doó doó, kɛɛ pɛ lɛ́ ka zò lɛ à mɔ̀ɔ, à yí é kɛ à mɔ̀.

Zĩ́ĩ̀ 5:16

À mɔ́ɔ̀ wɔ̃̀ mɔ̀ɔ, kà wéé ka kɛ-wɔ̃̀ yɔɔ mɔ̀ ka kíe nì lɛ̀ɛ, ɛ̃́ɛ̃́ káà sɛ̀nɛ ɓò ka kíe nì wɛ̃́ĩ̀, kɛɛ ka laà é kɛá. Sɛ̀nɛ lɛ́ mi kpeĩ à ɓoa, yíkɛ̀ gáàa kpànazɛ̀ lɛ à kɛ̀lɛ̀ kɛ é wɔ̃́ kɛ.