1 Témɔ́tè 1:3 - Wè-dɔ-wè Dɛɛ

³ Ḿm̀ nàà í tó Ɛ́fɔ́sɔ̀, lɛ̀ zí nɔ́ maà gèeá i lɛ̀ɛ lɛ̀ lɛ́ m kɛ lópìà Masèdónàa káa lɛ́ ɓe. Mia dò o yía o pɛ gbɛɛ zɔ̃̀ɔ̃̀pìà mia lɛ̀ɛ à lɛ̀ mɔ̀. Ì à gèe o lɛ̀ɛ ó tèá à zɔ̃̀ɔ̃ɔ̃̀ ká.

1 Témɔ́tè 1:3 Iomraidhean Croise

Àpɔ́sɔ̀lɔ̀ 18:19

O ɓɔ gbaa Ɛ́fɔ́sɔ̀. À lɛ̀ mɔ̀ lɛ́ Pɔ́ɔ̀ e Pòlòsílà wà Àkólà o tó yia. E ló Zúù-mìà zì Wálà-kàa wì, wà Zúù-mìà o kɛ wɔ̃́ gèepìà o kíe nì lɛ̀ɛ.

Àpɔ́sɔ̀lɔ̀ 18:21

Kɛɛ lɛ̀ e kɛ gópìà yia, a gèe o lɛ̀ɛ, “Wálà é wèèá mɔ̀ɔ, ḿm̀ lo nuù m mɛ̀ĩ́ ka píé.” Lɛ̀ e kɛ kília, e yà gbaa gɔɔ yí, e gó gbaa Ɛ́fɔ́sɔ̀.

Wólómà 15:26

Ƃii Wálà-mìà yé o Masèdónà, e bɛ̀i o yé o Àkéyàa, o zò wéè lɛ à mɔ̀ kɛ ó nɔ̀-lɛ̀ɛ-pɛ̀ dò nɔ mia lɛ́ pɛ wá o kɛ̀lɛ̀, lɛ́ o Wálà-mìà lɛ́ o Zùlúsàlɛ̀ɛ o bàa, o lɛ̀ɛ.

Wólómà 16:17

M lèe-gé vɔ̀, ḿm̀ kpé kã ka lɛ̀ɛ nyɔ́ɔ̀ɔ, kà ka yɛ́lɛ́ kɛ yí mia lɛ́ ò mia fĩ̀ã̀ ɓo, ɛ̃́ɛ̃́ zeĩ́ lɛ́ ò mia lé to luúa mɔ́ɔ̀ wɔ̃̀ mɔ̀. O zì wɔ̃́ kɛ-kɔ̀ lɛ gbɛɛ é góá pɛ-zɔ̃̀ɔ̃̀-kɔ̀ lɛ́ wa zɔ̃̀ɔ̃̀ ka lɛ̀ɛ píé. Kà o mɛ́ kpɔ́.

2 Kɔ̀léĩ́tĩ̀ã̀ 11:4

Ƃii yé mi gbɛɛ aà nu ka píé, áà Zízɛ̀ gbɛɛ lɛ́ ye wá Zízɛ̀ yé kò à wɔ̃̀ gèe ka lɛ̀ɛ káa wɔ̃̀ gèè ka lɛ̀ɛ, zò-kũ̀-tã́ã̀ lɛ ka kɛ̀lɛ̀ e yiè ká à zì kɛ-wɔ̃̀ e kília mɔ́ɔ̀ wɔ̃̀ mɔ̀. Ɛ́ɛ̃́ Gɛ̀ɛ̀ wà wɔ̃́ làṹ yiè lɛ́ lɛ dóo gbɛɛ à yé ka sɔ̀lɔ̀ ɓo ko kɛ̀lɛ̀ɛ píéa, káà ka kɔ̀ yà o wì.

Ìfísɔ̃̀ 4:14

Yé aà kɛ gbaa kília, kòó ló kɛɛ̀ nɔ́ɔ̀ɓé ká gbaa. Mɛ̀ĩ́ lɛ̀ɛ́ ló ko bìnì, ɛ̃́ɛ̃́ fã̀ã̀ lɛ́ è go zi gbɛɛ̀ gbɛɛ ká, lɛ́ e kélɛ̀ pɛ lɛ́ mia bèkɛ̀-ɓo-mìà ò zɔ̃̀ɔ̃̀ɔ, lɛ̀ɛ́ ló ko pìè kɛ é ko ɓo ko dɔ̀lɔ̀ mɔ̀. Míá o kília lɛ́ o mia lɛ́ ò mia líé si wáà lò o ká nɛ̀-wɔ̃̀ píé yɛ̀ì-yɛ́í lɛ́ wa nyáá pá e kíe mɔ̀ o dìè lɛ̀ɛ káa.

Fèlépĩ̀ã̀ 2:24

Ɛ́ɛ̃́ m zò dɔɔ̀ lɛ ko Dàa-mì mɔ̀ kɛ m dìè ḿ nu ka píé yi dɛɛ ká nɔ́ kíli.

1 Témɔ́tè 4:11

Ì pɛ́ e kéa zɔ̃̀ɔ̃̀ ɓáà gèè mia lɛ̀ɛ ó kɛ.

1 Témɔ́tè 4:6

Yé ɓaà wɔ̃́ kɛ-zì lɛ́ m̀ gèe i lɛ̀ɛ e kéa nɔ lèe-gé vɔ̀ yé o tóa lɛ̀ɛ, íì lo kɛɛ̀ yɛɓo-kɛ-mì kpeĩ ká Kɛ́lɛ̀ì Zízɛ̀ lɛ̀ɛ. Íì lo léɓèlè lɛ́ i gɛ̀ɛ̀ è lo à naà káa sɔ̀lɔ̀ ɓoò. Léɓèlè e kília lɛ́ e kélɛ̀, wéé lɛ́ à gbɛ̃̀ɛ̃̀ lɛ zò-dɔ̀à-mɔ̀ wɔ̃̀ mɔ̀, ɛ̃́ɛ̃́ wéé lɛ́ zeĩ́ à gbɛ̃̀ɛ̃̀ lɛ pɛ-zɔ̃̀ɔ̃̀-kɔ̀ wánà zɛ̀ lɛ́ ɓaà tó à píéa mɔ̀ɔ káa.

1 Témɔ́tè 5:7

Ì wɔ̃́ nì e kéa kpɔ́ o kɔ̀ là, yékɛ̀ mia ó o kɛ̀ɛ naa o mɔ̀.

1 Témɔ́tè 6:10

Wɔ̃́ yɔɔ̀ yɔɔ̀ kɛɛ̀ séĩ́ gã̀ gbɛ̃̀ɛ̃̀ lɛ pɛlèe zì lɔ̀-kɛ̀à-mɔ̀ lɛ́ e mia yía là. Nàà pɛlèe ká aà die mia gbṹũ̀ zò ká, ɛ̃́ɛ̃́ aà kɛ waà dà o gã̀ là, waà gó zò-dɔ̀à-mɔ̀ wɔ̃̀ɔ píé, ɛ̃́ɛ̃́ lɛ gbaa kélɛ̀ o zò píé aà wí zò-dà-zízàá búnùzɛ̀ ká.

1 Témɔ́tè 6:17

Mia lɛ́ o kɛɛ̀ lɛ kpànazɛ̀ pɔɔ̀ lɛ́ e kpóṹ là zèea káa, à gèe o lɛ̀ɛ yékɛ̀ ó o dìè sí gbùò. À gèe o lɛ̀ɛ pɛ́ o zò è bɛ̀i kɛɛ̀ à mɔ̀ɔ ye wá dɔ-pɔ̀ɔ̀ lɛ́ ìí à gò-i-kɛ̀lɛ̀ lùò dɔɔ ká. Kɛɛ Wálà lɛ́ è pɛ séĩ́ nɔ ko lɛ̀ɛ e yí gbùò zɛ̀ ká, tó à nyɔ́nɔ́ áà lò ko zò káa, lɛ́ lɛ o mɔ̀ o zò é kɛ à mɔ̀ɔ.

1 Témɔ́tè 6:3

Mi lɛ́ è pɛ gbɛɛ zɔ̃̀ɔ̃̀ lɛ́ lɛ̀ɛ́ wéé ko Dàa-mì Zízɛ̀ Kɛ́lɛ̀ì zì wéé wánà zɛ̀ɛò, ɛ̃́ɛ̃́ lɛ́ lɛ̀ɛ́ wéé pɛ-zɔ̃̀ɔ̃̀-kɔ̀ lɛ́ à gbɛ̃̀ɛ̃̀ lɛ gbìnì-Wálà-lɛ̀ɛ kɔ̀ mɔ̀ɔ mɔ̀ɔ,

2 Témɔ́tè 1:18

Ko Dàa-mì è à kɛ kɛ ko Dàa-mì é à yéĩ̀ kṹ Lúó e kília ká. Ɛ́ɛ̃́ zi lɛ́ e wɔ̃́ búnùzɛ̀ kɛá m lɛ̀ɛ Ɛ́fɔ́sɔ̀ɔ, íì à dɔ sɛ̀.

2 Zɔ̃̀ɔ̃́ 1:7

Mia bèkɛ̀-ɓo-mìà búnùzɛ̀ lóò lɛ kpóṹ là lɛ̀ séĩ́ mɔ̀. O mia lɛ́ òó gèe kélɛ̀ Zízɛ̀ Kɛ́lɛ̀ì e kpɔ́ mi gbĩ-kpàla yí lɛ́ e nua ká. Mi sùu e kília lɛ́ e mi bèkɛ̀-ɓo-mì ká, ɛ̃́ɛ̃́ lɛ́ e Kɛ́lɛ̀ì Dàa-gbe káa.

Wɛ̀lɛ̀vèlésɔ̃̀ 2:14

Kɛɛ wɔ̃́ zààle lɛ́ m̀ḿ naa à ká i mɔ̀ɔ gɛ̃̀ e ké. Mia gbṹũ̀ o ka bà wáà tò Bélàũ̀ zì pɛ-zɔ̃̀ɔ̃̀-kɔ̀ píé. Bélàũ̀ e kília, e zi lɛ́ è bɛ̀i à mɔ̀ é à kɛ Éézɛ̀lɛ̀-mìà ó kɛ-wɔ̃̀ yɔɔ kɛɛ zɔ̃̀ɔ̃̀ Bélà lɛ̀ɛ. Zí e kília lɛ́ e kélɛ̀, ó léɓèlè lɛ́ à kóná ɓoò lɛ kɛ̀ɛ̀-wɛ́lɛ́ mɔ̀ɔ ó à ɓèlè, ɛ̃́ɛ̃́ kɛ ó sɔ̃̀ɔ̃ yɔɔ kɛɛ.

Wɛ̀lɛ̀vèlésɔ̃̀ 2:20

Kɛɛ wɔ̃́ lɛ́ m̀ḿ naa à ká i mɔ̀ɔ gɛ̃̀ e ké. Íì wèè à mɔ̀ tó lee lɛ́ ò si Zɛ́zébɛ̀, lɛ́ è e dìè si dɔ̀-Wálà-lé-là-mìa, tó áà kɛ̀ ka bà. Lɛ́ɛ̀ pɛ zɔ̃̀ɔ̃̀ tó áà zi yɔɔ zɔ̃̀ɔ̃̀ m̀ yɛɓo-kɛ-mìà lɛ̀ɛ. Láà kɛ̀ tó wáà sɔ̃̀ɔ̃ yɔɔ kɛ̀, ɛ̃́ɛ̃́ tó wáà léɓèlè lɛ́ à kóná ɓoò lɛ kɛ̀ɛ̀-wɛ́lɛ́ mɔ̀ɔ ɓèlè.