1 Témɔ́tè 1:15 - Wè-dɔ-wè Dɛɛ

¹⁵ Wɔ̃́ mia ò gèea lɛ wɔ̃́ wánà zɛ̀ lɛ́ mi ì bɛ̀i à mɔ̀ í i kɔ̀ yà à wì zi séĩ́ ká, ɛ̃́ɛ̃́ ɓá gɛ̃̀ wánà káa ká. Ye lɛ́ e kélɛ̀, Kɛ́lɛ̀ì Zízɛ̀ e nu tã́ã̀ zèe kɛ é kɛ-wɔ̃̀ yɔɔ kɛ-mìà la. M kɛ-wɔ̃̀ yɔɔ kɛ-mìà beĩ ká.

1 Témɔ́tè 1:15 Iomraidhean Croise

Máfìù 1:21

Lɛ́ɛ̀ lo nɛ́ gɔ̃ zɛ̀ doó yeè. Ì à tɔ́ kpɔ́ Zízɛ̀, ɓii lɛ́ɛ̀ lo là mia nì laà o zì kɛ‐wɔ̃̀ yɔɔ kɛ̀lɛ̀ɛ mɔ́ɔ̀ wɔ̃̀ mɔ̀.”

Máfìù 18:10

“Kà ka yɛ́lɛ́ kɛ ka dìè mɔ̀, yékɛ̀ ka nyìɛ é fɔ̃́ nɔ́ɔ̀ɓé e kéa dò yí. Tó ḿ gèe ka lɛ̀ɛ, nɔ́ɔ̀ɓéa zì Wálà là vɔ‐mìà lɛ́ o lɛ̀ía, o m Dàa lɛ́ e lɛ̀ía wɛlɛ mɔ̀ teele. [

Máfìù 18:11

Ƃii Mi Gbe e nu kɛ é mia lɛ́ o gíniìa lɛɛ la.]

Máfìù 20:28

Lɛ à mɔ̀ é kɛ lɛ̀ Mi Gbe lɛ́ ɓe. Lɛ̀ɛ́ gbaa nu zèe kɛɛ mi é yɛɓo kɛ à mɔ̀. Kɛɛ e nu é yɛɓo kɛ mi mɔ̀, ɛ̃́ɛ̃́ é e zì kɛ̀ɓe nɔ, kɛ é mia búnùzɛ̀ ɓo wɔ̃́ yɔɔ yí.”

Máfìù 9:13

Kà lo ká Wálà‐kii lɛ̀ à yé e kéa yí naa. Ye lɛ́ e kélɛ̀, ‘M̀ḿ naa sálà lɛ́ ò ɓo pɛ ɓéèe káa ká. Kɛɛ pɛ́ m̀ nàáa, lɛ́ e mi yéĩ̀ kṹũ̀ káa.’ M̀ḿ gbaa nu mia lɛ́ o kpeĩa súo kɛɛ̀. Kɛɛ m nu kɛ‐wɔ̃̀ yɔɔ kɛ‐mìà súo kɛɛ̀.”

WƆ̃́ LÀṸ YIÈ ZÍ MÁÀ E À BƐ̃̀Ɛ̃ À KÁA 2:17

Lɛ̀ Zízɛ̀ e o wéè maa, a gèe o lɛ̀ɛ, “Mia lɛ́ o kéléŋ-kèlèŋa òó naa nyìɛ̀-kɛ-mì ká. Kɛɛ mia kɔ̃́ṹ-kɔ̃̀ũ̀ lɛ́ ò nàà à káa. M̀ḿ gbaa nu mia lɛ́ o kpeĩa súo kɛɛ̀. Kɛɛ m nu kɛ-wɔ̃̀ yɔɔ kɛ-mìà súo kɛɛ̀.”

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 15:2

Fálásíì‐mìà wà Wálà kii‐dɔ‐mìàa o gbɛ̃̀ gbaa, wáà wɔ̃́ gèè Zízɛ̀ gbĩ mɔ̀ weeá kélɛ̀, “Gɔ̃́ e kéa lɛ́ɛ̀ kɛ‐wɔ̃̀ yɔɔ kɛ‐mìà sɛ́nɛ́ ɓo, ɛ̃́ɛ̃́ tó wà ye nì wáà pɛ ɓèlè e kíe là.”

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 19:10

Ƃii Mi Gbe e nu kɛ é mia lɛ́ o gíniìa lɛɛ naa, é o la.”

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 5:32

M̀ḿ gbaa nu mia lɛ́ o kpeĩa, súo kɛɛ̀ kɛ ó o sɔ̃̀ɔ̃ yɔɔ mɛ́ vɔ̀ɔ. Kɛɛ m nu kɛ‐wɔ̃̀ yɔɔ kɛ‐mìà wɛ̃́ĩ̀.”

Zɔ̃̀ɔ̃́ 1:12

Kɛɛ o dò o o kɔ̀ yà à wì, ɛ̃́ɛ̃́ o o zò dɔ à mɔ̀. À mɔ́ɔ̀ wɔ̃̀ mɔ̀ɔ, a mɔ́ɔ̀ yíkɛ̀ gáàa nɔ ɓo o lɛ̀ɛ kɛɛ ó kɛ Wálà là nɔ́ɔ̀ ká.

Zɔ̃̀ɔ̃́ 1:29

À lɛ̀ kpɛ̀iì gbɛɛ káa, Zɔ̃̀ɔ̃́ e Zízɛ̀ gɛ̃̀, áà nù à píé. Zɔ̃̀ɔ̃́ a gèe kélɛ̀, “Kà lɛ̀ gɛ̃̀. Wálà là Ƃáá Nyɔ̀nɔ́ lɛ́ è kpóṹ là zèe zì kɛ-wɔ̃̀ yɔɔ ɓo à mɔ̀ɔ, gɛ̃̀ e yí.

Zɔ̃̀ɔ̃́ 12:47

Mi nɔ́ɔ fé lɛ́ è wɔ̃́ lɛ́ m̀ gèea ma, lɛ́ lɛ̀ɛ́ à kɛɛ, m̀ḿ ló mɛ̀ĩ́-sà dɔɔ̀ à mɔ̀. Ƃii m̀ḿ gbaa nu kɛ ḿ mɛ̀ĩ́-sà dɔ kpóṹ là mɔ̀. Kɛɛ m nu kɛ ḿ à la.

Zɔ̃̀ɔ̃́ 3:36

Mi lɛ́ è e zò dɔ Wálà Gbe mɔ̀ɔ, kɛ̀ɓe wɔ́lɔ́-wɔ́lɔ́ laa kɛ̀lɛ̀. Mi lɛ́ è Wálà Gbe wéè toa, lɛ́ɛ̀ ló kɛ̀ɓe sɔ̀lɔ̀ ɓoò. Kɛɛ Wálà zì wɔ̃́à-wàa-kɔ̀ lɛ́ɛ̀ lo tóò à là.

Àpɔ́sɔ̀lɔ̀ 11:1

Àpɔ́sɔ̀lɔ̀ vɔ̀ɔ wà o ɓɛ́ĩ̀ Wálà-mìà lɛ́ o kɛ Zùdíà lɛ̀ séĩ́ mɔ̀ɔ, wa ma kélɛ̀ sɛ́lɛ́ gbɛɛ yí-mìà waà Wálà lé-wè sɔ̀lɔ̀ ɓo nɔ́ kíli.

Àpɔ́sɔ̀lɔ̀ 11:18

Lɛ̀ o wɔ̃́ e kéa maa, o tèá gbaa wéé dɔɔ̀ ká, wáà Wálà tɔ́ ɓɔ̀ weeá kélɛ̀, “Wálà aà zi kɛ ɓe sɛ́lɛ́ gbɛɛ yí-mìà lɛ̀ɛ, kɛ ó o sɔ̃̀ɔ̃ yɔɔ mɛ́ vɔ̀ɔ, kɛ ó kɛ̀ɓe sɔ̀lɔ̀ ɓo nɔ́ kíli.”

Àpɔ́sɔ̀lɔ̀ 3:26

À mɔ́ɔ̀ wɔ̃̀ mɔ̀ɔ, Wálà e là Yɛɓo-kɛ-mì lɛ́ e Zízɛ̀ káa sí, a vɔ ka píé bèĩzɛ̀, kɛ é lúà kpɔ́ ka mɔ̀, áà ka séĩ́ ka nìɛ̀, káà gò ka sɔ̃̀ɔ̃ yɔɔ kɛɛ̀ mɔ̀.”

Wólómà 11:14

Ḿ ɓɔ́-kpɔ́ yàáa, lɛ́ɛ̀ lo lèĩ fɔ̃̀ɔ̃́-là kɛɛ̀ dàà mia lɛ́ kò ye nì kò go sɛ́lɛ́ doó yía o gé, tó máà o dò là.

Wólómà 5:6

Ƃii lɛ̀ lɛ́ yíkɛ̀ gáàa gbɛɛ lɛ̀ɛ́ gbaa kɛ nɛ́ ko yía, Kɛ́lɛ̀ì e ga mia lɛ́ ò wɔ̃́ yɔɔ kɛ̀ Wálà gbĩ mɔ̀ɔ wɛ̃́ĩ̀, lɛ̀ à lúó kpó-kpó e ɓɔɔ ká.

1 Kɔ̀léĩ́tĩ̀ã̀ 15:9

Ƃii ma lɛ́ m àpɔ́sɔ̀lɔ̀ yé nɔ́ à wɔ̃̀ wá kpànazɛ̀ɛ ká àpɔ́sɔ̀lɔ̀ vɔ̀ séĩ́ píéa. Ye wá bɛ̃̀ɛ̃ mia mɔ̀ kɛ ó m sí àpɔ́sɔ̀lɔ̀, ɓii m Wálà-mìà sã̀ dɔ.

Ìfísɔ̃̀ 3:8

Wálà mi yé Wálà-mìà yé o tóa o à mɔ̀ fìaa, à bɛ̃̀ɛ̃ lɛ m mɔ̀ fìa. É kɛ bɛ̃̀ɛ̃ kília, ye gɛ̃̀, Wálà e wɔ̃́ yiè e kéa nɔ m lɛ̀ɛ ɓɛ. Ye lɛ́ e kélɛ̀, ḿ wɔ̃́ làṹ yiè lɛ́ à gbɛ̃̀ɛ̃̀ lɛ Kɛ́lɛ̀ì là dɔ-pɔ̀ɔ̀ lɛ́ lóní wá à mɔ̀ɔ wɔ̃̀ gèe sɛ́lɛ́ gbɛɛ yí-mìà lɛ̀ɛ.

1 Témɔ́tè 1:13

A kɛ kíli, yé bɛ̃̀ɛ̃ m kɛ wɔ̃́ yɔɔ gèepìà à gbĩ mɔ̀ bèĩzɛ̀, ɛ̃́ɛ̃́ lɛ́ m à sã̀ dɔ máà lé-kã́ kɛ̀ à mɔ̀ɔ káa ká. Kɛɛ Wálà e m yéĩ̀ kṹ, ɓii zò-dɔ̀à-mɔ̀ lɛ̀ɛ́ gbaa kɛ m yí, ɛ̃́ɛ̃́ wɔ̃́ m kɛ à kɛpìàa, m̀ḿ gbaa kɛ à yí dɔpìàa ká.

1 Témɔ́tè 1:19

I zò dɔɔ̀ è kɛá Wálà mɔ̀ teele. Ɛ́ɛ̃́ yékɛ̀ í i zò-mɛ̀-i-mɔ̀ wɔ̃̀ kɛ. Mia dò waà o wũ ɓo wɔ̃́ lɛ́ o zò gíkã́ à gèe ó kɛɛ wì, ɛ̃́ɛ̃́ o zì zò-dɔ̀à-mɔ̀ aà kã́ gbaa e kíe lé.

1 Témɔ́tè 3:1

Wɔ̃́ mia ò gèe e kéa lɛ wánà zɛ̀. Óò gèe kélɛ̀, é kɛ̀á mi dò láà nàà é Wálà-mìà líé-sí-yɛ̀ɓo kɛɛ, yɛɓo lɛ́ à nàà kília lɛ dóo yɛɓo yiè kpó-kpó ká.

1 Témɔ́tè 4:9

Wɔ̃́ mia ò gèea lɛ wɔ̃́ wánà zɛ̀ lɛ́ mi ì bɛ̀i à mɔ̀ í i kɔ̀ yà à wì zi séĩ́ ká, ɛ̃́ɛ̃́ ɓá gɛ̃̀ wánà káa ká.

1 Témɔ́tè 6:13

Wálà lɛ́ è kɛ̀ɓe nɔ pɛ séĩ́ lɛ̀ɛ, ɛ̃́ɛ̃́ Kɛ́lɛ̀ì Zízɛ̀ lɛ́ e wéé wɔ̃́ wánà zɛ̀ mɔ̀ e yiè ká Pɔ̃́sɔ̀ Pálɛ̀ wɛlɛ mɔ̀ɔ, maà wɔ̃́ e kéa kpɔ́ i kɔ̀ là o wɛlɛ mɔ̀.

2 Témɔ́tè 2:11

Wɔ̃́ mia ò gèe lɛ́ e kéa lɛ wánà zɛ̀. Óò gèe kélɛ̀, “É kɛ̀á kò ye nì ko gaa, kò ye nì kóò lo kɛɛ̀ ɓe nɔ́ kíli.

Tátɔ̀ 3:8

Wɔ̃́ nì e kília lɛ wɔ̃́ wánà zɛ̀ lɛ́ à gèeè lɛɛ ká. Ḿm̀ nàà í wɔ̃́ nì o kília gèe kpó-kpó ɓo, kɛɛ é à kɛ mia lɛ́ o zò dɔɔ̀ lɛ Wálà mɔ̀ɔ zò é kɛ yɛɓo yiè kɛɛ̀ mɔ̀. Wɔ̃́ e kília lɛ sɛ̀, ɛ̃́ɛ̃́ lɛ́ɛ̀ gbũ mia mɔ̀.

Hííbúlù 7:25

À mɔ́ɔ̀ wɔ̃̀ mɔ̀ɔ, bɛ̀i lɛ à mɔ̀ gbaa, ɛ̃́ɛ̃́ lɛ́ɛ̀ lo kɛɛ̀ à mɔ̀ teele, tó áà mia lɛ́ ò nu Wálà píé à kolo làa là, ɓii lɛ ɓe tòá kíli ká, tó áà mɛ́ĩ́ ɓò Wálà lɛ̀ɛ o mɔ́ɔ̀ wɔ̃̀ mɔ̀.

1 Zɔ̃̀ɔ̃́ 3:5

Káà yí dɔ kélɛ̀ Kɛ́lɛ̀ì e ɓíé mia là, kɛɛ é mia ɓéèe zì kɛ-wɔ̃̀ yɔɔ ɓo o mɔ̀. Ɛ́ɛ̃́ káà yí dɔ kélɛ̀ kɛ-wɔ̃̀ yɔɔ gbɛɛ wá à mɔ̀.

1 Zɔ̃̀ɔ̃́ 3:8

Mi nɔ́ɔ fé lɛ́ è lo líé kɛ-wɔ̃̀ yɔɔ kɛɛ̀ káa, kɛɛ lɛ Dɛ́ɓò là mi ká. Ƃii Dɛ́ɓò aà gbɛ̃̀ kɛ-wɔ̃̀ yɔɔ kɛɛ̀ ká wɔ̃́ gã̀-gbɛ̃̀pìàa mɔ́ɔ̀ wɔ̃̀ mɔ̀. Wálà Gbe e ɓíé mia là wɔ̃́ kpó-kpó e kéa mɔ́ɔ̀ wɔ̃̀ mɔ̀. Ye lɛ́ e kélɛ̀, kɛ é Dɛ́ɓò zì kɛ-yɛ̀ɓo yí sìè.

1 Zɔ̃̀ɔ̃́ 5:11

Kélá-wè e kília gɛ̃̀ e ké. Wálà aà kɛ̀ɓe wɔ́lɔ́-wɔ́lɔ́ nɔ ko lɛ̀ɛ. Kɛ̀ɓe e kília lɛ à Gbe yí.

Wɛ̀lɛ̀vèlésɔ̃̀ 21:5

Mi lɛ́ e kɛ yàá dɔ-táŋánáa làa a gèe kélɛ̀, “M pɛ séĩ́ dɛɛ kɛpìà gbaa.” A gèe zeĩ́ m lɛ̀ɛ kélɛ̀, “Wɔ̃́ e kéa bɛ̃̀ɛ̃, ɓii wéé e kéa lɛ wánà zɛ̀, ɛ̃́ɛ̃́ mi íì bɛ̀i à mɔ̀ í i zò dɔ à mɔ̀.”

Wɛ̀lɛ̀vèlésɔ̃̀ 22:6

Yé e kɛ kília, Wálà là vɔ-mìa a gèe m lɛ̀ɛ, “Wéé e kéa lɛ wánà zɛ̀, ɛ̃́ɛ̃́ mi íì bɛ̀i à mɔ̀ í i zò dɔ à mɔ̀. Ko Dàa-mì Wálà lɛ́ è e Gɛ̀ɛ̀ nɔ dɔ̀à-lé-là-mìà lɛ̀ɛ, e là vɔ-mì vɔ kɛ é pɛ lɛ́ laa mɔ̀ é kɛ dɛɛ káa zɔ̃̀ɔ̃̀ là yɛɓo-kɛ-mìà lɛ̀ɛ.”

Wɛ̀lɛ̀vèlésɔ̃̀ 5:9

O tã́ dɛɛ ɓo weeá kélɛ̀, “I dóo kpeĩ kɛ í kii lɛ́ɛ́ kpíní kṹã̀a zɛ̀ɛ sí kɛ í à lé-taa-pɛ̀ɛ wí. Ƃii i zɛɛ̀ e kɛ à ká. I mia lɛ́ ò go síí-sɛ̀lɛ̀ séĩ́ là, ɛ̃́ɛ̃́ wè gbɛɛ̀ gbɛɛ gèe-mìà séĩ́ bà, e bɛ̀i, sɛ́lɛ́ gbɛɛ̀ gbɛɛ yí-mìà séĩ́, e bɛ̀i mia kpóló kɛ-kɔ̀ gbɛɛ̀ gbɛɛ zɛ̀ séĩ́ lɔ́ i léà ká Wálà lɛ̀ɛ.