1 Témɔ́tè 1:13 - Wè-dɔ-wè Dɛɛ

¹³ A kɛ kíli, yé bɛ̃̀ɛ̃ m kɛ wɔ̃́ yɔɔ gèepìà à gbĩ mɔ̀ bèĩzɛ̀, ɛ̃́ɛ̃́ lɛ́ m à sã̀ dɔ máà lé-kã́ kɛ̀ à mɔ̀ɔ káa ká. Kɛɛ Wálà e m yéĩ̀ kṹ, ɓii zò-dɔ̀à-mɔ̀ lɛ̀ɛ́ gbaa kɛ m yí, ɛ̃́ɛ̃́ wɔ̃́ m kɛ à kɛpìàa, m̀ḿ gbaa kɛ à yí dɔpìàa ká.

1 Témɔ́tè 1:13 Iomraidhean Croise

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 12:47

“Yɛɓo‐kɛ‐mì lɛ́ è wɔ̃́ lɛ́ à dàa‐mì à nàà à kɛɛ dɔ, tó lɛ̀ɛ́ e dìè pɛ̀ kɛ, kɛ é wɔ̃́ lɛ́ à dàa‐mì à nàà à káa, á kɛɛ, óò lo à kṹũ̀ gágà, tó wáà à mɛ̀.

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 23:34

Zízɛ̀ a gèe, “M Dàa, ì wɔ̃́ e kéa ɓo o wũ mɔ̀. Ƃii wɔ̃́ lɛ́ ò kɛ̀ɛ, òó à yí dɔ.” O gɔ̃‐pɛ̀ gɔ̃, kɛɛ ó sɔ yé ò lo lóò à ká píéa dɔɔ̀ sí à mɔ̀.

Àpɔ́sɔ̀lɔ̀ 22:4

Mia lɛ́ ò to Zí e kéa píéa, m kɛ o sã̀ dɔpìà o zɛ-zì píé. M gɔ̃à wà loà nì o kṹ, máà o dùò bĩ́-kɛ̀ì.

Àpɔ́sɔ̀lɔ̀ 3:17

“Ɛ̀ɛ̀, m lèe-gé vɔ̀, wɔ̃́ lɛ́ kà ka wũ-là-mìà nì ka kɛ Zízɛ̀ káa, ka kɛ kíli, ɓii ka kɛ ka ti bà.

Àpɔ́sɔ̀lɔ̀ 8:3

Kɛɛ Sɔ́ɔ̀ e kɛ à kɛ-zì naapìà kɛ é Wálà-mìà yí sìè. E kɛ wààpìà kɛ́ì píé, áà gɔ̃à nì, loà nì o gã̀ã̀ tã́ã̀, áà ɓɔ̀ o ká pɛlɛí, áà o dùò bĩ́-kɛ̀ì.

Àpɔ́sɔ̀lɔ̀ 9:1

Lúó e kília káa, Sɔ́ɔ̀ e kɛ nɔ́ tĩã́ mia túó-wɔ̃̀, lɛ́ e mi zɛ-wɔ̃̀ káa, gèepìà ko Dàa-mì là tòà-píé-mìàa gbĩ mɔ̀. E ló sálà-ɓò-Wálà-mɔ̀-mìà wũ-là-mìa píé,

Àpɔ́sɔ̀lɔ̀ 9:13

Ánànáyà a là nìɛ̀ weeá kélɛ̀, “Ko Dàa-mì, mia búnù-búnùzɛ̀ waà gɔ̃́ e kéa wɔ̃̀ gèe m lɛ̀ɛ. Waà wɔ̃́ yɔɔ̀ yɔɔ̀ lɛ́ aà kɛ ɓà mia nì ká Zùlúsàlɛ̀ɛ gèe m lɛ̀ɛ.

Àpɔ́sɔ̀lɔ̀ 9:5

E wɛ̃́ĩ́-lɔ̀ɔ kɛ kélɛ̀, “Dé e i ká, m Dàa-mì?” Wéé lɛ́ a maa, a gèe kélɛ̀, “Ma Zízɛ̀ lɛ́ ì à sã̀ dɔɔ lɛ.

1 Kɔ̀léĩ́tĩ̀ã̀ 15:9

Ƃii ma lɛ́ m àpɔ́sɔ̀lɔ̀ yé nɔ́ à wɔ̃̀ wá kpànazɛ̀ɛ ká àpɔ́sɔ̀lɔ̀ vɔ̀ séĩ́ píéa. Ye wá bɛ̃̀ɛ̃ mia mɔ̀ kɛ ó m sí àpɔ́sɔ̀lɔ̀, ɓii m Wálà-mìà sã̀ dɔ.

1 Kɔ̀léĩ́tĩ̀ã̀ 7:25

Wɔ̃́ lɛ́ à gbɛ̃̀ɛ̃̀ lɛ lee lɛ́ lɛ̀ɛ́ gɔ̃-wɔ̃̀ yí dɔ nɛ́ɛ mɔ̀ɔ, gɛ̃̀ e ké. Ko Dàa-mì lɛ̀ɛ́ gbaa wɔ̃́ gèe m lɛ̀ɛ kɛɛ ḿ gèe ka lɛ̀ɛ kɛ ká kɛ. Kɛɛ ḿm̀ lo wɔ̃́ lɛ́ m zì gíkã́ à zɔ̃̀ɔ̃̀ m lɛ̀ɛ gèeè ka lɛ̀ɛ. Ƃii ko Dàa-mì zì mia yéĩ́ kṹũ̀ a kɛ ka m gɛ̃̀ mi lɛ́ ò bɛ̀i à mɔ̀ ó o zò dɔ à mɔ̀ɔ ká.

Gɛ̀lésìà 1:13

Zi lɛ́ m zì yìì-kɔ̀ e kɛá lɛ̀ lɛ́ m kɛ gbinipìà Wálà lɛ̀ɛ Zúù-mìà zì gbìnì Wálà lɛ̀ɛ zì káa, waà à wɔ̃̀ gèe ka lɛ̀ɛ. M kɛ Wálà-mìà sã̀ dɔpìà kpó-kpó ɓo. Ɛ́ɛ̃́ ma kɛ-zì naa kɛ ḿ o kã́ o kíe mɔ̀.

Fèlépĩ̀ã̀ 3:6

Fã̀ã́-wàà e kɛ m yí gbùò nì ɓo tó áà kɛ̀ máà Wálà-mìà sã̀ dɔ̀. Kɛ̀-kpeĩ-kɔ̀ lɛ́ mi ɓà sɔ̀lɔ̀ ɓo Lɔ́ɔ̀ɔ kũ̀ tã́ã̀ kolo làa, mɔ́ɔ̀ kɛɛ gbɛɛ lɛ̀ɛ́ gbaa kɛ m mɔ̀.

1 Témɔ́tè 1:16

E kɛ wɔ̃́ e kéa mɔ́ɔ̀ wɔ̃̀ ká lɛ́ Wálà e m yéĩ̀ kṹ, kɛɛ Zízɛ̀ Kɛ́lɛ̀ì é e zì zò-kũ̀-tã́ã̀ lɛ́ lɛ̀ɛ́ nyɛɛ, zɔ̃̀ɔ̃̀ mia lɛ̀ɛ. A zɔ̃̀ɔ̃̀ zi lɛ́ e wɔ̃́ kɛá kɛ-wɔ̃̀ yɔɔ kɛ-mì beĩ lɛ́ e m káa lɛ̀ɛ kolo là zàá. A kɛ kíli kɛ é kɛ wɔ̃́ gɔ̃̀á ká mia séĩ́ lɛ́ ò lo o zò dɔɔ̀ à mɔ̀, ɛ̃́ɛ̃́ lɛ́ ò lo kɛ̀ɓe wɔ́lɔ́-wɔ́lɔ́ sɔ̀lɔ̀ ɓoòa lɛ̀ɛ.

Hííbúlù 4:16

À mɔ́ɔ̀ wɔ̃̀ mɔ̀ɔ, kɔa zò è kɛ gágà kɔ́á nu Wálà là dɔ-táŋáná lɛ́ zò-kɛ̀-sɛ̀ lɛ yí mia ɓéèe wɛ̃́ĩ̀a ká kɔ̀ɛ́. À lɛ̀ mɔ̀ lɛ́ è lo ko yéĩ̀ kṹũ̀ yi, ɛ̃́ɛ̃́ lɛ́ à zì zò-kɛ̀-sɛ̀ è lo kɛɛ̀ yi ko wɛ̃́ĩ̀, kɛ é gbũ ko mɔ̀ yé lɛ ko mɔ̀ kó à sɔ̀lɔ̀ ɓoa káa káa.

1 Pílɛ̀ 2:10

Lúó lɛ́ aà diea píéa, kàá gbaa kɛ Wálà là mia nì ká. Kɛɛ ka là mia nì ká gbaa. Lúó e kília káa, kàá gbaa Wálà là mia yéĩ̀ kṹũ̀ sɔ̀lɔ̀ ɓo. Kɛɛ kaà là mia yéĩ̀ kṹũ̀ sɔ̀lɔ̀ ɓo gbaa.