1 Témɔ́tè 1:2 - Wè-dɔ-wè Dɛɛ

² Témɔ́tè lɛ́ i m̀ nɛ́ wánà zɛ̀ ká zò-dɔ̀à-mɔ̀ wɔ̃̀ kolo là zàáa, ḿm̀ wèè i bà. Wálà lɛ́ e mia Dàa káa, wà kɔa Dàa-mì Kɛ́lɛ̀ì Zízɛ̀, o zì zò-kɛ̀-sɛ̀, ɛ̃́ɛ̃́ zeĩ́, o zì mia yéĩ̀ kṹũ̀a é kɛ i píé, wáà zò-yà-gé nɔ̀ i lɛ̀ɛ.

1 Témɔ́tè 1:2 Iomraidhean Croise

Wólómà 1:7

Mia lɛ́ ka Wólóũ̀a séĩ́ lɛ́ Wálà à lɔ̀ kɛ̀ ka ká, ɛ̃́ɛ̃́ lɛ́ aà ka súo kɛ, kɛ ká kɛ là mia nì káa, ḿm̀ wèè ka bà. Kɔa Dàa Wálà, wà kɔa Dàa-mì Zízɛ̀ Kɛ́lɛ̀ì o zì zò-kɛ̀-sɛ̀ɛ é kɛ ka píé, wáà zò-yà-gé nɔ̀ ka lɛ̀ɛ.

Gɛ̀lésìà 1:3

Kɔa Dàa Wálà wà kɔa Dàa-mì Zízɛ̀ Kɛ́lɛ̀ì o zì zò-kɛ̀-sɛ̀ɛ é kɛ ka píé, wáà zò-yà-gé nɔ̀ ka lɛ̀ɛ.

1 Tɛsàlónìà 3:2

kɛ kó Témɔ́tè lɛ́ e ko lèe-gé ká, lɛ́ kò ye nì kò yɛɓo kɛ̀ e kíe là Wálà lɛ̀ɛ wɔ̃́ làṹ yiè lɛ́ à gbɛ̃̀ɛ̃̀ lɛ Kɛ́lɛ̀ì mɔ̀ɔ, gèeè káa vɔ ka píé. Ko à vɔ kɛɛ é ka mɛ́ kɛ gágà, ɛ̃́ɛ̃́ kɛ é ka zì zò-dɔ̀à-mɔ̀ wɛ́lɛ́ dà à yí,

1 Témɔ́tè 1:12

Ḿm̀ ko Dàa-mì Kɛ́lɛ̀ì Zízɛ̀ lɛ́ aà yíkɛ̀ gáàa nɔ m lɛ̀ɛ m̀ yɛɓoa kɛɛ̀ mɔ́ɔ̀ wɔ̃̀ mɔ̀ɔ zúo ɓo. Ḿm̀ à zúo ɓo m gɛ̃̀ a ɓo mi zò-dɔ̀à-mɔ̀ zɛ̀ ká, lɛ́ e m sí kɛ ḿ là yɛɓo kɛɛ mɔ́ɔ̀ wɔ̃̀ mɔ̀.

1 Témɔ́tè 1:18

M̀ nɛ́ Témɔ́tè, wɔ̃́ kɛ-wɔ̃̀ e kéa, maà à kpɔ́ gbaa i kɔ̀ là. Wɔ̃́ lɛ́ Wálà aà káá mɔ́ mia lé é gbɛ̃̀á i mɔ̀, lɛ́ waà à gèea, wà wɔ̃́ e kéa o doó. Wɔ̃́ lɛ́ wa gèe kília, è kɛ ɓà gèlè-gɔ̃-pɔ̀ɔ̀ ká lɛ̀ lɛ́ i gèlè yiè gɔ̃pìàa ká.

1 Témɔ́tè 6:20

Témɔ́tè, pɛ lɛ́ waà kpɔ́ i kɔ̀ làa, ì i yɛ́lɛ́ yiè kɛ à píé. Wéé lɛ́ Wálà tɔ́ lɛ̀ɛ́ ɓɔ à ɓoò yíaò, e bɛ̀i, tèé yí gíniìa zɛ̀ dàaà, lɛ́ mia gbṹũ̀ ò à si gíkã́a, lɛ́ ye wá mɔṹ gíkã́ káa, ì o mɛ́ kpɔ́.

2 Témɔ́tè 1:2

Témɔ́tè, lɛ́ i m̀ nɛ́ ká, lɛ́ i lɔ̀ kpɔ́ɔ̀ lɛ m mɔ̀ɔ, ḿm̀ wèè i bà. Wálà lɛ́ e mia Dàa káa, wà kɔa Dàa-mì Kɛ́lɛ̀ì Zízɛ̀, o zì zò-kɛ̀-sɛ̀, ɛ̃́ɛ̃́ zeĩ́ o zì mia yéĩ̀ kṹũ̀a é kɛ i píé, wáà zò-yà-gé nɔ̀ i lɛ̀ɛ.

2 Témɔ́tè 2:1

M̀ nɛ́ kɛɛ ɓi yee, i mɛ́ è kɛ gágà zò-kɛ̀-sɛ̀ lɛ́ e mia lɛ́ kò Kɛ́lɛ̀ì Zízɛ̀ nì ko doóa kɛ̀lɛ̀ɛ yí zàá.

Tátɔ̀ 1:4

Ḿm̀ kíí e kéa bɛ̃̀ɛ̃ ɓi Tátɔ̀ lɛ́ i m̀ nɛ́ wánà zɛ̀ ká zò-dɔ̀à-mɔ̀ lɛ́ kɔ̀à ɓi nì kɔ̀à dɔ à yía kolo là zàáa píé. Wálà lɛ́ e mia Dàa káa, é dàá Kɛ́lɛ̀ì Zízɛ̀ lɛ́ e ko La-mì káa bàa, o zì zò-kɛ̀-sɛ̀ɛ é kɛ i píé, wáà zò-yà-gé nɔ̀ i lɛ̀ɛ.

Tátɔ̀ 2:2

À gèe gɔ̃à lɛ́ o i dàa nì káa lɛ̀ɛ ó o dìè kṹ tã́ã̀, ɛ̃́ɛ̃́ ó o líé dɔ wɔ̃́ kɛɛ̀ yí, e bɛ̀i, ó kɛ mia lɛ́ o gí kã́ã̀ lɛɛ ká. O mɛ́ è kɛ gágà zò-dɔ̀à-mɔ̀, e bɛ̀i, mia lɔ̀-kpɔ̀ o mɔ̀, ɛ̃́ɛ̃́ lò o líé wɔ̃́ kɛɛ̀ ká yí zàá.

Tátɔ̀ 3:15

Mia séĩ́ lɛ́ kò ye nì ko zèea, o wéé i bà. Ì wéé ko ɓɛ́ĩ̀ lɛ́ o yí lɛ́ kò ye nì kò dɔ zò-dɔ̀à-mɔ̀ wɔ̃̀ yía bà ko lɛ̀ɛ. Zò-kɛ̀-sɛ̀ é kɛ ka séĩ́ ka píé.

1 Pílɛ̀ 1:2

Wálà lɛ́ e mia Dàa káa, e ka sí lɛ̀ zí a yàá e gé mɔ́ɔ lɛ́ ɓe. Gɛ̀ɛ̀ Púlú aà ka kɛ là mia nì lɛ́ o púlúa ká, kɛ ká Zízɛ̀ Kɛ́lɛ̀ì wéè kɛ, ɛ̃́ɛ̃́ kɛ à léà é ka mɛ́ pɛ́lɛ́. Zò-kɛ̀-sɛ̀ wà zò-yà-gé là è kpɔ́ ka lɛ̀ɛ.

2 Zɔ̃̀ɔ̃́ 1:3

Wálà lɛ́ e mia Dàa káa, ɛ̃́ɛ̃́ Zízɛ̀ Kɛ́lɛ̀ì lɛ́ e mia Dàa ɓɛ Gbe káa, ò zò-kɛ̀-sɛ̀ ɛ̃́ɛ̃́ mia yéĩ̀ kṹũ̀, e bɛ̀i zò-yà-gé nɔ kɔa lɛ̀ɛ. Ò kɛ kɔ̀à pɛ ká wánà-wɔ̃̀ yí, ɛ̃́ɛ̃́ lɔ̀-kɛ̀à-mɔ̀ kolo là zàá.

3 Zɔ̃̀ɔ̃́ 1:4

Wɔ̃́ gbɛɛ lɛ̀ɛ́ bɛ̀i à mɔ̀ é m gé li é diá yé maà ma kélɛ̀ m̀ nɔ́ɔ̀ o táápìà wánà-wɔ̃̀ɔ kpáá yía káa là.

Zúdè 1:2

Mia yéĩ̀ kṹũ̀, ɛ̃́ɛ̃́ zò-yà-gé, e bɛ̀i lɔ̀-kɛ̀à-mɔ̀ là è kpɔ́ ka lɛ̀ɛ.