1 Témɔ́tè 1:14 - Wè-dɔ-wè Dɛɛ

¹⁴ Ko Dàa-mì e e zì zò-kɛ̀-sɛ̀ káá m là yí gbùò zɛ̀, ɛ̃́ɛ̃́ e zò-dɔ̀à-mɔ̀ wà lɔ̀-kɛ̀à-mɔ̀ lɛ́ e kò pɛ ká kò Kɛ́lɛ̀ì Zízɛ̀ nì ko kɛ̀ doó yía kolo là zàáa, a nɔ m lɛ̀ɛ.

1 Témɔ́tè 1:14 Iomraidhean Croise

Máfìù 20:9

Mia lɛ́ o gbɛ̃̀ yɛɓo kɛɛ̀ ká nyɛ́nɛ́ dɔ̀‐lɛ́ɛ́‐là lùò káa, o pɛlèe púlú gbá nɔ o lɛ̀ɛ doó doó.

Àpɔ́sɔ̀lɔ̀ 15:11

Kɛɛ kóò gɛ̃̀ wánà ká kélɛ̀ ko Dàa-mì Zízɛ̀ zì zò-kɛ̀-sɛ̀ɛ lɛ́ e ko laa, zí nɔ́ doóa lɛ́ e o bɛ̃̀ɛ̃ o la à káa.”

Wólómà 16:20

Ɛ́ɛ̃́ Wálà lɛ́ è zò-yà-gé nɔ mia lɛ̀ɛ, lɛ́ɛ̀ lo Sétɔ̃̀ tìli-tílíì ka gã̀ wì dɛɛ. Ko Dàa-mì Zízɛ̀ zì zò-kɛ̀-sɛ̀ɛ é kɛá ka píé.

1 Kɔ̀léĩ́tĩ̀ã̀ 15:10

Kɛɛ Wálà zì zò-kɛ̀-sɛ̀ɛ lɛ́ e m kɛ lɛ̀ zí m à ká lɛ́ ɓea. Ɛ́ɛ̃́ à zì zò-kɛ̀-sɛ̀ lɛ́ a kɛ m káa, lɛ̀ɛ́ gbaa nɔ m lɛ̀ɛ ɓɔ̀ɔ. Kɛɛ m yɛɓo kɛ gágà, é diá àpɔ́sɔ̀lɔ̀ vɔ̀ séĩ́ yé o tóa là. Kɛɛ lɛ̀ɛ́ gbaa kɛ m zì yíkɛ̀ gáàa ká. Kɛɛ e kɛ Wálà zì zò-kɛ̀-sɛ̀ ká, lɛ́ kò ye ko kɛ yɛɓo kɛpìà à káa.

1 Kɔ̀léĩ́tĩ̀ã̀ 3:10

M kélɛ̀ mi lɛ́ è ká-dɔ-yɛ̀ɓo dɔ kpó-kpó ɓoa lɛ́ ɓe. M ká gã̀ gbɛ̃̀ nɔ̀-lɛ̀ɛ-pɛ̀ lɛ́ Wálà a nɔ m lɛ̀ɛ kolo là zàá, ɛ̃́ɛ̃́ mi gbɛɛ lɛ gbaa ká dɔpìà ká gã̀ e kília là. Kɛɛ lɛ sɛ̀ mia séĩ́ ó o yɛ́lɛ́ kɛ o zì ká-dɔ-kɔ̀ píé.

2 Kɔ̀léĩ́tĩ̀ã̀ 13:14

Ko Dàa-mì Zízɛ̀ Kɛ́lɛ̀ì zì zò-kɛ̀-sɛ̀, wà Wálà zì mia lɔ̀-kpɔ̀à-mɔ̀, e bɛ̀i tàà-kíe-píé lɛ́ kɔ̀à kɛ̀, lɛ́ è go Gɛ̀ɛ̀ Púlú kɛ̀lɛ̀ɛ, é kɛ ka séĩ́ ka píé.

2 Kɔ̀léĩ́tĩ̀ã̀ 4:15

Wɔ̃́ e kéa séĩ́ lɛ ka mɔ́ɔ̀ wɔ̃̀ mɔ̀. Ɛ́ɛ̃́ yé Wálà là zò-kɛ̀-sɛ̀ aà kɛ ɓɔpìà mia búnù-búnùzɛ̀ làa, o zì Wálà zúo-ɓo-kɔ̀ɔ là lɛ́ɛ̀ lo kɛɛ̀ kpɔ́pìà yí gbùò zɛ̀, kɛɛ Wálà é tɔ́-ɓɔ sɔ̀lɔ̀ ɓo.

2 Kɔ̀léĩ́tĩ̀ã̀ 8:9

Ƃii káà ko Dàa-mì Zízɛ̀ Kɛ́lɛ̀ì zì zò-kɛ̀-sɛ̀ɛ dɔ. E e dìè kɛ mi lɛ́ pɛ wá à kɛ̀lɛ̀ɛ ká ka mɔ́ɔ̀ wɔ̃̀ mɔ̀, yé bɛ̃̀ɛ̃ e kɛ kpànazɛ̀ɛ ká. E à kɛ kíli kɛɛ ká kɛ kpànazɛ̀ à zì pɛ nyɛ̀ à kɛ̀lɛ̀ kolo là zàá.

Gɛ̀lésìà 1:13

Zi lɛ́ m zì yìì-kɔ̀ e kɛá lɛ̀ lɛ́ m kɛ gbinipìà Wálà lɛ̀ɛ Zúù-mìà zì gbìnì Wálà lɛ̀ɛ zì káa, waà à wɔ̃̀ gèe ka lɛ̀ɛ. M kɛ Wálà-mìà sã̀ dɔpìà kpó-kpó ɓo. Ɛ́ɛ̃́ ma kɛ-zì naa kɛ ḿ o kã́ o kíe mɔ̀.

1 Tɛsàlónìà 1:3

Ƃii ko zò lɛ́ɛ̀ vùò kò Wálà lɛ́ e ko Dàa káa wɛlɛ mɔ̀ zi lɛ́ ka yɛɓo kɛá ka zì zò-dɔ̀à-mɔ̀ kolo là, ɛ̃́ɛ̃́ zi lɛ́ mia lɔ̀-kpɔ̀ ka mɔ̀ a kɛá, lɛ́ ka yɛɓo kɛ gáàa, e bɛ̀i, zi lɛ́ ka zò kɛɛ̀ lɛ à ká ko Dàa-mì Zízɛ̀ Kɛ́lɛ̀ì mɔ̀ kpɛ̃ĩ lea mɔ́ɔ̀ wɔ̃̀ mɔ̀.

1 Tɛsàlónìà 5:8

Kɛɛ ko yee ko lɛ̀-kpɛ̀iì là mia ká, ɛ̃́ɛ̃́ lɛ ko mɔ̀ kó kɛ dìè-kũ̀-tã́ã̀ zɛ̀. Lɛ à mɔ̀ ko zò-là bĩ̀ĩ̀-pɛ̀ lɛ́ kò dà ko mɔ̀ɔ, é kɛ zò-dɔ̀à-mɔ̀ wà mi lɔ̀-kpɔ̀ mi mɔ̀ ká. Ɛ́ɛ̃́ lɛ à mɔ̀ kɔ́á kɔa zì zò-kɛ̀-la-ɓoa mɔ̀ɔ sí, kɔ́á yà kɔa wĩĩ́ kɔa zì gèlè-gɔ̃ gbàlá ká.

1 Témɔ́tè 2:15

Kɛɛ lee lɛ́ɛ̀ lo la-ɓo sɔ̀lɔ̀ ɓoò à zì nɛ́ yeè kolo là, yé aà ló líé zò-dɔ̀à-mɔ̀, wà lɔ̀-kɛ̀à-mɔ̀, wà kɛ̀-púlú-kɔ̀, é dàá e dìè kũ̀ tã́ã̀ bàa ká.

1 Témɔ́tè 4:12

Yékɛ̀ ɓá tó mi nɔ́ɔ fé nyìɛ é fɔ̃́ i yí ɓii i nɛ́fú káa mɔ́ɔ̀ wɔ̃̀ mɔ̀. Kɛɛ ì à tó i zì wɔ̃́ lɛ́ ɓà gèe, e bɛ̀i, i zì wɔ̃́ kɛ-kɔ̀, ɛ̃́ɛ̃́ zeĩ́, i zì lɔ̀-kɛ̀ mia ká, ɛ̃́ɛ̃́ i zì zò-dɔ̀à-mɔ̀, e bɛ̀i i zì kɛ̀ pulú é kɛ wɔ̃́ gɔ̃̀á ká mia lɛ́ waà o zò dɔ Wálà mɔ̀ɔ lɛ̀ɛ.

1 Témɔ́tè 6:11

Kɛɛ ɓí i ké, lɛ́ i Wálà là mi káa, ì wɔ̃́ sùua kɛɛ̀ mɛ́ kpɔ́. Ì i fã̀ã́ wàà kɛ̀-kpeĩ-kɔ̀, kɛ̀ ɓe Wálà lɛ̀ɛ, wà zò-dɔ̀à-mɔ̀, e bɛ̀i, mi lɔ̀-kpɔ̀ mi mɔ̀, ɛ̃́ɛ̃́ zò-kũ̀-tã́ã̀, e bɛ̀i i kpóló kpɔ̀-i-mɔ̀ wɔ̃́ kɛɛ̀ yí mɔ̀.

2 Témɔ́tè 1:13

Ì i kɔ̀ kùnù wéé wánà zɛ̀ lɛ́ ma zɔ̃̀ɔ̃̀ i lɛ̀ɛ kɛ é kɛ wɔ̃́ gɔ̃̀á lɛ́ ì lo tóò à píéa káa mɔ̀. Ì kɛ ɓe zò-dɔ̀à-mɔ̀ wà lɔ̀-kpɔ̀à-mɔ̀ lɛ́ lɛ mia lɛ́ kò Kɛ́lɛ̀ì Zízɛ̀ nì ko doóa ko kɛ̀lɛ̀ɛ yí.

2 Témɔ́tè 2:22

Pɛ lɛ́ à lɔ̀ è mia dɛɛ kɛ̀ɛ, ì i yí ɓo à mɔ̀. Ɛ́ɛ̃́ ì i fã̀ã́ wàà kɛ̀-kpeĩ-kɔ̀, zò-dɔ̀à-mɔ̀, ɛ̃́ɛ̃́ lɔ̀-kɛ̀à-mɔ̀, e bɛ̀i, zò-yà-gé wɔ̃̀ kɛɛ̀ mɔ̀. Mia nì lɛ́ o zò píé lɛ púlú, lɛ́ o ko Dàa-mì súo kɛ kɛ é gbũ o mɔ̀ɔ, kà ye nì káà wɔ̃́ e kília kɛ̀.

Tátɔ̀ 2:2

À gèe gɔ̃à lɛ́ o i dàa nì káa lɛ̀ɛ ó o dìè kṹ tã́ã̀, ɛ̃́ɛ̃́ ó o líé dɔ wɔ̃́ kɛɛ̀ yí, e bɛ̀i, ó kɛ mia lɛ́ o gí kã́ã̀ lɛɛ ká. O mɛ́ è kɛ gágà zò-dɔ̀à-mɔ̀, e bɛ̀i, mia lɔ̀-kpɔ̀ o mɔ̀, ɛ̃́ɛ̃́ lò o líé wɔ̃́ kɛɛ̀ ká yí zàá.

1 Pílɛ̀ 1:3

Wálà lɛ́ e kɔa Dàa-mì Zízɛ̀ Kɛ́lɛ̀ì Dàa káa, kɔ̀à à tɔ́ ɓɔ. À zì mia yéĩ̀ kṹũ̀ kpànazɛ̀ɛ mɔ́ɔ̀ wɔ̃̀ mɔ̀ɔ, e kɛ̀ɓe dɛɛ nɔ kɔa lɛ̀ɛ Zízɛ̀ Kɛ́lɛ̀ì wɛ̀lɛ̀ a ɓo ga kɛ̀lɛ̀ɛ kolo là zàá. Wɔ̃́ e kéa láà kɛ̀, tó zò-kɛ̀-pɛ-mɔ̀ ɓéèe áà kɛ̀ ko yí.

1 Zɔ̃̀ɔ̃́ 4:10

Lɔ̀-kɛ̀à-mɔ̀ lɛ́ e kélɛ̀, ye wá kélɛ̀ Wálà lɔ̀ kpɔ́ɔ̀ lɛ ko mɔ̀, kɛɛ ko lɔ̀ kpɔ́ɔ̀ lɛ à yee mɔ̀, ɛ̃́ɛ̃́ e e Gbe vɔ kɛɛ ko kɛ-wɔ̃̀ yɔɔ é ɓo ko mɔ̀ à dìè kolo là zàá.

Wɛ̀lɛ̀vèlésɔ̃̀ 22:21

Ko Dàa-mì Zízɛ̀ zì zò-kɛ̀-sɛ̀ɛ é kɛá mia séĩ́ píé.