1 Témɔ́tè 1:4 - Wè-dɔ-wè Dɛɛ

⁴ À gèe o lɛ̀ɛ ó kã́ pĩ̀ã̀ nì, ɛ̃́ɛ̃́ mia ye-gã̀ gbèkèni lɛ́ ò pɛ̀ɛ̀ yia lɛ̀ɛ. Ƃii wɔ̃́ nì e kéa kɛɛ̀ lɛ́ɛ̀ nu tèé dàaà ká. Wɔ̃́ nì e kéa ye wá sɛ̀ Wálà là wɔ̃́ lɛ́ aà yà e géa mɔ́ɔ̀ wɔ̃̀ mɔ̀. Ƃii Wálà zì wɔ̃́ e kília, mia óò à dɔ zò-dɔ̀à-mɔ̀ kolo là zàá.

1 Témɔ́tè 1:4 Iomraidhean Croise

2 Kɔ̀léĩ́tĩ̀ã̀ 1:12

Wɔ̃́ lɛ́ kɔ̀à lé-gbùò-là kɛ̀ à làa, gɛ̃̀ e ké. Ye lɛ́ e kélɛ̀, ko zì gíkã́ láà zɔ̃̀ɔ̃̀ ko lɛ̀ɛ kélɛ̀ ko zì wɔ̃́ kɛ-kɔ̀ lɛ́ kò wɔ̃́ kɛ̀ à ká kpóṹ là zèe, ɛ̃́ɛ̃́ à yé kò wɔ̃́ kɛ̀ à ká ka lɛ̀ɛ, Wálà láà kɛ̀ tó áà kɛ̀ kpeĩ le, ɛ̃́ɛ̃́ tó áà gò ko zò píé. Wálà zì zò-kɛ̀-sɛ̀ɛ lɛ́ a kɛ lɛ́ e kɛ kília. Kpóṹ là zèe mìà zì gíkã́ wá kɛ á kɛ kíli.

Ìfísɔ̃̀ 3:2

Ḿm̀ à yí dɔ wánà ká kélɛ̀ kaà à ma kélɛ̀ Wálà zì zò-kɛ̀-sɛ̀ lɛ́ a kɛ lɛ́ e yɛɓo e kéa kpɔ́ m kɔ̀ là kɛ ḿ kɛ ka mɔ́ɔ̀ wɔ̃̀ mɔ̀ɔ.

1 Témɔ́tè 3:16

Wɔ̃́ lɛ́ à gbɛ̃̀ɛ̃̀ lɛ ko zì gbìnì Wálà lɛ̀ɛ mɔ̀, lɛ́ à bĩ̀ĩĩ̀ e kɛáa, lɛ dóo wɔ̃́ kpànazɛ̀ ká. Ɛ́ɛ̃́ mi gbɛɛ lɛ̀ɛ́ bɛ̀i à tèé ɓoò. Wɔ̃́ e kília gɛ̃̀ e ké. E kɛ mi ká lɛ̀ lɛ́ e ɓɔ mia làa ká. Gɛ̀ɛ̀ Púlú a zɔ̃̀ɔ̃̀ mia lɛ̀ɛ kélɛ̀ lɛ wánà zɛ̀. Wálà là vɔ-mìà wa gɛ̃̀. O à wɔ̃̀ gèe sɛ́lɛ́ gbɛɛ̀ gbɛɛ yí píé. O à wɔ̃̀ gɛ̃̀ wánà ká kpóṹ là zèe. Ɛ́ɛ̃́ o ló à ká lɛ̀ fɔ̀nɔ-pìà lɛ́ e lɛ̀ía mɔ̀.

1 Témɔ́tè 4:7

Kɛɛ ì i kɔ̀ ɓo pĩ̀ã̀ lɛ́ Wálà tɔ́ lɛ̀ɛ́ ɓɔ à ɓoò yí, ɛ̃́ɛ̃́ lɛ́ à yí wáá mɔ̀ɔ bà. Ì i dìè mɛ́ dã́ kɛ í kɛ ɓe lɛ̀ zí Wálà à nàà à káa lɛ́ ɓe.

1 Témɔ́tè 6:11

Kɛɛ ɓí i ké, lɛ́ i Wálà là mi káa, ì wɔ̃́ sùua kɛɛ̀ mɛ́ kpɔ́. Ì i fã̀ã́ wàà kɛ̀-kpeĩ-kɔ̀, kɛ̀ ɓe Wálà lɛ̀ɛ, wà zò-dɔ̀à-mɔ̀, e bɛ̀i, mi lɔ̀-kpɔ̀ mi mɔ̀, ɛ̃́ɛ̃́ zò-kũ̀-tã́ã̀, e bɛ̀i i kpóló kpɔ̀-i-mɔ̀ wɔ̃́ kɛɛ̀ yí mɔ̀.

1 Témɔ́tè 6:20

Témɔ́tè, pɛ lɛ́ waà kpɔ́ i kɔ̀ làa, ì i yɛ́lɛ́ yiè kɛ à píé. Wéé lɛ́ Wálà tɔ́ lɛ̀ɛ́ ɓɔ à ɓoò yíaò, e bɛ̀i, tèé yí gíniìa zɛ̀ dàaà, lɛ́ mia gbṹũ̀ ò à si gíkã́a, lɛ́ ye wá mɔṹ gíkã́ káa, ì o mɛ́ kpɔ́.

2 Témɔ́tè 2:14

Ì mia zò vùò wɔ̃́ e kéa ká. Ɛ́ɛ̃́ ì lìè-wè dɔ o lɛ̀ɛ Wálà wɛlɛ mɔ̀ kélɛ̀ yékɛ̀ ó wéé dɔ wéé doò do mɔ́ɔ̀ wɔ̃̀ mɔ̀. Wéé dɔɔ̀ lɛ̀ɛ́ wɔ̃́ yiè gbɛɛ kɛ. Kɛɛ lɛ́ɛ̀ mia lɛ́ ò o tóó dɔɔ wi tã́ã̀.

2 Témɔ́tè 2:22

Pɛ lɛ́ à lɔ̀ è mia dɛɛ kɛ̀ɛ, ì i yí ɓo à mɔ̀. Ɛ́ɛ̃́ ì i fã̀ã́ wàà kɛ̀-kpeĩ-kɔ̀, zò-dɔ̀à-mɔ̀, ɛ̃́ɛ̃́ lɔ̀-kɛ̀à-mɔ̀, e bɛ̀i, zò-yà-gé wɔ̃̀ kɛɛ̀ mɔ̀. Mia nì lɛ́ o zò píé lɛ púlú, lɛ́ o ko Dàa-mì súo kɛ kɛ é gbũ o mɔ̀ɔ, kà ye nì káà wɔ̃́ e kília kɛ̀.

2 Témɔ́tè 2:23

Ì i dìè ɓo tèé yí gíniìa zɛ̀ lɛ́ ò dà wɔ̃́ mi ɓàá yí dɔɔ mɔ́ɔ̀ wɔ̃̀ mɔ̀ɔ bà. Íì à yí dɔ tèé e kília dàaà líé-nyɛ-pìà lɛ́ e wéé dɔɔ̀ káa.

2 Témɔ́tè 4:4

Óò lo o tóó lé taà yékɛ̀ ó wánà-wɔ̃̀ɔ ma. Óò lo o tóó dɔɔ̀ pĩ̀ã̀ doò do mɔ̀.

Tátɔ̀ 1:1

Óò m si Pɔ́ɔ̀. M Wálà là yɛɓo-kɛ-mì, wà Zízɛ̀ Kɛ́lɛ̀ì là àpɔ́sɔ̀lɔ̀ ká. À kɛɛ̀ lɛ kíli kɛɛ ḿ gbũ mia lɛ́ Wálà aà o sía zì zò-dɔ̀à-mɔ̀ mɔ̀, ɛ̃́ɛ̃́ zeĩ́ kɛ ḿ zi wánà zɛ̀ lɛ́ mia wáá gbiniìá Wálà lɛ̀ɛ,

Tátɔ̀ 1:14

ɛ̃́ɛ̃́ yékɛ̀ ó kùnù gbaa Zúù-mìà zì pĩ̀ã̀, e bɛ̀i, wɔ̃́ lɛ́ mia waà à gèe ó kɛɛ mɔ̀. Wɔ̃́ nì o kília, óò go mia lɛ́ waà o ko gbɛ̃̀ wɔ̃́ wánà zɛ̀ɛ mɔ̀ɔ kɛ̀lɛ̀.

Tátɔ̀ 3:9

Kɛɛ ì wɔ̃́ nì e kéa mɛ́ kpɔ́. O lɛ́ o kélɛ̀, tèé yí gíniìa zɛ̀ dàaà, e bɛ̀i, mia sùu gã̀ pɛ́ɛ̀, ɛ̃́ɛ̃́ zeĩ́ wéé dɔɔ̀, ɛ̃́ɛ̃́ gèlè lɛ́ ò gɔ̃ Lɔ́ɔ̀ɔ káa káa. O wɔ̃́ fèle wà wɔ̃́ ɓɔ̀ɔ ká.

Hííbúlù 13:9

Yékɛ̀ ká tó pɛ-zɔ̃̀ɔ̃̀-kɔ̀ dɛɛ dɛɛ é ka ɓo zi yiè ɓɛ píé. Lɛ sɛ̀ Wálà zì zò-kɛ̀-sɛ̀ é ko zò mɛ́ kɛ gágà, kɛɛ ye wá mi tɔ̃́ɛ̃́ tóò ká. Míá ò o tɔ̃́ɛ̃́ toa, òó pɛ gbɛɛ gɛ̃̀ à tóò kolo là.

2 Pílɛ̀ 1:16

Lɛ̀ lɛ́ ko ko Dàa-mì Zízɛ̀ Kɛ́lɛ̀ì nu-kɔ̀ yí gágà zɛ̀ ɓɛ wɔ̃̀ kɛ kɛ ká yí dɔɔ, kòó mɔ́ɔ̀ ko zò dɔ gbaa pĩ̀ã̀ lɛ́ mia ò kɛ̀ o dìè wà gíkã́ káa mɔ̀. Ko à zì kɛ̀-kpànazɛ̀-kɔ̀ gɛ̃̀ ko dìè nyìɛ ká.