1 Témɔ́tè 1:9 - Wè-dɔ-wè Dɛɛ

⁹ Kóò à yí dɔ kélɛ̀ òó gbaa lɔ́ɔ̀ɔ kɛ wɔ̃́ kpeĩ kɛ-mìà lɛ̀ɛ. Kɛɛ à kɛɛ̀ lɛ míá o kéa o lɛ̀ɛ. O lɛ́ o kélɛ̀, lɔ́ɔ̀-sìè-mìà, e bɛ̀i mia lɛ́ òó mia wéè kɛɛ, ɛ̃́ɛ̃́ zeĩ́ mia lɛ́ ò wɔ̃́ yɔɔ kɛ̀ Wálà gbĩ mɔ̀ɔ, e bɛ̀i kɛ-wɔ̃̀ yɔɔ kɛ-mìà, ɛ̃́ɛ̃́ mia lɛ́ o wá Wálà là mia nì ká, lɛ́ òó gbini à lɛ̀ɛ káa. O dò lɛ́ zeĩ́ e mia lɛ́ ò o dàa nì, ɛ̃́ɛ̃́ lèe nì zɛɛò, ɛ̃́ɛ̃́ mia zɛ-mìà,

1 Témɔ́tè 1:9 Iomraidhean Croise

Máfìù 10:21

“Mia óò lo o lèe‐gé vɔ̀ nɔɔ̀ mia lɛ̀ɛ ó o zɛ. Mia ye‐dàà nì óò lo wɔ̃́ nɔ́ doóa kɛɛ̀ wà nɔ́ɔ̀ ká. Nɔ́ɔ̀ɓé óò lo o kɔ̀ ɓoò o ye‐mìà wì, tó wáà o nɔ̀ mia lɛ̀ɛ, wáà o zɛ̀.

Wólómà 1:30

Óò wɔ̃́ yɔɔ̀ yɔɔ̀ gèe o ɓɛ́ĩ̀ gbĩ mɔ̀. Wálà lɔ̀ nyɛɛ̀ lɛ o mɔ̀. O lé-kã́ zɛ̀. Óò o dìè si gbùò. Óò lé-gbùò-là kɛ̀. Óò o yɛ́lɛ́ tàà wɔ̃́ yɔɔ kɛ-zì gbɛɛ̀ gbɛɛ ká. Òó wɔ̃́ ma o ye-mìà wè là.

Wólómà 4:13

Wálà e e wè dɔ Éɓɔ́lɔ́hã́ã̀ wà e sùu-là-mìà o lɛ̀ɛ weeá kélɛ̀ kpóṹ là zèe séĩ́ lɛ́ɛ̀ lo tóò wà pɛ ká. Lɔ́ɔ̀ɔ ye wáá ká kɛ á kɛ Wálà é e wè dɔ Éɓɔ́lɔ́hã́ã̀ lɛ̀ɛ. Wálà a kɛ kíli ɓii aà Éɓɔ́lɔ́hã́ã̀ sí mi kpeĩ ká Éɓɔ́lɔ́hã́ã̀ dìè zì zò-dɔ̀à-mɔ̀ kolo là.

Wólómà 5:20

Lɔ́ɔ̀ɔ e nu, kɛɛ é kɛ-wɔ̃̀ yɔɔ là kpɔ́. Kɛɛ lɛ̀ lɛ́ kɛ-wɔ̃̀ yɔɔ là kpɔ́ɔ̀ lɛ yía, Wálà zì zò-kɛ̀-sɛ̀ là kpɔ́ɔ̀ lɛ gbùò yi, é diá à là.

Wólómà 6:14

Kɛ-wɔ̃̀ yɔɔ kɛɛ̀ lɛ̀ɛ́ ló yàà ka là. Ƃii ka wá lɔ́ɔ̀ɔ wì. Kɛɛ ka Wálà zì zò-kɛ̀-sɛ̀ɛ wì zàá.

Gɛ̀lésìà 3:19

Yé aà kɛ kília, mɛ́ e Lɔ́ɔ̀ɔ kɛ-yɛ̀ɓo ká? O nu Lɔ́ɔ̀ɔ ká kɛ é zi lɛ́ wɔ̃́ yɔɔ kɛɛ̀ lɛ à káa zɔ̃̀ɔ̃̀. E kɛ à mɔ̀ Lɔ́ɔ̀ɔ é tó ɓe é tóá kíli Éɓɔ́lɔ́hã́ã̀ sùu-là-mì lɛ́ o o wè e kília dɔ à lɛ̀ɛ é nu. Wálà là vɔ-mìà lɛ́ o Lɔ́ɔ̀ɔ nɔ tã́ã̀ zèea. Gɔ̃ doó e kɛ yí gbɛ̃̀-fĩ̀ã̀ kɛ-mì ká.

Gɛ̀lésìà 5:18

Yé Gɛ̀ɛ̀ Púlú aà líé sí ka káa, kɛɛ ka wá gbaa Lɔ́ɔ̀ɔ wì.

Gɛ̀lésìà 5:21

O zò kɛ̀ ɓɛ́ĩ̀ gbɛɛ wà pɛ mɔ̀ mìà ká. Óò yɔ mi áà o kɛ̀, tó wáà kpílì kɛ̀. Tó wáà wɔ̃́ doò do lɛ́ e píé kéa kɛ̀. Ḿm̀ lìè-wè gèe ka lɛ̀ɛ zi nɔ́ maà gèe doá ka lɛ̀ɛ ká. Mia lɛ́ ò wɔ̃́ sùua kɛ̀ɛ, o dɔ̀lɔ̀ lɛ̀ɛ́ bɛ̀i kɛɛ̀ mia lɛ́ Wálà tóò lɛ o làa fĩ̀ã̀.

Gɛ̀lésìà 5:23

ɛ̃́ɛ̃́ kpóló-kpɔ̀-mɔ̀, wà dìè-kũ̀-tã́ã̀. Lɔ́ɔ̀ lɛ́ è bɛ̀i gèlè gɔ̃ɔ̀ wɔ̃́ nì e kéa káa ye wá ɓe.

2 Tɛsàlónìà 2:8

Yé aà kɛ kília, Mi Kɛ-pɛ̀ Yɔɔ Zɛ̀ e kília lɛ́ɛ̀ lo e dìè zɔ̃̀ɔ̃̀ mia lɛ̀ɛ gbaa. Yé aà kɛ kília, ko Dàa-mì Zízɛ̀ lɛ́ɛ̀ lo à zɛɛ̀ e wúú lɛ́ è go à léa ká. Ɛ́ɛ̃́ à zì nù-mia-là-kɔ̀ kpànazɛ̀ ɓɛ, lɛ́ɛ̀ lo à yí sìè à ká yé aà nua ká.

1 Témɔ́tè 4:7

Kɛɛ ì i kɔ̀ ɓo pĩ̀ã̀ lɛ́ Wálà tɔ́ lɛ̀ɛ́ ɓɔ à ɓoò yí, ɛ̃́ɛ̃́ lɛ́ à yí wáá mɔ̀ɔ bà. Ì i dìè mɛ́ dã́ kɛ í kɛ ɓe lɛ̀ zí Wálà à nàà à káa lɛ́ ɓe.

1 Témɔ́tè 6:20

Témɔ́tè, pɛ lɛ́ waà kpɔ́ i kɔ̀ làa, ì i yɛ́lɛ́ yiè kɛ à píé. Wéé lɛ́ Wálà tɔ́ lɛ̀ɛ́ ɓɔ à ɓoò yíaò, e bɛ̀i, tèé yí gíniìa zɛ̀ dàaà, lɛ́ mia gbṹũ̀ ò à si gíkã́a, lɛ́ ye wá mɔṹ gíkã́ káa, ì o mɛ́ kpɔ́.

2 Témɔ́tè 2:16

Ì i dìè ɓo wéé lɛ́ Wálà tɔ́ lɛ̀ɛ́ ɓɔ à ɓoò yía bà. Wéé nì e kília, lɛ́ɛ̀ mia yí ɓo Wálà mɔ̀ bá le.

2 Témɔ́tè 3:2

Mia óò lo à naà o dìè ká. Pɛlèe mɔ́ɔ̀ wɔ̃̀ lɛ́ɛ̀ lo diè o zò ká. Óò lo lé-gbùò-là kɛɛ̀, tó wáà o dìè sì gbùò. Óò lo kɛɛ̀ lé-kã́ zɛ̀. Òó wɔ̃́ ma o ye-mìà wè là. Òó mia zúo ɓo. Òó ló gbiniì Wálà lɛ̀ɛ.

Tátɔ̀ 1:10

Ƃii mia búnùzɛ̀ o ɓe, mia òó bɛ̀i o wũ kṹũ̀ tã́ã̀. Míá o kília, óò mia bèkɛ̀ ɓo wà wéé yí gíniìa zɛ̀ lɛ́ ò gèea ká. Mia kpó-kpó lɛ́ ò wɔ̃́ e kéa kɛ̀ɛ, o lɛ́ o Zúù-mìà káa.

Tátɔ̀ 1:16

Óò à gèe kélɛ̀ óò Wálà dɔ. Kɛɛ o zì kɛ-wɔ̃̀ láà zɔ̃̀ɔ̃̀ kélɛ̀ wɔ̃́ ò gèea wá wánà ká. Wɔ̃́ lɛ́ ò à kɛ̀ɛ lɛ yɔɔ mia lɛ̀ɛ. Òó Wálà wéè kɛ. Ƃɛ̀i wá o mɔ̀ kɛ ó wɔ̃́ yiè nɔ́ɔ fé dò kɛ.

Tátɔ̀ 1:6

Ye lɛ́ e kélɛ̀, yékɛ̀ kɛɛ é kɛ mia dìè-dìè vɔ̀ dò mɔ̀. Laa mɔ̀ mi doó na é kɛ nɔ́ doó. Lɛ à mɔ̀ wà nɔ́ɔ̀ ó kɛ mia lɛ́ o zò dɔɔ̀ lɛ Wálà mɔ̀, lɛ́ mi gbɛɛ lɛ̀ɛ́ bɛ̀i à gèeè o wũ nyɛɛ̀ lɛ o mɔ̀, ɛ̃́ɛ̃́ o vɔɔ̀ lɛ o mìà nì kɔ̀ zìa ká.

Tátɔ̀ 3:3

Ƃii ko vɔ̀ɔ, kɔaà kɛ do mia yí gíniìa zɛ̀ ká. Ko kɛ mia lɛ́ òó wɔ̃́ ma mia wè làa ká. Ɛ́ɛ̃́ kɔaà zi ni. Ko kɛ lùò ká pɛ doò do lɛ́ à lɔ̀ è mia kɛ̀ɛò, e bɛ̀i ko dìè-tĩ́ nàà-ká-pɛ̀ séĩ́ wì. Ko zì kɛ̀ɓe làa, ko zò e kɛ yɔɔ mia ká, ɛ̃́ɛ̃́ kɔ́áà ko yɛ́lɛ́ tàà mia ká yɔɔ. Mia dò bɛ̃̀ɛ̃ lɔ̀ nyɛɛ̀ e kɛá ko mɔ̀. Ko bɛ̃̀ɛ̃, ko lɔ̀ nyɛɛ̀ e kɛá o mɔ̀.

Hííbúlù 11:31

Zò-dɔ̀à-mɔ̀ lɛ́ a kɛ lɛ́ Wéléháà, lɛ́ e kɛ e dìè lɔ̀ɔ̀ dɔpìàa e la, lɛ̀ lɛ́ o mia lɛ́ o Wálà-wè tóa zɛɛ káa. À laà e kɛá ɓii e e kɔ̀ yà mia lɛ́ o nuù e kɛá kɛ ó sɛ́lɛ́ɛ mɛ́ nyɛɛ wì e yiè ká.

Hííbúlù 12:16

Kà ka yɛ́lɛ́ kɛ ka dìè píé yékɛ̀ ka dò é kɛ sɔ̃̀ɔ̃ yɔɔ kɛ-mì, ɛ̃́ɛ̃́ yékɛ̀ é kɛ mi lɛ́ lɛ̀ɛ́ gbini Wálà lɛ̀ɛ lɛ̀ zí Íísɔ̀ e kɛáa lɛ́ ɓe. Íísɔ̀ e kília, e là dìè-là lɔ̀ɔ̀ dɔ léɓèlè kɔ̀ɛ̀ doó mɔ̀.

1 Pílɛ̀ 2:7

Gɛ̀lɛ̀ e kéa lɛ dóo kpànazɛ̀ mia lɛ́ zò-dɔ̀à-mɔ̀ lɛ ka yía lɛ̀ɛ. Kɛɛ mia lɛ́ zò-dɔ̀à-mɔ̀ wá o yía, zí e kéa lɛ́ wɔ̃́ lɛ à ká o lɛ̀ɛ. Ye lɛ́ e kélɛ̀, “Gɛ̀lɛ̀ lɛ́ ká dɔ-mìà wa dà o kɔ̀ mɛ̀ĩ́a, aà kɛ gbaa gɛ̀lɛ̀ kpànazɛ̀ ká, é diá gɛ̀lɛ̀ séĩ́ là.”

1 Pílɛ̀ 3:20

Gɛ̀ɛ̀ vɔ̀ o kília, o lɛ́ o kɛ mia lɛ́ o Wálà wéè tó mɔ́ɔ gɛ̀ɛ̀ káa. O Wálà wéè tó lɛ̀ lɛ́ Wálà e kɛ yàá o gɛ̀nɛ̀ zò-kũ̀-tã́ã̀ ká lúó lɛ́ Nóà e kɛ gɔ́ɔ́ɔ kɛpìà káa ká. Mia wɛ́lɛ́ ɓéĩ́, lɛ́ o kɛ mia sálàka ká gɔ́ɔ́ɔ yía, o laà e kɛá yíía kolo là.

1 Pílɛ̀ 4:18

Ɛ́ɛ̃́, “Lɛ gágà kɛɛ mia kpeĩ ó la-ɓo sɔ̀lɔ̀ ɓo. Yé lɛ kília, zi sùu kpɛɛ̀ lɛ́ mia ké yee òó gbini Wálà lɛ̀ɛ, ɛ̃́ɛ̃́ o yé o kɛ-wɔ̃̀ yɔɔ kɛ-mìà káa, o zì è lo kɛɛ̀á?”

Zúdè 1:15

kɛ é mɛ̀ĩ́-sà dɔ mia séĩ́ mɔ̀, ɛ̃́ɛ̃́ kɛ é mɛ̀ĩ́-sà káá mia séĩ́ lɛ́ òó Wálà sɔ̃̀ɔ̃ kɛɛ wĩĩ́, wɔ̃́ yɔɔ séĩ́ lɛ́ waà kɛ Wálà gbĩ mɔ̀ɔ, ɛ̃́ɛ̃́ wéé yɔɔ̀ yɔɔ̀ séĩ́ lɛ́ gɔ̃à lɛ́ òó Wálà sɔ̃̀ɔ̃ kɛ e kília, waà à gèe Wálà gbĩ mɔ̀ɔ kolo là.”

Wɛ̀lɛ̀vèlésɔ̃̀ 21:8

Kɛɛ tùò-mia-wɛlɛ-lɛ̀ɛ mìà, ɛ̃́ɛ̃́ mia lɛ́ zò-dɔ̀à-mɔ̀ wá o yíaò, e bɛ̀i, wɔ̃́ yɔɔ̀ yɔɔ̀ kɛ-mìà, mia zɛ-mìà, ɛ̃́ɛ̃́ zeĩ́ sɔ̃̀ɔ̃ yɔɔ kɛ-mìà, e bɛ̀i, mia lɛ́ ò nyìɛ̀ yɔɔ̀ yɔɔ̀ kɛ̀ɛò, ɛ̃́ɛ̃́ mia lɛ́ ò gbìnì kɛ̀ɛ̀-wɛ́lɛ́ lɛ̀ɛ, e bɛ̀i nɛ̀-kɛ-mìà séĩ́, o pà lɛ́ɛ̀ lo kɛɛ̀ lɛ̀ lɛ́ tíé è kũ yí sɔ́fà mɔ̀, lɛ́ e ga kpolà pèèlɛ zɛ̀ káa lɛ̀ mɔ̀.”

Wɛ̀lɛ̀vèlésɔ̃̀ 22:15

Kɛɛ mia lɛ́ ò wɔ̃́ yɔɔ̀ yɔɔ̀ kɛ̀, ɛ̃́ɛ̃́ lɛ́ ò nyìɛ̀ yɔɔ̀ yɔɔ̀ kɛ̀, ɛ̃́ɛ̃́ zeĩ́ sɔ̃̀ɔ̃ yɔɔ kɛ-mìà, mia zɛ-mìà, mia lɛ́ ò gbìnì kɛ̀ɛ̀-wɛ́lɛ́ lɛ̀ɛò, ɛ̃́ɛ̃́ mia lɛ́ nɛ̀ kɛɛ̀ lɛ o lɛ̀ɛ sɛ̀, lɛ́ o kɔ̀ lɛ nɛ̀ kɛɛ̀ kpáá-ɓɛ̀lɛ̀ píéa, o sɛ́lɛ́ e kília mɛ̀ĩ́ píé.