1 Témɔ́tè 1:5 - Wè-dɔ-wè Dɛɛ

⁵ Pɛ́ è kɛ̀ lɛ́ m̀ mɔ́ɔ̀ wɔ̃̀ nì e kéa gèe ɓo ɓá kɛɛ, gɛ̃̀ e ké. Ye lɛ́ e kélɛ̀, lɔ̀-kɛ̀à-mɔ̀ lɛ́ è go mi zò píé púlú zɛ̀ lɛ́ à zò lɛ̀ɛ́ mɛ̀ à mɔ̀ɔ gé, lɛ́ zò-dɔ̀à-mɔ̀ wánà zɛ̀ lɛ à yía, é kɛ ɓe.

1 Témɔ́tè 1:5 Iomraidhean Croise

Máfìù 12:35

Mi sɔ̃̀ɔ̃ yiè zɛ̀ lɛ́ɛ̀ nu pɛ yiè lɛ́ aà o kpɔ́lɔ̀ bɛ̀ia ká wáà‐là. Kɛɛ mi sɔ̃̀ɔ̃ yɔɔ zɛ̀ lɛ́ɛ̀ nu pɛ yɔɔ lɛ́ aà o kpɔ́lɔ̀ bɛ̀ia ká wáà‐là.

Máfìù 5:8

“Mia lɛ́ o zò píé lɛ púlúa, zò géli lɛ o kɛ̀lɛ̀. Ƃii óò lo Wálà gɛ̃̀ɛ̃̀ɛ mɔ́ɔ̀ wɔ̃̀ mɔ̀.

Àpɔ́sɔ̀lɔ̀ 15:9

Wálà lɛ̀ɛ́ gbaa kò ye nì ko fĩ̀ã̀-ɓo-pɛ̀ gbɛɛ kɛ. E o zò píé kɛ é kɛ púlú, o zì zò-dɔ̀à-mɔ̀ kolo là zàá.

Àpɔ́sɔ̀lɔ̀ 23:1

Pɔ́ɔ̀ e lɛ̀ gɛ̃̀ mɛ̀ĩ́-sà ɓo-mìàa wɛlɛ yí áà gèè, “M ɓɛ́ĩ̀ ye-mìà, m zò lɛ̀ɛ́ mɛ̀ m mɔ̀ Wálà wɛlɛ mɔ̀ m zì kɛ̀ɓe séĩ́ là, é ɓɔá pɛ́nɛɛ mɔ̀.”

Àpɔ́sɔ̀lɔ̀ 24:16

À mɔ́ɔ̀ wɔ̃̀ mɔ̀ɔ, ḿm̀ m yí dɔ gágà yékɛ̀ m zò é mɛ̀ m mɔ̀ Wálà wà mia ɓéèe o wɛlɛ mɔ̀ teele.

Wólómà 10:4

Ƃii Kɛ́lɛ̀ì aà Lɔ́ɔ̀ɔ wɔ̃̀ ɓo gbaa tã́ã̀, kɛɛ mi nɔ́ɔ fé lɛ́ è lo e zò dɔɔ̀ à mɔ̀ɔ, é kɛ kpeĩ Wálà lɛ̀ɛ.

Wólómà 12:9

Ka zì mi-lɔ̀-kpɔ̀ ka mɔ̀ɔ, è kɛ dóo wánà zɛ̀. Wɔ̃́ yɔɔ lɔ̀ è nyɛ ka mɔ̀. Kà ka kɔ̀ kùnù wɔ̃́ lɛ́ e sɛ̀ɛ mɔ̀.

Wólómà 14:15

Yé ɓaà kɛ i lèe-gé zò aà dà zízàá pɛ́ ɓà ɓèlèa wɛ̃́ĩ̀a, kɛɛ ɓi wá gbaa táápìà lɔ̀-kɛ̀à-mɔ̀ kpáá yí. Yékɛ̀ ɓá tó léɓèlè ɓà ɓèlèa á kɛ mi lɛ́ Kɛ́lɛ̀ì a mɔ́ɔ̀ ga ɓoa, wɔ̃̀ é à zò píé sìè.

Wólómà 9:1

Wánà-wɔ̃̀ lɛ́ m̀ gèe ɓɛ. M Kɛ́lɛ̀ì là mi ká. M̀ḿ nɛ̀ kɛ. Gíkã́ lɛ́ Wálà zì Gɛ̀ɛ̀ Púlú à dà m zò píéa, lɛ́ɛ̀ m̀ kélá-wè ɓo áà zɔ̃̀ɔ̃̀ m lɛ̀ɛ kélɛ̀ wánà-wɔ̃̀ lɛ́ m̀ gèea.

1 Kɔ̀léĩ́tĩ̀ã̀ 13:1

Yé bɛ̀i aà kɛ m mɔ̀ kɛɛ ḿ wè gbɛɛ̀ gbɛɛ lɛ́ mia ò gèe, ɛ̃́ɛ̃́ à yé lɛ́ Wálà là vɔ-mìà ò gèea gèe, kɛɛ yé mi lɔ̀ kpɔ́ɔ̀ wá m mɔ̀ɔ, kɛɛ m lé-wè lɛ nɔ́ kélɛ̀ gbãũ-gbãũ mɛ̀-vĩ̀, ɛ̃́ɛ̃́ kɛɛ lɛ zeĩ́ kélɛ̀ pɛ lékèlè pèèlɛ mɛ̀ e kíe mɔ̀ vĩ̀ lɛ́ ɓe.

2 Kɔ̀léĩ́tĩ̀ã̀ 1:12

Wɔ̃́ lɛ́ kɔ̀à lé-gbùò-là kɛ̀ à làa, gɛ̃̀ e ké. Ye lɛ́ e kélɛ̀, ko zì gíkã́ láà zɔ̃̀ɔ̃̀ ko lɛ̀ɛ kélɛ̀ ko zì wɔ̃́ kɛ-kɔ̀ lɛ́ kò wɔ̃́ kɛ̀ à ká kpóṹ là zèe, ɛ̃́ɛ̃́ à yé kò wɔ̃́ kɛ̀ à ká ka lɛ̀ɛ, Wálà láà kɛ̀ tó áà kɛ̀ kpeĩ le, ɛ̃́ɛ̃́ tó áà gò ko zò píé. Wálà zì zò-kɛ̀-sɛ̀ɛ lɛ́ a kɛ lɛ́ e kɛ kília. Kpóṹ là zèe mìà zì gíkã́ wá kɛ á kɛ kíli.

Gɛ̀lésìà 5:22

Kɛɛ pɛ lɛ́ Gɛ̀ɛ̀ Púlú è ɓa à káa, lɛ́ e kélɛ̀, lɔ̀-kɛ̀à-mɔ̀, géli, e bɛ̀i, zò-yà-gé, ɛ̃́ɛ̃́ zò-kũ̀-tã́ã̀, e bɛ̀i, wɔ̃́ kɛ̀ mi lɛ̀ɛ zì yiè, sɔ̃̀ɔ̃-kɛ̀-sɛ̀, e bɛ̀i, mia zò-dɔ̀-i-mɔ̀,

Gɛ̀lésìà 5:6

Ƃii yé kò Kɛ́lɛ̀ì Zízɛ̀ nì kɔaà kɛ doóa, ko bɔ̃́ɔ̃́ síì é gɔ̃̀á bɛ̃̀ɛ̃ kɛɛ̀ à ká, ɛ̃́ɛ̃́ à kɛɛ̀ é kɛá bɛ̃̀ɛ̃ à káa, ye wá wɔ̃́ dò ká. Pɛ ké yee e wɔ̃́ɔ káa lɛ́ e zò-dɔ̀à-mɔ̀ lɛ́ è yɛɓo kɛ̀ mi lɔ̀-kpɔ̀-mi-mɔ̀ yía káa.

1 Témɔ́tè 1:18

M̀ nɛ́ Témɔ́tè, wɔ̃́ kɛ-wɔ̃̀ e kéa, maà à kpɔ́ gbaa i kɔ̀ là. Wɔ̃́ lɛ́ Wálà aà káá mɔ́ mia lé é gbɛ̃̀á i mɔ̀, lɛ́ waà à gèea, wà wɔ̃́ e kéa o doó. Wɔ̃́ lɛ́ wa gèe kília, è kɛ ɓà gèlè-gɔ̃-pɔ̀ɔ̀ ká lɛ̀ lɛ́ i gèlè yiè gɔ̃pìàa ká.

1 Témɔ́tè 1:19

I zò dɔɔ̀ è kɛá Wálà mɔ̀ teele. Ɛ́ɛ̃́ yékɛ̀ í i zò-mɛ̀-i-mɔ̀ wɔ̃̀ kɛ. Mia dò waà o wũ ɓo wɔ̃́ lɛ́ o zò gíkã́ à gèe ó kɛɛ wì, ɛ̃́ɛ̃́ o zì zò-dɔ̀à-mɔ̀ aà kã́ gbaa e kíe lé.

1 Témɔ́tè 3:9

Lɛ o mɔ̀ ó kùnù zò-dɔ̀à-mɔ̀ wɔ̃̀ lɛ́ lɛ́ɛ́ aà ɓo à là ko lɛ̀ɛ mɔ̀ zò yiè là ká.

2 Témɔ́tè 1:3

Ḿm̀ Wálà lɛ́ m̀ yɛɓo kɛ̀ à lɛ̀ɛ zò yiè ká, lɛ̀ zí m dàa ye dàà nì wa kɛáa lɛ́ ɓea zúo ɓo. Yé maà kɛ sɛ̀nɛ ɓopìàa, m zò lɛ́ɛ̀ vùò i mɔ́ɔ̀ wɔ̃̀ ká teele bĩ́ã́ ɛ̃́ɛ̃́ nyɛ́nɛ́ĩ́. À mɔ́ɔ̀ wɔ̃̀ mɔ̀ɔ, ḿm̀ Wálà zúo ɓo.

2 Témɔ́tè 1:5

M zò vùò lɛ i zì zò-dɔ̀à-mɔ̀ wánà zɛ̀ ɓɛ ká. Zò-dɔ̀à-mɔ̀ doó e kília lɛ́ e kɛ i lòóò lɛ́ ò si Yúnè, e bɛ̀i à zì lòóò lɛ́ ò si Lóɛ̀ɛ yía. Ḿm̀ à yí dɔ kélɛ̀ lɛ ɓi bɛ̃̀ɛ̃ i yí nɔ́ kíli.

2 Témɔ́tè 2:22

Pɛ lɛ́ à lɔ̀ è mia dɛɛ kɛ̀ɛ, ì i yí ɓo à mɔ̀. Ɛ́ɛ̃́ ì i fã̀ã́ wàà kɛ̀-kpeĩ-kɔ̀, zò-dɔ̀à-mɔ̀, ɛ̃́ɛ̃́ lɔ̀-kɛ̀à-mɔ̀, e bɛ̀i, zò-yà-gé wɔ̃̀ kɛɛ̀ mɔ̀. Mia nì lɛ́ o zò píé lɛ púlú, lɛ́ o ko Dàa-mì súo kɛ kɛ é gbũ o mɔ̀ɔ, kà ye nì káà wɔ̃́ e kília kɛ̀.

Tátɔ̀ 1:15

Mia lɛ́ o púlúa, pɛ séĩ́ lɛ o lɛ̀ɛ púlú. Kɛɛ mia lɛ́ o mɛ́ lilì kṹã̀ lɛ, lɛ́ o zò dɔɔ̀ wá Wálà mɔ̀ɔ, pɛ dò fé wá o lɛ̀ɛ púlú. Lɛ kíli ɓii o zì yɛ́lɛ́-táá wà o zò gíkã́ mɛ́ lilì kṹã̀ lɛ.

Hííbúlù 10:22

À mɔ́ɔ̀ wɔ̃̀ mɔ̀ɔ, kɔ̀à nu Wálà ká kɔ̀ɛ́ zò yiè wà zò-dɔ̀à-mɔ̀ wánà zɛ̀ ká. Kɔ̀à nu à ká kɔ̀ɛ́ zò lɛ́ waà léà wɛ̃̀ĩ à là, lɛ́ lɛ̀ɛ́ mɛ̀ mi mɔ̀ gbaa, ɛ̃́ɛ̃́ gbĩ-kpàla lɛ́ à mɛ́ pɛ́lɛ̀ lɛ yíí zéŋé-zèŋè káa ká.

Hííbúlù 13:18

Kà sɛ̀nɛ ɓo ko lɛ̀ɛ. Kóò à yí dɔ kélɛ̀ ko zò píé lɛ púlú, ɓii kóò nàà kó wɔ̃́ lɛ́ lɛ kpeĩa kɛ teele.

Hííbúlù 9:14

Lɛ̀ lɛ́ wɔ̃́ e kéa lɛ wánà zɛ̀ɛ, zi sùu kpɛɛ̀ lɛ́ Kɛ́lɛ̀ì léà è wɔ̃́ kɛ̀á kpànazɛ̀ mɔṹ ké. E e dìè nɔ sálà-ɓo-pɛ̀ lɛ́ kɛɛ wá à mɔ̀ɔ ká Wálà lɛ̀ɛ tòá kíli Gɛ̀ɛ̀ ɓɛ kolo là zàá. À léà lɛ́ɛ̀ lo ko zò píé pɛ́lɛ̀, yékɛ̀ kó kɛ yɛɓo fèle kɛ-mìà ká, kɛ kó Wálà ɓéèe ɓɛ là yɛɓo kɛ.

Zĩ́ĩ̀ 4:8

Kà nu Wálà ká kɔ̀ɛ́. Ká kɛ̀á kília, lɛ́ɛ̀ lo nuù ka bɛ̃̀ɛ̃ ka ká kɔ̀ɛ́. Kɛ-wɔ̃̀ yɔɔ kɛ-mìà ka ké ɓɛ, kà ka kɔ̀ pɛ́lɛ́. Mia lɛ́ ka yɛ́lɛ́-táá kpolà lɛ pèèlɛ ɓɛ, kà ka zò píé kɛ é kɛ púlú.

1 Pílɛ̀ 1:22

Kaà wɔ̃́ wánà zɛ̀ɛ wéè kɛ. Wɔ̃́ e kéa kɛɛ̀ kolo làa, kaà ka dìè kɛ púlú, ɛ̃́ɛ̃́ ka lèe-gé vɔ̀ lɔ̀ kpó-kpó kpɔ́ɔ̀ lɛ ka mɔ̀. Lɛ̀ lɛ́ wɔ̃́ nì e kéa lɛ kília, ka kíe nì lɔ̀ è kpɔ́ ka mɔ̀ kpó-kpó ɓo, áà gò ka zò píé.

1 Pílɛ̀ 3:16

Kɛɛ kà kɛ kpóló-kpɔ̀-mɔ̀ wà ɓɛ̀lɛyà ká. Ka zò è kɛ sɛ̀ teele, kɛɛ yé mia waà lé-kã́ kɛ ka mɔ̀ɔ, kɛ yɛ́lɛ̀ é kpɔ́ mia lɛ́ ò wɔ̃́ yɔɔ gèe ka zì wɔ̃́ kɛ-kɔ̀ yiè lɛ́ kà kɛ̀ Kɛ́lɛ̀ì yía mɔ̀ɔ là.

1 Pílɛ̀ 3:21

Yíí e kília lɛ mia bàtáì kɛɛ̀ lɛ́ è ka la gbaa gɔ̃̀á ká. Ye wá mia lilì ɓò-mia-mɔ̀ pɛ̀ ká. Kɛɛ lɛ ka wè lɛ́ kà dɔ zò púlú ká Wálà lɛ̀ɛ ká. Lɛ́ɛ̀ ka la Zízɛ̀ Kɛ́lɛ̀ì zì wɛ̀lɛ̀-ga-kɛ̀lɛ̀ kolo là zàá.

1 Pílɛ̀ 4:8

Wɔ̃́ kpànazɛ̀ kpó-kpó e ɓea lɛ́ e kélɛ̀, ka kíe nì lɔ̀ è kpɔ́ ka mɔ̀ kpó-kpó ɓo, ɓii lɔ̀-kɛ̀à-mɔ̀ lɛ́ɛ̀ kɛ-wɔ̃̀ yɔɔ búnùzɛ̀ kɔ̀ là yɛ.

2 Pílɛ̀ 1:7

Kà ka lèe-gé zì lɔ̀-kpɔ̀-ka-mɔ̀ dà ka zì Wálà sɔ̃̀ɔ̃ kɛɛ̀ bà. Ɛ́ɛ̃́ kà lɔ̀-kɛ̀à-mɔ̀ dà ka zì lèe-gé lɔ̀-kpɔ̀-ka-mɔ̀ bà.

1 Zɔ̃̀ɔ̃́ 3:10

Pɛ́ à zɔ̃̀ɔ̃̀ kélɛ̀ mi i Wálà là nɛ́ ká, ɛ̃́ɛ̃́ i Dɛ́ɓò là nɛ́ káa, gɛ̃̀ e ké. Mi nɔ́ɔ fé lɛ́ lɛ̀ɛ́ wɔ̃́ lɛ́ lɛ kpeĩa kɛɛ, ye wá Wálà là nɛ́ ká. Ɛ́ɛ̃́ là nɛ́ wá zeĩ́ mi lɛ́ à lèe-gé lɔ̀ kpɔ́ɔ̀ wá à mɔ̀ɔ ká bɛ̃̀ɛ̃.

1 Zɔ̃̀ɔ̃́ 3:23

Wɔ̃́ à gèe kó kɛɛ, gɛ̃̀ e ké. Láà gèe kó à Gbe Zízɛ̀ Kɛ́lɛ̀ì tɔ́ wɔ̃̀ gɛ̃̀ wánà ká, ɛ̃́ɛ̃́ kó à lɔ̀ kɛ ko kíe nì ká, lɛ̀ zí Kɛ́lɛ̀ì a gèe kó kɛáa lɛ́ ɓe.

1 Zɔ̃̀ɔ̃́ 3:3

Mia séĩ́ lɛ́ o zò lɛ Kɛ́lɛ̀ì mɔ̀ zi sùu e kéa káa, lɛ́ɛ̀ e dìè kɛ̀ púlú lɛ̀ zí Kɛ́lɛ̀ì lɛ à ká púlúa lɛ́ ɓe.